შეთავაზების ნიმუშები

აპრილის პირველ შაბათს ბიბლიის შესწავლების დაწყება

„ჩვენ ყველას მოვუწოდებთ, იკითხონ ბიბლია. მაგრამ ბევრი ფიქრობს, რომ ბიბლია რთული გასაგებია. თქვენც ასე ფიქრობთ? [დაელოდე, გიპასუხოს.] ნახეთ, რა წერია აქ“. აჩვენე 1 აპრილის „საგუშაგო კოშკის“ ბოლო გვერდი და ერთად განიხილეთ პირველი კითხვა. წაიკითხე იქ მოყვანილი ერთი მუხლი მაინც. შესთავაზე ჟურნალები და მომდევნო საკითხის განსახილველად დანიშნეთ განმეორებითი მონახულება.

საგუშაგო კოშკი 1 აპრილი

„ყველას, ვისაც ვესაუბრებით, უწევს პრობლემებთან გამკლავება. ამიტომ ბევრს აინტერესებს, რა არის ცხოვრების აზრი. თქვენი აზრით, ყველაზე მეტად, რა უშლის ადამიანს ხელს, იყოს ბედნიერი? [დაელოდე, გიპასუხოს.] ბიბლია გვპირდება, რომ ღმერთი მალე ყველა ჩვენს პრობლემას მოაგვარებს. [წაიკითხე გამოცხადების 21:4.] ამ ჟურნალში განხილულია, თუ რა მომავალი გველის და როგორ შეგვიძლია დღესვე გვქონდეს აზრიანი ცხოვრება“.

გამოიღვიძეთ! აპრილი

„ოჯახში ძალადობა მთელ მსოფლიოში გავრცელებული პრობლემაა. ბევრის აზრით, ამის მიზეზებია: კულტურა, ძალადობის შემცველი გართობა და ის, თუ როგორ ოჯახში აღიზარდა ადამიანი. თქვენ რა მიგაჩნიათ ოჯახში ძალადობის უმთავრეს მიზეზად? [დაელოდე, გიპასუხოს.] ბიბლიაში ნაჩვენებია, თუ როგორი ურთიერთობა უნდა იყოს ცოლსა და ქმარს შორის. [წაიკითხე ეფესოელების 5:33.] ამ ჟურნალში ახსნილია, თუ როგორ დაეხმარა ბიბლიური პრინციპების გამოყენება დანგრევის პირას მისულ ოჯახებს“.