შეთავაზება მოსაუბრის მოთხოვნილებებს მოარგე
ადამიანებისადმი გულწრფელი ინტერესი აღგვძრავს, ჩავწვდეთ მათ მოთხოვნილებებს და ვაჩვენოთ, როგორ გადაჭრის ღვთის სამეფო ერთხელ და სამუდამოდ იმ პრობლემებს, რომლებსაც ისინი ხვდებიან (ფილ. 2:4). ბევრმა ეფექტურად ჩათვალა, მობინადრეს თავისი აზრი გამოათქმევინოს სამოთხის ამსახველ პეიზაჟებთან დაკავშირებით, რომლებიც ჩვენს პუბლიკაციებშია მოცემული. ზოგი მათგანი ამ გვერდის მარჯვენა სვეტშია ჩამოთვლილი. ამ სურათებით სარგებლობისას შეგიძლიათ გამოიყენოთ ქვემოთ მოცემული რომელიმე შეთავაზება:
◼ „თქვენი აზრით, გვექნება ოდესმე ისეთი შესანიშნავი პირობები, როგორიც ამ სურათზეა ასახული?“
◼ „ყველას გვინდა, რომ ჩვენმა შვილებმა ისეთ მსოფლიოში იცხოვრონ, როგორიც ამ სურათზეა ასახული. თქვენი აზრით, რა არის ამისთვის საჭირო?“
◼ „ამ სურათზე თქვენ ხედავთ, როგორი პირობები იქნება მაშინ, როცა ღვთის ნება შესრულდება დედამიწაზე, ისევე როგორც ზეცაში სრულდება. ხედავთ აქ რაიმე ისეთს, რაც დღეს გვაკლია?“
◼ „გსურთ ამ სურათზე გამოსახულ პირობებში ცხოვრება? [გიპასუხოს]. თქვენი აზრით, მოხდება ეს ჩვენს დროში?“
ყურადღებით მოისმინე პასუხი და ეცადე, ერთი ან ორი დამატებითი შეკითხვის დასმით ტაქტიანად გაიგო მისი აზრი. თუ ვინმე იტყვის, რომ არ სურს ასეთ პირობებში ცხოვრება ან არ სჯერა, რომ ასეთი ცხოვრება შესაძლებელია, სწრაფად ნუ დაასკვნი, რომ არ ღირს მასთან საუბარი. ტაქტიანად ჰკითხე, რატომ ფიქრობს ასე. მისმა პასუხმა შეიძლება დაგანახვოს ის დიდი საწუხარი და გადაუჭრელი პრობლემები, რომლებსაც ადამიანები ხვდებიან (ეზეკ. 9:4).
როდესაც გაიგებ, რა აწუხებს მობინადრეს, შეთავაზებაც შესაბამისად შეცვალე. სამეფოს შესახებ ცნობიდან იმ საკითხზე გაამახვილე ყურადღება, რომელიც მის მოთხოვნილებებს ეხება. წაიკითხე ერთი ან ორი ბიბლიური მუხლი იმ საკითხთან დაკავშირებით, რაც მას აწუხებს (შესაბამისი მუხლები მოცემულია მარჯვენა სვეტში). თავად დაინახოს, რას ამბობს ღვთის სიტყვა. თუ ინტერესს გამოხატავს, შესთავაზე პუბლიკაცია და განმეორებით მონახულებაზე შეუთანხმდი. შემდგომი მონახულებისას საუბარი იმავე თემაზე განაგრძე.
[ჩარჩო 6 გვერდზე]
სამოთხის პეიზაჟები
„შემოქმედება“: გვერდები 237, 243, 251
„დიდებული მასწავლებელი“: გვერდები 251—254
„შემეცნება“: გვერდები 4—5, 188—189
„რას მოითხოვს“: გვერდები 11, 13
„თაყვანი ეცი ღმერთს“: გვერდები 92—93
[ჩარჩო 6 გვერდზე]
საკითხები, რომლებიც ადამიანებს აწუხებთ
ავადმყოფობა, ინვალიდობა
არაეფექტური მთავრობა
დამნაშავეობა, ძალადობა
დედამიწის დაბინძურება
დეპრესია
ზნეობის დაცემა
კორუფცია, უსამართლობა
ომი, ტერორიზმი
საბინაო და ეკონომიკური პრობლემები
საკვების უკმარისობა
სიკვდილი, გლოვა
სიღარიბე, ჩაგვრა
ცხოველებისადმი ცუდად მოპყრობა
წინასწარ შექმნილი აზრი, უთანასწორობა