നടീലും നനക്കലും—ശിഷ്യ​രാ​ക്ക​ലി​ലേ​ക്കു​ളള പടികൾ

¹ “ഞാൻ നട്ടു, അപ്പല്ലോസ്‌ നനച്ചു, എന്നാൽ ദൈവം വളർത്തി​ക്കൊ​ണ്ടി​രു​ന്നു.” (1 കൊരി. 3:6) അങ്ങനെ അപ്പോ​സ്‌ത​ല​നായ പൗലോസ്‌ ക്രിസ്‌തു​വി​ന്റെ ശിഷ്യരെ ഉളവാ​ക്കു​ന്ന​തി​ലെ മൂന്ന്‌ അടിസ്ഥാന പടികൾ തിരി​ച്ച​റി​യി​ച്ചു. ആദ്യത്തെ രണ്ട്‌ പടിക​ളായ നടീലി​ലും നനക്കലി​ലും, സമർപ്പി​ത​രും സ്‌നാ​പ​ന​മേ​റ​റ​വ​രു​മായ ദൈവ​ദാ​സൻമാ​രു​ടെ​മേൽ സ്ഥിതി​ചെ​യ്യുന്ന ഒരു പദവി​യും ഉത്തരവാ​ദി​ത്ത​വും ഉൾപ്പെ​ടു​ന്നു.

² ഇതിൽ അനൗപ​ചാ​രി​ക​മാ​യും മററു വിധങ്ങ​ളി​ലും നടത്തുന്ന പരസ്യ​മാ​യും വീടു​തോ​റു​മു​ളള പ്രസംഗം ഉൾപ്പെ​ടു​ന്നു. അതിൽ യേശു കല്‌പിച്ച സകല കാര്യ​ങ്ങ​ളും അനുഷ്‌ഠി​ക്കാൻ ആളുകളെ പടിപ​ടി​യാ​യി പഠിപ്പി​ക്കു​ന്നത്‌ ഉൾപ്പെ​ടു​ന്നു. (മത്താ. 28:19, 20) ഈ ഒടുവി​ലത്തെ പടി താത്‌പ​ര്യം കാണി​ക്കു​ന്ന​വർക്ക്‌ മടക്കസ​ന്ദർശനം നടത്തി അവരു​മാ​യി ബൈബിൾചർച്ചകൾ നടത്തു​ന്ന​തി​നാ​ലും ബൈബി​ള​ദ്ധ്യ​യനം നടത്തു​ന്ന​തി​നാ​ലും മാത്രമേ നിറ​വേ​റ​റാൻ കഴിയൂ. നിങ്ങൾ സത്യത്തി​ന്റെ വിത്ത്‌ വിതച്ചു​കൊ​ണ്ടും അനന്തരം ആവശ്യ​മായ നനക്കലും പരിച​ര​ണ​വും മുഖേന പിന്തു​ടർന്നു​കൊ​ണ്ടും യഹോ​വ​യു​മാ​യി സഹകരി​ക്കു​ന്ന​തി​ലൂ​ടെ അവന്റെ വിശ്വ​സ്‌ത​നായ ഒരു സഹപ്ര​വർത്ത​ക​നാ​ണെന്ന്‌ തെളി​യി​ക്കു​ന്നു​ണ്ടോ?—1 കൊരി. 3:9.

