ഭവന ബൈബി​ള​ധ്യ​യ​നങ്ങൾ തുടങ്ങൽ

¹ സത്യ​ക്രി​സ്‌ത്യാ​നി​കൾക്ക്‌ ഉണ്ടായി​രി​ക്കാ​വുന്ന ഏററവും പ്രതി​ഫ​ല​ദാ​യ​ക​വും സംതൃ​പ്‌തി​ക​ര​വും ആയ അനുഭ​വ​ങ്ങ​ളിൽ ഒന്ന്‌ ഒരു ഭവന ബൈബി​ള​ധ്യ​യനം മുഖാ​ന്തരം ആരെ​യെ​ങ്കി​ലും സത്യം പഠിപ്പി​ക്കുക എന്നതാണ്‌. പ്രതി​ഫ​ല​ദാ​യ​ക​വും സംതൃ​പ്‌തി​ക​ര​വു​മായ ശുശ്രൂ​ഷ​യു​ടെ ഈ മണ്ഡലത്തിൽ ചിലർ പങ്കുപ​റ​റാ​തി​രു​ന്നേ​ക്കാം, കാരണം ഒരു ബൈബി​ള​ധ്യ​യനം തുടങ്ങാ​നും നടത്താ​നും തങ്ങൾ അപ്രാ​പ്‌ത​രാ​ണെന്ന്‌ അവർ വിചാ​രി​ക്കു​ന്നു. പ്രമു​ഖ​രായ പല പ്രസാ​ധ​ക​രും പയനി​യർമാ​രും ഒരിക്കൽ അങ്ങനെ ചിന്തി​ച്ചി​രു​ന്നു. എന്നിരു​ന്നാ​ലും യഹോ​വ​യിൽ ആശ്രയി​ക്കു​ക​യും നമ്മുടെ രാജ്യ ശുശ്രൂ​ഷ​യി​ലെ നിർദേ​ശങ്ങൾ ബാധക​മാ​ക്കു​ക​യും ചെയ്‌തു​കൊ​ണ്ടു ബൈബി​ള​ധ്യ​യ​നങ്ങൾ എങ്ങനെ തുടങ്ങാ​നും നടത്താ​നും കഴിയു​മെന്ന്‌ അവർ പഠിച്ചു. അവർ ശുശ്രൂ​ഷ​യി​ലെ സന്തോഷം വർധി​പ്പി​ക്കു​ക​യും ചെയ്‌തു. നിങ്ങൾക്ക്‌ അതേ ലക്ഷ്യം ഉണ്ടായി​രി​ക്കാൻ കഴിയും.

² നേരി​ട്ടു​ളള രീതി​യും ലഘു​ലേ​ഖ​ക​ളും ഉപയോ​ഗിച്ച്‌: ഒരു അധ്യയനം തുടങ്ങാ​നു​ളള ഏററവും എളുപ്പ​മായ മാർഗ​ങ്ങ​ളിൽ ഒന്ന്‌ നേരി​ട്ടു​ളള രീതി​യാണ്‌. ചിലയാ​ളു​കൾക്ക്‌ ആവശ്യ​മാ​യി​രി​ക്കു​ന്നതു ബൈബിൾ പഠിക്കാ​നു​ളള ഊഷ്‌മ​ള​മായ ഒരു ക്ഷണം മാത്ര​മാണ്‌. വീട്ടു​കാ​ര​നോ​ടു കേവലം ഇങ്ങനെ ചോദി​ച്ചു​കൊണ്ട്‌ ഇതു ചെയ്യാ​വു​ന്ന​താണ്‌: “വ്യക്തി​പ​ര​മായ ഒരു ബൈബി​ള​ധ്യ​യനം ഉണ്ടായി​രി​ക്കാ​നും ബൈബി​ളി​നെ​യും ഭൂമിയെ സംബന്ധിച്ച ദൈ​വോ​ദ്ദേ​ശ്യ​ത്തെ​യും കുറി​ച്ചു​ളള നിങ്ങളു​ടെ അറിവു വർധി​പ്പി​ക്കാ​നും നിങ്ങൾ ആഗ്രഹി​ക്കു​ന്നു​വോ?” അല്ലെങ്കിൽ ഭവന ബൈബി​ള​ധ്യ​യനം നടത്തുന്ന വിധം പ്രകടി​പ്പി​ച്ചു കാണി​ക്കാൻ നിങ്ങൾ സന്തുഷ്ട​നാ​യി​രി​ക്കു​മെന്നു വീട്ടു​കാ​ര​നോ​ടു പറയാ​വു​ന്ന​താണ്‌. ഈ ക്ഷണം പലരും നിരസി​ച്ചേ​ക്കാ​മെ​ങ്കി​ലും അതു സ്വീക​രി​ക്കുന്ന ആരെ​യെ​ങ്കി​ലും കണ്ടെത്തു​ന്ന​തി​ലെ നിങ്ങളു​ടെ സന്തോ​ഷ​ത്തെ​ക്കു​റി​ച്ചു ചിന്തി​ക്കുക!

