Ndenge ya kobanda lisolo

(Soki zulunalo ya Lingala ezali te bósalela ya Lifalanse)

Mpo na kobanda koyekola na bato Biblia mokolo ya pɔsɔ ya liboso ya sanza ya Ɔkɔtɔbɛ

“Nakanisi ondimaka ete bomoi ezali mpenza mokuse. Okanisi ete mokolo mosusu maladi ekosila mpe tokokóma koumela na bomoi ntango molai? [Tiká ye apesa eyano.] Talá ndenge elobami awa.” Lakisá ye Linɔ́ngi ya Mosɛnzɛli ya 1 Ɔkɔtɔbɛ, mpe bótalela makambo oyo ezali na nse ya motuna ya liboso na lokasa 16 mpe bótánga ata vɛrsɛ moko oyo ezali wana. Pesá ye bazulunalo mpe bóyokana mpo ozongela ye mpo bótalela motuna oyo elandi.

Linɔ́ngi ya Mosɛnzɛli 1 Ɔkɔtɔbɛ

“Tozali kosolola na bato mpo na makambo ya kozanga bosembo oyo ezali kosalema mingi na bisika ya mosala mpe epai ya bakonzi ya Leta. Okanisi ete eloko moko ekoki kosalema mpo na kosilisa likambo yango? [Tiká ye apesa eyano.] Talá oyo Yesu akosala mpo na bato oyo bazali kosalela bango makambo na kozanga bosembo. [Tángá Nzembo 72:12-14.] Zulunalo oyo emonisi ndenge kozanga bosembo ekosila.”

Lamuká! Ɔkɔtɔbɛ

“Baboti mingi balingaka ete bana na bango bátánga kelasi ya malamu. Okanisi ete bilenge mingi oyo bazali kosilisa kelasi mikolo oyo bazali kobongisama malamu mpo na kolonga mikakatano ya bomoi? [Tiká ye apesa eyano.] Talá ndenge Biblia emonisi ntina ya kozwa boyebi mpe bwanya. [Tángá Mosakoli 7:12.] Zulunalo oyo epesi makanisi misato ya malamu oyo ekosalisa bana mpo bálonga na kelasi.”