സാദ്ധ്യ​ത​യും ആവശ്യ​വും തിരി​ച്ച​റി​യൽ

³ ഇൻഡ്യ​യിൽ 1990ലെ സേവന​വർഷ​ത്തിൽ നമ്മൾ ഏതാണ്ട്‌ 4,14,000 പുസ്‌ത​ക​ങ്ങ​ളും ചെറു​പു​സ്‌ത​ക​ങ്ങ​ളും 8,94,000ത്തോടടുത്ത്‌ മാസി​ക​ക​ളും വിതര​ണം​ചെ​യ്‌തു! നമുക്ക്‌ സസ്‌മാ​ര​ക​ത്തിന്‌ 28,000ത്തിൽപരം പേരുടെ ഹാജരും കിട്ടി, ആ വർഷത്തെ ശരാശരി 9,725 പ്രസാ​ധ​ക​രെ​ക്കാൾ വളരെ കൂടുതൽ. സാഹി​ത്യ​വി​ത​രണം നമ്മുടെ വേലയി​ലെ നടീൽവ​ശ​ത്തി​ന്റെ ഒരു അവിഭാ​ജ്യ​ഭാ​ഗ​മാണ്‌. അങ്ങനെ വിതക്ക​പ്പെ​ടുന്ന സത്യത്തി​ന്റെ വിത്തിന്‌ പുതിയ ശിഷ്യരെ ഉളവാ​ക്കു​ന്ന​തി​നു​ളള വമ്പിച്ച സാദ്ധ്യ​ത​യുണ്ട്‌. എന്നാൽ ദൈവ​ത്തി​ന്റെ സഹപ്ര​വർത്ത​ക​രെന്ന നിലയിൽ ഇവർക്ക്‌ മടക്കസ​ന്ദർശനം നടത്താ​നും ബൈബിൾവി​ഷ​യ​ങ്ങ​ളി​ലെ അവരുടെ താത്‌പ​ര്യം നട്ടുവ​ളർത്താ​നും നാം പ്രേരി​ത​രാ​കു​ന്നു​ണ്ടോ? ഇൻഡ്യ​യി​ലെ സഭാ​പ്ര​സാ​ധ​കർക്ക്‌ ഇപ്പോൾ ശരാശരി 0.4 ബൈബി​ള​ദ്ധ്യ​യ​ന​ങ്ങ​ളുണ്ട്‌. ഓരോ പ്രസാ​ധ​ക​നും സത്യത്തി​ന്റെ വിത്തു വിതക്കുന്ന ആദ്യന​ട​പ​ടി​ക്ക​തീ​ത​മാ​യി പോയി പുരോ​ഗ​മ​നാ​ത്മ​ക​മായ ബൈബി​ള​ദ്ധ്യ​യ​നങ്ങൾ നടത്താൻ ശ്രമി​ക്കു​ന്ന​തി​നു​ളള തന്റെ വ്യക്തി​പ​ര​മായ ഉത്തരവാ​ദി​ത്വ​ത്തെ കൂടുതൽ സൂക്ഷ്‌മ​മാ​യി വിലമ​തി​ക്കു​മെ​ങ്കിൽ ഈ ശരാശരി മെച്ച​പ്പെ​ടു​മെന്ന്‌ ഞങ്ങൾക്ക്‌ ഉറപ്പുണ്ട്‌. വിവിധ പരിമി​തി​കൾ നിമിത്തം ചിലർക്ക്‌ ഒന്നോ അധിക​മോ ഭവന ബൈബി​ള​ദ്ധ്യ​യ​നങ്ങൾ നടത്താൻ കഴിയാ​തി​രു​ന്നേ​ക്കാ​മെ​ങ്കി​ലും ഓരോ​രു​ത്ത​രും തന്റെ വ്യക്തി​പ​ര​മായ സാഹച​ര്യ​ങ്ങൾ പുനര​വ​ലോ​കനം ചെയ്യു​ന്നത്‌ നല്ലതാണ്‌.

⁴ ചില പ്രദേ​ശ​ങ്ങ​ളിൽ നടക്കു​ന്ന​തെ​ന്താ​ണെന്ന്‌ കാണു​ന്നത്‌ കൗതു​ക​ക​ര​മാണ്‌. സഭകൾക്ക്‌ ഫലപൂർണ്ണ​മായ പ്രദേ​ശ​മുണ്ട്‌. ഓരോ പ്രസാ​ധ​ക​നും ഒന്നു മുതൽ രണ്ടുവരെ ബൈബി​ള​ദ്ധ്യ​യ​നങ്ങൾ ശരാശരി റിപ്പോർട്ടു​ചെ​യ്യു​ന്നു​മുണ്ട്‌. പുതിയ ശിഷ്യ​രി​ലെ വർദ്ധനവ്‌ നടത്ത​പ്പെ​ടുന്ന ബൈബി​ള​ദ്ധ്യ​യ​ന​ങ്ങ​ളു​ടെ എണ്ണത്തിന്‌ ആനുപാ​തി​ക​മാണ്‌. ഇത്‌ 1991ലെ വാർഷി​ക​പ്പു​സ്‌ത​ക​ത്തിൽ റിപ്പോർട്ടു​ചെ​യ്‌തി​രി​ക്കുന്ന പ്രകാ​ര​മു​ളള ശരാശരി പ്രസാ​ധ​ക​രു​ടെ എണ്ണവും ബൈബി​ള​ദ്ധ്യ​യ​ന​ങ്ങ​ളു​ടെ എണ്ണവും തമ്മിൽ താരത​മ്യ​പ്പെ​ടു​ത്തു​ന്ന​തിൽനിന്ന്‌ മനസ്സി​ലാ​ക്കാ​വു​ന്ന​താണ്‌.