³ ഒരു ബൈബി​ള​ധ്യ​യനം തുടങ്ങു​ന്ന​തി​നു​ളള മറെറാ​രു മാർഗം നമ്മുടെ ലഘു​ലേ​ഖ​ക​ളിൽ ഒന്ന്‌ ഉപയോ​ഗി​ക്കു​ന്ന​താണ്‌. വലിപ്പ​ത്തിൽ ചെറു​താ​ണെ​ങ്കി​ലും ശക്തവും ബോധ്യ​പ്പെ​ടു​ത്തു​ന്ന​തു​മായ ഒരു സന്ദേശം അവ അവതരി​പ്പി​ക്കു​ന്നു. ഒരു ലഘുലേഖ ഉപയോ​ഗി​ച്ചു​കൊണ്ട്‌ അധ്യയനം എങ്ങനെ തുടങ്ങാൻ കഴിയും? വീട്ടു​കാ​രന്‌ ഇഷ്ടപ്പെ​ടു​മെന്നു നിങ്ങൾ കരുതുന്ന ഒരു ലഘുലേഖ അദ്ദേഹ​ത്തി​നു കൊടു​ത്തു​കൊ​ണ്ടു​തന്നെ. അതിനു​ശേഷം മുൻ​കൈ​യെ​ടുത്ത്‌ ആദ്യത്തെ ഖണ്ഡിക വായി​ക്കാൻ വീട്ടു​കാ​രനെ ക്ഷണിക്കുക. പരാമർശി​ച്ചി​രി​ക്കുന്ന തിരു​വെ​ഴു​ത്തു​കൾ എടുത്തു​നോ​ക്കു​ക​യും വിഷയ​ത്തിന്‌ അവ എങ്ങനെ ബാധക​മാ​കു​ന്നു എന്നു ചർച്ച ചെയ്യു​ക​യും ചെയ്യുക. ആദ്യ സന്ദർശ​ന​ത്തിൽ നിങ്ങൾക്ക്‌ ഒന്നോ രണ്ടോ ഖണ്ഡികകൾ മാത്രം ചർച്ച ചെയ്യാ​വു​ന്ന​താണ്‌. ബൈബി​ളിൽനി​ന്നു താത്‌പ​ര്യ​ജ​ന​ക​മായ വിഷയ​ങ്ങ​ളാ​ണു താൻ പഠിച്ചു​കൊ​ണ്ടി​രി​ക്കു​ന്ന​തെന്നു വീട്ടു​കാ​രൻ വിലമ​തി​ച്ചു​തു​ട​ങ്ങു​മ്പോൾ ചർച്ചക​ളിൽ നിങ്ങൾ ചെലവ​ഴി​ക്കുന്ന സമയം വർധി​പ്പി​ക്കാൻ കഴി​ഞ്ഞേ​ക്കാം.

