Famerenana An-tsoratra Amin’ny Sekolin’ny Fanompoana Teôkratika

Famerenana tsy misy fijerena boky, miorina amin’ireo hevitra voadinika tamin’ireo anjara natao tamin’ny Sekolin’ny Fanompoana Teôkratika nanomboka ny herinandron’ny 6 Septambra ka hatramin’ny 20 Desambra 1999. Mampiasà taratasy hafa hanoratana ny valiny ho an’ny fanontaniana betsaka araka izay azo atao ao anatin’ny fotoana omena hanaovana izany.

[Fanamarihana: Mandritra ny famerenana an-tsoratra, dia ny Baiboly ihany no azo ampiasaina mba hamaliana ireo fanontaniana rehetra. Natao ho an’ny fikarohanao manokana ny fanondroam-pejy eo aorian’ireo fanontaniana. Mety tsy hiseho miaraka amin’ny fanondroana rehetra momba Ny Tilikambo Fiambenana ny nomeraon’ny pejy sy ny fehintsoratra.]

Valio hoe Marina na Diso ireto fanambarana manaraka ireto:

1. Navelan’i Jehovah hanapaka samirery ny tenany ny olombelona mba hanaporofoana fa ny fomba fanapahany dia araka ny rariny sy ny hitsiny foana. (Deot. 32:4; Joba 34:10-12; Jer. 10:23). [wMG 15/2/97 p. 5 feh. 3]

2. Mampiseho ny Baiboly fa melohin’Andriamanitra ny endriky ny fitarainana rehetra. [wMG 1/12/97 p. 30 feh. 3-4]

3. Mihazona ny fifandraisany amin’ireo zanany manambady ho eo amin’ny toerana tokony ho izy ny ray aman-dreny, rehefa manaiky ireo foto-pitsipika araka an’Andriamanitra momba ny fahefan’izay lohany sy ny filaminana tsara. (Gen. 2:24; 1 Kor. 11:3; 14:33, 40). [fy p. 164 feh. 6]

4. Asehon’ny Marka 6:31-34 fa onena ny olona i Jesosy noho ny aretina sy ny fahantran’izy ireo fotsiny. [wMG 15/12/97 p. 29 feh. 1]

5. Raha tsy afaka manatrika ny Fahatsiarovana ny nahafatesan’i Jesosy ny Kristianina iray amin’ny ondry hafa, dia tokony hankalaza azy io izy rehefa afaka iray volana atỳ aoriana, mifanaraka amin’ilay foto-pitsipika voalaza ao amin’ny Nomery 9:10, 11. (Jaona 10:16). [Famakiana Baiboly isan-kerinandro; jereo wMG 1/2/93 p. 31 feh. 9.]

6. Na dia tsy maka ny andraikitry ny ray na ny reny aza ny raibe sy renibe kristianina mba handentehana tsikelikely ao an-tsain’ireo zafikeliny ireo fahamarinana ao amin’ny Baiboly, dia afaka manana anjara asa fameno izy ireo eo amin’ny fitomboan’ny ankizy iray ara-panahy. (Deot. 6:7; 2 Tim. 1:5; 3:14, 15). [fy p. 168 feh. 15]

7. Asehon’ny Ohabolana 6:30 fa azo alan-tsiny na hamarinina ny fangalarana ao anatin’ny tarehin-javatra sasany. [gMG 8/11/97 p. 19 feh. 2]

8. Tamin’ny 1530, dia i William Tyndale no voalohany nampiasa ny anaran’Andriamanitra hoe Jehovah, tao amin’ny fandikan-tenin’ny Soratra Hebreo amin’ny teny anglisy. [wMG 15/9/97 p. 28 feh. 3]

9. Amin’izao andro izao, ilay tanàna fandosirana nasehon’ny tandindona dia ny fandaharan’Andriamanitra natao hiarovana antsika amin’ny fahafatesana noho ny fandikana ny didiny momba ny fahamasinan’ny ra. (Nom. 35:11). [Famakiana Baiboly isan-kerinandro; jereo wMG 15/11/95 p. 17 feh. 8.]

10. Ny anarana hoe Deoteronomia, izay midika hoe “Lalàna Faharoa”, dia mifanentana tsara amin’io boky ao amin’ny Baiboly io satria famerenana fotsiny ny Lalàna izy io. [Famakiana Baiboly isan-kerinandro; jereo si p. 36 feh. 4.]

