Makita ya mosala mpo na Marsi
Pɔsɔ ebandi na 1 Marsi
Min. 8: Mayebisi ya lisangá. Lobelá makambo matali lisangá oyo mazwami na Mayebisi ya Mosala na biso ya Bokonzi.
Min. 17: “Ekaniseli ya liwa ya Klisto na mokili mobimba.” Ekosalema na mituna mpe biyano. Lobelá mpe makambo mazwami na Linɔ́ngi ya Mosɛnzɛli ya 1 Febwali 1997 na lok. 11 kino 12, par. 10 kino 14. Bendá likebi na lolenge oyo bolingo monene ya Yehova epusaki ye ete abongisa lisiko mpo na biso.
Min. 20: Ntina monene ya kosala lokola babongisi-nzela basungi na sanza ya Aprili mpe ya Mai. Lisukulu mpe lisolo elongo na bayangani ekotambwisama na mokɛngɛli na mosala, akolendisa bandeko nyonso ete bápesa motuya mingi na mosala ya mobongisi-nzela mosungi. Lobelá lisusu mbongwana oyo esalemaki mpo na bangonga oyo esɛngami mpo na babongisi-nzela ya sanza na sanza mpe babongisi-nzela basungi; lisolo oyo ebimaki na Mosala na biso ya Bokonzi ya Yanuali 1999, lok. 7. Ebongiseli yango esengeli kopusa bandeko mingi ete básepela na libaku ya kosala mosala ya ntango nyonso. Limbolá lolenge botɔndi na biso mpo na mbeka ya Klisto ezali kopusa biso na komipesa kati na mosala ya kosakola. (2 Kol. 5:14, 15) Na mobu oyo Ekaniseli ekosalema na mokolo ya liboso ya sanza ya Aprili. Oyo nde elendiseli mpo na basakoli nyonso ya Bokonzi ete bákolisa lisusu mosala na bango ya kosakola na sanza yango! Zongelá mwa makambo ya ntina oyo mazwami na siplema ya Mosala na biso ya Bokonzi ya Marsi 1997 mpe ya Aprili 1998; oyo ezali kolobela mosala ya mobongisi-nzela mosungi. Talelá lolenge ya kosalela manaka oyo epesamaki. Lobelá bibongiseli ya lisangá mpo na mosala ya kosakola, oyo ezali kopesa nzela ete tósangana na mosala ya kosakola elongo na bandeko mosusu. Lendisá basakoli ete bátondisa lokasa ya lisɛngi mpo na kosala lokola babongisi-nzela basungi nsima ya likita.
Loyembo 44 mpe libondeli ya nsuka.
Pɔsɔ ebandi na 8 Marsi
Min. 10: Mayebisi ya lisangá. Lapolo ya kɔnti.
Min. 20: “Béngá bango báya.” Ekosalema na mituna mpe biyano. Lobelá mokano ya komema ntango nyonso bato ya sika na makita ya lisangá. Salá elakiseli, oyo ezali komonisa lisolo elongo na moto moko oyo azali kosepela na solo, salelá buku Boyebi na lok. 159, par. 20, mpe lok. 161 kino 163, par. 5 kino 8. Lendisá basakoli nyonso ete básala milende mpo na kosalisa bayekoli ya Biblia mpe bato mosusu oyo bazali kosepela na solo ete báyangana na Ekaniseli na mokolo ya 1 Aprili. Lakisá lokasa ya libyangi, mpe limbolá ndenge ya kosalela yango malamu. Basakoli nyonso basengeli kobanda kokabola nkasa ya libyangi mpo na Ekaniseli na pɔsɔ oyo.
Min. 15: “Lolenge bato ya libota moko bakoki kopesana mabɔkɔ—Mpo na kozwa matomba na makita ya lisangá.” Lisolo kati na bato ya libota moko. Wana bazali kopesa makanisi likoló na makambo oyo elobelami na lisolo yango, bazali mpe kolobela lolenge oyo bakoki kobongisa makita ya lisangá kati na libota. Bazali kolobela lolenge oyo bakoki kosalisana mpo na kopesa biyano na makita mpe oyo basengeli kosala mpo ete bákómaka na makita na ngonga malamu.
Loyembo 62 mpe libondeli ya nsuka.
Pɔsɔ ebandi na 15 Marsi
Min. 10: Mayebisi ya lisangá. Talelá lisolo “Yo mpe okokende?”
Min. 15: “Basaleli na misala bazali kokokisa mosala moko monene.” Lisukulu ekosalema na mosaleli moko ya misala oyo azali na makoki. Akozongela makambo ya ntina oyo ezwami na buku Lisanga, lokasa 57 kino 59. Limbolá ndenge basaleli na misala bazali kosunga lisangá na bino.
