നിങ്ങൾ ഉദാസീ​ന​ത​യോട്‌ എങ്ങനെ പ്രതി​ക​രി​ക്കു​ന്നു?

¹ ഉദാസീ​നത എന്നതു വികാ​ര​വി​ചാ​ര​മി​ല്ലാത്ത, താത്‌പ​ര്യ​മോ പരിഗ​ണ​ന​യോ ഇല്ലാത്ത അവസ്ഥയാണ്‌. ശുശ്രൂ​ഷ​യിൽ നാം അഭിമു​ഖീ​ക​രി​ക്കുന്ന മനോ​ഭാ​വ​ങ്ങ​ളിൽവെച്ച്‌ കൈകാ​ര്യം​ചെ​യ്യാൻ ഏറ്റവും പ്രയാ​സ​മു​ള്ള​തും സർവസാ​ധാ​ര​ണ​വു​മായ ഒന്നാണിത്‌. നിങ്ങള​തി​നോട്‌ എങ്ങനെ​യാ​ണു പ്രതി​ക​രി​ക്കു​ന്നത്‌? അതു നിങ്ങൾക്കു ശുശ്രൂ​ഷ​യിൽ മടുപ്പു​ള​വാ​കാ​നി​ട​യാ​ക്കി​യി​ട്ടു​ണ്ടോ? രാജ്യ​സ​ന്ദേശം ആളുക​ളു​ടെ അടുക്ക​ലെ​ത്തി​ക്കാൻ തക്കവണ്ണം നിങ്ങൾക്ക്‌ അതിനെ എങ്ങനെ തരണം​ചെ​യ്യാൻ സാധി​ക്കും?

² ഒന്നാമ​താ​യി, നിങ്ങളു​ടെ പ്രദേ​ശ​ത്തു​ള്ളവർ ഉദാസീ​ന​രാ​യി​രി​ക്കു​ന്ന​തെ​ന്തു​കൊ​ണ്ടെന്നു കണ്ടെത്തുക. അവർ തങ്ങളുടെ രാഷ്‌ട്രീയ, മത നേതാ​ക്ക​ന്മാർ നിമിത്തം നിരാ​ശ​രാ​യി​ത്തീർന്ന​തു​കൊ​ണ്ടാ​ണോ? തങ്ങൾ അഭിമു​ഖീ​ക​രി​ക്കുന്ന പ്രശ്‌ന​ങ്ങ​ളിൽനി​ന്നു രക്ഷ നേടാൻ ഒരു മാർഗ​വു​മി​ല്ലെന്ന്‌ അവർക്കു തോന്നു​ന്നു​ണ്ടോ? മെച്ചപ്പെട്ട അവസ്ഥ​യെ​ക്കു​റി​ച്ചുള്ള വാഗ്‌ദാ​നങ്ങൾ സംബന്ധി​ച്ചു സംശയ​മു​ള്ള​വ​രാ​ണോ അവർ? ഉടനടി​യുള്ള, വ്യക്തമായ പ്രയോ​ജ​നങ്ങൾ കാണാ​ത്ത​പക്ഷം അവർ ആത്മീയ കാര്യ​ങ്ങ​ളെ​ക്കു​റി​ച്ചു ചിന്തി​ക്കാൻ മടിയു​ള്ള​വ​രാ​ണോ?

³ രാജ്യ പ്രത്യാശ പ്രദീ​പ്‌ത​മാ​ക്കുക: രാജ്യം പരിഹ​രി​ക്കാത്ത യാതൊ​രു പ്രശ്‌ന​വും ഉണ്ടായി​രി​ക്കില്ല. അതു​കൊണ്ട്‌, സാധ്യ​മാ​കു​മ്പോ​ഴെ​ല്ലാം നാം രാജ്യ വാഗ്‌ദാ​ന​ങ്ങ​ളെ​ക്കു​റി​ച്ചു സംസാ​രി​ക്കണം, ഒരു ബൈബിൾ വാക്യം പരാമർശി​ക്കുക പ്രാ​യോ​ഗി​ക​മ​ല്ലാത്ത, സാധ്യ​മ​ല്ലാത്ത സാഹച​ര്യ​ങ്ങ​ളിൽപ്പോ​ലും നാം മുഖ്യ തിരു​വെ​ഴു​ത്തു പ്രസ്‌താ​വ​ന​ക​ളി​ലേക്കു ശ്രദ്ധതി​രി​ച്ചു​കൊണ്ട്‌ അപ്രകാ​രം ചെയ്യും. (എബ്രാ. 4:12) എങ്കിലും, സംഭാ​ഷണം ആ ഘട്ടംവരെ എത്തിക്കാ​നെ​ങ്ങനെ സാധി​ക്കും?

