ഹൃദയ​ത്തിൽനിന്ന്‌ യഹോ​വയെ സേവി​ക്കാൻ കുട്ടി​കളെ സഹായി​ക്കു​ക

¹ “മക്കൾ യഹോ​വ​യിൽനി​ന്നു​ളള ഒരു അവകാ​ശ​മാ​കു​ന്നു” എന്ന്‌ ശലോ​മോൻ പ്രസ്‌താ​വി​ച്ചു. (സങ്കീ. 127:3-5) അവർ വാസ്‌ത​വ​ത്തിൽ മതിക്കാ​നാ​വാത്ത വിലയു​ളള ഒരു അവകാ​ശ​മാണ്‌. മാതാ​പി​താ​ക്കൾക്ക്‌ തങ്ങളുടെ മക്കളെ പഠിപ്പി​ക്കാ​നും പരിശീ​ലി​പ്പി​ക്കാ​നും ശിക്ഷി​ക്കാ​നു​മു​ളള ദൈവ​ദ​ത്ത​മായ ഒരു ഉത്തരവാ​ദി​ത്ത​മുണ്ട്‌. യഹോ​വ​യെ​യും രാജ്യ​ത്തെ​യും സംബന്ധിച്ച്‌ ഹൃദയ​ത്തിൽനിന്ന്‌ സംസാ​രി​ക്കാൻ കുട്ടി​കളെ പ്രോ​ത്സാ​ഹി​പ്പി​ച്ചു​കൊണ്ട്‌ ശുശ്രൂ​ഷ​യിൽ പരിശീ​ലി​പ്പി​ക്കു​ന്നത്‌ ഇതിൽ ഉൾപ്പെ​ടു​ന്നു.—എഫേ. 6:4.

² മാതാ​പി​താ​ക്കൾ ഈ പരിശീ​ലനം ഏതു പ്രായ​ത്തിൽ തുടങ്ങണം? ബൈബി​ളി​ന്റെ ഉത്തരം വ്യക്തമാണ്‌: അത്‌ ബാല്യം​മു​തൽ ആയിരി​ക്കണം. (2 തിമൊ. 3:14, 15) പരിശീ​ലനം എത്ര നേരത്തെ തുടങ്ങു​ന്നു​വോ, കുട്ടികൾ സത്യത്തിൽ ഒരു ഉറച്ച അടിസ്ഥാ​നം വികസി​പ്പി​ക്കാ​നും ശുശ്രൂ​ഷയെ അവരുടെ കർത്തവ്യ​മാ​ക്കി​ത്തീർക്കാ​നു​മു​ളള സാദ്ധ്യത അത്രയ​ധി​ക​മാണ്‌. ഈ ആദ്യകാല പരിശീ​ലനം അവരെ ലൗകിക ചിന്താ​ഗ​തി​യിൽനി​ന്നും മനോ​ഭാ​വ​ങ്ങ​ളിൽനി​ന്നും സംരക്ഷി​ക്കാ​നും ഉതകും.

³ സ്‌കൂൾപ്രാ​യ​ത്തി​നു​മുമ്പ്‌ അനേകർ സങ്കീർണ്ണ​മായ വൈദ​ഗ്‌ദ്ധ്യ​ങ്ങൾ നേടാ​നു​ളള ഗണ്യമായ വാസന കാണി​ച്ചി​ട്ടുണ്ട്‌. ചെറു​പ്രാ​യ​ത്തിൽ പഠിക്കാ​നു​ളള ഈ സാദ്ധ്യത യഹോ​വ​യു​ടെ അംഗീ​കാ​രം കൈവ​രു​ത്തുന്ന വൈദ​ഗ്‌ദ്ധ്യ​ങ്ങ​ളിൽ അവരെ പരിശീ​ലി​പ്പി​ക്കു​ന്ന​തി​ലേക്ക്‌ തിരി​ച്ചു​വി​ടണം. (w88 8⁄1 പേ. 15; w89 12⁄1 പേ. 31) ചെറു​പ്രാ​യ​ത്തി​ലു​ളള അനേകർ സ്‌നാ​പ​ന​മേൽക്കാത്ത പ്രസാ​ധ​ക​രാ​യി​ത്തീ​രുന്ന അളവോ​ളം പുരോ​ഗതി പ്രാപി​ച്ചി​ട്ടുണ്ട്‌. ചില കുട്ടികൾ ഒരു സമർപ്പണം നടത്തു​ക​യും അവരുടെ കൗമാ​ര​പ്രാ​യ​ത്തിൽ പ്രവേ​ശി​ക്കു​ന്ന​തി​നു​മു​മ്പു സ്‌നാ​പ​ന​മേൽക്കു​ക​യും ചെയ്യുന്നു. ഇതു തങ്ങളുടെ സ്‌കൂൾവി​ദ്യാ​ഭ്യാ​സം തീരു​ന്ന​തി​നു​മുമ്പ്‌ സഹായ​പ​യ​നി​യർമാ​രും നിരന്ത​ര​പ​യ​നി​യർമാ​രാ​യി​പോ​ലും സേവി​ക്കാൻ അവർക്ക്‌ വഴിതു​റ​ന്നു​കൊ​ടു​ത്തി​രി​ക്കു​ന്നു. ഈ ലാക്കു​ക​ളിൽ എത്തുന്ന​തിന്‌ ആളുക​ളോ​ടു വിവിധ ബൈബിൾ വിഷയങ്ങൾ സംബന്ധിച്ച്‌ സംസാ​രി​ക്കാൻ അവർ പഠിപ്പി​ക്ക​പ്പെ​ടേണ്ട ആവശ്യ​മുണ്ട്‌.