⁴ കേവലം ബൈബിൾ ഉപയോ​ഗിച്ച്‌: ചില​പ്പോൾ ഒരു വ്യക്തി ബൈബിൾ ചർച്ച ചെയ്യാൻ സമ്മതി​ക്കു​ന്നു​വെ​ങ്കി​ലും ഒരു ഔപചാ​രിക അധ്യയനം സ്വീക​രി​ക്കാ​നോ നമ്മുടെ പ്രസി​ദ്ധീ​ക​ര​ണ​ങ്ങ​ളിൽ ഒന്ന്‌ ഉപയോ​ഗ​പ്പെ​ടു​ത്താ​നോ വിമുഖത കാട്ടി​യേ​ക്കാം. നിങ്ങൾക്ക്‌ അപ്പോ​ഴും എന്നേക്കും ജീവി​ക്കാൻ പുസ്‌ത​ക​ത്തി​ലെ​യോ ന്യായ​വാ​ദം പുസ്‌ത​ക​ത്തി​ലെ​യോ ഭാഗങ്ങളെ അടിസ്ഥാ​ന​മാ​ക്കി താത്‌പ​ര്യ​ജ​ന​ക​മായ തിരു​വെ​ഴു​ത്തു ചർച്ചകൾ തയ്യാറാ​ക്കാ​നും, എന്നാൽ താത്‌പ​ര്യ​ക്കാ​രനെ സന്ദർശി​ക്കു​മ്പോൾ ബൈബിൾ മാത്രം ഉപയോ​ഗി​ച്ചു​കൊണ്ട്‌ ഒരു ബൈബി​ള​ധ്യ​യനം തുടങ്ങാ​നും നടത്താ​നും കഴിയും. അത്തരം ചർച്ചകൾ 15-ഓ 20-ഓ മിനി​റേറാ, സാഹച​ര്യ​ങ്ങളെ ആശ്രയിച്ച്‌ അതിൽ കൂടുതൽ സമയമോ ദീർഘി​ച്ചേ​ക്കാം. ബൈബിൾ സത്യങ്ങൾ പഠിപ്പി​ക്കു​ന്ന​തി​നു ക്രമാ​നു​ഗ​ത​മായ ഒരു രീതി തുടർച്ച​യാ​യി ഉപയോ​ഗി​ച്ചാൽ അപ്പോൾ നിങ്ങൾ ഒരു ബൈബി​ള​ധ്യ​യനം തുടങ്ങി​ക്ക​ഴി​ഞ്ഞു, ഒരു ബൈബി​ള​ധ്യ​യ​ന​മാ​യി അതു റിപ്പോർട്ടു ചെയ്യാ​വു​ന്ന​തു​മാണ്‌. ഉചിത​മായ സമയം വരു​മ്പോൾ എന്നേക്കും ജീവി​ക്കാൻ പുസ്‌തകം പരിച​യ​പ്പെ​ടു​ത്തു​ക​യും ഒരു ഔപചാ​രിക അധ്യയനം നടത്തു​ക​യും ചെയ്യുക.

⁵ വയൽശു​ശ്രൂ​ഷ​യി​ലെ അവസരങ്ങൾ കണ്ടെത്തു​ന്നതു കൂടാതെ അയൽക്കാ​രു​മാ​യോ കൂട്ടു​കാ​രു​മാ​യോ കുടും​ബാം​ഗ​ങ്ങ​ളു​മാ​യോ ബൈബി​ള​ധ്യ​യനം തുടങ്ങാൻ നിങ്ങൾ ശ്രമി​ച്ചി​ട്ടു​ണ്ടോ? അതു കുറെ​ക്കാ​ലം മുമ്പാ​യി​രു​ന്നോ? അടുത്ത കാലത്തു നിങ്ങൾ വീണ്ടും ശ്രമി​ച്ചു​നോ​ക്കി​യോ? ഒരു വിധം ഫലിച്ചി​ല്ലെ​ങ്കിൽ മറെറാ​ന്നു ശ്രമി​ച്ചു​നോ​ക്കാൻ നിങ്ങൾ പരിചി​ന്തനം നടത്തി​യി​ട്ടു​ണ്ടോ?

⁶ നൽകി​യി​രി​ക്കുന്ന നിർദേ​ശങ്ങൾ നിങ്ങൾ ബാധക​മാ​ക്കു​ക​യും വയൽസേ​വ​ന​ത്തിൽ തുടർന്നു നിലനിൽക്കു​ക​യും അനു​ഗ്ര​ഹ​ത്തി​നാ​യി യഹോ​വ​യിൽ ആശ്രയി​ക്കു​ക​യും ചെയ്യു​ന്ന​പക്ഷം അധ്യയ​നങ്ങൾ തുടങ്ങു​ന്ന​തിൽ നിങ്ങൾക്കു വിജയ​പ്ര​ദ​രാ​യി​രി​ക്കാൻ കഴിയും. സത്യത്തി​ന്റെ ശക്തി​യെ​യും യഹോവ നൽകുന്ന സഹായ​ത്തെ​യും വിലകു​റച്ചു കാണരുത്‌. ഭവന ബൈബി​ള​ധ്യ​യ​നങ്ങൾ തുടങ്ങു​ക​യും നടത്തു​ക​യും ചെയ്‌തു​കൊ​ണ്ടു ശുശ്രൂ​ഷ​യി​ലെ നിങ്ങളു​ടെ സന്തോഷം നിങ്ങൾ വിർധി​പ്പി​ക്കു​മാ​റാ​കട്ടെ.