Min. 20: Tósepela na Annuaire 1999. Lisolo kati na babalani mibale. Mobali azali kolimbola ete Annuaire ya liboso ebimaki lokola buku na 1927 mpe ekokisi sikoyo mbula koleka 70 banda buku yango ezali kopesa balapolo ya mokili mobimba ya mosala ya Batatoli ya Yehova. Bazali kozongela makambo ya ntina ya “Lapolo ya 1998,” na lok. 31. Na nsima bazali kosolola likoló na “Nkoma oyo eutaki na Lisangani ya Mikóló-Bakambi,” oyo ezali na lok. 3 kino 5, mpe bazali kolobela lolenge oyo bakoki kolanda bilendiseli oyo bipesami na nkoma yango.
Loyembo 68 mpe libondeli ya nsuka.
Pɔsɔ ebandi na 22 Marsi
Min. 10: Mayebisi ya lisangá. Tángá nkombo ya bandeko oyo bakosala lokola babongisi-nzela basungi na sanza ya Aprili. Monisá ete ntango ezali naino mpo na bandeko mosusu oyo bakolinga kosala mosala yango ete bátondisa lokasa ya lisɛngi. Lobelá manaka oyo ebongisami mpo na mosala ya kosakola na sanza ya Aprili mobimba. Lendisá bandeko nyonso ete bálanda manaka ya botángi ya Biblia mpo na Ekaniseli oyo ebongisami kobanda mokolo ya 27 Marsi kino mokolo ya 1 Aprili, ndenge yango emonisami na mwa buku Tótángaka Makomami mokolo na mokolo—1999 mpe na Manaka mpo na mobu 1999.
Min. 15: Tómibongisa mpo na Ekaniseli. Lisukulu. Biso banso tosengeli kosala milende mpo na kosalisa bayekoli ya Biblia mpe bato mosusu oyo bazali kosepela na solo ete báyangana na Ekaniseli. Mbala mosusu bato oyo babandi koyangana sika na makita bayebi mpenza te banani bakoki kolya limpa mpe komɛla vinyo to bayebi ntina oyo tozali kosala Ekaniseli te. Zongelá makambo oyo elobelami na Linɔ́ngi ya Mosɛnzɛli ya 1 Aprili 1996, lok. 6 kino 8, mpe monisá lolenge tokoki kosalisa bato oyo babandi kosepela na solo sika ete básosola ndimbola mpe ntina ya molulu yango. Sukisá lisolo na eteni oyo elobi ete “Makambo oyo tosengeli komikundola mpo na Ekaniseli” mpe lobelá bibongiseli oyo lisangá esili kozwa mpo na Ekaniseli.
Min. 20: Nini ekómelaka biso soki tokufi? Nkulutu na basakoli mibale to misato bazali kolobela motuya ya mwa buku yango mpe lolenge oyo tokoki kosalela yango. Tomesanaki lisusu mingi na mwa buku yango ntango toyekolaki yango na boyekoli ya mokanda na lisangá. Tozali kosalela yango malamu na mosala ya kosakola? Nkulutu na basakoli bazali kosolola makambo oyo malandi: Mpo na nini bato mingi bazali kosepela na mwa buku yango? Na bokeseni na mateya ya lokuta, elikya nini mwa buku yango ezali kopesa? Lolenge nini tokoki kosalela mituna oyo mizwami na lokasa ya nsuka ya mwa buku yango mpo na kolamusa mposa ya bato? Mabaku nini tozali na yango mpo na kolakisa mwa buku yango? Salá elakiseli na lisalisi ya mikapo ya makomami oyo ezwami na par. 14 na lok. 27. Lendisá bandeko nyonso ete básalelaka malamu mwa buku yango.
Loyembo 92 mpe libondeli ya nsuka.
Pɔsɔ ebandi na 29 Marsi
Min. 12: Mayebisi ya lisangá. Sɛngá bandeko nyonso ete bápesa lapolo na bango ya mosala ya kosakola mpo na sanza ya Marsi. Tokolakisa Linɔ́ngi ya Mosɛnzɛli mpe Lamuká! na sanza ya Aprili. Lakisá bazulunalo ya sika oyo euti kobima, monisá masolo ya kobenda likebi oyo ezali kati na yango, mpe lobelá makambo ya ntina oyo ezali na kati ya masolo yango. Tosengeli kozala na mwa buku Azali kosɛnga mpe kosalela yango mpo na kobanda boyekoli ya Biblia na bato oyo bakomonisa bosepeli.
Min. 15: Bamposa ya lisangá.
Min. 18: Ndenge nini tosengeli kotalela toli? Lisukulu ekosalema na nkulutu moko. Biso banso tozali na mposa ya toli mpo na ezalela na biso, etamboli na biso, baninga na biso, to lolenge oyo tosanganaka na misala ya lisangá. Na ntango mosusu toboyaka koyoka toli to tolukaka komilongisa. Soki tozali pene ya kondima toli mpe kosalela yango ekoki kosalisa biso ete tózala malamu na elimo. Zongelá makambo ya ntina oyo ezali komonisa ntina oyo tosengeli koyoka mpe kosepela na toli.—Talá Linɔ́ngi ya Mosɛnzɛli ya 1 Aprili 1987, lok. 27-30 (ebimeli ya Lifalanse).
Loyembo 118 mpe libondeli ya nsuka.