താല്‌പ​ര്യ​ത്തെ വൈകാ​തെ പിൻതു​ട​രു​ക

¹ “നിങ്ങൾക്ക്‌ ഇന്ന്‌ ചെയ്യാൻക​ഴി​യു​ന്നത്‌ ഒരിക്ക​ലും നാളേക്ക്‌ നീട്ടി​വെ​ക്ക​രുത്‌.” ആവശ്യ​മായ കാര്യങ്ങൾ കൃത്യ​സ​മ​യത്ത്‌ ചെയ്യാൻ പ്രേരി​പ്പി​ക്കുന്ന ഈ പഴമൊ​ഴി അനേകർക്കും സുപരി​ചി​ത​മാണ്‌. ഈ തത്വം നമ്മുടെ ശുശ്രൂ​ഷ​യിൽ ബാധക​മാ​ക്കാൻ കഴിയു​മെ​ന്നു​ള​ളത്‌ പിൻവ​രുന്ന അനുഭ​വ​ത്താൽ പ്രകട​മാ​ക്ക​പ്പെ​ടു​ന്നു.

² ഒരു സഹോ​ദരി ഒരു മനുഷ്യന്‌ ഒരു പുസ്‌തകം സമർപ്പി​ക്കു​ക​യും തിരി​ച്ചു​ചെ​ല്ലാ​മെന്ന്‌ വാഗ്‌ദാ​നം നൽകു​ക​യും ചെയ്‌തു. ഒരു മണിക്കൂർ കഴിഞ്ഞ്‌ മറെറാ​രു സഹോ​ദരി പിശകി അതേ വീട്‌ സന്ദർശി​ച്ചു. ആ മനുഷ്യൻ പുസ്‌ത​ക​വു​മാ​യി വാതിൽക്കൽ വന്ന്‌ അവളോ​ടു​പ​റഞ്ഞു: “തിരി​ച്ചു​വ​രും എന്ന്‌ നിങ്ങൾ പറഞ്ഞ​പ്പോൾ ഇത്ര പെട്ടെ​ന്നാ​യി​രി​ക്കു​മെന്ന്‌ ഞാൻ കരുതി​യില്ല, എന്നാൽ അകത്തേക്കു വരൂ, ഞാൻ അദ്ധ്യയ​ന​ത്തിന്‌ തയ്യാറാണ്‌.”

³ അത്തരം പെട്ടെ​ന്നു​ളള ഒരു മടക്കസ​ന്ദർശനം സാധാരണ സംഗതി​യ​ല്ലാ​യെ​ന്നി​രി​ക്കെ നമ്മുടെ ശുശ്രൂ​ഷ​യിൽ നാം കണ്ടെത്തുന്ന താല്‌പ​ര്യ​ത്തെ അനാവ​ശ്യ​മായ താമസം കൂടാതെ പിൻപ​റ​റു​ന്ന​തി​ലു​ളള ജാഗ്ര​ത​യു​ടെ ആവശ്യത്തെ ഈ അനുഭവം ഊന്നി​പ്പ​റ​യു​ന്നു. ഏപ്രി​ലിൽ നാം യുവജ​നങ്ങൾ ചോദി​ക്കു​ന്നു പുസ്‌തകം സമർപ്പി​ക്കു​ന്ന​താ​യി​രി​ക്കും. ഇന്ന്‌ ലോക​ത്തി​ലെ യുവജ​ന​ങ്ങ​ളു​ടെ​യി​ട​യി​ലു​ളള അധ:പതിച്ച മൂല്യങ്ങൾ, അവരുടെ പ്രശ്‌നങ്ങൾ നേരി​ടു​ന്ന​തിന്‌ ബൈബി​ളിൽനി​ന്നു​ളള പ്രാ​യോ​ഗിക ബുദ്ധ്യു​പ​ദേ​ശ​ത്തി​ന്റെ ആവശ്യത്തെ സാക്ഷ്യ​പ്പെ​ടു​ത്തു​ന്നു.(2തിമൊ. 3:16,17) യുവജ​നങ്ങൾ ചോദി​ക്കു​ന്നു പുസ്‌തകം യഥാർത്ഥ​ത്തിൽ പ്രാ​യോ​ഗി​ക​മായ ബൈബി​ള​ധി​ഷ്‌ഠിത ഉത്തരങ്ങൾ അവതരി​പ്പി​ക്കു​ന്നു!

