ആനന്ദി​ക്കുന്ന മാതാ​പി​താ​ക്കൾ!

¹ നിങ്ങൾ ഒരു ക്രിസ്‌തീയ കുടും​ബ​ത്തിൽ ജീവി​ക്കുന്ന ഒരു യുവ വ്യക്തി​യാ​ണെ​ങ്കിൽ ഒരു പ്രത്യേക വിധത്തിൽ നിങ്ങളു​ടെ മാതാ​പി​താ​ക്കളെ നിങ്ങൾക്കു സന്തോ​ഷി​പ്പി​ക്കാൻ കഴിയും. നിങ്ങൾ നീതി​യുള്ള ഒരു ജീവി​ത​ഗതി പിന്തു​ട​രു​ന്ന​പക്ഷം ‘നിങ്ങളു​ടെ അമ്മയപ്പ​ന്മാർ സന്തോ​ഷി​ക്കും.’ (സദൃ. 23:22-25) നിങ്ങളു​ടെ മാതാ​പി​താ​ക്കൾ സ്വാഭാ​വി​ക​മാ​യും നിങ്ങൾക്കു​വേണ്ടി ഏറ്റവും ഉത്തമമാ​ണു കാംക്ഷി​ക്കു​ന്നത്‌. നിങ്ങൾ സത്യം സ്വന്തമാ​ക്കു​ക​യും ജീവിതം യഹോ​വ​യ്‌ക്കു സമർപ്പി​ക്കു​ക​യും ചെയ്യു​ന്ന​തി​ലും അധിക​മാ​യി അവരെ സന്തോ​ഷി​പ്പി​ക്കുന്ന ഒന്നുമില്ല.

² സത്യത്തി​ലാ​യി​രി​ക്കുന്ന മാതാ​പി​താ​ക്കൾ നിമിത്തം നിങ്ങൾക്കു നന്ദിയു​ള്ള​വ​രാ​യി​രി​ക്കാൻ കഴിയും. നിങ്ങൾ ജനിച്ച​പ്പോൾ മുതൽ അവർ നിങ്ങളെ ഊട്ടു​ക​യും ഉടുപ്പി​ക്കു​ക​യും പാർപ്പി​ക്കു​ക​യും രോഗാ​വ​സ്ഥ​യിൽ പരിപാ​ലി​ക്കു​ക​യും ചെയ്‌തി​രി​ക്കു​ന്നു. അതിലും പ്രധാ​ന​മാ​യി, യഹോ​വ​യെ​ക്കു​റി​ച്ചും അവന്റെ നീതി​യുള്ള വഴിക​ളെ​ക്കു​റി​ച്ചും നിങ്ങളെ പഠിപ്പി​ക്കാൻ അവർ ശ്രമം ചെലു​ത്തി​യി​രി​ക്കു​ന്നു; നിങ്ങൾക്കു നിത്യ​ജീ​വൻ ഉറപ്പു​വ​രു​ത്തുന്ന പരിശീ​ല​ന​മാ​ണത്‌. (എഫെ. 6:1-4) നിങ്ങൾക്ക്‌ എങ്ങനെ വിലമ​തി​പ്പു കാണി​ക്കാൻ കഴിയും?