⁴ ഇന്നത്തെ യുവജ​ന​ങ്ങളെ പൊതു​വിൽ ധിക്കാ​രി​ക​ളും ആദരവി​ല്ലാ​ത്ത​വ​രും ആയി കാണാൻ ചായ്‌വു​ളള ചില മുതിർന്ന​വർക്ക്‌ വീട്ടു​വാ​തിൽക്കൽ സന്ദർശി​ക്കുന്ന ഒരു യുവാ​വു​മാ​യി ആശയവി​നി​യമം നടത്താൻ ഒട്ടും താൽപ​ര്യ​മി​ല്ലാ​യി​രി​ക്കാം. അത്തരം ഒരു പ്രതി​ബന്ധം തരണം ചെയ്യു​ന്ന​തി​നും മുതിർന്ന വീട്ടു​കാ​രന്റെ ശ്രദ്ധ പിടി​ച്ചെ​ടു​ക്കു​ന്ന​തി​നും ഒരു യുവ​പ്ര​സാ​ധ​കന്‌ വീട്ടു​വാ​തിൽക്കൽ എന്തു പറയാ​വു​ന്ന​താണ്‌? ഒരു യുവ​പ്ര​സാ​ധകൻ ഇതു​പോ​ലെ ഒന്ന്‌ ഉപയോ​ഗി​ച്ചു: “നമസ്‌ക്കാ​രം, എന്റെ പേര്‌ .......... ആണ്‌. അനേകർ ഭാവിയെ സംബന്ധിച്ച്‌ ഉത്‌ക്ക​ണ്‌ഠ​യു​ള​ളവർ ആയതു​കൊണ്ട്‌ ഞാൻ ഇന്ന്‌ എന്റെ അയൽക്കാ​രെ സന്ദർശി​ക്കു​ക​യാണ്‌. മുതിർന്ന ഒരാ​ളെ​ന്ന​നി​ല​യിൽ, അങ്ങ്‌ തീർച്ച​യാ​യും എന്നേക്കാൾ കൂടുതൽ ജീവി​താ​നു​ഭവം ഉളളയാ​ളാണ്‌. എന്നിരു​ന്നാ​ലും, ഇവിടെ നമ്മെ​യെ​ല്ലാം ആശ്വസി​പ്പി​ക്കുന്ന ഒരു തിരു​വെ​ഴു​ത്തുണ്ട്‌.” വെളി​പ്പാട്‌ 21:3, 4 വായി​ച്ച​ശേഷം സമാധാ​ന​പൂർണ്ണ​മായ ഒരു പുതിയ ലോക​ത്തി​ലെ ജീവിതം എന്ന ലഘു​ലേ​ഖ​യിൽ സംഭാ​ഷണം കേന്ദ്രീ​ക​രി​ക്കാൻ കഴിയും.

