ലോകത്തെ മാറ്റി​മ​റിച്ച ഒരു ബൈബിൾ പരിഭാഷ

ദൈവത്തിന്റെ പ്രവാ​ച​ക​നായ മോശ, 3,500 വർഷം​മുമ്പ്‌ ബൈബിൾ എഴുതാൻ ആരംഭി​ച്ച​പ്പോൾ, അത്‌ ഒരൊറ്റ ജനതയ്‌ക്കു മാത്രമേ വായി​ക്കാൻ കഴിയു​മാ​യി​രു​ന്നു​ള്ളൂ. (ആവർത്ത​ന​പു​സ്‌തകം 7:7) ആ ജനതയു​ടെ മാതൃ​ഭാ​ഷ​യായ എബ്രാ​യ​യിൽ മാത്രമേ തിരു​വെ​ഴു​ത്തു​കൾ ലഭ്യമാ​യി​രു​ന്നു​ള്ളൂ എന്നതാ​യി​രു​ന്നു കാരണം. എന്നാൽ കാല​ക്ര​മേണ ആ അവസ്ഥയ്‌ക്കു മാറ്റം​വ​രു​മാ​യി​രു​ന്നു.

നൂറ്റാ​ണ്ടു​ക​ളിൽ ഉടനീളം ബൈബിൾ സന്ദേശ​വും അതിന്റെ യഥാർഥ സ്വാധീ​ന​വും വ്യാപി​പ്പി​ക്കു​ന്ന​തിൽ ആദ്യത്തെ പരിഭാ​ഷ​യായ സെപ്‌റ്റു​വ​ജിന്റ വഹിച്ചി​രി​ക്കുന്ന പങ്ക്‌ നിസ്സാ​രമല്ല. ആ പരിഭാഷ എന്തിനു​വേണ്ടി ആയിരു​ന്നു? ലോകത്തെ മാറ്റി​മ​റിച്ച ഒരു പരിഭാഷ ആയിരു​ന്നു അതെന്ന്‌ യഥാർഥ​ത്തിൽ പറയാൻ കഴിയു​മോ?

ഒരു നിശ്വസ്‌ത പരിഭാ​ഷ​യോ?

പൊ.യു.മു. 7-ഉം 6-ഉം നൂറ്റാ​ണ്ടു​ക​ളി​ലെ, ബാബി​ലോ​ന്യ പ്രവാ​സ​ത്തി​നു ശേഷം അനേകം യഹൂദ​ന്മാർ പുരാതന ഇസ്രാ​യേ​ലി​നും യഹൂദ​യ്‌ക്കും വെളി​യിൽത്തന്നെ പാർത്തു. പ്രവാ​സ​ത്തിൽ ജനിച്ച യഹൂദ​ന്മാർക്ക്‌ എബ്രായ ഭാഷ രണ്ടാം സ്ഥാനത്ത്‌ ആയിത്തീർന്നു. പൊ.യു.മു. 3-ാം നൂറ്റാണ്ട്‌ ആയപ്പോ​ഴേ​ക്കും, യവന സാമ്രാ​ജ്യ​ത്തി​ന്റെ ഒരു വലിയ സാംസ്‌കാ​രിക കേന്ദ്ര​മായ, ഈജി​പ്‌തി​ലെ അലക്‌സാ​ഡ്രി​യ​യിൽ ഒരു യഹൂദ സമൂഹം ഉണ്ടായി​രു​ന്നു. ഗ്രീക്ക്‌ മാതൃ​ഭാഷ ആയിത്തീർന്നി​രുന്ന അവർക്ക്‌ പ്രസ്‌തുത ഭാഷയി​ലേക്കു തിരു​വെ​ഴു​ത്തു​കൾ പരിഭാ​ഷ​പ്പെ​ടു​ത്തേ​ണ്ട​തി​ന്റെ ആവശ്യം തോന്നി.

ആ സമയം​വരെ, ബൈബി​ളി​ന്റെ നിശ്വസ്‌ത സന്ദേശം എബ്രായ ഭാഷയി​ലാണ്‌ എഴുത​പ്പെ​ട്ടി​രു​ന്നത്‌, ഏതാനും ചില ഭാഗങ്ങൾ മാത്രം ആ ഭാഷയു​മാ​യി വളരെ അടുപ്പ​മുള്ള അരമാ​യ​യിൽ എഴുത​പ്പെട്ടു. ദൈവ​വ​ചനം ഒരു വ്യത്യസ്‌ത ഭാഷയി​ലേക്കു പരിഭാ​ഷ​പ്പെ​ടു​ത്തു​ന്നതു ദിവ്യ​നി​ശ്വ​സ്‌ത​ത​യു​ടെ ശക്തമായ സ്വാധീ​നങ്ങൾ കുറയ്‌ക്കു​ക​യും ഒരുപക്ഷേ തെറ്റായ വ്യാഖ്യാ​ന​ങ്ങ​ളിൽ കലാശി​ക്കു​ക​യും​പോ​ലും ചെയ്യു​മാ​യി​രു​ന്നോ? പരിഭാ​ഷ​യിൽ തെറ്റുകൾ കടന്നു​കൂ​ടാൻ സാധ്യത ഉണ്ടായി​രു​ന്ന​തു​കൊണ്ട്‌, നിശ്വസ്‌ത വചനം ഭരമേൽപ്പി​ക്ക​പ്പെ​ട്ടി​രുന്ന യഹൂദ​ന്മാർക്ക്‌ അതിന്‌ അനുമതി നൽകാൻ കഴിയു​മാ​യി​രു​ന്നോ?—സങ്കീർത്തനം 147:19, 20; റോമർ 3:1, 2.

