Famerenana An-tsoratra Amin’ny Sekolin’ny Fanompoana Teokratika

Famerenana tsy misy fijerena boky, miorina amin’ireo hevitra voadinika tamin’ireo anjara natao tamin’ny Sekolin’ny Fanompoana Teokratika nanomboka ny herinandron’ny 4 Septambra ka hatramin’ny 18 Desambra 2000. Mampiasà taratasy hafa hanoratana ny valiny ho an’ny fanontaniana betsaka araka izay azo atao ao anatin’ny fotoana omena hanaovana izany.

[Fanamarihana: Mandritra ny famerenana an-tsoratra, dia ny Baiboly ihany no azo ampiasaina mba hamaliana ireo fanontaniana rehetra. Natao ho an’ny fikarohanao manokana ny fanondroam-pejy eo aorian’ireo fanontaniana. Mety tsy hiseho miaraka amin’ny fanondroana rehetra momba Ny Tilikambo Fiambenana ny nomeraon’ny pejy sy ny fehintsoratra.]

Valio hoe Marina na Diso ireto fanambarana manaraka ireto:

1. Nosakanan’i Davida tsy hamono an’i Simey i Abisay, satria marina ireo fiampangana nataon’i Simey taminy. (2 Sam. 16:5-13). [Famakiana Baiboly isan-kerinandro; jereo wMG 1/5/99 p. 32 feh. 3.]

2. Ny feon’ny fieritreretana madio sy tsara ofana dia tsy vitan’ny hoe mahatonga fifandraisana mafana sy manokana amin’Andriamanitra fotsiny, fa tena ilaina koa ho amin’ny famonjena antsika. (Heb. 10:22; 1 Pet. 1:15, 16). [wMG 1/9/98 p. 4 feh. 4]

3. Ny fitantarana ao amin’ny 1 Mpanjaka dia tsy manana vidiny afa-tsy ara-tantara fotsiny amin’ny Kristianina, satria 2 monja tamin’ireo mpanjaka 14 nanapaka teo amin’ny Isiraely sy ny Joda taorian’ny nahafatesan’i Solomona, no nahavita nanao izay tsara teo imason’i Jehovah. [si p. 64 feh. 1]

4. Azo ampitahaina amin’ireo 40 taona nandry feizay sy nahitana fanambinana nanjakan’i Solomona ny Fanjakana Arivo Taonan’i Jesosy. (1 Mpanj. 5: 4, 5, 9). [Famakiana Baiboly isan-kerinandro; jereo wMG 1/9/90 p. 6 feh. 5.]

5. Ny fandevenana mihaja natao tamin’i Abia dia porofo mazava fa izy ihany, avy tao amin’ny ankohonan’i Jeroboama, no mpivavaka nahatoky teo anatrehan’i Jehovah. (1 Mpanj. 14:10, 13). [Famakiana Baiboly isan-kerinandro; jereo wMG 1/4/95 p. 12 feh. 11.]

6. Ny hoe atao batisa kristianina ny olona iray dia manondro fa tonga mpanompon’Andriamanitra matotra izy. [wMG 1/10/98 p. 28 feh. 2]

7. Nampahatanjaka an’i Elia i Jehovah ka nanome azy fahasahiana mihoatra noho ny an’ny olombelona sady nataony vita fanefitra tamin’izay nety ho fahatsapana tahotra izy. (1 Mpanj. 18:17, 18, 21, 40, 46). [Famakiana Baiboly isan-kerinandro; jereo wMG 1/1/98 p. 31 feh. 2.]

8. Ny tempolin’i Solomona dia trano nanana rafitra niavaka, tsy noho ny voninahiny sy ny fitaovana sarobidy nanamboarana azy ihany, fa noho izy io tandindon’ny tempoly ara-panahin’i Jehovah be voninahitra lavitra. [si p. 69 feh. 26]

9. Niharihary fa fahajambana ara-tsaina no nampiharina tamin’ireo miaramila syrianina, araka ny tenin’i Elisa, satria afaka nahita an’i Elisa izy ireo fa tsy afaka namantatra hoe iza izy. (2 Mpanj. 6:18, 19). [Famakiana Baiboly isan-kerinandro; jereo si p. 71 feh. 10.]