⁵ മറെറാ​രു നിർദ്ദേശം ഇതാണ്‌: “ഹലോ, എന്റെ പേര്‌ .......... ആണ്‌. ഇന്ന്‌ യുവജ​നങ്ങൾ സ്വീക​രി​ച്ചു​കാ​ണുന്ന മാർഗ്ഗ​നിർദ്ദേശം സംബന്ധിച്ച്‌ പല മുതിർന്ന​വ​രും ഉത്‌ക്ക​ണ്‌ഠ​യു​ള​ള​വ​രാ​ണെന്ന്‌ അറിയു​ന്ന​തു​കൊണ്ട്‌ ഞാൻ അയൽപ​ക്കത്ത്‌ ഹ്രസ്വ​സ​ന്ദർശ​നങ്ങൾ നടത്തി​വ​രി​ക​യാണ്‌. ചില​പ്പോൾ യുവജ​നങ്ങൾ ആദരവി​ല്ലാത്ത, നിഷേധ മനോ​ഭാ​വം പോലും പ്രകട​മാ​ക്കു​ന്നു. ഒരുനാൾ എല്ലാവ​രും സമാധാ​ന​ത്തിൽ ഒരുമി​ച്ചു ജീവി​ക്കാൻ എങ്ങനെ പഠിക്കു​മെന്നു പ്രകട​മാ​ക്കുന്ന ഒരു തിരു​വെ​ഴുത്ത്‌ ഞാൻ പങ്കു​വെച്ചു വരിക​യാണ്‌.” അതിനു​ശേഷം സങ്കീർത്തനം 37:11 വായി​ക്കു​ക​യും അനു​യോ​ജ്യ​മാ​യി അഭി​പ്രാ​യം പറയു​ക​യും ചെയ്യുക. നമ്മുടെ യുവ​പ്ര​സാ​ധ​ക​രു​ടെ അത്തരം ആത്മാർത്ഥ​മായ വാക്കുകൾ മുതിർന്ന വീട്ടു​കാർ കേൾക്കു​മ്പോൾ തീർച്ച​യാ​യും അവരിൽപ​ല​രും മതിപ്പു​ള​ള​വ​രാ​യി​ത്തീ​രും.

⁶ ആയിര​ക്ക​ണ​ക്കി​നു യുവ​പ്ര​സാ​ധകർ രാജ്യ​പ്ര​സം​ഗ​ത്തി​നും ശിഷ്യ​രാ​ക്കൽവേ​ല​ക്കും മികച്ച ഒരു സംഭാവന നൽകി​ക്കൊ​ണ്ടി​രി​ക്കു​ന്നു. അവരെ ഊഷ്‌മ​ള​മാ​യി അഭിന​ന്ദി​ക്കേ​ണ്ട​താണ്‌. ദൈവ​ഭ​ക്ത​രായ മാതാ​പി​താ​ക്കൾ ബാല്യം മുതൽ പരിശീ​ലി​പ്പി​ച്ചി​ട്ടു​ളള യുവജ​നങ്ങൾ ശുശ്രൂ​ഷ​യു​ടെ എല്ലാ വശങ്ങളി​ലും പൂർണ്ണ​മായ ഒരു പങ്കുണ്ടാ​യി​രി​ക്കാൻ ലാക്കു​വെച്ചു പ്രവർത്തി​ക്കു​ന്ന​തി​നു​ളള ആത്മാർത്ഥ​മായ പ്രോൽസാ​ഹ​ന​ത്തോട്‌ ഉടൻ പ്രതി​ക​രി​ക്കു​ന്നു. സ്‌കൂ​ളി​ലാ​യി​രി​ക്കു​ന്ന​വർക്ക്‌ സഹപാ​ഠി​ക​ളോ​ടും അതു​പോ​ലെ​തന്നെ അദ്ധ്യാ​പ​ക​രോ​ടും സാക്ഷീ​ക​രി​ക്കാ​നു​ളള അതുല്യ​മായ അവസര​മുണ്ട്‌. അനേകർ ഈ പ്രത്യേ​ക​പ്ര​ദേ​ശത്ത്‌ സാക്ഷീ​ക​രി​ച്ചു​കൊണ്ട്‌ തൃപ്‌തി​ക​ര​മായ അനുഭ​വങ്ങൾ ആസ്വദി​ച്ചി​രി​ക്കു​ന്നു.

⁷ അതു​കൊണ്ട്‌ ഹൃദയ​ത്തിൽനി​ന്നു യഹോ​വയെ സ്‌തു​തി​ച്ചു​കൊണ്ട്‌ യുവ​ചൈ​ത​ന്യ​ത്തോ​ടെ അവനെ സേവി​ക്കു​ന്ന​തി​നു​ളള അവസരം പ്രയോ​ജ​ന​പ്പെ​ടു​ത്താൻ നിങ്ങളു​ടെ സഭയിലെ യുവ​പ്ര​സാ​ധ​കരെ സഹായി​ക്കുക.—സഭാ. 12:1.