⁵ ബൈബി​ള​ദ്ധ്യ​യനം നടത്തു​ന്ന​തി​നു​ളള നമ്മുടെ പ്രേരകം നാം പ്രസം​ഗി​ക്കുന്ന രാജ്യ​സ​ന്ദേ​ശ​ത്തോ​ടു പ്രതി​ക​രി​ക്കുന്ന ആളുക​ളോ​ടു​ളള നമ്മുടെ സ്‌നേ​ഹ​മാ​യി​രി​ക്കണം. ആളുക​ളോ​ടു​ളള യഹോ​വ​യു​ടെ സ്‌നേ​ഹ​പൂർവ​ക​മായ താത്‌പ​ര്യ​ത്തിൽ നാം ആത്മാർത്ഥ​മാ​യി പങ്കുപ​റ​റു​ക​യും അവരുടെ രക്ഷ അവരുടെ ആത്മീയ​വ​ളർച്ച​യോട്‌ ബന്ധപ്പെ​ട്ടി​രി​ക്കു​ന്നു​വെന്ന്‌ തിരി​ച്ച​റി​യു​ക​യും വേണം. (1 പത്രോ. 2:2) വളർച്ചയെ പുഷ്ടി​പ്പെ​ടു​ത്തു​ന്ന​തിന്‌ വെളള​മാ​വ​ശ്യ​മു​ളള അക്ഷരീയ ചെടി​ക​ളെ​പ്പോ​ലെ രാജ്യ​സ​ന്ദേ​ശ​ത്തിൽ പ്രാരംഭ താത്‌പ​ര്യം പ്രകട​മാ​ക്കുന്ന ആളുകളെ ഭവന​ബൈ​ബി​ള​ദ്ധ്യ​യ​നങ്ങൾ മുഖേന ക്രമമാ​യി ദൈവ​സ്ഥാ​പ​ന​ത്തി​ലേക്ക്‌ തിരി​ച്ചു​വി​ടാ​ത്ത​പക്ഷം അവർ സാധാ​ര​ണ​യാ​യി മീററിം​ഗു​കൾക്ക്‌ ഹാജരാ​യി​ത്തു​ട​ങ്ങു​ക​യില്ല.

⁶ നമ്മുടെ ഭാഗത്തെ അനുസ​ര​ണ​വും ചിത്ര​ത്തി​ലേക്കു വരുന്നു. സത്യത്തി​ന്റെ പക്ഷത്തു​ള​ളവർ തന്റെ ശബ്ദത്തിന്‌ ചെവി കൊടു​ക്കു​ന്നു​വെന്ന്‌ യേശു പറയു​ക​യു​ണ്ടാ​യി. (യോഹ. 18:37) പ്രസം​ഗി​ക്കാ​നും പഠിപ്പി​ക്കാ​നും തന്റെ ശിഷ്യൻമാ​രോട്‌ അവൻ കല്‌പി​ച്ചു. ഈ വേല നിർവ​ഹി​ക്കാൻ അവൻ അവരെ സജ്ജരാക്കി. ഒരു ഉപദേ​ഷ്ടാ​വെന്ന നിലയി​ലു​ളള തന്റെ മുന്തിയ ദൃഷ്ടാ​ന്ത​ത്താ​ലും ആളുക​ളോ​ടു​ളള തന്റെ ആഴമായ താത്‌പ​ര്യ​ത്താ​ലും യേശു മററു​ള​ള​വരെ സഹായി​ക്കു​ന്ന​തിൽ നമുക്ക്‌ പിന്തു​ട​രാൻ മാതൃക വെച്ചു. (ലൂക്കോ. 6:40; യോഹ. 13:13; 14:12) നമ്മുടെ ശ്രമങ്ങൾക്ക്‌ നമ്മു​ടെ​യും നാം പഠിപ്പി​ക്കു​ന്ന​വ​രു​ടെ​യും രക്ഷക്ക്‌ സംഭാ​വ​ന​ചെ​യ്യാൻ കഴിയും.—1 തിമൊ. 4:16.

