സഭാ​യോ​ഗ​ങ്ങ​ളിൽ പരസ്‌പരം പ്രോത്സാഹിപ്പിക്കുക

1. മീറ്റി​ങ്ങി​നു നമ്മൾ അഭി​പ്രാ​യങ്ങൾ പറയു​ന്നത്‌ എന്തു​കൊണ്ട്‌?

നമ്മൾ മീറ്റി​ങ്ങു​കൾക്കു പോകു​ന്നത്‌ എന്തിനാണ്‌? പ്രധാ​ന​മാ​യും യഹോ​വയെ സ്‌തു​തി​ക്കുക എന്നതാണു നമ്മുടെ ഉദ്ദേശ്യം. (സങ്കീ. 26:12; 111:1) കൂടാതെ, ബുദ്ധി​മു​ട്ടു നിറഞ്ഞ ഈ സമയങ്ങ​ളിൽ പരസ്‌പരം പ്രോ​ത്സാ​ഹി​പ്പി​ക്കാ​നും നമ്മൾ ആഗ്രഹി​ക്കു​ന്നു. (1 തെസ്സ. 5:11) ഓരോ തവണ കൈ ഉയർത്തി അഭി​പ്രാ​യം പറയു​മ്പോ​ഴും നമ്മൾ ഈ രണ്ടു കാര്യ​വും ചെയ്യു​ക​യാണ്‌.

2. മീറ്റി​ങ്ങു​ക​ളിൽ അഭി​പ്രാ​യം പറയാ​നുള്ള ഏതൊക്കെ അവസരങ്ങൾ നമുക്കുണ്ട്‌?

² ഓരോ ആഴ്‌ച​യും മീറ്റി​ങ്ങു​ക​ളിൽ അഭി​പ്രാ​യം പറയാ​നുള്ള അവസരം നമുക്കുണ്ട്‌. ഉദാഹ​ര​ണ​ത്തിന്‌, ഇടദി​വ​സത്തെ മീറ്റി​ങ്ങു​ക​ളിൽ ആത്മീയരത്നങ്ങൾ എന്ന പരിപാ​ടി​യി​ലും സഭാ ബൈബിൾപ​ഠ​ന​ത്തി​ലും ചർച്ച ഉൾപ്പെട്ട മറ്റു പരിപാ​ടി​ക​ളി​ലും നമുക്ക്‌ അഭി​പ്രാ​യം പറയാ​നാ​കും. ഇനി, ആഴ്‌ച​യു​ടെ അവസാനം നടക്കുന്ന വീക്ഷാ​ഗോ​പു​ര​പ​ഠ​ന​ത്തി​ലും ഉത്തരം പറയാ​നുള്ള അവസര​മുണ്ട്‌.

3. (എ) അഭി​പ്രാ​യം പറയു​ന്ന​തി​നു തടസ്സമാ​യി​രു​ന്നേ​ക്കാ​വുന്ന രണ്ടു കാര്യങ്ങൾ ഏതൊ​ക്കെ​യാണ്‌? (ബി) എബ്രായർ 10:24, 25 ഇക്കാര്യ​ത്തിൽ നമ്മളെ സഹായി​ക്കു​ന്നത്‌ എങ്ങനെ?

³ യഹോ​വയെ സ്‌തു​തി​ക്കാ​നും സഹോ​ദ​ര​ങ്ങളെ പ്രോ​ത്സാ​ഹി​പ്പി​ക്കാ​നും നമ്മളെ​ല്ലാം ആഗ്രഹി​ക്കു​ന്നുണ്ട്‌. എന്നാൽ അഭി​പ്രാ​യം പറയു​ന്ന​തി​നു രണ്ടു കാര്യങ്ങൾ തടസ്സമാ​യേ​ക്കാം. ഒന്നുകിൽ ഉത്തരം പറയാൻ നമുക്കു പേടി​യാ​യി​രി​ക്കും. അല്ലെങ്കിൽ ആഗ്രഹി​ക്കുന്ന അത്രയും തവണ അഭി​പ്രാ​യങ്ങൾ പറയാ​നുള്ള അവസരം നമുക്കു കിട്ടു​ന്നി​ല്ലാ​യി​രി​ക്കാം. ഈ തടസ്സങ്ങൾ നമുക്ക്‌ എങ്ങനെ മറിക​ട​ക്കാം? എബ്രാ​യർക്കുള്ള കത്തിൽ പൗലോസ്‌ എഴുതിയ ഒരു കാര്യം അതിനുള്ള ഉത്തരം കണ്ടെത്താൻ സഹായി​ക്കും. മീറ്റി​ങ്ങി​നു കൂടി​വ​രേ​ണ്ട​തി​ന്റെ പ്രാധാ​ന്യ​ത്തെ​ക്കു​റിച്ച്‌ ചർച്ച ചെയ്‌ത​പ്പോൾ ‘പരസ്‌പരം പ്രോ​ത്സാ​ഹി​പ്പി​ക്കു​ന്ന​തിൽ’ ശ്രദ്ധി​ക്കാൻ പൗലോസ്‌ പറഞ്ഞു. (എബ്രായർ 10:24, 25 വായി​ക്കുക.) നമ്മുടെ വിശ്വാ​സ​ത്തെ​ക്കു​റി​ച്ചുള്ള ചെറി​യ​ചെ​റിയ അഭി​പ്രാ​യ​ങ്ങൾപോ​ലും മറ്റുള്ള​വരെ പ്രോ​ത്സാ​ഹി​പ്പി​ക്കു​മെന്ന്‌ ഓർക്കു​ന്നത്‌ ഒരു പരിധി​വരെ പേടിയെ മറിക​ട​ക്കാൻ നമ്മളെ സഹായി​ക്കും. ഇനി കൂടെ​ക്കൂ​ടെ നമ്മളോ​ടു ചോദി​ക്കു​ന്നി​ല്ലെ​ങ്കിൽ, അതിലൂ​ടെ സഭയിലെ മറ്റുള്ള​വർക്ക്‌ അഭി​പ്രാ​യം പറയാൻ അവസരം കിട്ടു​ക​യാ​ണ​ല്ലോ എന്ന്‌ ഓർത്ത്‌ നമുക്കു സന്തോ​ഷി​ക്കാം.—1 പത്രോ. 3:8.