Valio ireto fanontaniana manaraka ireto:

11. Sary inona no asehon’ireo mofo roa nasiana lalivay natolotry ny mpisoronabe tamin’ny Andro Firavoravoana Pentekosta? (Lev. 23:15-17). [Famakiana Baiboly isan-kerinandro; jereo wMG 1/3/98 p. 13 feh. 21.]

12. Oviana no nanomboka ny Jobily kristianina, ary karazana fanafahana inona no nentiny tamin’izany fotoana izany? (Lev. 25:10). [Famakiana Baiboly isan-kerinandro; jereo wMG 15/5/95 p. 24 feh. 14.]

13. Araka ny fitantarana ao amin’ny bokin’ny Nomery, miankina amin’ny zavatra telo inona avy ny fahatafitana velona? [si p. 30 feh. 1]

14. Tamin’ny ahoana no nampisehoan’i Mosesy ohatra tsara dia tsara teo amin’ny fanehoana toe-tsaina tsy tia fialonana? (Nom. 11:29). [Famakiana Baiboly isan-kerinandro; jereo wMG 15/9/95 p. 18 feh. 11.]

15. Amin’ny ahoana izay nitranga tamin-dry Kora sy Datana ary Abirama no mampiseho fa tsy mitarika foana ho amin’ny finoana ny fahitana? [wMG 15/3/97 p. 4 feh. 2]

16. Inona avy ireo lafiny roa hanomezam-boninahitra ny ray aman-dreny zokiolona asongadina ao amin’ny Matio 15:3-6 sy ao amin’ny 1 Timoty 5:4? [fy p. 173-175 feh. 2-5]

17. Lesona lehibe inona no asongadina ao amin’ny Nomery 26:64, 65? [Famakiana Baiboly isan-kerinandro; jereo gF 8/8/95 p. 10-11 feh. 5-8.]

18. Amin’ny ahoana ny ohatr’i Finehasa no manampy antsika hahatakatra ny hevitry ny hoe fanoloran-tena ho an’i Jehovah? (Nom. 25:11). [Famakiana Baiboly isan-kerinandro; jereo wMG 1/3/95 p. 16 feh. 12-13.]

19. Amin’ny ahoana izay ao anatin’ilay tanàna fandosirana nasehon’ny tandindona no mety ‘hivoaka ho eo ivelan’ilay’ tanàna? (Nom. 35:26). [Famakiana Baiboly isan-kerinandro; jereo wMG 15/11/95 p. 20 feh. 20.]

20. Amin’ny heviny ahoana no fitahiana ho an’ny fandikana ny Baiboly ny Kôdeksa Sinaiticus? [wMG 15/10/97 p. 11 feh. 2]

Omeo ny teny na ny fitambaran-teny ilaina mba hamenoana ny tsirairay amin’ireto fanambarana manaraka ireto:

21. Namela ny faharatsiana hisy i Jehovah mba hampiorenana indray mandeha tsy miverina ilay fahamarinana fototra hoe izy irery ihany no _________________________ ary tena ilaina ny _________________________ ny lalàny mba hisian’ny fiadanana sy ny fahasambarana maharitra ho an’ny zavatra noforonina rehetra. (Sal. 1:1-3; Ohab. 3:5, 6; Mpit. 8:9). [wMG 15/2/97 p. 5 feh. 4]

22. Ny bokin’ny Levitikosy dia miavaka amin’ny fanasongadinana ny _________________________ ra, ka asehony fa ny _________________________ no hany fampiasana ny ra anomezan-dalana. [si p. 29 feh. 33]

23. Mifanaraka amin’ny Salamo 144:15b, ny tena fahasambarana dia toe-po miorina amin’ny _________________________ marina sy ny _________________________ tsara amin’i Jehovah. [wMG 15/3/97 p. 23 feh. 7]

24. Ilay Baiboly azo avy tamin’ny nandikana ny Baiboly hebreo ho amin’ny teny grika fampiasan’ny besinimaro, ary vita tokony ho tamin’ny 150 al.f.i. dia nanjary fantatra tamin’ny hoe _________________________ ; ny fandikan-tenin’ny Baiboly ho amin’ny teny latinina nataon’i Jérôme dia nanjary fantatra tamin’ny hoe _________________________ , _________________________ , ary nahavita azy io izy, tokony ho tamin’ny 400 am.f.i. [wMG 15/8/97 p. 9 feh. 1; p. 10 feh. 4]