ഈ പ്രധാന സംഗതി​കളെ കുറിച്ച്‌ ഉത്‌കണ്‌ഠ ഉണ്ടായി​രു​ന്നു. എന്നാൽ, യഹൂദ​ന്മാർക്കു ദൈവ​വ​ചനം മനസ്സി​ലാ​കണം എന്നതാണ്‌ ഏറ്റവും പ്രധാ​ന​പ്പെട്ട സംഗതി​യെന്ന വാദത്തി​നു​മു​മ്പിൽ അവസാനം മറ്റെല്ലാ തടസ്സവാ​ദ​ങ്ങ​ളും വഴിമാ​റി. മോശ എഴുതിയ, ബൈബി​ളി​ന്റെ ആദ്യത്തെ 5 പുസ്‌ത​ക​ങ്ങ​ളായ തോറ അങ്ങനെ ഗ്രീക്കി​ലേക്കു പരിഭാ​ഷ​പ്പെ​ടു​ത്താൻ തീരു​മാ​ന​മാ​യി. യഥാർഥ പരിഭാ​ഷാ പ്രക്രിയ സംബന്ധിച്ച വിവരങ്ങൾ ഐതി​ഹ്യ​ങ്ങ​ളിൽ കെട്ടു​പി​ണഞ്ഞു കിടക്കു​ന്നു. ലെറ്റർ ഓഫ്‌ അരി​സ്റ്റെ​യസ്‌ പ്രകാരം, ഈജി​പ്‌തി​ലെ ഭരണാ​ധി​പ​നായ ടോളമി രണ്ടാമൻ (പൊ.യു.മു. 285-246) തന്റെ കൊട്ടാര ലൈ​ബ്ര​റി​യിൽ പഞ്ചഗ്ര​ന്ഥ​ങ്ങ​ളു​ടെ (അഥവാ, തോറ​യു​ടെ) ഒരു ഗ്രീക്കു ഭാഷാ​ന്തരം വേണ​മെന്ന്‌ ആഗ്രഹി​ച്ചു. അദ്ദേഹം ഇതിനാ​യി 72 യഹൂദ പണ്ഡിത​ന്മാ​രെ നിയമി​ച്ചു. ഇസ്രാ​യേ​ലിൽനിന്ന്‌ ഈജി​പ്‌തിൽ എത്തിയ പ്രസ്‌തുത പരിഭാ​ഷകർ 72 ദിവസം​കൊണ്ട്‌ കൃത്യം നിർവ​ഹി​ച്ചു. എന്നിട്ട്‌, ആ പരിഭാഷ യഹൂദ സമുദാ​യത്തെ വായി​ച്ചു​കേൾപ്പി​ച്ചു. അതു ഹൃദ്യ​വും കൃത്യ​ത​യു​ള്ള​തും ആണെന്ന്‌ അവർ സമ്മതിച്ചു. എന്നാൽ പ്രസ്‌തുത സംഭവ​ത്തി​ന്റെ പൊടി​പ്പും തൊങ്ങ​ലും വെച്ച പിൽക്കാല ഭാഷ്യം പറയു​ന്നത്‌, പരിഭാ​ഷകർ ഓരോ​രു​ത്ത​രും വെവ്വേറെ മുറി​ക​ളി​ലാ​യി​രു​ന്നി​ട്ടും അവരുടെ പരിഭാ​ഷകൾ ഒരു അക്ഷരത്തി​നു​പോ​ലും വ്യത്യാ​സ​മി​ല്ലാ​തെ ഒരേ​പോ​ലു​ള്ളത്‌ ആയിരു​ന്നു എന്നാണ്‌. 72 പരിഭാ​ഷ​കരെ കുറി​ച്ചുള്ള പാരമ്പ​ര്യം നിമി​ത്ത​മാണ്‌ ഈ ഗ്രീക്കു ബൈബിൾ പരിഭാ​ഷ​യ്‌ക്ക്‌ സെപ്‌റ്റു​വ​ജിന്റ്‌ എന്ന പേർ ലഭിച്ചത്‌. ഇത്‌ “എഴുപത്‌” എന്ന്‌ അർഥം ഉള്ള ഒരു ലത്തീൻ പദത്തിൽനി​ന്നു വരുന്ന​താണ്‌.