4. ഈ ലേഖന​ത്തിൽ ഏതു മൂന്നു കാര്യങ്ങൾ നമ്മൾ ചർച്ച ചെയ്യും?

⁴ ഈ ലേഖന​ത്തിൽ ആദ്യം, ഉത്തരം പറയാൻ അധികം ആളില്ലാത്ത ചെറിയ സഭകളിൽ നമുക്ക്‌ എങ്ങനെ പരസ്‌പരം പ്രോ​ത്സാ​ഹി​പ്പി​ക്കാ​മെന്നു കാണും. അടുത്ത​താ​യി, അഭി​പ്രാ​യം പറയാൻ ഒരുപാ​ടു പേരുള്ള വലിയ സഭകളിൽ എങ്ങനെ പരസ്‌പരം പ്രോ​ത്സാ​ഹി​പ്പി​ക്കാ​മെന്നു ചർച്ച ചെയ്യും. അവസാ​ന​മാ​യി, നമ്മുടെ അഭി​പ്രാ​യങ്ങൾ മറ്റുള്ള​വർക്കു ശരിക്കും പ്രോ​ത്സാ​ഹനം നൽകുന്ന തരത്തി​ലു​ള്ള​താ​ക്കാൻ എന്തൊക്കെ ചെയ്യാ​മെ​ന്നും കാണും.

ചെറിയ സഭകളിൽ പരസ്‌പരം പ്രോത്സാഹിപ്പിക്കുക

5. അധികം ആളില്ലാത്ത സഭകളിൽ പരസ്‌പരം പ്രോ​ത്സാ​ഹി​പ്പി​ക്കാൻ നമുക്ക്‌ എന്തു ചെയ്യാം?

⁵ ചെറിയ സഭകളി​ലും ഗ്രൂപ്പു​ക​ളി​ലും അഭി​പ്രാ​യങ്ങൾ പറയാൻ അധികം ആളുകൾ കാണില്ല. ചില​പ്പോൾ പരിപാ​ടി നടത്തുന്ന സഹോ​ദരൻ, ആരെങ്കി​ലും കൈ ഉയർത്തു​ന്നതു കാണാൻ കാത്തു​നിൽക്കേ​ണ്ടി​വ​ന്നേ​ക്കാം. അങ്ങനെ​വ​രു​മ്പോൾ മീറ്റിങ്ങ്‌ മൊത്ത​ത്തിൽ ഇഴഞ്ഞു​നീ​ങ്ങു​ന്ന​തു​പോ​ലെ തോന്നാം. അതത്ര പ്രോ​ത്സാ​ഹനം നൽകു​ന്ന​താ​യി​രി​ക്കില്ല. ആ സാഹച​ര്യ​ത്തിൽ നിങ്ങൾക്ക്‌ എന്തു ചെയ്യാം? കൂടെ​ക്കൂ​ടെ കൈ ഉയർത്തുക. അതു കാണു​മ്പോൾ മറ്റുള്ള​വർക്കും കൂടുതൽ അഭി​പ്രാ​യങ്ങൾ പറയാൻ തോന്നി​യേ​ക്കാം.

6-7. അഭി​പ്രാ​യം പറയു​ന്ന​തി​ലെ പേടി കുറയ്‌ക്കാൻ നമുക്ക്‌ എന്തെല്ലാം ചെയ്യാം?

⁶ അഭി​പ്രാ​യങ്ങൾ പറയു​ന്ന​തി​നെ​ക്കു​റിച്ച്‌ ഓർക്കു​മ്പോൾത്തന്നെ നിങ്ങൾക്കു പേടി തോന്നു​ന്നു​ണ്ടോ? അങ്ങനെ​യുള്ള പലരു​മുണ്ട്‌. എന്നാൽ മറ്റുള്ള​വരെ പ്രോ​ത്സാ​ഹി​പ്പി​ക്കാൻ കഴിയ​ണ​മെ​ങ്കിൽ ആ പേടിയെ മറിക​ടന്ന്‌ നമ്മൾ ഉത്തരങ്ങൾ പറയേ​ണ്ട​തുണ്ട്‌. അതിന്‌ എന്തു ചെയ്യാം?