⁴ ആളുകൾക്ക്‌ കൂടു​ത​ലായ സഹായം ആവശ്യ​മാണ്‌: ഈ പ്രസി​ദ്ധീ​ക​ര​ണ​ത്തി​ലെ വിവരങ്ങൾ ഗ്രഹി​ക്കാ​നും അത്‌ അവരുടെ ജീവി​ത​ത്തി​നും ഭാവി​ക്കും അനു​യോ​ജ്യ​മാ​ണെന്ന്‌ വിലമ​തി​ക്കാ​നും ആളുകളെ സഹായി​ക്കു​ന്ന​തിന്‌ നാം ഒരു മടക്കസ​ന്ദർശനം ക്രമീ​ക​രി​ക്കേ​ണ്ട​തുണ്ട്‌, ആദ്യസ​ന്ദർശ​ന​ശേഷം ഏതാനും ദിവസ​ങ്ങൾക്കു​ള​ളി​ലാ​യി​രി​ക്കു​ന്നത്‌ ഏറെന​ല്ലത്‌. നാം ഇത്‌ എങ്ങനെ ചെയ്യും? നിങ്ങൾ തിരി​ച്ചു​ചെ​ല്ലു​മെന്ന്‌ വ്യക്തിയെ അറിയി​ക്കു​ന്നത്‌ അയാളു​ടെ താല്‌പ​ര്യ​ത്തി​ന്റെ അളവ്‌ മനസ്സി​ലാ​ക്കാൻ സഹായി​ച്ചേ​ക്കാം.

⁵ മടക്കസ​ന്ദർശ​ന​ത്തിന്‌ പശ്ചാത്തലം ഒരുക്കുക: ഇന്നത്തെ ലോക​ത്തിൽ ഒരു നിശ്ചി​ത​സ​മ​യ​ത്തേക്ക്‌ നിയമനം ലഭിക്കുക എല്ലായ്‌പ്പോ​ഴും എളുപ്പമല്ല, നിയമനം പാലി​ക്കാൻ വീട്ടു​കാ​രൻ ഓർമ്മി​ച്ചി​ല്ലെ​ന്നും വരാം. എന്നുവ​രി​കി​ലും, അത്തരം ഒരു മടക്കസ​ന്ദർശ​ന​ത്തി​ന്റെ സമയം നിങ്ങൾ കൃത്യ​മാ​യി കുറി​ച്ചി​ടു​ക​യും സാദ്ധ്യ​മെ​ങ്കിൽ ഏതാനും ദിവസ​ത്തി​നു​ള​ളിൽ സന്ദർശനം നടത്തി​യെന്ന്‌ ഉറപ്പു​വ​രു​ത്തു​ക​യും ചെയ്യു​ന്നെ​ങ്കിൽ നിയമനം ഗൗരവ​മാ​യെ​ടു​ക്കാ​നു​ളള നിങ്ങളു​ടെ ഉത്തരവാ​ദി​ത്വം നിറ​വേ​റ​റു​ക​യാ​യി​രി​ക്കും. വ്യക്തി വീട്ടി​ലി​ല്ലെ​ങ്കിൽ അയാളെ കണ്ടുമു​ട്ടാൻ തുടർച്ച​യാ​യി ശ്രമി​ക്കു​ന്നു​വെന്ന്‌ ഉറപ്പു​വ​രു​ത്തുക. അയാളെ വീട്ടിൽ കണ്ടെത്താ​നു​ളള നിങ്ങളു​ടെ നിശ്ചയം അയാൾ കാണു​മ്പോൾ നിങ്ങളു​ടെ സന്ദർശനം ഗൗരവ​മാ​യെ​ടു​ക്കാൻ അയാൾ പ്രോൽസാ​ഹി​ത​നാ​യേ​ക്കാം.

⁶ നാം ആദ്യസ​ന്ദർശനം നടത്തു​മ്പോൾ വ്യക്തി​യു​ടെ ഭാഗത്ത്‌ പ്രത്യ​ക്ഷ​മായ താൽപ​ര്യം സംബന്ധിച്ച്‌ നമുക്ക്‌ തീർത്തും നിശ്ചയ​മു​ള​ള​വ​രാ​യി​രി​ക്കാൻ കഴിയാ​ത്ത​തു​കൊണ്ട്‌ അല്‌പം താല്‌പ​ര്യ​മേ പ്രത്യ​ക്ഷ​മാ​കു​ന്നു​ള​ളു​വെ​ങ്കി​ലും വീണ്ടും സന്ദർശി​ക്കാൻ ശ്രദ്ധി​ക്കുക. അത്തരം താല്‌പ​ര്യ​ത്തെ വൈകാ​തെ പിന്തു​ട​രു​ന്നത്‌ പ്രയോ​ജ​ന​ക​ര​മാണ്‌. യുവജ​നങ്ങൾ ചോദി​ക്കു​ന്നു പുസ്‌ത​ക​ത്തിൽ നിങ്ങൾ വ്യക്തി​യു​ടെ താല്‌പ​ര്യ​ത്തെ ഉണർത്തി​യി​ട്ടു​ണ്ടാ​യി​രി​ക്കണം. തിരി​ച്ചു​ചെ​ല്ലു​മ്പോൾ നിങ്ങൾക്കു ലഭിക്കുന്ന നല്ല സ്വീക​ര​ണ​ത്തിൽ നിങ്ങൾ അതിശ​യി​ച്ചു​പോ​യേ​ക്കാം. അതു​കൊണ്ട്‌ താല്‌പ​ര്യ​ത്തെ വൈകാ​തെ പിന്തു​ട​രു​ന്ന​തിന്‌ നിശ്ചയ​മു​ള​ള​വ​രാ​യി​രി​ക്കുക!