ലെറ്റർ ഓഫ്‌ അരി​സ്റ്റെ​യ​സി​ന്റെ ആധികാ​രി​കത സംശയി​ക്ക​ത്ത​ക്ക​താ​ണെന്ന്‌ മിക്ക ആധുനിക പണ്ഡിത​രും സമ്മതി​ക്കു​ന്നുണ്ട്‌. പ്രസ്‌തുത പരിഭാ​ഷ​യ്‌ക്കു​വേണ്ടി മുൻകൈ എടുത്തത്‌ ടോളമി രണ്ടാമൻ അല്ല, മറിച്ച്‌ അലക്‌സാൻഡ്രി​യ​യി​ലെ യഹൂദ സമുദായ നേതാ​ക്ക​ന്മാർ ആയിരു​ന്നു എന്നും അവർ വിശ്വ​സി​ക്കു​ന്നു. എന്നാൽ, സെപ്‌റ്റു​വ​ജിന്റ്‌ മൂല തിരു​വെ​ഴു​ത്തു​ക​ളെ​പ്പോ​ലെ​തന്നെ നിശ്വ​സ്‌ത​മാ​ണെന്ന പൊതു​വായ ഒരു വിശ്വാ​സം ഒന്നാം നൂറ്റാ​ണ്ടി​ലെ യഹൂദ​ന്മാർക്ക്‌ ഉണ്ടായി​രു​ന്ന​താ​യി അലക്‌സാൻഡ്രി​യ​യി​ലെ യഹൂദ തത്ത്വചി​ന്ത​ക​നായ ഫൈ​ലോ​യു​ടെ​യും യഹൂദ ചരി​ത്ര​കാ​ര​നായ ജോസീ​ഫ​സി​ന്റെ​യും എഴുത്തു​ക​ളും തൽമൂ​ദും പ്രകട​മാ​ക്കു​ന്നുണ്ട്‌. വ്യക്തമാ​യും, സെപ്‌റ്റു​വ​ജി​ന്റി​നെ ലോക​വ്യാ​പക യഹൂദ സമുദാ​യ​ത്തി​നു സ്വീകാ​ര്യ​മാ​ക്കാ​നുള്ള ശ്രമത്തി​ന്റെ ഫലമാ​യി​രു​ന്നു അത്തരം വിശ്വാ​സങ്ങൾ.

ആദ്യ പരിഭാ​ഷ​യിൽ മോശ​യു​ടെ അഞ്ചു പുസ്‌ത​ക​ങ്ങളേ ഉണ്ടായി​രു​ന്നു​ള്ളു എങ്കിലും, അവസാനം സെപ്‌റ്റു​വ​ജിന്റ്‌ എന്നത്‌ ഗ്രീക്കി​ലേക്കു പരിഭാ​ഷ​പ്പെ​ടു​ത്തിയ മുഴു എബ്രായ തിരു​വെ​ഴു​ത്തു​ക​ളെ​യും സൂചി​പ്പി​ക്കുന്ന പേർ ആയിത്തീർന്നു. ശേഷിച്ച പുസ്‌ത​കങ്ങൾ പരിഭാ​ഷ​പ്പെ​ടു​ത്താൻ പിന്നെ​യും ഏതാണ്ട്‌ നൂറു വർഷങ്ങൾ വേണ്ടി​വന്നു. മുഴു സെപ്‌റ്റു​വ​ജി​ന്റും പൂർത്തി​യാ​യത്‌ ഒരു ഏകോ​പിത ശ്രമത്തി​ലൂ​ടെ ആയിരു​ന്നില്ല, മറിച്ച്‌ പലപ്പോ​ഴാ​യുള്ള ശ്രമങ്ങ​ളി​ലൂ​ടെ ആയിരു​ന്നു. പ്രാപ്‌തി​യി​ലും എബ്രായ ഭാഷാ ജ്ഞാനത്തി​ലും പരിഭാ​ഷകർ വ്യത്യ​സ്‌തർ ആയിരു​ന്നു. മിക്ക പുസ്‌ത​ക​ങ്ങ​ളു​ടെ​യും പരിഭാഷ അക്ഷരീ​യ​മാ​യി​രു​ന്നു, ചിലത്‌ അങ്ങേയറ്റം അക്ഷരീ​യ​മാ​യി​രു​ന്നു; എന്നാൽ ചില ഭാഗങ്ങൾ ഏറെ സ്വാത​ന്ത്ര്യം എടുത്തു നിർവ​ഹി​ച്ച​വ​യും ആയിരു​ന്നു. തത്‌ഫ​ല​മാ​യി ചില പുസ്‌ത​കങ്ങൾ വിപു​ലീ​ക​രി​ക്ക​പ്പെ​ടു​ക​യോ ഹ്രസ്വ​മാ​ക്ക​പ്പെ​ടു​ക​യോ ചെയ്‌തു. പൊ.യു.മു. രണ്ടാം നൂറ്റാ​ണ്ടി​ന്റെ അവസാ​ന​മാ​യ​പ്പോ​ഴേ​ക്കും, എബ്രായ തിരു​വെ​ഴു​ത്തു​ക​ളി​ലെ എല്ലാ പുസ്‌ത​ക​ങ്ങ​ളും ഗ്രീക്കിൽ വായി​ക്കാൻ കഴിയു​മാ​യി​രു​ന്നു. ചില പൊരു​ത്ത​ക്കേ​ടു​കൾ ഉണ്ടായി​രു​ന്നി​ട്ടും, എബ്രായ തിരു​വെ​ഴു​ത്തു​കൾ ഗ്രീക്കി​ലേക്കു പരിഭാ​ഷ​പ്പെ​ടു​ത്തി​യ​തി​ന്റെ ഫലങ്ങൾ പരിഭാ​ഷകർ പ്രതീ​ക്ഷി​ച്ച​തി​ലും വളരെ വലിയ​താ​യി​രു​ന്നു.

യാഫെത്ത്‌, ശേമിന്റെ കൂടാ​ര​ത്തിൽ?