⁷ വീക്ഷാ​ഗോ​പു​ര​ത്തി​ന്റെ മുൻ ലക്കങ്ങളിൽ വന്ന ചില നിർദേ​ശങ്ങൾ നിങ്ങൾക്കു പ്രയോ​ജനം ചെയ്‌തേ​ക്കും.b അതിൽ ഒന്നാണു നന്നായി തയ്യാറാ​കുക എന്നത്‌. (സുഭാ. 21:5) ശരിക്കു പഠിച്ചി​ട്ടു​ണ്ടെ​ങ്കിൽ അഭി​പ്രാ​യം പറയാൻ നിങ്ങൾക്ക്‌ അധികം പേടി തോന്നില്ല. ഇനി, ചെറി​യ​ചെ​റിയ അഭി​പ്രാ​യങ്ങൾ പറയുക. (സുഭാ. 15:23; 17:27) ചെറിയ ഉത്തരമാ​കു​മ്പോൾ പറയാൻ കുറെ​ക്കൂ​ടി ധൈര്യം തോന്നും. മാത്രമല്ല, കുറെ​യ​ധി​കം ആശയങ്ങൾ ഉൾപ്പെ​ടു​ത്തി​ക്കൊ​ണ്ടുള്ള നീണ്ട അഭി​പ്രാ​യ​ങ്ങ​ളെ​ക്കാൾ എളുപ്പം മനസ്സി​ലാ​കു​ന്നത്‌ ഒന്നോ രണ്ടോ വാചക​ങ്ങ​ളിൽ പറയുന്ന ചെറിയ അഭി​പ്രാ​യ​ങ്ങ​ളാ​യി​രി​ക്കും. സ്വന്തവാ​ച​ക​ത്തിൽ ചെറിയ ഉത്തരങ്ങൾ പറയു​മ്പോൾ, നിങ്ങൾ ആ ഭാഗം നന്നായി തയ്യാറാ​യി​ട്ടു​ണ്ടെ​ന്നും ആശയങ്ങൾ നിങ്ങൾക്കു​തന്നെ വളരെ വ്യക്തമാ​ണെ​ന്നും മറ്റുള്ള​വർക്കു മനസ്സി​ലാ​കും.

8. നമ്മുടെ ആത്മാർഥ​ശ്ര​മ​ങ്ങളെ യഹോവ എങ്ങനെ​യാ​ണു കാണു​ന്നത്‌?

⁸ ഈ നിർദേ​ശ​ങ്ങ​ളൊ​ക്കെ പരീക്ഷി​ച്ചു​നോ​ക്കി​യി​ട്ടും ഒന്നോ രണ്ടോ ഉത്തരങ്ങ​ളിൽ കൂടുതൽ പറയാ​നുള്ള ധൈര്യം തോന്നു​ന്നി​ല്ലെ​ങ്കി​ലോ? വിഷമി​ക്കേണ്ടാ. കഴിവി​ന്റെ പരമാ​വധി ചെയ്യാൻ നിങ്ങൾ ആത്മാർഥ​മാ​യി ശ്രമി​ക്കു​ന്നതു യഹോ​വയെ സന്തോ​ഷി​പ്പി​ക്കും. (ലൂക്കോ. 21:1-4) നമ്മുടെ കഴിവിന്‌ അപ്പുറം ചെയ്യാൻ യഹോവ ഒരിക്ക​ലും ആവശ്യ​പ്പെ​ടു​ന്നില്ല. (ഫിലി. 4:5) അതു​കൊണ്ട്‌ നിങ്ങൾക്ക്‌ എത്ര​ത്തോ​ളം ചെയ്യാൻ പറ്റു​മെന്നു നോക്കുക. അതു ചെയ്യാൻ ലക്ഷ്യം വെക്കുക. മനസ്സു ശാന്തമാ​കാൻ സഹായി​ക്കണേ എന്ന്‌ യഹോ​വ​യോ​ടു പ്രാർഥി​ക്കു​ക​യും ചെയ്യുക. ആദ്യ​മൊ​ക്കെ ചെറിയ ഒരു അഭി​പ്രാ​യം പറയാൻ ലക്ഷ്യം വെക്കാ​വു​ന്ന​താണ്‌.

വലിയ സഭയിൽ പരസ്‌പരം പ്രോത്സാഹിപ്പിക്കുക

9. വലിയ സഭകളിൽ എന്തു പ്രശ്‌നം നേരി​ട്ടേ​ക്കാം?

