“എനിക്കു താത്‌പ​ര്യ​മില്ല”

¹ ചില പ്രദേ​ശ​ങ്ങ​ളിൽ പ്രവർത്തി​ക്കു​മ്പോൾ നാം സ്ഥിരം കേൾക്കുന്ന പല്ലവി​യാണ്‌ ഇത്‌. അത്തരം നിസ്സം​ഗ​ത​യ്‌ക്കു മുന്നിൽ നിരു​ത്സാ​ഹി​ത​രാ​കാ​തി​രി​ക്കാൻ നമ്മെ എന്തു സഹായി​ക്കും? അപ്പോ​ഴും സുവാർത്ത​യിൽ താത്‌പ​ര്യം ഉണർത്താൻ നമുക്ക്‌ എങ്ങനെ കഴിയും?

² സന്തോഷം നിലനി​റു​ത്തുക: എന്തു​കൊ​ണ്ടാണ്‌ അനേകർക്കും താത്‌പ​ര്യ​മി​ല്ലാ​ത്തത്‌ എന്നോർക്കു​ന്നത്‌ സന്തോഷം നിലനി​റു​ത്താൻ നമ്മെ സഹായി​ക്കും. പരിണാമ സിദ്ധാന്തം പഠിക്കാ​നോ ദൈവ​വി​ശ്വാ​സ​മി​ല്ലാത്ത ഒരു സമൂഹ​ത്തിൽ വളർന്നു​വ​രാ​നോ ഇടയാ​യി​ട്ടു​ള്ളവർ ബൈബി​ളി​ന്റെ മൂല്യം മനസ്സി​ലാ​ക്കാൻ ശ്രമി​ച്ചി​ട്ടു​ണ്ടാ​വില്ല. മതങ്ങളു​ടെ കാപട്യം കണ്ട്‌ മനസ്സു മടുത്തു​പോ​യവർ ആയിരി​ക്കാം മറ്റു ചിലർ. ചിലരു​ടെ കാര്യ​ത്തിൽ, ഇച്ഛാഭം​ഗ​വും നിരാ​ശ​യു​മാ​യി​രി​ക്കാം അടിസ്ഥാന കാരണം. (എഫെ. 2:12) ഉപജീ​വ​ന​ചി​ന്ത​ക​ളാൽ ഭാര​പ്പെ​ട്ടി​രി​ക്കു​ന്ന​തി​നാൽ ‘ശ്രദ്ധനൽകാ​ത്ത​വ​രും’ (NW) ഉണ്ട്‌.—മത്താ. 24:37-39.

³ പ്രതികരണം പ്രതി​കൂ​ല​മാ​യി​രി​ക്കു​മ്പോ​ഴും നമ്മുടെ ശ്രമം യഹോ​വയെ മഹത്ത്വ​പ്പെ​ടു​ത്തു​ന്നു​വെന്ന്‌ അറിഞ്ഞു​കൊണ്ട്‌ ശുശ്രൂ​ഷ​യിൽ സന്തോഷം നിലനി​റു​ത്താൻ നമുക്കു കഴിയും. (1 പത്രൊ. 4:11) കൂടാതെ, സത്യ​ത്തെ​ക്കു​റി​ച്ചു സംസാ​രി​ക്കു​ന്നത്‌ നമ്മു​ടെ​തന്നെ വിശ്വാ​സം ശക്തമാ​ക്കും. ബൈബിൾസ​ത്യം ഇനിയും വിലമ​തി​ക്കാൻ കഴിഞ്ഞി​ട്ടി​ല്ലാ​ത്ത​വ​രോ​ടു സംസാ​രി​ക്കു​മ്പോൾപ്പോ​ലും ഇതു സത്യമാണ്‌. നമ്മുടെ പ്രദേ​ശ​ത്തു​ള്ള​വരെ യഹോവ വീക്ഷി​ക്കു​ന്ന​തു​പോ​ലെ വീക്ഷി​ക്കാൻ നമുക്കു ശ്രമി​ക്കാം. “വലങ്കയ്യും ഇടങ്കയ്യും തമ്മിൽ തിരി​ച്ച​റി​ഞ്ഞു​കൂ​ടാത്ത” നീനെ​വേ​ക്കാ​രോട്‌ അവനു സഹതാപം തോന്നി. (യോനാ 4:11) നമ്മുടെ പ്രദേ​ശ​ത്തുള്ള ആളുകൾ സുവാർത്ത കേൾക്കേ​ണ്ട​തുണ്ട്‌! അതു​കൊണ്ട്‌ മടുത്തു പിന്മാ​റാ​തെ ബൈബിൾ സന്ദേശ​ത്തിൽ അവർക്കു താത്‌പ​ര്യ​മു​ണർത്താൻ നാം വഴികൾ തേടണം.

