ಯೆರೆಮೀಯ
47 ಫರೋಹ ಗಾಜಾ ಪಟ್ಟಣ ಸೋಲಿಸೋ ಮುಂಚೆ ಫಿಲಿಷ್ಟಿಯರ+ ಬಗ್ಗೆ ಪ್ರವಾದಿ ಯೆರೆಮೀಯನಿಗೆ ಯೆಹೋವ ಹೇಳಿದ ಮಾತುಗಳು. 2 ಯೆಹೋವ ಹೇಳೋದು ಏನಂದ್ರೆ,
“ನೋಡು, ಉತ್ತರದಿಂದ ನೀರು ಹರಿದು ಬರ್ತಿದೆ.
ಉಕ್ಕಿ ಹರಿದು ಪ್ರವಾಹ ಬರುತ್ತೆ.
ಇಡೀ ದೇಶ ತುಂಬ್ಕೊಂಡು ಅಲ್ಲಿ ಇರೋದನ್ನೆಲ್ಲ ಮುಳುಗಿಸಿ ಬಿಡುತ್ತೆ,
ಪಟ್ಟಣವನ್ನ ಜನ್ರನ್ನ ಮುಳುಗಿಸಿಬಿಡುತ್ತೆ.
ಆ ದೇಶದಲ್ಲಿರೋ ಗಂಡಸರು ಜೋರಾಗಿ ಅಳ್ತಾರೆ,
ಅಲ್ಲಿ ವಾಸ ಮಾಡೋ ಪ್ರತಿಯೊಬ್ರೂ ಗೋಳಾಡ್ತಾರೆ.
3 ಶತ್ರುವಿನ ಕುದುರೆಗಳು ದೌಡಾಯಿಸಿ ಬರ್ತಿರೋ ಸದ್ದನ್ನ,
ವೇಗವಾಗಿ ಬರ್ತಿರೋ ಅವನ ಯುದ್ಧರಥಗಳ ಲಟಲಟ ಸದ್ದನ್ನ,
ರಥಗಳ ಚಕ್ರಗಳ ಗಡಗಡ ಶಬ್ದ ಕೇಳಿ
ಅಪ್ಪಂದಿರಿಗೆ ಎಷ್ಟು ಭಯ ಆಗುತ್ತೆ ಅಂದ್ರೆ
ಮಕ್ಕಳನ್ನ ಕಾಪಾಡೋಕೆ ಹಿಂದೆ ತಿರುಗಿನೂ ನೋಡ್ದೆ ಓಡ್ತಾರೆ.
4 ಯಾಕಂದ್ರೆ ಆ ದಿನದಲ್ಲಿ ಎಲ್ಲ ಫಿಲಿಷ್ಟಿಯರು ನಾಶ ಆಗ್ತಾರೆ,+
ಅದು ತೂರ್‌,+ ಸೀದೋನಿನ+ ಉಳಿದ ಎಲ್ಲ ಮಿತ್ರರಾಷ್ಟ್ರಗಳನ್ನ ನಾಶ ಮಾಡಿಬಿಡುತ್ತೆ.
ಕಫ್ತೋರ್‌*+ ದ್ವೀಪದಿಂದ ಬಂದ ಫಿಲಿಷ್ಟಿಯರಲ್ಲಿ ಉಳಿದವ್ರನ್ನ ಯೆಹೋವ ನಾಶ ಮಾಡ್ತಾನೆ.
5 ಗಾಜಾ ಬೋಳಾಗುತ್ತೆ.*
ಅಷ್ಕೆಲೋನಿನ ಬಾಯಿ ಮುಚ್ಚುತ್ತೆ.+
ಅವ್ರ ಕಣಿವೆ ಬಯಲಲ್ಲಿ ಉಳಿದವರೇ,
ಇನ್ನೆಷ್ಟು ದಿನ ನೀವು ದೇಹಕ್ಕೆ ಗಾಯಮಾಡ್ಕೊಳ್ತಾ ಇರ್ತಿರಾ?+
6 ಅಯ್ಯೋ, ಯೆಹೋವನ ಕತ್ತಿಯೇ,+
ನೀನು ಸುಮ್ಮನಾಗೋದು ಯಾವಾಗ?
ನೀನು ನಿನ್ನ ಚೀಲದಲ್ಲಿ ಸೇರ್ಕೊ.
ಸುಮ್ಮನೆ ಅಲ್ಲಿ ವಿಶ್ರಾಂತಿ ಪಡ್ಕೊ.
7 ಆ ಕತ್ತಿಗೆ ಯೆಹೋವನೇ ಆಜ್ಞೆ ಕೊಟ್ಟಿರುವಾಗ
ಅದು ಹೇಗೆ ತಾನೆ ಸುಮ್ಮನಿರುತ್ತೆ?
ಆತನು ಅದಕ್ಕೆ ಅಷ್ಕೆಲೋನ್‌, ಸಮುದ್ರ ತೀರಪ್ರದೇಶದ ವಿರುದ್ಧ+
ಯುದ್ಧ ಮಾಡೋಕೆ ಹೇಳಿದ್ದಾನೆ.”