ബൈബി​ള​ദ്ധ്യ​യ​നങ്ങൾ തുടങ്ങു​ന്ന​തി​നു​ളള സഹായങ്ങൾ

⁷ ഒരു വിദഗ്‌ദ്ധ കരകൗ​ശ​ല​പ്പ​ണി​ക്കാ​രൻ തന്റെ വേല കുററ​മ​റ​റ​താ​ക്കാൻ കൈവ​ശ​ത്തി​ലു​ളള വിവിധ പണിയാ​യു​ധ​ങ്ങ​ളിൽനിന്ന്‌ നല്ലത്‌ തെര​ഞ്ഞെ​ടു​ക്കു​ന്നു. ഉപദേ​ഷ്‌ടാ​ക്ക​ളെന്ന നിലയിൽ നമുക്ക്‌ നമ്മുടെ കൈവശം ലഘുപ​ത്രി​ക​ക​ളും ലഘു​ലേ​ഖ​ക​ളു​മുൾപ്പെടെ നിരവധി പ്രസി​ദ്ധീ​ക​ര​ണ​ങ്ങ​ളുണ്ട്‌. ഇവ വിവി​ധ​പ​ശ്ചാ​ത്ത​ല​ങ്ങ​ളോ​ടും വീക്ഷണ​ഗ​തി​ക​ളോ​ടും കൂടിയ ആളുക​ളു​ടെ ഹൃദയ​ങ്ങ​ളി​ലേക്ക്‌ ഇറങ്ങി​ച്ചെ​ല്ലു​ന്ന​തിന്‌ നമ്മെ സഹായി​ക്കാ​നു​ളള പണിയാ​യു​ധ​ങ്ങ​ളാ​യി സംവി​ധാ​നം​ചെ​യ്യ​പ്പെ​ട്ടി​രി​ക്കു​ന്നു.

⁸ ചില പ്രസാ​ധ​കർക്ക്‌ ബൈബിൾചർച്ചകൾ അവതരി​പ്പി​ക്കു​ന്ന​തിന്‌ ലഘു​ലേ​ഖ​ക​ളും ലഘുപ​ത്രി​ക​ക​ളും ഉപയോ​ഗി​ക്കു​ന്ന​തിൽ നല്ല ഫലങ്ങൾ അനുഭ​വ​പ്പെ​ട്ടി​ട്ടുണ്ട്‌. ദൃഷ്ടാ​ന്ത​ത്തിന്‌, സമാധാ​ന​പൂർണ്ണ​മായ ഒരു പുതിയ ലോക​ത്തി​ലെ ജീവിതം എന്ന ലഘുലേഖ ഈ അത്ഭുത​ക​ര​മായ പ്രത്യാ​ശയെ വർണ്ണി​ക്കു​ന്ന​തിന്‌ 20ൽപരം വ്യത്യസ്‌ത വാക്യങ്ങൾ സൂചി​പ്പി​ക്കു​ക​യോ വർണ്ണി​ക്കു​ക​യോ ചെയ്യുന്നു. ഉത്തേജ​ക​മായ പല ബൈബിൾചർച്ചകൾ വികസി​പ്പി​ക്കു​ന്ന​തിന്‌ ഈ തിരു​വെ​ഴു​ത്തു​കൾ ഉപയോ​ഗി​ക്കാൻ കഴിയും. നമ്മുടെ ലഘുപ​ത്രി​ക​കൾക്കും നയനാ​കർഷ​വും ലളിത​വു​മായ ഒരു വിധത്തിൽ ആളുകളെ ഈ അടിസ്ഥാന ബൈബിൾസ​ത്യ​ങ്ങൾ പരിച​യ​പ്പെ​ടു​ത്തു​ന്ന​തി​നും കൂടു​ത​ലായ പരി​ശോ​ധന നടത്തു​ന്ന​തിന്‌ അവരെ പ്രചോ​ദി​പ്പി​ക്കു​ന്ന​തി​നും കഴിയും.