⁴ പ്രദേശത്തെ ആളുക​ളു​ടെ പ്രശ്‌നങ്ങൾ ചർച്ച​ചെ​യ്യുക: ഒരുപക്ഷേ, നിങ്ങളു​ടെ പ്രദേ​ശത്ത്‌ ആളുകൾ നേരി​ടുന്ന ഒരു പ്രശ്‌നം ആമുഖ​ത്തിൽ പരാമർശി​ക്കാ​നും അതു സംബന്ധിച്ച്‌ വീട്ടു​കാ​രന്റെ അഭി​പ്രാ​യം ചോദി​ക്കാ​നും നിങ്ങൾക്കു കഴിയും. അദ്ദേഹം പറയു​ന്നതു ശ്രദ്ധി​ച്ച​ശേഷം, അതി​നോ​ടു ബന്ധപ്പെട്ട്‌ ബൈബി​ളിൽനി​ന്നുള്ള ആശ്വാ​സ​ദാ​യ​ക​മായ സന്ദേശം കാണി​ച്ചു​കൊ​ടു​ക്കുക. ഒരു പ്രദേ​ശത്ത്‌ ഒരു ദുരന്ത​മു​ണ്ടാ​യ​പ്പോൾ അവി​ടെ​യുള്ള ഒരു സാക്ഷി, അദ്ദേഹം സന്ദർശിച്ച എല്ലാ വീട്ടു​കാ​രോ​ടും തന്റെ ആഴമായ ദുഃഖം അറിയി​ച്ചു. “ആളുകൾ പെട്ടെന്നു സംഭാ​ഷണം ആരംഭി​ച്ചു. അവരുടെ ജീവി​ത​ത്തിൽ താത്‌പ​ര്യം പ്രകട​മാ​ക്കി​യ​തി​നാൽ ആ ദിവസം പലരോ​ടും ഫലകര​മാ​യി സംസാ​രി​ക്കാൻ എനിക്കു കഴിഞ്ഞു,” അദ്ദേഹം പറഞ്ഞു.

⁵ മനുഷ്യവർഗം നേരി​ടുന്ന സകല പ്രശ്‌ന​ങ്ങ​ളും ദൈവ​രാ​ജ്യം പരിഹ​രി​ക്കും. വീട്ടു​കാ​രനെ ഏറ്റവു​മ​ധി​കം ഉത്‌ക​ണ്‌ഠ​പ്പെ​ടു​ത്തുന്ന പ്രശ്‌നം എന്താ​ണെന്നു മനസ്സി​ലാ​ക്കാൻ ശ്രമി​ക്കുക. ബൈബി​ളി​ലെ പ്രത്യാ​ശാ​ദൂത്‌ കേൾക്കാൻ അദ്ദേഹം ആഗ്രഹി​ച്ചേ​ക്കാം, അല്ലെങ്കിൽ മറ്റൊരു സമയത്ത്‌ വീണ്ടും ശ്രദ്ധി​ക്കാൻ മനസ്സു കാണി​ച്ചേ​ക്കാം.—പ്രവൃ. 17:32.