10. Ny fametrahana “ny Vavolombelona” teo amin’ny mpanjaka, araka ny voalaza ao amin’ny 2 Mpanjaka 11:12, dia fihetsika ara-panoharana nampisehoana fa tsy azo iadian-kevitra fa tokony hankatoavina ny filazan’ilay mpanjaka ny hevitry ny Lalàn’Andriamanitra. [Famakiana Baiboly isan-kerinandro; jereo wMG 1/5/91 p. 31 feh. 6.]

Valio ireto fanontaniana manaraka ireto:

11. Mifanaraka amin’ny 1 Jaona 2:15-17, inona moa no tokony hampirisihan’ny ray aman-dreny matahotra an’Andriamanitra mba hohalavirin’ireo zanany, rehefa mitari-dalana azy ireo amin’ny fifidianana asa mety izy? [wMG 15/7/98 p. 5 feh. 2]

12. Inona no hevitry ny 2 Samoela 18:8, izay milaza hoe: “Ny matin’ny ala androtrizay dia be noho ny matin’ny sabatra”? [Famakiana Baiboly isan-kerinandro; jereo wMG 15/6/87 p. 31 feh. 2.]

13. Iza amin’izao andro izao no azo ampitahaina amin’ny Refaïta, havan’i Goliata, ary miezaka hanao inona izy ireo? (2 Sam. 21:15-22). [Famakiana Baiboly isan-kerinandro; jereo wMG 1/4/89 p. 19 feh. 8.]

14. Foto-pitsipika ara-baiboly mahasoa inona no ianarantsika avy amin’ny 2 Samoela 6:6, 7? [si p. 63 feh. 30]

15. Foto-pitsipika lehibe inona no ianarantsika avy amin’ilay zava-nitranga namonoana ilay lehilahy tsy nitandrina ny Sabata? (Nom. 15:35). [wMG 1/9/98 p. 20 feh. 2]

16. Amin’ny fanaovantsika inona no ahafahantsika manahaka ny mpanjakavavin’i Sheba, izay nanao dia lavitra hihaino “ny fahendren’i Solomona”? (1 Mpanj. 10:1-9). [Famakiana Baiboly isan-kerinandro; jereo wMG 1/7/99 p. 31 feh. 1-2.]

17. Araka ny 1 Mpanjaka 17:3, 4, 7-9, 17-24, tamin’ny fomba telo inona avy no nanehoan’i Elia ny finoany an’i Jehovah? [Famakiana Baiboly isan-kerinandro; jereo wF 1/4/92 p.19 feh. 5.]

18. Nahoana no tsy hoe noho ny di-dohany fotsiny no nandavan’i Nabota tsy hivarotra ny tanimboalobony tamin’i Ahaba? (1 Mpanj. 21:2, 3). [Famakiana Baiboly isan-kerinandro; jereo wMG 1/8/97 p. 13 feh. 18.]

19. Ahoana no nampaherezan’ny teny ao amin’ny 2 Mpanjaka 6:16 ny mpanompon’i Jehovah amin’izao andro izao? [Famakiana Baiboly isan-kerinandro; jereo wMG 15/6/98 p. 18 feh. 5.]

20. Inona avy no tokony hataon’ny Kristianina marina amin’izao andro izao mba hitandreman-tena amin’ny simonia? [wMG 15/11/98 p. 28 feh. 5]

Omeo ny teny na ny fitambaran-teny ilaina mba hamenoana ny tsirairay amin’ireto fanambarana manaraka ireto:

21. Tsy tokony hanaiky ho resin’ny ․․․․․․․․․․ ny Kristianina marina, ka handray anjara amin’ny fombafomba izay tsy mahafaly ․․․․․․․․․․. (Ohab. 29:25; Matio 10:28). [wMG 15/7/98 p. 20 feh. 5]

22. ․․․․․․․․․․ i Paoly fony izy nanao fanambarana teo anatrehan’i Agripa Mpanjaka, ka ireo hevitra ․․․․․․․․․․ tamin’i Agripa no nantitranteriny. (Asa. 26:2, 3, 26, 27). [wMG 1/9/98 p. 31 feh. 3]

23. Noho Andriamanitra ․․․․․․․․․․, dia mety hihevitra ny sasany fa tsy tena misy izy, kanefa ny ․․․․․․․․․․ tsy tapaka sy amin’ny fomba lalina dia hahatonga ny olona iray ‘hahita maso an’ilay Andriamanitra tsy hita’. (Heb. 11:27, DIEM ). [wMG 15/9/98 p. 21 feh. 3-4]

24. Araka izay nitranga tamin’i ․․․․․․․․․․, jeneraly syrianina, dia soa lehibe indraindray no azo avy amin’ny ․․․․․․․․․․ kely fotsiny. [Famakiana Baiboly isan-kerinandro; jereo wMG 1/2/99 p. 3 feh. 6–p. 4 feh. 1.]