സെപ്‌റ്റു​വ​ജി​ന്റി​നെ​ക്കു​റി​ച്ചു ചർച്ച ചെയ്യവേ, തൽമൂദ്‌ ഉല്‌പത്തി 9:27 ഉദ്ധരി​ക്കു​ന്നു: “യാഫെത്ത്‌ . . . ശേമിന്റെ കൂടാ​ര​ത്തിൽ വസിക്കട്ടെ.” (ബാബി​ലോ​ന്യ തൽമൂദ്‌, മെഗി​ല്ലാഹ്‌ 9ബി) സെപ്‌റ്റു​വ​ജി​ന്റി​ലെ ഗ്രീക്കു ഭാഷാ സൗന്ദര്യ​ത്തി​ലൂ​ടെ, യാഫെത്ത്‌ (ജാവാന്റെ പിതാവ്‌, ഗ്രീക്കു​കാ​രു​ടെ ഉത്ഭവം അദ്ദേഹ​ത്തിൽനിന്ന്‌ ആയിരു​ന്നു) ശേമിന്റെ (ഇസ്രാ​യേൽ ജനതയു​ടെ പിതാ​മഹൻ) കൂടാ​ര​ത്തിൽ പാർത്തി​രു​ന്നു​വെന്ന്‌ തൽമൂദ്‌ ആലങ്കാ​രി​ക​മാ​യി അർഥമാ​ക്കു​ന്നു. എന്നാൽ, സെപ്‌റ്റു​വ​ജി​ന്റി​ലൂ​ടെ ശേം യാഫെ​ത്തി​ന്റെ കൂടാ​ര​ങ്ങ​ളിൽ പാർത്തു​വെ​ന്നും പറയാ​വു​ന്ന​താണ്‌. അത്‌ എങ്ങനെ?

മഹാനായ അലക്‌സാ​ണ്ട​റു​ടെ പിടി​ച്ച​ട​ക്ക​ലു​കൾക്കു ശേഷം, പൊ.യു.മു. നാലാം നൂറ്റാ​ണ്ടി​ന്റെ രണ്ടാം പകുതി​യിൽ, അധിനി​വേശ നാടു​ക​ളി​ലെ​ല്ലാം ഗ്രീക്കു ഭാഷയും സംസ്‌കാ​ര​വും പ്രചരി​പ്പി​ക്കാൻ ഒരു ഊർജിത ശ്രമം നടക്കു​ക​യു​ണ്ടാ​യി. ഈ നയത്തെ​യാണ്‌ യവനവ​ത്‌ക​രണം എന്നു പറയു​ന്നത്‌. തങ്ങളുടെ സംസ്‌കാ​രം നിരന്തരം ആക്രമണ ഭീഷണി​യി​ലാ​ണെന്ന്‌ യഹൂദ​ന്മാർക്കു തോന്നി. ഗ്രീക്കു സംസ്‌കാ​ര​വും തത്ത്വചി​ന്ത​യും പ്രബല​മാ​കു​ന്നത്‌ യഹൂദ​ന്മാ​രു​ടെ മതത്തി​ന്റെ​തന്നെ അസ്‌തി​വാ​രം ഇളക്കു​മാ​യി​രു​ന്നു. ഈ ആക്രമ​ണത്തെ എന്തു ചെറു​ക്കും?

സെപ്‌റ്റു​വ​ജിന്റ്‌ പരിഭാ​ഷ​യ്‌ക്കുള്ള സാധ്യ​മായ ഒരു പ്രചോ​ദ​നത്തെ കുറിച്ച്‌, യഹൂദ ബൈബിൾ പരിഭാ​ഷ​ക​നായ മാക്‌സ്‌ മാർഗോ​ലസ്‌ അഭി​പ്രാ​യ​പ്പെ​ടു​ന്നു: “പരിഭാഷ വേണമെന്ന ആശയം ഉത്ഭവി​ച്ചത്‌ യഹൂദ സമൂഹ​ത്തിൽനി​ന്നാണ്‌ എന്ന്‌ അനുമാ​നി​ച്ചാൽ, യഹൂദ നിയമം വിജാ​തീ​യർക്കു ലഭ്യമാ​ക്കി യവനന്മാ​രു​ടെ [ഗ്രീക്കു​കാ​രു​ടെ] ജ്ഞാനത്തെ വെല്ലുന്ന ഒരു സംസ്‌കാ​രം യഹൂദ​ന്മാർക്കു​ണ്ടെന്നു ലോകത്തെ ബോധ്യ​പ്പെ​ടു​ത്തുക എന്ന മറ്റൊരു പ്രചോ​ദനം ഉണ്ടായി​രു​ന്ന​താ​യി കാണാം.” അതു​കൊണ്ട്‌ ഗ്രീക്കു​ഭാ​ഷ​ക്കാ​രു​ടെ ലോകത്ത്‌ എബ്രായ തിരു​വെ​ഴു​ത്തു​കൾ ലഭ്യമാ​ക്കി​യത്‌ ഒരുതരം പ്രതി​രോ​ധ​വും, പ്രത്യാ​ക്ര​മ​ണ​വും എന്ന നിലയ്‌ക്കാ​യി​രി​ക്കാം.

