Fandaharana Amin’ny Fivoriana Momba ny Fanompoana
FANAMARIHANA: Manomboka amin’ity Ny Fanompoantsika Ilay Fanjakana ity, ny Fandaharana amin’ny Fivoriana Momba ny Fanompoana dia hisy planina ho an’ny Fivoriana Momba ny Fanompoana voalohany amin’ny volana manaraka. Atao izao fanitsiana izao mba hampiasaina raha toa ka tara ny fandefasana Ny Fanompoantsika Ilay Fanjakana, noho ny fanavaozana ny fomba fandefasana entana.
Herinandron’ny 6 Desambra
10 min: Fampandrenesana eo an-toerana. Fampandrenesana nofantenana avy ato amin’Ny Fanompoantsika Ilay Fanjakana.
15 min: “Tahafo ny Tsy Fizahan’i Jehovah Tavan’olona”. Fero tsy hihoatra ny iray minitra ny teny fampidirana, ary araho fiaraha-midinika amin’ny alalan’ny fanontaniana sy valiny. Hazavao ny hevitry ny hoe tsy fizahan-tavan’olona, sy ny fomba anehoan’i Jehovah azy io, ary ny fomba ahafahantsika maneho azy io eny amin’ny fanompoantsika. — Jereo ny boky Perspicace, Boky 1, pejy 1175, fehintsoratra 8 – pejy 1176, fehintsoratra 3.
20 min: “Tsy efa Rentsika ve Izany teo Aloha E!” Lahateny sy fiaraha-midinika amin’ny mpanatrika. Asao ny mpanatrika hilaza ny fomba nanampian’ny famerimberenana azy ireo hahatakatra sy hankasitraka amin’ny fomba feno kokoa ny fahamarinana. — Jereo Ny Tilikambo Fiambenana 15 Jolay 1995, pejy 21-22, sy 15 Aogositra 1993, pejy 13-14, fehintsoratra 10-12.
Herinandron’ny 13 Desambra
10 min: Fampandrenesana eo an-toerana. Tatitra momba ny kaonty. Manomeza fanoloran-kevitra ny amin’ny fomba hamaliana amim-pahaiza-mandanjalanja ny fiarahabana amin’ny fety. Raha manana tahiry amin’ny boky Lehilahy Niavaka, na Mpampianatra Lehibe, ny kôngregasiôna, dia asehoy ny fomba ahafahana mampiasa azy ireo tsara eny amin’ny fanompoana, mandritra ny fetin’ny Krismasy.
15 min: “Ny Sekolin’ny Fanompoana Teôkratika Amin’ny Taona 2000”. Lahateny ataon’ny mpiandraikitra ny Sekolin’ny Fanompoana Teôkratika. Diniho ireto fiovana manaraka eo amin’ny fandaharana ho amin’ny taona vaovao ireto. Ny Anjara No. 3 dia hiorina amin’ny “Foto-dresaka Ara-baiboly”. Hiorina amin’ny “Foto-dresaka Ara-baiboly” koa ny Anjara No. 4, ka rehefa ialohavan’ny famantarana #, dia tsara raha rahalahy no hampanaovina azy. Ampirisiho ny rehetra mba haharaka ny famakiany Baiboly isan-kerinandro sy hazoto hanatanteraka ireo anjarany amin’ny sekoly.
20 min: “Inona no Holazainao Amin’ny Olona Iray Tsy Mino An’Andriamanitra?” Fanontaniana sy valiny. Diniho ireo antony samihafa tsy inoan’ny olona maro an’Andriamanitra intsony. Milazà fomba sasany azontsika itarihan-dresaka amin’izy ireny, mba hanampiana azy hahita fa fanjohian-kevitra mirindra ny fanekena ny fisian’Andriamanitra. Manaova fampisehoana fohy iray na roa. Raha mila fanazavana fanampiny, dia jereo ny boky Fanjohian-kevitra, pejy faha-36-43, sy ny boky L’humanité à la recherche de Dieu, toko faha-14.
Herinandron’ny 20 Desambra
10 min: Fampandrenesana eo an-toerana. Manasà mpitory hilaza fitantarana fohy mendri-komarihina, hitany vao haingana teny amin’ny fanompoana.