25. Tahaka ny niandanian’i Jonadaba tamin’i Jeho Mpanjaka, ny ․․․․․․․․․․ amin’izao andro izao koa dia manaiky sy miara-miasa amin’ny fony manontolo amin’ilay Jeho Lehibe, i ․․․․․․․․․․, izay soloan’ireo ․․․․․․․․․․ tena eto an-tany. (2 Mpanj. 10:15, 16). [Famakiana Baiboly isan-kerinandro; jereo wMG 1/1/98 p. 13 feh. 5-6.]

Fanteno izay valin-teny marina ao amin’ny tsirairay amin’ireto fanambarana manaraka ireto:

26. I (Satana; Jehovah; Joaba) no nanosika an’i Davida hanota tamin’ny ‘fanisana ny Isiraely’. (2 Sam. 24:1). [Famakiana Baiboly isan-kerinandro; jereo wMG 15/7/92 p. 5 feh. 2.]

27. Mifanaraka amin’ny 1 Mpanjaka 8:1 sy ny Mpitoriteny 1:1, dia novorin’i Solomona ny olona rehetra mba (hanorina ny tempoly; hanenjika ireo fahavalon’ny Isiraely; hanolotra fanompoam-pivavahana ho an’i Jehovah). [Famakiana Baiboly isan-kerinandro; jereo si p. 112 feh. 3.]

28. Ilay 20 taona nanorenan’i Solomona ny tempoly sy ny tranony tao Jerosalema dia azo ampitahaina amin’ny vanim-potoana iray nisian’ny fanitsiana ara-pampianarana sy ara-pandaminana izay nanomboka tamin’ny (1919; 1923; 1931), ary nifarana tamin’ny (1938; 1942; 1950). (1 Mpanj. 9:10). [Famakiana Baiboly isan-kerinandro; jereo wMG 15/4/92 p. 20 faritra voafefy.]

29. Ny teny hoe ‘lanitra’, ampiasaina ao amin’ny 2 Mpanjaka 2:11, dia manondro (ny fonenana ara-panahin’Andriamanitra; an’izao rehetra izao hita maso; ny habakabaka manodidina ny tany, izay misy vorona manidina sy rivotra mitsoka). [Famakiana Baiboly isan-kerinandro; jereo wMG 15/9/97 p. 15 faritra voafefy.]

30. I (Heroda Lehibe; Aogosto Kaisara; Tiberio Kaisara) no nampanao ilay fanisam-bahoaka nahatonga an’i Jesosy ho teraka tany Betlehema fa tsy tany Nazareta. [wMG 15/12/98 p. 7 faritra voafefy]

Ampifanandrifio amin’ireo fanambarana voatanisa eto ambany ireto andinin-teny manaraka ireto:

Sal. 15:4; 2 Sam. 12:28; 2 Sam. 15:18-22; 2 Mpanj. 3:11; Kol. 3:13

31. Tokony hohajaina ny fahefan’izay lohany, araka ny fandaharana teokratika nataon’i Jehovah. [si p. 63 feh. 30]

32. Tsy maintsy hazonina ny tsy fivadihana amin’ny fandaminan’i Jehovah sy ireo solontenany. [si p. 63 feh. 30]

33. Afaka manosika ny olona iray hifehy ny tenany sy hanarona fahadisoana ny fahatakarany ny famindram-pon’i Jehovah. [wMG 1/11/98 p. 6 feh. 4]

34. Tombontsoa ny maneho fahaiza-mandray vahiny sy ny manompo amim-panetren-tena an’ireo mpanompon’i Jehovah mahatoky, izay ao amin’ny fanompoana manokana. [Famakiana Baiboly isan-kerinandro; jereo wMG 1/11/97 p. 30 feh. 8.]

35. Manao araka izay fara heriny mba hitana ny teny nataony ka handoa ny trosany ny olona matahotra an’Andriamanitra, na dia misy tarehin-javatra tsy nampoizina aza ka manjary sarotra kokoa tsy araka ny nieritreretany azy ny hanaovany izany. [wMG 15/11/98 p. 27 feh. 1]