⁹ ഒരുപാ​ടു പ്രചാ​ര​ക​രുള്ള സഭയിൽ മറ്റൊരു പ്രശ്‌ന​മാ​യി​രി​ക്കാം നിങ്ങൾ നേരി​ടു​ന്നത്‌. അഭി​പ്രാ​യം പറയാൻ ധാരാളം പേരു​ള്ള​തു​കൊണ്ട്‌ കൈ പൊക്കി​യാ​ലും മിക്ക​പ്പോ​ഴും നിങ്ങൾക്ക്‌ അതിനുള്ള അവസരം കിട്ടി​യി​ല്ലെ​ന്നു​വ​രാം. ഡാനി​യേല സഹോ​ദ​രി​യു​ടെ കാര്യം നോക്കാം.c മീറ്റി​ങ്ങിന്‌ അഭി​പ്രാ​യങ്ങൾ പറയു​ന്നതു സഹോ​ദ​രി​ക്കു വലിയ ഇഷ്ടമുള്ള കാര്യ​മാണ്‌. അതിനെ തന്റെ ആരാധ​ന​യു​ടെ ഭാഗമാ​യും മറ്റുള്ള​വരെ പ്രോ​ത്സാ​ഹി​പ്പി​ക്കാ​നും ബൈബിൾസ​ത്യ​ങ്ങൾ തന്റെതന്നെ മനസ്സിൽ പതിപ്പി​ക്കാ​നും ഉള്ള അവസര​മാ​യും ആണ്‌ സഹോ​ദരി കാണു​ന്നത്‌. എന്നാൽ വലി​യൊ​രു സഭയി​ലേക്കു മാറി​യ​പ്പോൾ സഹോ​ദ​രി​ക്കു മുമ്പത്തെ അത്രയും അവസരങ്ങൾ കിട്ടാ​തെ​യാ​യി. ചില ദിവസ​ങ്ങ​ളിൽ ഒരു ഉത്തരം​പോ​ലും പറയാൻ പറ്റാതെ വന്നിട്ടുണ്ട്‌. സഹോ​ദരി പറയുന്നു: “എനിക്ക്‌ ആകപ്പാടെ സങ്കടവും നിരാ​ശ​യും ആയി. സത്യാ​രാ​ധ​ന​യിൽ ഞാൻ ഒരുപാട്‌ ആസ്വദി​ച്ചി​രുന്ന ഒരു കാര്യം ചെയ്യാ​നുള്ള അവസരം നഷ്ടപ്പെ​ടു​ന്ന​തു​പോ​ലെ എനിക്കു തോന്നി. കൂടെ​ക്കൂ​ടെ ഇങ്ങനെ സംഭവി​ക്കു​മ്പോൾ അതു മനഃപൂർവ​മാ​ണോ എന്നു​പോ​ലും ചില​പ്പോൾ ചിന്തി​ച്ചു​പോ​കും.”

10. ഉത്തരം പറയാ​നുള്ള അവസരം കിട്ടാൻ നമുക്ക്‌ എന്തൊക്കെ ചെയ്യാം?

¹⁰ ഡാനി​യേ​ല​യെ​പ്പോ​ലെ നിങ്ങൾക്ക്‌ എപ്പോ​ഴെ​ങ്കി​ലും തോന്നി​യി​ട്ടു​ണ്ടോ? ഉണ്ടെങ്കിൽ ‘ഇനി ഉത്തര​മൊ​ന്നും പറയു​ന്നില്ല, വെറുതേ കേട്ടി​രി​ക്കു​ന്നതേ ഉള്ളൂ’ എന്നു തീരു​മാ​നി​ക്കാൻ തോന്നി​യേ​ക്കാം. പക്ഷേ അഭി​പ്രാ​യം പറയാ​നുള്ള ശ്രമം ഉപേക്ഷി​ക്ക​രുത്‌. നിങ്ങൾക്കു ചെയ്യാ​നാ​കുന്ന ചില കാര്യങ്ങൾ ഇവയാണ്‌: ഓരോ മീറ്റി​ങ്ങി​നു​വേ​ണ്ടി​യും പല അഭി​പ്രാ​യങ്ങൾ തയ്യാറാ​കുക. അപ്പോൾ, തുടക്ക​ത്തിൽ ഉത്തര​മൊ​ന്നും പറയാൻ പറ്റിയി​ല്ലെ​ങ്കി​ലും നിങ്ങൾക്ക്‌ ഒരു അവസരം കിട്ടാതെ പോകില്ല. വീക്ഷാ​ഗോ​പു​ര​പ​ഠ​ന​ത്തി​നു​വേണ്ടി തയ്യാറാ​കുന്ന സമയത്ത്‌ ഓരോ ഖണ്ഡിക​യും ലേഖന​ത്തി​ന്റെ പ്രധാ​ന​വി​ഷ​യ​വു​മാ​യി എങ്ങനെ ബന്ധപ്പെ​ട്ടി​രി​ക്കു​ന്നെന്നു ചിന്തി​ക്കുക. അങ്ങനെ​യാ​കു​മ്പോൾ നിങ്ങൾക്കു മറ്റുള്ള​വരെ പ്രോ​ത്സാ​ഹി​പ്പി​ക്കുന്ന നല്ല ആശയങ്ങൾ പറയാ​നു​ണ്ടാ​കും; പഠനസ​മ​യത്ത്‌ എപ്പോ​ഴെ​ങ്കി​ലും അതു പറയാ​നുള്ള അവസരം ലഭിക്കു​ക​യും ചെയ്യും. കൂടാതെ, വിശദീ​ക​രി​ക്കാൻ അൽപ്പം ബുദ്ധി​മു​ട്ടുള്ള വിഷയങ്ങൾ ചർച്ച ചെയ്യുന്ന ഖണ്ഡിക​ക​ളിൽ അഭി​പ്രാ​യം പറയാ​നും നിങ്ങൾക്ക്‌ ഒരുങ്ങി​യി​രി​ക്കാം. (1 കൊരി. 2:10) പലപ്പോ​ഴും ആ ഖണ്ഡിക​കൾക്ക്‌ ഉത്തരം പറയാൻ അധികം പേരൊ​ന്നും കാണില്ല. ഇപ്പറഞ്ഞ കാര്യ​ങ്ങ​ളൊ​ക്കെ ചെയ്‌തി​ട്ടും തുടർച്ച​യാ​യി പല മീറ്റി​ങ്ങു​ക​ളി​ലും നിങ്ങൾക്ക്‌ അഭി​പ്രാ​യം പറയാ​നുള്ള അവസരം കിട്ടാതെ വരു​ന്നെ​ങ്കി​ലോ? പരിപാ​ടി നടത്തുന്ന സഹോ​ദ​ര​നോട്‌ ഏതു ചോദ്യ​ത്തി​നുള്ള ഉത്തരം പറയാ​നാണ്‌ ആഗ്രഹി​ക്കു​ന്ന​തെന്നു മീറ്റി​ങ്ങി​നു മുമ്പു​തന്നെ പറയാ​നാ​കും.

