Zabbuli

 2 Ebire n’ekizikiza ekikutte bimwetoolodde ku njuyi zonna;+

Obutuukirivu n’obwenkanya gye misingi gy’entebe ye ey’obwakabaka.+

 3 Omuliro guva mu maaso ge+

Ne gwokya abalabe be ku njuyi zonna.+

 4 Ebimyanso bye bimulisa ensi;

Ensi ebiraba n’ekankana.+

 5 Ensozi zisaanuuka ng’envumbo mu maaso ga Yakuwa,+

Mu maaso ga Mukama w’ensi yonna.

 6 Eggulu lirangirira obutuukirivu bwe,

Era amawanga gonna galaba ekitiibwa kye.+

 7 Abo bonna abasinza ekifaananyi kyonna ekyole ka baswale,+

Abo abeenyumiririza mu bakatonda baabwe abatalina mugaso.+

 8 Sayuuni akiwulira n’asanyuka;+

Ebibuga bya Yuda bijaganya*

Olw’emisango gy’osala, Ai Yakuwa.+

 9 Kubanga Ai Yakuwa, ggwe Asingayo Okuba Waggulu ng’ofuga ensi yonna;

Ogulumizibwa okusinga bakatonda abalala bonna.+

Akuuma obulamu bw’abantu be abeesigwa;+

Abanunula mu mukono gw’omubi.*+

11 Ekitangaala kyakidde abatuukirivu,+

N’essanyu lizze eri abo abalina omutima omugolokofu.

12 Musanyukire mu Yakuwa mmwe abatuukirivu,

Era mutendereze erinnya lye ettukuvu.*