15 min: Famaliana Fanoherana Mety ho Hita. Fiaraha-midinika amin’ny mpanatrika sy fampisehoana. Vakio ireo “Fanamarihana” ao amin’ny pejy faha-15, amin’ny boky Fanjohian-kevitra. Mifidiana “fanoherana” roa na telo, avy ao amin’ny pejy faha-15-20, na mampiasà hafa, izay hita matetika eny amin’ny faritaninareo. Diniho ny sasany amin’ireo valin-teny nanoloran-kevitra, ary fakafakao hoe nahoana izy ireo no mety handaitra eo an-toerana. Manaova fampisehoana fohy, amin’ny sasantsasany amin’izy ireo. Asao ny mpanatrika hitantara ny valin-teny nampiasain’izy ireo, ka nahitam-bokatra tsara.
20 min: Tokony Hanaiky Asa Misy Ifandraisany Amin’ny Fandaminana Ara-pivavahana ve Aho? Lahateny ataon’ny loholona iray, miorina amin’Ny Tilikambo Fiambenana 15 Aprily 1999, pejy faha-28-30. Nanaiky asa toy izany ny sasany, ary hitany tatỳ aoriana fa tsy nifanaraka tamin’ny foto-pitsipika ara-baiboly ilay asany. Diniho ireo fanontaniana ilaintsika hojerena, rehefa mandray fanapahan-kevitra momba ny fanekena asa, izay misy ifandraisana amin’ny fivavahana. Ampirisiho ny rehetra mba hanaraka lalana izay hanome antoka fa manana laza tsara eo anatrehan’i Jehovah izy. — 2 Kor. 6:3, 4, 14-18.
Herinandron’ny 27 Desambra
10 min: Fampandrenesana eo an-toerana. Raha hiova ny fotoan’ny fivorian’ny kôngregasiônanareo amin’ny taona vaovao, dia ampirisiho amin-katsaram-panahy ny rehetra hanatrika tsy tapaka ireo fotoam-pivoriana vaovao. Ampahafantaro an’ireo mpianatra Baiboly sy ireo olona liana hafa ny amin’izay rehetra mety ho fiovana, ka manomboha mampiasa taratasy fanasana izay mampiseho ilay fandaharam-potoana vaovao. Ampahatsiahivo ny rehetra hamerina ny tatitra momba ny fanompoany tamin’ny Desambra.
15 min: Zavatra ilaina eo an-toerana.
20 min: Fanolorana Boky Tranainy Mandritra ny Janoary. Lahateny sy fampisehoana. Mampisehoa boky tranainy 192 pejy, roa na telo, natonta talohan’ny 1986, izay misy ao amin’ny tahirin’ny kôngregasiôna, ary ampirisiho ny mpitory mba hitondra sasantsasany eny amin’ny fanompoana. (Raha tsy misy ireo, dia resaho ireo zavatra atolotra hafa amin’ny Janoary.) Hazavao hoe nahoana ireny boky tranainy ireny no mbola mandaitra ihany mba hambolena fahalianana amin’ny Baiboly. Asongadino ireo hevitra azo resahina sy sary azo ampiasaina tsara, ao amin’ny boky tsirairay, mba hanombohana resaka. Manaova fampisehoana iray na roa. Raha misy fahalianana hita, dia azo ampiasaina mba hanombohana fianarana ny bokikely Takina.
Herinandron’ny 3 Janoary
FANAMARIHANA: Tsy tokony hanova ny Fivoriany Momba ny Fanompoana ho an’ny herinandron’ny 3 Janoary, ho amin’ny takariva hafa alohan’io ny kongregasiona, raha tsy hoe mitsidika angaha ny mpiandraikitra ny fizaran-tany.
8 min: Fampandrenesana eo an-toerana.
17 min: Fantaro Izay Havalinareo. (Kol. 4:6). Lahateny sy Fiaraha-midinika amin’ny mpanatrika. Ny boky Fanjohian-kevitra dia fanampiana tsara dia tsara mba hanokafana ny lalana hizarana ny fahamarinana ara-baiboly amin’ny hafa. Rehefa mampipoitra fanoherana amin’ny iray amin’ireo zavatra inoantsika ny tompon-trano iray, dia angamba isika afaka mampiasa ilay hoe “Raha misy milaza aminao hoe” — eo amin’ny faran’ilay tapany miresaka momba izany finoana izany. Resaho ireo fanamarihana momba ny Baiboly izay marihina ao amin’ny pejy faha-82-87, ary diniho ny hoe nahoana ireo valin-teny natolotra no mety hahomby.
20 min: “Ny Fomba Ahitana Fifaliana Amin’ny Fanaovana Mpianatra”. Lahateny ataon’ny loholona iray, miorina amin’Ny Tilikambo Fiambenana 15 Febroary 1996, sy fandraisan’ny mpanatrika anjara.