11. ഫിലി​പ്പി​യർ 2:4 എന്തു ചെയ്യാ​നാ​ണു നമ്മളെ പ്രോ​ത്സാ​ഹി​പ്പി​ക്കു​ന്നത്‌?

¹¹ ഫിലി​പ്പി​യർ 2:4 വായി​ക്കുക. മറ്റുള്ള​വ​രു​ടെ താത്‌പ​ര്യം നോക്കാൻ അപ്പോ​സ്‌ത​ല​നായ പൗലോസ്‌ ദൈവ​പ്ര​ചോ​ദി​ത​നാ​യി ക്രിസ്‌ത്യാ​നി​കളെ പ്രോ​ത്സാ​ഹി​പ്പി​ച്ചു. മീറ്റി​ങ്ങി​ന്റെ സമയത്ത്‌ നമുക്ക്‌ എങ്ങനെ ആ ഉപദേശം അനുസ​രി​ക്കാം? നമ്മളെ​പ്പോ​ലെ​തന്നെ മറ്റുള്ള​വ​രും അഭി​പ്രാ​യങ്ങൾ പറയാൻ ആഗ്രഹി​ക്കു​ന്നു​ണ്ടെന്ന്‌ ഓർക്കു​ന്ന​തി​ലൂ​ടെ.

12. മീറ്റി​ങ്ങു​ക​ളിൽ മറ്റുള്ള​വരെ പ്രോ​ത്സാ​ഹി​പ്പി​ക്കാ​നുള്ള നല്ല ഒരു വിധം ഏതാണ്‌? (ചിത്ര​വും കാണുക.)

¹² ഇങ്ങനെ​യൊ​ന്നു ചിന്തി​ക്കുക: കൂട്ടു​കാ​രോ​ടു സംസാ​രി​ക്കു​മ്പോൾ അവർക്കു മിണ്ടാൻ ഒരു അവസര​വും കൊടു​ക്കാത്ത രീതി​യിൽ നിങ്ങൾ സംസാ​രി​ച്ചു​കൊ​ണ്ടി​രി​ക്കു​മോ? ഒരിക്ക​ലു​മില്ല! അവരും സംഭാ​ഷ​ണ​ത്തിൽ ഉൾപ്പെ​ടാൻ നിങ്ങൾ ആഗ്രഹി​ക്കും. അതു​പോ​ലെ മീറ്റി​ങ്ങു​ക​ളി​ലും കഴിയു​ന്നത്ര ആളുകൾക്ക്‌ അഭി​പ്രാ​യം പറയു​ന്ന​തിന്‌ അവസരം കിട്ടാൻ നമ്മൾ ആഗ്രഹി​ക്കു​ന്നു. വാസ്‌ത​വ​ത്തിൽ അവരെ പ്രോ​ത്സാ​ഹി​പ്പി​ക്കാ​നുള്ള ഏറ്റവും നല്ല ഒരു വിധമാ​ണു തങ്ങളുടെ വിശ്വാ​സ​ത്തെ​ക്കു​റിച്ച്‌ അഭി​പ്രാ​യം പറയാൻ അവർക്ക്‌ അവസരം കൊടു​ക്കുക എന്നത്‌. (1 കൊരി. 10:24) നമുക്ക്‌ അത്‌ എങ്ങനെ ചെയ്യാം?