⁴ ആളുകൾക്കു നമ്മുടെ സന്ദർശ​ന​ത്തി​ന്റെ ഉദ്ദേശ്യം മനസ്സി​ലാ​കണം. അയൽക്കാ​രോ​ടുള്ള സ്‌നേ​ഹ​വും സമൂഹ​ത്തോ​ടുള്ള പരിഗ​ണ​ന​യും നിമി​ത്ത​മാണ്‌ നാമവി​ടെ ചെന്നി​രി​ക്കു​ന്ന​തെന്ന്‌ അവർക്കു ബോധ്യ​മാ​കണം. “[സമുദാ​യത്തെ ബാധി​ക്കുന്ന ഒരു പ്രത്യേക പ്രശ്‌ന]ത്തിനു പരിഹാ​രം എന്തായി​രി​ക്കു​മെ​ന്നാണ്‌ നിങ്ങൾ വിചാ​രി​ക്കു​ന്നത്‌?” എന്നതു​പോ​ലുള്ള സുചി​ന്തി​ത​മായ ഒരു ചോദ്യം നമുക്കു ചോദി​ക്കാ​വു​ന്ന​താണ്‌. ഒരു സമീപനം ഫലപ്ര​ദ​മ​ല്ലെ​ങ്കിൽ, മറ്റൊന്നു പരീക്ഷി​ക്കുക.

⁵ സാമ്പത്തി​ക​മാ​യി മേൽത്ത​ട്ടി​ലു​ള്ളവർ താമസി​ക്കുന്ന ഒരു പ്രദേ​ശത്ത്‌ വീട്ടു​കാർ രാജ്യ​സ​ന്ദേ​ശ​ത്തോ​ടു തീരെ ഉദാസീ​ന​മാ​യി പ്രതി​ക​രി​ച്ച​പ്പോൾ പ്രസാ​ധകർ താത്‌പ​ര്യ​ജ​ന​ക​മായ ഒരു മുഖവുര കണ്ടെത്താൻ കിണഞ്ഞു പരി​ശ്ര​മി​ച്ചു. പരിജ്ഞാ​നം പുസ്‌ത​കത്തെ കേന്ദ്രീ​ക​രി​ച്ചു സംസാ​രി​ക്കവേ ഒരു ദമ്പതികൾ ഈ മുഖവുര പരീക്ഷി​ച്ചു നോക്കി: “ഇന്നത്തെ ലോക​ത്തിൽ വിജയി​ക്കു​ന്ന​തിന്‌ നല്ല വിദ്യാ​ഭ്യാ​സം ആവശ്യ​മാ​ണെന്നു നിങ്ങൾക്കു തോന്നു​ന്നു​ണ്ടോ? സമഗ്ര​മായ വിദ്യാ​ഭ്യാ​സ​ത്തിൽ ബൈബി​ളി​നെ​ക്കു​റി​ച്ചുള്ള പരിജ്ഞാ​ന​വും ഉൾപ്പെ​ടു​മെ​ന്ന​തി​നോ​ടു നിങ്ങൾ യോജി​ക്കു​ന്നു​വോ?” ഒരു മധ്യാ​ഹ്ന​ത്തിൽത്തന്നെ അവർ മൂന്നു പുസ്‌ത​കങ്ങൾ സമർപ്പി​ച്ചു. അവയി​ലൊ​ന്നു സ്വീക​രിച്ച ഒരു സ്‌ത്രീ പിന്നീട്‌ താൻ പരിജ്ഞാ​നം പുസ്‌തകം മുഴുവൻ വായി​ച്ചു​ക​ഴി​ഞ്ഞെന്നു പറയു​ക​യും ഒരു ബൈബി​ള​ധ്യ​യ​ന​ത്തി​നു സമ്മതി​ക്കു​ക​യും ചെയ്‌തു.

⁶ നിങ്ങൾ ഉദാസീ​ന​തയെ അഭിമു​ഖീ​ക​രി​ക്കു​മ്പോൾ, വ്യത്യസ്‌ത സമീപ​നങ്ങൾ പരീക്ഷി​ച്ചു​നോ​ക്കുക, ചിന്തോ​ദ്ദീ​പ​ക​മായ ചോദ്യ​ങ്ങൾ ചോദി​ക്കുക, ദൈവ​വ​ച​ന​ത്തി​ന്റെ ശക്തി പ്രയോ​ജ​ന​പ്പെ​ടു​ത്തുക. അങ്ങനെ, നമ്മുടെ വിസ്‌മ​യ​ക​ര​മായ രാജ്യ​പ്ര​ത്യാ​ശ ഉത്സാഹ​പൂർവം സ്വീക​രി​ക്കാൻ നിങ്ങൾക്കു മറ്റുള്ള​വരെ സഹായി​ക്കാൻ കഴിയും.