³ സത്യം നിങ്ങളു​ടെ സ്വന്തമാ​ക്കുക: സത്യം ഗൗരവ​മാ​യി​ട്ടെ​ടു​ക്കാ​നും ആത്മീയ പുരോ​ഗതി നേടാ​നും യഹോ​വ​യു​ടെ സ്ഥാപന​ത്തോ​ടു പറ്റിനിൽക്കാ​നും നിങ്ങളെ പഠിപ്പി​ക്കേ​ണ്ട​തി​നു നിങ്ങളു​ടെ മാതാ​പി​താ​ക്കൾ ശ്രമം​ചെ​ലു​ത്തി​യി​ട്ടുണ്ട്‌. നിർബന്ധം ചെലു​ത്താ​തെ​തന്നെ കുടുംബ അധ്യയ​ന​ത്തിൽ താത്‌പ​ര്യ​മെ​ടു​ത്തു​കൊ​ണ്ടു നിങ്ങൾക്കു വിലമ​തി​പ്പു പ്രകട​മാ​ക്കാൻ കഴിയും. യോഗ​ങ്ങ​ളിൽ പങ്കെടു​ക്കാ​നുള്ള താത്‌പ​ര്യം പ്രകട​മാ​ക്കുക. നിങ്ങൾതന്നെ മുൻകൈ എടുത്തു തയ്യാറാ​കുക. അങ്ങനെ​യാ​കു​മ്പോൾ കുടും​ബ​ത്തി​ലെ മറ്റുള്ള​വർക്കും സമയത്ത്‌ എത്താൻ കഴിയു​മ​ല്ലോ. യോഗങ്ങൾ നടക്കു​മ്പോൾ നിങ്ങളു​ടെ മാതാ​പി​താ​ക്ക​ളോ​ടൊ​പ്പം ഇരിക്കു​ക​യും പഠിച്ചു​കൊ​ണ്ടി​രി​ക്കുന്ന പ്രസി​ദ്ധീ​ക​ര​ണ​ത്തിൽ അടുത്ത ശ്രദ്ധ​ചെ​ലു​ത്തു​ക​യും ചെയ്യുക. അഭി​പ്രാ​യം പറഞ്ഞു​കൊ​ണ്ടു യോഗ​ങ്ങ​ളിൽ ഒരു പങ്കുണ്ടാ​യി​രി​ക്കാൻ ശ്രമി​ക്കുക. ദിവ്യാ​ധി​പത്യ ശുശ്രൂ​ഷാ​സ്‌കൂ​ളി​ലെ നിയമ​നങ്ങൾ സ്വീക​രി​ച്ചു​കൊ​ണ്ടും അവ കഴിവി​ന്റെ പരമാ​വധി മെച്ചമാ​യി ചെയ്‌തു​കൊ​ണ്ടും നിങ്ങൾ മനസ്സൊ​രു​ക്ക​മുള്ള വിദ്യാർഥി​യാ​ണെന്നു കാണി​ക്കുക. രാജ്യ​ഹാ​ളി​നു ചുറ്റു​പാ​ടു​മുള്ള ജോലി​ക​ളിൽ നിങ്ങളു​ടെ സഹായം പ്രയോ​ജ​ന​പ്ര​ദ​മാ​യി​രി​ക്കു​ന്നി​ടത്തു സഹായി​ക്കാൻ സന്നദ്ധത കാട്ടുക. അത്തരം പ്രവർത്ത​ന​ങ്ങ​ളിൽ ഏർപ്പെ​ടു​ന്നത്‌ ആത്മീയ​മാ​യി നിങ്ങൾക്കു പ്രയോ​ജ​ന​പ്ര​ദ​മായ കാര്യ​ങ്ങ​ളിൽ നിങ്ങളു​ടെ ഹൃദയം കേന്ദ്രീ​ക​രി​ക്കാൻ ഇടയാ​ക്കും.

⁴ പുരോ​ഗ​മ​ന​പ​ര​മായ ലാക്കുകൾ വയ്‌ക്കുക: ഒരു പ്രസാ​ധ​ക​നെന്ന നിലയിൽ യോഗ്യത പ്രാപി​ക്കു​ന്ന​തി​നു വയൽസേ​വ​ന​ത്തിൽ അർഥവ​ത്തായ പങ്കുണ്ടാ​യി​രി​ക്കാൻ ശ്രമി​ക്കുക. വാരം​തോ​റു​മുള്ള ബൈബിൾ വായന ക്രമമാ​യി നടത്തുക, അല്ലെങ്കിൽ മുഴു ബൈബി​ളും സ്വന്തമാ​യി വായിച്ചു തീർക്കു​ന്നത്‌ ഏറെ മെച്ചമാ​യി​രി​ക്കും. സമർപ്പ​ണ​ത്തി​നും സ്‌നാ​പ​ന​ത്തി​നു​മുള്ള യോഗ്യ​തകൾ നേടി​യെ​ടു​ക്കു​മെന്നു ദൃഢനി​ശ്ചയം ചെയ്യുക. യഹോ​വ​യു​ടെ സേവന​ത്തിൽ ഒരു മുഴു പങ്കുണ്ടാ​യി​രി​ക്കാൻ നിങ്ങളെ പ്രാപ്‌ത​രാ​ക്കുന്ന പരിശീ​ലനം നേടണ​മെന്ന ലക്ഷ്യത്തിൽ സ്‌കൂ​ളി​ലെ വിഷയങ്ങൾ ശ്രദ്ധാ​പൂർവം തിര​ഞ്ഞെ​ടു​ക്കു​ന്ന​തി​നു മാതാ​പി​താ​ക്കൾക്കു നിങ്ങളെ സഹായി​ക്കാ​നാ​വും. പയനി​യ​റി​ങ്ങോ ബെഥേൽ സേവന​മോ പോലുള്ള പ്രത്യേക പദവി​കൾക്കു മറ്റുള്ളവർ നിങ്ങളെ ശുപാർശ ചെയ്യത്തക്ക സത്‌പേരു സമ്പാദി​ച്ചെ​ടു​ക്കാൻ ശ്രദ്ധ കേന്ദ്രീ​ക​രി​ക്കുക. (പ്രവൃ. 16:1, 2) ലാക്കുകൾ നേടി​യെ​ടു​ക്കു​ന്നത്‌ ‘പ്രാധാ​ന്യ​മേ​റിയ കാര്യങ്ങൾ തിട്ട​പ്പെ​ടു​ത്തി . . . നീതി​ഫ​ല​ങ്ങൾകൊ​ണ്ടു നിറയു​ന്ന​തി​നു’ നിങ്ങളെ സഹായി​ച്ചേ​ക്കാം.—ഫിലി. 1:10, 11.

