യഹോ​വ​യു​ടെ ഇടപെ​ട​ലു​കൾ പ്രസി​ദ്ധ​മാ​ക്കു​ക

¹ “ജാതി​ക​ളു​ടെ ഇടയിൽ അവന്റെ പ്രവൃ​ത്തി​കളെ അറിയി​പ്പിൻ. അവന്റെ നാമം ഉന്നതമാ​യി​രി​ക്കു​ന്നു എന്നു പ്രസ്‌താ​വി​പ്പിൻ. . . , അവൻ ശ്രേഷ്‌ഠ​മാ​യത്‌ ചെയ്‌തി​രി​ക്കു​ന്നു.” (യെശ. 12:4,5) ഈ പ്രബോ​ധ​ന​ത്തോട്‌ നിങ്ങൾ എങ്ങനെ പ്രതി​ക​രി​ക്കു​ന്നു? ഒരു ജനമെ​ന്ന​നി​ല​യി​ലും വ്യക്തി​ക​ളെ​ന്ന​നി​ല​യി​ലും നമ്മോ​ടു​ളള യഹോ​വ​യു​ടെ ഇടപെ​ട​ലു​കൾ നാം ധ്യാനി​ക്കു​മ്പോൾ മററു​ള​ള​വ​രോട്‌ പറയാൻ നമ്മുടെ ഹൃദയങ്ങൾ പ്രേരി​ത​മാ​കു​ന്നി​ല്ലേ? ഏതാണ്ട്‌ 73 വർഷം മുമ്പ്‌ യഹോവ തന്റെ ജനത്തെ ബാബി​ലോ​ന്യ അടിമ​ത്വ​ത്തിൽനിന്ന്‌ മോചി​പ്പി​ച്ചു. സത്യാ​രാ​ധന 1919 മുതൽ ദൃഢമാ​യി സ്ഥാപി​ത​മാ​കു​ക​യും ഇപ്പേൾ ഭൂമി​യു​ടെ എല്ലാ ഭാഗങ്ങ​ളി​ലേ​ക്കും വ്യാപി​ക്കു​ക​യും ചെയ്‌തി​രി​ക്കു​ന്നു. യഹോവ ഈ കാര്യങ്ങൾ ചെയ്‌തി​രി​ക്കു​ന്ന​തി​ന്റെ അളവ്‌ നമ്മുടെ പ്രതീ​ക്ഷ​ക​ളെ​യെ​ല്ലാം മറിക​ട​ന്നി​രി​ക്കു​ന്നു. ഒരു വ്യക്തി​യെ​ന്ന​നി​ല​യിൽ നിങ്ങൾ ദൈവ​ത്തി​ന്റെ മാർഗ്ഗ​നിർദ്ദേ​ശ​ത്തെ​യും സംരക്ഷ​ണ​ത്തെ​യും അനു​ഗ്ര​ഹ​ത്തെ​യും എത്ര ആഴമായി വിലമ​തി​ക്കു​ന്നു? അവന്റെ ഇടപെ​ട​ലു​കൾ പ്രസി​ദ്ധ​മാ​ക്കു​ന്ന​തി​നും അവന്റെ നാമം ഉന്നതമാ​ക്കു​ന്ന​തി​നും നിങ്ങൾക്ക്‌ കൂടുതൽ പ്രവർത്തി​ക്കാൻ കഴിയു​മോ?

² സ്‌മാ​ര​ക​കാ​ലം നാം നിത്യം നന്ദിയു​ള​ള​വ​രാ​യി​രി​ക്കുന്ന ഒരു ദിവ്യ​ന​ട​പടി അനുസ്‌മ​രി​പ്പി​ക്കു​ന്നു. ഒരു സഹായ​പ​യ​ണി​യ​റാ​യി സേവി​ച്ചു​കൊണ്ട്‌ നമ്മുടെ നന്ദിയും വിലമ​തി​പ്പും യഹോ​വ​യോട്‌ പ്രകടി​പ്പി​ക്കാൻ ഏപ്രിൽമാ​സം വിശേ​ഷാൽ അനു​യോ​ജ്യ​മായ ഒരു കാലമാണ്‌. കൂടാതെ, നിങ്ങൾ സർക്കിട്ട്‌ മേൽവി​ചാ​ര​കന്റെ സന്ദർശ​ന​സ​മ​യത്ത്‌ സഹായ​പ​യ​ണി​യ​റിംഗ്‌ നടത്തു​ന്നെ​ങ്കിൽ ശുശ്രൂ​ഷ​യിൽ അദ്ദേഹ​ത്തി​ന്റെ സഹായ​ത്താ​ലും പ്രോ​ത്സാ​ഹ​ന​ത്താ​ലും നിങ്ങൾ വരെയ​ധി​കം പ്രയോ​ജ​ന​മ​നു​ഭ​വി​ക്കും.