അലക്‌സാ​ണ്ട​റു​ടെ യവനവ​ത്‌കരണ നയം ഗ്രീക്കി​നെ ലോക​ത്തി​ലെ അന്താരാ​ഷ്‌ട്ര ഭാഷയാ​ക്കി. അദ്ദേഹ​ത്തി​ന്റെ രാജ്യം റോമാ​ക്കാർ കൈ​യേ​റി​യ​പ്പോൾപ്പോ​ലും, ജനതകൾക്കി​ട​യിൽ വാണി​ജ്യ​ത്തി​നും വാർത്താ​വി​നി​മ​യ​ത്തി​നും ഉപയോ​ഗി​ച്ചി​രുന്ന ഭാഷ സാധാരണ (അഥവാ, കൊയ്‌നി) ഗ്രീക്കു​ത​ന്നെ​യാ​യി​രു​ന്നു. ഇത്‌ ബോധ​പൂർവ​ക​മായ ഒരു ശ്രമത്തി​ന്റെ ഫലമാ​യി​രു​ന്നാ​ലും സ്വാഭാ​വിക പരിണ​തി​യാ​യി​രു​ന്നാ​ലും, യഹൂദ​ന്മാ​രു​ടെ ദൈവ​വു​മാ​യോ നിയമ​ങ്ങ​ളു​മാ​യോ മുൻപ​രി​ചയം ഇല്ലാതി​രുന്ന അനേകം യഹൂ​ദേ​ത​രർക്കി​ട​യിൽ എബ്രായ തിരു​വെ​ഴു​ത്തു​ക​ളു​ടെ സെപ്‌റ്റു​വ​ജിന്റ്‌ പതിപ്പിന്‌ പെട്ടെന്ന്‌ അംഗീ​കാ​രം കൈവന്നു. ഫലങ്ങൾ തികച്ചും അതിശ​യ​ക​ര​മാ​യി​രു​ന്നു.

മതപരി​വർത്തി​ത​രും ദൈവ​ഭ​യ​മു​ള്ള​വ​രും

“മോശ​യു​ടെ നിയമ​നിർമാ​ണ​ത്തി​ന്റെ സൗന്ദര്യ​വും അന്തസ്സും യഹൂദർക്കി​ട​യിൽ മാത്രമല്ല, മറ്റ്‌ ജനതകൾക്കി​ട​യി​ലും ആദരി​ക്ക​പ്പെ​ടു​ന്നു” എന്ന്‌ പൊ.യു. ഒന്നാം നൂറ്റാണ്ട്‌ ആയപ്പോ​ഴേ​ക്കും ഫൈ​ലോ​യ്‌ക്ക്‌ എഴുതാൻ കഴിഞ്ഞു. ഒന്നാം നൂറ്റാ​ണ്ടിൽ പാലസ്‌തീ​നു വെളി​യിൽ പാർത്തി​രുന്ന യഹൂദ​ന്മാ​രെ കുറിച്ച്‌, യഹൂദ ചരി​ത്ര​കാ​ര​നായ ജോസഫ്‌ ക്ലോസ്‌നർ പറയുന്നു: “ലക്ഷക്കണ​ക്കി​നു വരുന്ന ഈ യഹൂദ​രെ​ല്ലാം കൊച്ചു പാലസ്‌തീ​നിൽനി​ന്നു മാത്ര​മാ​യി കുടി​യേ​റി​പ്പാർത്തവർ ആണെന്നു വിശ്വ​സി​ക്കാൻ പ്രയാ​സ​മാണ്‌. ഈ വലിയ വർധന​വി​നു കാരണം സ്‌ത്രീ​പു​രുഷ മതപരി​വർത്തി​ത​രു​ടെ വലിയ തോതി​ലുള്ള ആഗമന​മാണ്‌ എന്നത്‌ നിഷേ​ധി​ക്കാ​നാ​വില്ല.”

എന്നിരു​ന്നാ​ലും, ആകർഷ​ക​മായ ഈ വിവര​ങ്ങൾകൊ​ണ്ടു മാത്രം ചിത്രം പൂർണ​മാ​കു​ന്നില്ല. യഹൂദ ചരിത്ര പ്രൊ​ഫ​സ​റും എഴുത്തു​കാ​ര​നു​മായ ഷേ ജെ. ഡി. കൊഹൻ പ്രസ്‌താ​വി​ക്കു​ന്നു: “പൊ.യു.മു. സമാപന നൂറ്റാ​ണ്ടു​ക​ളി​ലും പൊ.യു. ആദ്യത്തെ രണ്ടു നൂറ്റാ​ണ്ടു​ക​ളി​ലും വിജാ​തീ​യ​രായ അനേകം സ്‌ത്രീ​പു​രു​ഷ​ന്മാർ യഹൂദ മതത്തി​ലേക്കു പരിവർത്തനം ചെയ്‌തു. എന്നാൽ പരിവർത്തനം ചെയ്‌തി​ട്ടി​ല്ലെ​ങ്കി​ലും യഹൂദ മതത്തിന്റെ ചില വശങ്ങൾ സ്വീക​രിച്ച വിജാ​തീ​യ​രു​ടെ എണ്ണം അതിലും കൂടുതൽ ആയിരു​ന്നു.” മതപരി​വർത്തനം ചെയ്യാത്ത ഇക്കൂട്ടരെ ക്ലോസ്‌ന​റും കൊഹ​നും പരാമർശി​ക്കു​ന്നത്‌ ദൈവ​ഭ​യ​മു​ള്ളവർ എന്നാണ്‌. ആ കാലഘ​ട്ട​ത്തി​ലെ ഗ്രീക്കു സാഹി​ത്യ​ങ്ങ​ളിൽ പ്രസ്‌തുത പ്രയോ​ഗം കൂടെ​ക്കൂ​ടെ പ്രത്യ​ക്ഷ​പ്പെ​ടു​ന്നുണ്ട്‌.