25. Rehefa nanovo tao amin’ny fitantaran’ny bokin’ny Nomery momba an’i Balama sy i Kora i Joda, dia nampitandrina ny Kristianina tamin’ny fandriky ny _________________________ sy ny _________________________ . [si p. 35 feh. 35]

Fanteno izay valin-teny marina ao amin’ny tsirairay amin’ireto fanambarana manaraka ireto:

26. Indray mandeha isan-taona, tamin’ny (Andro Firavoravoana Fitoerana Amin’ny Trano Rantsankazo; Andro Fanavotana; Paska), dia tsy maintsy (nitsahatra tamin’ny asa rehetra; nandoa ny ampahafolon-karena; nanolotra ny voaloham-bokatra) sy nifady hanina, ny firenen’Isiraely manontolo, voafaoka amin’izany ireo vahiny izay nanolotra fanompoam-pivavahana tamin’i Jehovah. (Lev. 16:29-31). [Famakiana Baiboly isan-kerinandro; jereo wMG 1/7/96 p. 10 feh. 12.]

27. Ny iray amin’ny zava-kendren’ny Komitin’ny Fandikana ny Baibolin’ny Tontolo Vaovao dia ny hamoaka fandikan-teny iray izay (ara-bakiteny araka izay azo atao; filazana amin’ny fomba hafa ny fiteny tany am-boalohany; mifanaraka amin’ny fahatakarana manokana foto-pampianarana), ka hamela ny mpamaky hahita ny hatsaran’ireo fiteny tany am-boalohany sy ny fomba fisaina nifandray tamin’izany. [wMG 15/10/97 p. 11 feh. 5]

28. Araka ny Hebreo 13:19, ireo vavaka amim-pikirizana ataon’ireo mpiray finoana dia misy heriny eo amin’ny hoe (zavatra toy inona no avelan’Andriamanitra hisy; rahoviana Andriamanitra no hanao zavatra; ahoana no fomba hitantanan’Andriamanitra ny toe-draharaha). [wMG 15/4/97 p. 6 feh. 1]

29. Notakina ny hanisiana ilay ‘kofehy manga eo amin’ny somotraviavin’ny sisin’ny fitafian’ny’ Isiraelita mba ho (fihaingoana masina; mariky ny fiheveran-tena araka ny antonony; fampahatsiahivana hita maso ny ilana ho tafasaraka amin’izao tontolo izao satria vahoakan’i Jehovah). (Nom. 15:38, 39). [Famakiana Baiboly isan-kerinandro; jereo wMG 15/4/84 p. 20 feh. 16.]

30. Ny fe-potoana voafaoka ao amin’ny bokin’ny Deoteronomia dia (roa volana; herintaona; roa taona), ary vita teo am-piandohan’ny taona (1513; 1473; 1467) al.f.i. ny fanoratana azy. [si p. 36 feh. 6]

Ampifanandrifio amin’ireo fanambarana voatanisa eto ambany ireto andinin-teny manaraka ireto:

Nom. 16:41, 49; Matio 19:9; Lioka 2:36-38; Kol. 2:8; 3:14

31. Tsy mitarika ho amin’ny fahamasinana manokana na ny tena fahazavan-tsaina ny fampijalian-tena. [gMG 8/10/97 p. 25 feh. 3]

32. Ny fijangajangana no hany fototra araka ny Soratra Masina ho an’ny fisaraham-panambadiana misy fahafahana hanambady indray. [fy p. 158-159 feh. 15]

33. Afaka manampy mba hahazakana ny famoizana vady ny faharisihana amin’ny asa teôkratika, na dia mandroso taona aza. [fy p. 170-171 feh. 21]

34. Mety hampidi-doza ny fanakianana ny fomba fampiharan’i Jehovah ny rariny amin’ny alalan’ireo mpanompo voatendriny. [Famakiana Baiboly isan-kerinandro; jereo wMG 15/6/96 p. 21 feh. 13.]

35. Ny fitiavana tsy misy fitiavan-tena dia mampifamatotra ny mpivady ary mahatonga azy ireo haniry hanao izay tsara indrindra ho an’izy samy izy sy ho an’ny zanany. [fy p. 187 feh. 11]