⁵ യുവ​പ്രാ​യം, പഠിക്കു​ന്ന​തി​നും അനുഭവം നേടി​യെ​ടു​ക്കു​ന്ന​തി​നും മറ്റുള്ള​വ​രു​മാ​യുള്ള ഇടപെ​ട​ലി​ലൂ​ടെ നിപുണത നേടി​യെ​ടു​ക്കു​ന്ന​തി​നു​മുള്ള സമയമാണ്‌. പ്രായ​പൂർത്തി​യാ​കു​ന്ന​തോ​ടൊ​പ്പം ഉണ്ടാകുന്ന സമ്മർദ​ങ്ങ​ളും ഉത്തരവാ​ദി​ത്വ​ങ്ങ​ളും ഒന്നുമി​ല്ലാ​തെ ജീവിതം ആസ്വദി​ക്കാൻ പറ്റിയ സമയമാ​ണത്‌. “യൌവ​ന​ക്കാ​രാ, നിന്റെ യൌവ​ന​ത്തിൽ സന്തോ​ഷിക്ക; യൌവ​ന​കാ​ല​ത്തിൽ നിന്റെ ഹൃദയം ആനന്ദി​ക്കട്ടെ” എന്നു ശലോ​മോൻ പറഞ്ഞു. (സഭാ. 11:9) നിങ്ങളു​ടെ യൗവന​കാ​ലത്തു യഹോ​വയെ സേവി​ക്കാൻ ഹൃദയത്തെ ഏകാ​ഗ്ര​മാ​ക്കു​ന്നു​വെ​ങ്കിൽ എന്നേക്കും നിലനിൽക്കുന്ന അനു​ഗ്ര​ഹങ്ങൾ നിങ്ങൾ കൊയ്‌തെ​ടു​ക്കും.—1 ദിന. 28:9.

⁶ ‘യൌവ​ന​മോ​ഹങ്ങൾ’ക്കു പകരം ‘നീതി പിന്തു​ടരു’ന്നുവെ​ങ്കിൽ നിങ്ങൾ നിങ്ങളു​ടെ മാതാ​പി​താ​ക്ക​ളു​ടെ തലയിൽനിന്ന്‌ ഉത്‌ക​ണ്‌ഠ​യും ഹൃദയ​വേ​ദ​ന​യു​മെന്ന ഭാരിച്ച ചുമട്‌ ഇറക്കി​വ​യ്‌ക്കു​ക​യാ​യി​രി​ക്കും ചെയ്യുക. (2 തിമൊ. 2:22) നിങ്ങളു​ടെ തന്നെ ഹൃദയം ആനന്ദി​ക്കാ​നി​ട​യാ​ക്കു​ക​യാ​ണു ചെയ്യു​ന്നത്‌. (സദൃ. 12:25) സർവോ​പരി, സ്രഷ്ടാ​വായ യഹോ​വ​യാം ദൈവ​ത്തി​നു നിങ്ങൾ സന്തോഷം കൈവ​രു​ത്തും.—സദൃ. 27:11.