മതപരി​വർത്തി​ത​നും ദൈവ​ഭ​യ​മു​ള്ള​വ​നും തമ്മിലുള്ള വ്യത്യാ​സ​മെന്ത്‌? മതപരി​വർത്തി​തർ പൂർണ​മാ​യും പരിവർത്തനം ചെയ്‌തി​രു​ന്ന​വ​രാണ്‌, (മറ്റ്‌ ദൈവ​ങ്ങളെ തിരസ്‌ക​രിച്ച്‌) ഇസ്രാ​യേ​ലി​ന്റെ ദൈവത്തെ സ്വീക​രി​ച്ചി​രു​ന്ന​തി​നാ​ലും പരി​ച്ഛേ​ദ​ന​യേറ്റ്‌ ഇസ്രാ​യേൽ ജനത്തോ​ടു ചേർന്നി​രു​ന്ന​തി​നാ​ലും അവർ എല്ലാ അർഥത്തി​ലും യഹൂദ​രാ​യി കരുത​പ്പെ​ട്ടി​രു​ന്നു. എന്നാൽ ദൈവ​ഭ​യ​മു​ള്ള​വ​രു​ടെ കാര്യം വ്യത്യ​സ്‌ത​മാണ്‌: “ഈ വിജാ​തീ​യർ അനേകം യഹൂദ ആചാരങ്ങൾ അനുസ​രി​ക്കു​ക​യും ഒരുത​ര​ത്തിൽ അല്ലെങ്കിൽ മറ്റൊരു തരത്തിൽ യഹൂദ​ന്മാ​രു​ടെ ദൈവത്തെ ആരാധി​ക്കു​ക​യും ചെയ്‌തി​രു​ന്നെ​ങ്കി​ലും, അവർ തങ്ങളെ​ത്തന്നെ യഹൂദ​രാ​യി വീക്ഷി​ക്കു​ക​യോ മറ്റുള്ള​വ​രാൽ യഹൂദ​രാ​യി വീക്ഷി​ക്ക​പ്പെ​ടു​ക​യോ ചെയ്‌തില്ല,” കൊഹൻ പറയുന്നു. അവർ യഹൂദ​മതം സ്വീക​രിച്ച്‌ “അതിന്റെ ചില ആചാരങ്ങൾ അനുസ​രി​ച്ചെ​ങ്കി​ലും . . . പൂർണ​മാ​യി യഹൂദ​ന്മാ​രാ​യി​ത്തീ​രാ​ഞ്ഞതു നിമിത്തം” ക്ലൊസ്‌നർ അവരെ “മധ്യസ്ഥാ​നത്ത്‌ നിൽക്കു​ന്നവർ” എന്നു വർണി​ക്കു​ന്നു.

മിഷനറി പ്രവർത്ത​ന​ത്തിൽ ഏർപ്പെ​ട്ടി​രുന്ന യഹൂദ​ന്മാ​രു​മാ​യി ചർച്ച ചെയ്‌ത​തു​കൊ​ണ്ടോ നടത്തയി​ലും ആചാര​ത്തി​ലും പെരു​മാ​റ്റ​ത്തി​ലും യഹൂദ​ന്മാർ എത്ര വ്യത്യ​സ്‌ത​രാ​ണെന്നു നിരീ​ക്ഷി​ച്ച​തു​കൊ​ണ്ടോ ആയിരി​ക്കാം ചിലർ ദൈവ​ത്തിൽ തത്‌പരർ ആയിത്തീർന്നത്‌. എന്നാൽ ഈ ദൈവ​ഭ​യ​മു​ള്ള​വരെ യഹോ​വ​യാം ദൈവത്തെ കുറിച്ചു പഠിക്കാൻ സഹായി​ക്കു​ന്ന​തിന്‌ സെപ്‌റ്റു​വ​ജിന്റ്‌ മുഖ്യ ഉപാധി​യാ​യി. ഒന്നാം നൂറ്റാ​ണ്ടി​ലെ ‘ദൈവ​ഭ​യ​മു​ള്ള​വരു’ടെ കൃത്യ സംഖ്യ അറിയാൻ നിർവാ​ഹ​മി​ല്ലെ​ങ്കി​ലും സെപ്‌റ്റു​വ​ജി​ന്റി​നെ കുറിച്ച്‌ നിസ്സം​ശ​യ​മാ​യും ഒരു കാര്യം പറയാ​വു​ന്ന​താണ്‌, അത്‌ റോമാ സാമ്രാ​ജ്യ​ത്തിൽ ഉടനീളം ഗണ്യമായ തോതിൽ ദൈവ​പ​രി​ജ്ഞാ​നം പ്രചരി​പ്പി​ച്ചു. സെപ്‌റ്റു​വ​ജി​ന്റി​ലൂ​ടെ പ്രധാ​ന​പ്പെട്ട അസ്‌തി​വാ​ര​വും ഇട്ടു.