13. അഭി​പ്രാ​യങ്ങൾ പറയാൻ കൂടുതൽ പേർക്ക്‌ അവസരം കൊടു​ക്കു​ന്ന​തി​നു നമുക്ക്‌ എന്തു ചെയ്യാം?

¹³ നമുക്കു ചെയ്യാ​നാ​കുന്ന ഒരു കാര്യം ചെറിയ അഭി​പ്രാ​യങ്ങൾ പറയുക എന്നതാണ്‌. അതാകു​മ്പോൾ കൂടുതൽ പേർക്ക്‌ അഭി​പ്രാ​യം പറയാ​നുള്ള സമയം കിട്ടും. മൂപ്പന്മാർക്കും അനുഭ​വ​പ​രി​ച​യ​മുള്ള പ്രചാ​ര​കർക്കും ഇക്കാര്യ​ത്തിൽ മാതൃ​ക​വെ​ക്കാ​നാ​കും. ഇനി, ചെറിയ അഭി​പ്രാ​യങ്ങൾ പറയു​മ്പോൾപ്പോ​ലും അതിൽ ഒരുപാട്‌ ആശയങ്ങൾ ഉൾപ്പെ​ടു​ത്താ​തി​രി​ക്കാൻ ശ്രദ്ധി​ക്കുക. ഖണ്ഡിക​യി​ലുള്ള എല്ലാം നിങ്ങൾതന്നെ പറഞ്ഞാൽ മറ്റുള്ള​വർക്കു പറയാൻ ഒന്നും ബാക്കി​യു​ണ്ടാ​കില്ല. ഉദാഹ​ര​ണ​ത്തിന്‌ ഈ ഖണ്ഡിക​യു​ടെ കാര്യം​ത​ന്നെ​യെ​ടു​ക്കുക. ഇവിടെ രണ്ടു നിർദേശം തന്നിട്ടുണ്ട്‌. ഒന്ന്‌ ഉത്തരം ചെറു​താ​യി​രി​ക്കണം, രണ്ട്‌ ഉത്തരത്തിൽ ഒരുപാട്‌ ആശയങ്ങൾ ഉൾപ്പെ​ടു​ത്ത​രുത്‌. ഈ ഖണ്ഡിക​യ്‌ക്ക്‌ ആദ്യം അഭി​പ്രാ​യം പറയു​ന്നതു നിങ്ങളാ​ണെ​ങ്കിൽ അതിലെ ഒരു കാര്യം മാത്രം ഉൾപ്പെ​ടു​ത്താൻ ശ്രമി​ക്കുക.

14. എത്ര കൂടെ​ക്കൂ​ടെ കൈ ഉയർത്ത​ണ​മെന്നു തീരു​മാ​നി​ക്കാൻ നമ്മളെ എന്തു സഹായി​ക്കും? (ചിത്ര​വും കാണുക.)

¹⁴ എത്ര കൂടെ​ക്കൂ​ടെ കൈ പൊക്കു​ന്നു എന്ന കാര്യ​ത്തിൽ വിവേകം കാണി​ക്കുക. നമ്മൾ എപ്പോ​ഴും കൈ ഉയർത്തി​യാൽ വീണ്ടും​വീ​ണ്ടും നമ്മളോ​ടു ചോദി​ക്കാൻ പരിപാ​ടി നടത്തുന്ന സഹോ​ദ​രനു സമ്മർദം തോന്നും. മറ്റുള്ള​വർക്ക്‌ ഒരു അവസരം​പോ​ലും കിട്ടാ​ത്ത​പ്പോ​ഴാ​യി​രി​ക്കും അദ്ദേഹം നമ്മളോ​ടു വീണ്ടും ചോദി​ക്കു​ന്നത്‌. അതു കാണു​മ്പോൾ കൈ ഉയർത്താൻതന്നെ പലർക്കും മടിയാ​കും.—സഭാ. 3:7.

15. (എ) ഉത്തരം പറയാൻ അവസരം കിട്ടി​യി​ല്ലെ​ങ്കി​ലും നമ്മുടെ മനോ​ഭാ​വം എന്തായി​രി​ക്കണം? (ബി) പരിപാ​ടി നടത്തുന്ന സഹോ​ദ​ര​ന്മാർക്ക്‌ എങ്ങനെ എല്ലാവ​രോ​ടും പരിഗണന കാണി​ക്കാം? (“നിങ്ങളാ​ണു പരിപാ​ടി നടത്തു​ന്ന​തെ​ങ്കിൽ . . . ” എന്ന ചതുരം കാണുക.)

¹⁵ ഉത്തരം പറയാൻ ഒരുപാ​ടു പ്രചാ​ര​ക​രു​ണ്ടെ​ങ്കിൽ ആഗ്രഹി​ക്കുന്ന അത്രയും അവസരം നമുക്കു കിട്ടണ​മെ​ന്നില്ല. ചില​പ്പോൾ ഒരു അഭി​പ്രാ​യം​പോ​ലും പറയാൻ അവസരം കിട്ടി​യി​ല്ലെ​ന്നും വരാം. അങ്ങനെ​വ​ന്നാൽ നമുക്കു നിരാശ തോന്നി​യേ​ക്കാം. പക്ഷേ അതിന്റെ പേരിൽ പരിപാ​ടി നടത്തുന്ന സഹോ​ദ​ര​നോ​ടു പരിഭവം വിചാ​രി​ക്ക​രുത്‌.—സഭാ. 7:9.