³ മിക്ക​പ്പോ​ഴും പ്രസാ​ധ​ക​രു​ടെ കൂട്ടങ്ങൾ സഹായ​പ​യ​ണി​യർമാ​രാ​യി പേർ ചാർത്തു​മ്പോൾ മിക്ക​പ്പോ​ഴും ക്രമീ​ക​ര​ണങ്ങൾ ഫലവത്താ​യി​ത്തീ​രു​ന്നു. എല്ലാവർക്കും കൂടെ പ്രവർത്തി​ക്കാൻ ആരെങ്കി​ലും ഉണ്ടായി​രി​ക്ക​ത്ത​ക്ക​വണ്ണം ഒരു നല്ല പട്ടിക ഉണ്ടാക്കാൻ കഴിയും, കൊച്ചു​കു​ട്ടി​ക​ളു​ളള മാതാ​ക്കൾക്ക്‌ അന്യോ​ന്യം സഹായി​ക്കാൻ ക്രമീ​ക​രി​ക്കാ​വു​ന്ന​താണ്‌. നല്ല ആസൂ​ത്ര​ണ​ത്തോ​ടെ, 60 മണിക്കൂർ വ്യവസ്ഥ​യിൽ എത്തുന്നത്‌ അത്ര വിഷമ​ക​ര​മ​ല്ലെന്ന്‌ അനേകർ കണ്ടെത്തി​യി​രി​ക്കു​ന്നു. ഇതിന്റെ അർത്ഥം ഒരു ദിവസം രണ്ടുമ​ണി​ക്കൂ​റോ ഒരാഴ്‌ച​യിൽ 15 മണിക്കൂ​റോ ശുശ്രൂ​ഷ​യിൽ ചെലവ​ഴി​ക്കുക എന്നാണ്‌. ചില സഹായ​പ​യ​ണി​യർമാർ ലൗകിക തൊഴി​ലി​നു മുമ്പോ അതിനു​ശേ​ഷ​മോ ഒന്നോ രണ്ടോ മണിക്കൂർ സാക്ഷീ​ക​രി​ക്കു​ക​യും വരാന്ത​ങ്ങ​ളിൽ ദീർഘ​സ​മയം സേവി​ക്കു​ക​യും ചെയ്യുന്നു.

⁴ നിങ്ങൾക്ക്‌ സഹായ​പ​യ​ണി​യ​റിംഗ്‌ ചെയ്യാൻ കഴിയു​ന്നി​ല്ലെ​ങ്കി​ലും നിങ്ങളു​ടെ വയൽസേവന പ്രവർത്തനം വർദ്ധി​പ്പി​ക്കാൻ നിങ്ങൾക്കു​ക​ഴി​ഞ്ഞേ​ക്കും. കൂടാതെ, യാത്രക്ക്‌ സഹായം ചെയ്‌തു​കൊ​ണ്ടോ പയണി​യ​റിംഗ്‌ നടത്തു​ന്ന​വ​രോ​ടു​കൂ​ടെ പ്രവർത്തി​ച്ചു​കൊ​ണ്ടോ നിങ്ങൾ അവർക്കൊ​രു പ്രോ​ത്സാ​ഹനം ആയിരി​ക്കും. യഹോ​വ​യു​ടെ നാമവും അവന്റെ ഇടപെ​ട​ലു​ക​ളും പ്രസി​ദ്ധ​മാ​ക്കാൻ നമുക്ക്‌ എന്തുതന്നെ ചെയ്യാൻ കഴിഞ്ഞാ​ലും നമ്മുടെ വിലമ​തി​പ്പു​ളള ദൈവം അത്‌ ശ്രദ്ധി​ക്കാ​തി​രി​ക്കു​ക​യില്ല.—മലാ. 3:16.