Ndenge ya kolakisa bazulunalo

Linɔ́ngi ya Mosɛnzɛli 15 Sɛt.

“Na kati ya mangomba nyonso, ezali na bato oyo balingaka solo. Kasi, mingimingi mangomba ezali nde kokabola bato. Eloko nini ekoki kosangisa bato nyonso ya motema sembo? [Nsima ya eyano na ye, tángá Sefania 3:9.] Zulunalo oyo ezali komonisa ndenge oyo boyebi ya Nzambe ya solo ezali kosangisa bato bisika nyonso oyo bazali.”

Lamuká! 22 Sɛt.

“Mingi kati na biso tokanisaka ete ata mokolo moko te biloko ya kolya ekosila. Kasi, sikoyo bato mingi bazali kobanga ete siansi ebanda kobebisa bilei na biso. Zulunalo oyo elimboli mwa ndambo ya mikakatano yango mpe emonisi elikya oyo Biblia ezali kopesa mpo na kosilisa mpenza mokakatano yango.”

Linɔ́ngi ya Mosɛnzɛli 1 Ɔkɔt.

“Mbala mosusu oyebi ete bato mingi bazalaka lisusu na kondima te. Kasi mpo na nini bongo? [Tiká ye ayanola, nsima tángá Baebele 11:1.] Zulunalo oyo ezali komonisa nini oyo kondima ya solosolo mpe bokeseni nini ezali kati na moto oyo azali na kondima mpe oyo azali na yango te.”

Lamuká! 8 Ɔkɔt.

“Ndenge oyebi yango, Noele ezali feti moko oyo eyebani mingi, mpe bana mingi basepelaka na yango. Osilá kozwa libaku ya koluka koyeba soki feti yango ebandá wapi? [Tiká moto yango ayanola.] Nakanisi okosepela mingi na lisolo yango, mingimingi soki ozali moboti oyo alingaka bolamu ya bana na ye.”