16. മറ്റുള്ളവർ അഭി​പ്രാ​യം പറയു​മ്പോൾ നമുക്ക്‌ എങ്ങനെ അവരെ പ്രോ​ത്സാ​ഹി​പ്പി​ക്കാം?

¹⁶ ആഗ്രഹി​ക്കുന്ന അത്രയും തവണ ഉത്തരം പറയാൻ അവസരം കിട്ടി​യി​ല്ലെ​ങ്കി​ലും നിങ്ങൾക്കു ചെയ്യാ​വുന്ന ഒന്നുണ്ട്‌. മറ്റുള്ളവർ പറയുന്ന അഭി​പ്രാ​യങ്ങൾ നന്നായി ശ്രദ്ധി​ക്കുക. എന്നിട്ട്‌ മീറ്റി​ങ്ങി​നു ശേഷം ആ നല്ല അഭി​പ്രാ​യ​ത്തിന്‌ അവരെ അഭിന​ന്ദി​ക്കുക. നമ്മൾ അഭി​പ്രാ​യം പറയു​മ്പോൾ അവർക്കു കിട്ടുന്ന അതേ പ്രോ​ത്സാ​ഹ​നം​ത​ന്നെ​യാ​യി​രി​ക്കും അങ്ങനെ അഭിന​ന്ദി​ക്കു​മ്പോ​ഴും അവർക്കു കിട്ടു​ന്നത്‌. (സുഭാ. 10:21) സഹോ​ദ​ര​ങ്ങളെ അഭിന​ന്ദി​ക്കു​ന്നത്‌ ശരിക്കും അവരെ പ്രോ​ത്സാ​ഹി​പ്പി​ക്കാ​നുള്ള മറ്റൊരു വിധമാണ്‌.

പരസ്‌പരം പ്രോ​ത്സാ​ഹി​പ്പി​ക്കാ​നുള്ള മറ്റു വിധങ്ങൾ

17. (എ) മക്കളുടെ പ്രായ​ത്തി​ന​നു​സ​രി​ച്ചുള്ള അഭി​പ്രാ​യങ്ങൾ തയ്യാറാ​കാൻ മാതാ​പി​താ​ക്കൾക്ക്‌ എങ്ങനെ അവരെ സഹായി​ക്കാം? (ബി) വീഡി​യോ​യിൽ കാണു​ന്ന​ത​നു​സ​രിച്ച്‌ അഭി​പ്രാ​യം പറയു​ന്ന​തി​നു തയ്യാറാ​കാൻ ചെയ്യാ​വുന്ന നാലു കാര്യങ്ങൾ ഏതൊ​ക്കെ​യാണ്‌? (അടിക്കു​റി​പ്പു കാണുക.)

¹⁷ മീറ്റി​ങ്ങു​ക​ളിൽ മറ്റുള്ള​വരെ പ്രോ​ത്സാ​ഹി​പ്പി​ക്കാ​നാ​കുന്ന മറ്റൊരു വിധം ഏതാണ്‌? നിങ്ങൾ ഒരു അപ്പനോ അമ്മയോ ആണെങ്കിൽ പ്രായ​ത്തി​ന​നു​സ​രി​ച്ചുള്ള ഉത്തരങ്ങൾ തയ്യാറാ​കാൻ മക്കളെ സഹായി​ക്കുക. (മത്താ. 21:16) ചില​പ്പോൾ മീറ്റി​ങ്ങി​നു നമ്മൾ പഠിക്കു​ന്നതു കുടും​ബ​പ്ര​ശ്‌ന​ങ്ങ​ളെ​ക്കു​റി​ച്ചോ ധാർമി​ക​ശു​ദ്ധി​യെ​ക്കു​റി​ച്ചോ ഒക്കെയാ​യി​രി​ക്കാം. എങ്കിലും കുട്ടി​കൾക്ക്‌ ഉത്തരം പറയാൻ പറ്റുന്ന രീതി​യി​ലുള്ള ഒന്നോ രണ്ടോ ഖണ്ഡികകൾ കാണും. അതിന്‌ ഉത്തരം പറയാൻ അവരെ സഹായി​ക്കാം. ഇനി, കൈ പൊക്കുന്ന എല്ലാ തവണയും അവരോ​ടു ചോദി​ക്കി​ല്ലാ​യി​രി​ക്കു​മെന്ന കാര്യ​വും മക്കളോ​ടു പറയാം. അതിന്റെ കാരണം പറഞ്ഞു​കൊ​ടു​ക്കു​ന്നത്‌ അവർക്കു പകരം മറ്റൊ​രാ​ളാ​ടു ചോദി​ക്കു​മ്പോൾ സങ്കട​പ്പെ​ടാ​തി​രി​ക്കാൻ അവരെ സഹായി​ക്കും.—1 തിമൊ. 6:18.d