സെപ്‌റ്റു​വ​ജിന്റ്‌ വഴി​യൊ​രു​ക്കാൻ സഹായി​ച്ചു

ക്രിസ്‌ത്യാ​നി​ത്വ​ത്തി​ന്റെ സന്ദേശം പ്രചരി​പ്പി​ക്കു​ന്ന​തിൽ സെപ്‌റ്റു​വ​ജിന്റ്‌ നിർണാ​യക പങ്കു വഹിച്ചു. പൊ.യു. 33-ലെ പെന്ത​ക്കോ​സ്‌തിൽ ക്രിസ്‌തീയ സഭ സ്ഥാപി​ത​മായ സമയത്ത്‌ സന്നിഹി​തർ ആയിരു​ന്ന​വ​രിൽ ഗ്രീക്കു ഭാഷക്കാ​രായ അനേകം യഹൂദർ ഉണ്ടായി​രു​ന്നു. ആദ്യ കാലത്ത്‌ ക്രിസ്‌തു​വി​ന്റെ ശിഷ്യർ ആയിത്തീർന്ന​വ​രിൽ മതപരി​വർത്തി​ത​രും ഉണ്ടായി​രു​ന്നു. (പ്രവൃ​ത്തി​കൾ 2:5-11; 6:1-6; 8:26-38) യേശു​വി​ന്റെ അപ്പൊ​സ്‌ത​ല​ന്മാ​രു​ടെ​യും മറ്റ്‌ ആദിമ ശിഷ്യ​രു​ടെ​യും നിശ്വസ്‌ത എഴുത്തു​കൾ സാധ്യ​മാ​കു​ന്നത്ര വലിയ കൂട്ടം ആളുകളെ ഉദ്ദേശി​ച്ചു​ള്ളത്‌ ആയിരു​ന്ന​തി​നാൽ, അവയെ​ല്ലാം ഗ്രീക്കി​ലാണ്‌ രേഖ​പ്പെ​ടു​ത്ത​പ്പെ​ട്ടത്‌.a അതു​കൊണ്ട്‌, ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളിൽ പ്രത്യ​ക്ഷ​പ്പെ​ടുന്ന എബ്രായ തിരു​വെ​ഴു​ത്തു​ക​ളിൽനി​ന്നുള്ള അനേകം ഉദ്ധരണി​കൾ സെപ്‌റ്റു​വ​ജി​ന്റിൽനിന്ന്‌ ഉള്ളതാ​യി​രു​ന്നു.

സ്വാഭാ​വി​ക യഹൂദ​ന്മാർക്കും മതപരി​വർത്തി​തർക്കും പുറമേ മറ്റുള്ള​വ​രും രാജ്യ​സ​ന്ദേശം സ്വീക​രി​ക്കാൻ തയ്യാറാ​യി. വിജാ​തീ​യ​നായ കൊർന്നേ​ല്യൊസ്‌ “ഭക്തനും തന്റെ സകല ഗൃഹ​ത്തോ​ടും കൂടെ ദൈവത്തെ ഭയപ്പെ​ടു​ന്ന​വ​നു​മാ​യി ജനത്തിന്നു വളരെ ധർമ്മം കൊടു​ത്തും എപ്പോ​ഴും ദൈവ​ത്തോ​ടു പ്രാർത്ഥി​ച്ചും പോന്നി”രുന്നവ​നും ആയിരു​ന്നു. ക്രിസ്‌തു​വി​ന്റെ അനുഗാ​മി​കൾ എന്ന നിലയിൽ പൊ.യു. 36-ൽ ആദ്യമാ​യി സ്‌നാ​പ​ന​മേറ്റ വിജാ​തീ​യർ കൊർന്നേ​ല്യൊ​സും കുടും​ബ​വും അവന്റെ ഭവനത്തിൽ കൂടി​വ​ന്നി​രുന്ന മറ്റുള്ള​വ​രും ആയിരു​ന്നു. (പ്രവൃ​ത്തി​കൾ 10:1, 2, 24, 44-48; ലൂക്കൊസ്‌ 7:2-10 താരത​മ്യം ചെയ്യുക.) പൗലൊസ്‌ അപ്പൊ​സ്‌തലൻ ഏഷ്യാ മൈന​റി​ലൂ​ടെ​യും ഗ്രീസി​ലൂ​ടെ​യും യാത്ര ചെയ്‌ത​പ്പോൾ, ദൈവത്തെ ഭയപ്പെ​ട്ടി​രു​ന്ന​വ​രോ​ടും “ദൈവത്തെ ആരാധി​ച്ചി​രുന്ന ഗ്രീക്കു​കാ”രോടും പ്രസം​ഗി​ക്കു​ക​യു​ണ്ടാ​യി. (പ്രവൃ​ത്തി​കൾ 13:16, 26; 17:4, NW) കൊർന്നേ​ല്യൊ​സും മറ്റു വിജാ​തീ​യ​രും സുവാർത്ത സ്വീക​രി​ക്കാൻ തയ്യാറാ​യത്‌ എന്തു​കൊ​ണ്ടാ​യി​രു​ന്നു? സെപ്‌റ്റു​വ​ജിന്റ്‌ ആയിരു​ന്നു അതിനു വഴി​യൊ​രു​ക്കി​യത്‌. ചുരു​ക്ക​ത്തിൽ, സെപ്‌റ്റു​വ​ജിന്റ്‌ “അതി​പ്ര​ധാന പുസ്‌ത​ക​മാണ്‌” എന്നും “അതിനെ മാറ്റി​നിർത്തി ക്രൈ​സ്‌തവ ലോക​ത്തെ​യും പാശ്ചാത്യ സംസ്‌കാ​ര​ത്തെ​യും കുറിച്ച്‌ ചിന്തി​ക്കാ​നാ​വില്ല” എന്നും ഒരു പണ്ഡിതൻ പറയുന്നു.

