Прашања
◼ Какво внимание треба да ѝ посветиме на опремата што ја користиме во делото на сведочење?
1 Иако има на ум соодветна библиска презентација, еден објавител на добрата вест може да биде неподготвен кога станува збор за опремата што ја користи. Кога е на врата, можеби ја нема литературата што се нуди тој месец. Списанијата, брошурите и трактатите што му се во торбата, можеби се истуткани и искинати. Можеби не може да го најде пенкалото или белешките од куќа до куќа, бидејќи неговата торба не е исправно подредена. Важно е да ѝ обрнеш грижливо внимание на својата опрема пред да отидеш во служба на подрачјето.
2 Што треба да содржи една добро опремена торба за сведочење? Неопходна е Библија. Понеси повеќе белешки од куќа до куќа. Провери дали имаш примероци од публикацијата што се нуди тој месец. Потребни ти се и најнови списанија, како и трактати и брошури. Понеси примерок од книгата Расудување. Ако ја имаш последната Наша служба за Царството, ќе можеш да ги повториш предлозите пред да застанеш на врата. Кога работиш на подрачје каде што постои веројатност да сретнеш луѓе што зборуваат странски јазик, би било добро да ја имаш брошурата Добра вест за сите народи. Ако имаш примерок од публикациите наменети за млади, ќе бидеш подготвен да зборуваш со тинејџери.
3 Сѐ што користиш треба да биде уредно подредено во торбата. Самата торба не мора да биде нова, но треба да биде чиста и во добра состојба. Торбата за сведочење е дел од опремата што ја користиш при објавувањето на добрата вест. Нека ти биде подредена.