18. അഭി​പ്രാ​യങ്ങൾ പറയു​മ്പോൾ നമ്മളി​ലേക്കു ശ്രദ്ധവ​രു​ന്നത്‌ എങ്ങനെ ഒഴിവാ​ക്കാം? (സുഭാ​ഷി​തങ്ങൾ 27:2)

¹⁸ യഹോ​വയെ മഹത്ത്വ​പ്പെ​ടു​ത്തുന്ന, സഹോ​ദ​ര​ങ്ങളെ പ്രോ​ത്സാ​ഹി​പ്പി​ക്കുന്ന തരത്തി​ലുള്ള അഭി​പ്രാ​യങ്ങൾ നമു​ക്കെ​ല്ലാം തയ്യാറാ​കാം. (സുഭാ. 25:11) ഇടയ്‌ക്കൊ​ക്കെ ചുരു​ങ്ങിയ വാക്കു​ക​ളിൽ നമ്മുടെ അനുഭ​വങ്ങൾ പറയു​ന്ന​തിൽ കുഴപ്പ​മി​ല്ലെ​ങ്കി​ലും നമ്മളെ​ക്കു​റി​ച്ചു​തന്നെ ഒരുപാ​ടു സംസാ​രി​ക്കാ​തി​രി​ക്കാൻ ശ്രദ്ധി​ക്കണം. (സുഭാ​ഷി​തങ്ങൾ 27:2 വായി​ക്കുക; 2 കൊരി. 10:18) പകരം യഹോ​വ​യി​ലേ​ക്കും ബൈബി​ളി​ലേ​ക്കും മൊത്ത​ത്തിൽ ദൈവ​ജ​ന​ത്തി​ലേ​ക്കും ശ്രദ്ധ തിരി​ച്ചു​വി​ടുന്ന രീതി​യി​ലുള്ള അഭി​പ്രാ​യങ്ങൾ പറയാൻ ശ്രമി​ക്കാം. (വെളി. 4:11) എന്നാൽ ചില ചോദ്യ​ങ്ങൾ നമ്മുടെ വ്യക്തി​പ​ര​മായ അഭി​പ്രാ​യങ്ങൾ പറയാൻ ആവശ്യ​പ്പെ​ടു​ന്ന​വ​യാ​യി​രി​ക്കാം. അപ്പോൾ അങ്ങനെ ചെയ്യു​ന്ന​തിൽ കുഴപ്പ​മില്ല. അടുത്ത ഖണ്ഡിക​യിൽ അത്തരം ഒരു ചോദ്യം കാണാം.

19. (എ) മീറ്റി​ങ്ങു​കൾക്കു വരുന്ന എല്ലാവ​രോ​ടും പരിഗണന കാണി​ക്കു​ന്ന​തി​ന്റെ പ്രയോ​ജനം എന്താണ്‌? (റോമർ 1:11, 12) (ബി) മീറ്റി​ങ്ങു​ക​ളിൽ ഉത്തരം പറയാ​നുള്ള അവസര​ത്തെ​ക്കു​റിച്ച്‌ നിങ്ങൾക്ക്‌ എന്താണു തോന്നു​ന്നത്‌?

¹⁹ അഭി​പ്രാ​യങ്ങൾ എങ്ങനെ പറയണ​മെന്ന കാര്യ​ത്തിൽ കർശന​മായ നിയമ​ങ്ങ​ളൊ​ന്നും ഇല്ലെങ്കി​ലും മറ്റുള്ള​വരെ പ്രോ​ത്സാ​ഹി​പ്പി​ക്കു​ക​യാ​ണു നമ്മുടെ ലക്ഷ്യ​മെന്ന്‌ ഓർക്കാം. അതിനു നമ്മൾ ചില​പ്പോൾ അഭി​പ്രാ​യ​ങ്ങ​ളു​ടെ എണ്ണം കൂട്ടേ​ണ്ട​തു​ണ്ടാ​യി​രി​ക്കും. അല്ലെങ്കിൽ ഉത്തരം പറയാൻ നമുക്കു കിട്ടുന്ന അവസര​ങ്ങ​ളിൽ തൃപ്‌ത​രാ​യി​രി​ക്കാൻ പഠി​ക്കേ​ണ്ട​തു​ണ്ടാ​യി​രി​ക്കും. അങ്ങനെ ചെയ്യു​മ്പോൾ മറ്റുള്ള​വർക്കും അവസരം കിട്ടു​മ​ല്ലോ എന്ന്‌ ഓർക്കു​ന്നതു നമുക്കു സന്തോഷം തരും. ഇങ്ങനെ​യൊ​ക്കെ മീറ്റി​ങ്ങു​ക​ളിൽ മറ്റുള്ള​വ​രു​ടെ താത്‌പ​ര്യം​കൂ​ടെ കണക്കി​ലെ​ടു​ക്കു​മ്പോൾ നമു​ക്കെ​ല്ലാ​വർക്കും “പരസ്‌പരം പ്രോ​ത്സാ​ഹനം” ലഭിക്കും.—റോമർ 1:11, 12 വായി​ക്കുക.