സെപ്‌റ്റു​വ​ജി​ന്റിന്‌ അതിന്റെ “നിശ്വ​സ്‌തത” നഷ്ടമാ​കു​ന്നു

സെപ്‌റ്റു​വ​ജി​ന്റി​ന്റെ വ്യാപ​ക​മായ ഉപയോ​ഗം അവസാനം യഹൂദ​രിൽ അമർഷം ഉണ്ടാക്കി. ഉദാഹ​ര​ണ​ത്തിന്‌, ക്രിസ്‌ത്യാ​നി​ക​ളു​മാ​യുള്ള ചർച്ചയ്‌ക്കി​ട​യിൽ, സെപ്‌റ്റു​വ​ജിന്റ്‌ കൃത്യ​മായ പരിഭാഷ അല്ലെന്ന്‌ യഹൂദ​ന്മാർ വാദി​ക്കു​മാ​യി​രു​ന്നു. പൊ.യു. രണ്ടാം നൂറ്റാണ്ട്‌ ആയപ്പോ​ഴേ​ക്കും, ഒരു കാലത്തു നിശ്വ​സ്‌ത​മെന്നു യഹൂദ സമൂഹം വാഴ്‌ത്തി​യി​രുന്ന പ്രസ്‌തുത പരിഭാ​ഷയെ കുറിച്ച്‌ അവർ മറിച്ചു പറയാൻ തുടങ്ങി. റബ്ബിമാർ 72 പരിഭാ​ഷ​കരെ കുറി​ച്ചുള്ള ഐതി​ഹ്യം തള്ളിക്ക​ളഞ്ഞു. അവർ ഇങ്ങനെ പ്രസ്‌താ​വി​ച്ചു: “ഒരിക്കൽ 5 മൂപ്പന്മാർ ടോളമി രാജാ​വി​നു വേണ്ടി തോറ ഗ്രീക്കി​ലേക്കു പരിഭാ​ഷ​പ്പെ​ടു​ത്തി. തോറ കൃത്യ​മാ​യി പരിഭാ​ഷ​പ്പെ​ടു​ത്താ​ഞ്ഞ​തു​കൊണ്ട്‌, ഇസ്രാ​യേ​ലി​നെ സംബന്ധി​ച്ചി​ട​ത്തോ​ളം ആ ദിനം കരിദി​നം ആയിരു​ന്നു, സ്വർണ കാളക്കു​ട്ടി​യെ ഉണ്ടാക്കിയ ദിനം പോലെ.” തങ്ങളുടെ കർശന​മായ കാഴ്‌ച​പ്പാ​ടു​ക​ളു​മാ​യി പൊരു​ത്ത​മു​ള്ള​താ​ക്കാൻ വേണ്ടി, റബ്ബിമാർ ഒരു പുതിയ ഗ്രീക്കു പരിഭാഷ ഏർപ്പാ​ടാ​ക്കി. അതിൻപ്ര​കാ​രം, റബ്ബി അകിവാ​യു​ടെ ശിഷ്യ​നായ അക്വില എന്നു പേരായ ഒരു യഹൂദ മതപരി​വർത്തി​തൻ പൊ.യു. രണ്ടാം നൂറ്റാ​ണ്ടിൽ പുതിയ പരിഭാഷ തയ്യാറാ​ക്കി.

സെപ്‌റ്റു​വ​ജി​ന്റി​ന്റെ ഉപയോ​ഗം യഹൂദ​ന്മാർ നിറു​ത്തി​യെ​ങ്കി​ലും, അത്‌ വളർച്ചാ ദശയി​ലാ​യി​രുന്ന കത്തോ​ലി​ക്കാ സഭയുടെ ഔദ്യോ​ഗിക “പഴയ നിയമം” ആയിത്തീർന്നു. ജെറോ​മി​ന്റെ ലത്തിൻ വൾഗേറ്റ്‌ വരുന്ന​തു​വരെ ആ നില തുടർന്നു. ഒരു പരിഭാ​ഷ​യ്‌ക്ക്‌ ഒരിക്ക​ലും മൂലകൃ​തി​യു​ടെ സ്ഥാനം ലഭിക്കി​ല്ലെ​ങ്കി​ലും, യഹോ​വ​യാം ദൈവ​ത്തെ​യും യേശു​ക്രി​സ്‌തു മുഖാ​ന്ത​ര​മുള്ള അവന്റെ രാജ്യ​ത്തെ​യും കുറി​ച്ചുള്ള പരിജ്ഞാ​നം വ്യാപ​ക​മാ​ക്കു​ന്ന​തിൽ സെപ്‌റ്റു​വ​ജിന്റ്‌ ഗണ്യമായ പങ്ക്‌ വഹിച്ചു. സത്യമാ​യും, സെപ്‌റ്റു​വ​ജിന്റ്‌ ലോകത്തെ മാറ്റി​മ​റിച്ച ഒരു പരിഭാ​ഷ​തന്നെ.

[അടിക്കു​റി​പ്പു​കൾ]

[31-ാം പേജിലെ ചിത്രം]

പൗലൊസിന്റെ പ്രസംഗം കേട്ട അനേകർക്കും “സെപ്‌റ്റു​വ​ജിന്റ്‌” മനസ്സി​ലാ​ക്കാൻ കഴിഞ്ഞു

[29-ാം പേജിലെ ചിത്ര​ത്തിന്‌ കടപ്പാട]

Courtesy of Israel Antiquities Authority