⁹ പരിമി​ത​മായ വിദ്യാ​ഭ്യാ​സ​മോ കാഴ്‌ച​ക്കു​റ​വോ ഉളള ആരെ​യെ​ങ്കി​ലും നിങ്ങൾക്ക​റി​യാ​മോ? അങ്ങനെ​യു​ളള ഒരാളു​മാ​യി തുടർച്ച​യായ ഒരു ബൈബിൾചർച്ച ഏർപ്പാ​ടു​ചെ​യ്യാൻ നിങ്ങൾ ഭൂമി​യി​ലെ നിത്യ​ജീ​വൻ എന്നേക്കും ആസ്വദി​ക്കുക! എന്ന ലഘുപ​ത്രിക ഉപയോ​ഗി​ക്കു​ന്നത്‌ പരീക്ഷി​ച്ചു​നോ​ക്കി​യി​ട്ടു​ണ്ടോ? “നോക്കൂ!” ലഘുപ​ത്രിക മറെറാ​രു നല്ല പണിയാ​യു​ധ​മാണ്‌, അത്‌ ഭാവി​ക്കു​വേ​ണ്ടി​യു​ളള ദൈവ​ത്തി​ന്റെ വാഗ്‌ദാ​ന​ങ്ങ​ളെ​ക്കു​റിച്ച്‌ പഠിക്കു​ന്ന​തിൽ വീട്ടു​കാ​രനെ വിദഗ്‌ദ്ധ​മാ​യി ഉൾപ്പെ​ടു​ത്തുന്ന പ്രാരം​ഭ​ഖ​ണ്ഡി​ക​ക​ളോ​ടു​കൂ​ടിയ​താണ്‌. തീർച്ച​യാ​യും നിങ്ങൾക്ക്‌ ഭൂമി​യി​ലെ പരദീ​സ​യിൽ എന്നേക്കും ജീവി​ക്കാൻ കഴിയും എന്ന 1982-ൽ പുറത്തി​റ​ക്കിയ പുസ്‌തകം അതിനു​ശേഷം സ്‌നാ​പ​ന​മേ​റ​റി​ട്ടു​ളള 17,00,000 പേരിൽ ഒരു വലിയ ശതമാ​നത്തെ സഹായി​ക്കു​ന്ന​തിൽ ഫലപ്ര​ദ​മാ​യി​രു​ന്നി​ട്ടുണ്ട്‌.

താത്‌പ​ര്യ​ക്കാ​രു​ടെ നേരെ ഉത്തരവാ​ദി​ത്ത​ത്തോ​ടെ പ്രവർത്തി​ക്കൽ

¹⁰ നിങ്ങളു​ടെ സഭാ​പ്ര​സാ​ധക രേഖാ​കാർഡിൽ നോക്കി കഴിഞ്ഞ 12 മാസത്തിൽ നിങ്ങൾ സമർപ്പിച്ച പുസ്‌ത​ക​ങ്ങ​ളു​ടെ​യും ലഘുപ​ത്രി​കകൾ ഉൾപ്പെ​ടെ​യു​ളള ചെറു​പു​സ്‌ത​ക​ങ്ങ​ളു​ടെ​യും മാസി​ക​ക​ളു​ടെ​യും എണ്ണം ശ്രദ്ധി​ക്കു​ന്നത്‌ പ്രയോ​ജ​ന​ക​ര​മാ​ണെന്ന്‌ നിങ്ങൾ കണ്ടെത്തി​യേ​ക്കാം. ആ സമർപ്പ​ണങ്ങൾ അവയിൽതന്നെ ഒരു ലക്ഷ്യമാ​യി​രു​ന്നോ? അതോ നിങ്ങൾ നടീൽ എന്ന പടിക്ക​തീ​ത​മാ​യി പോയോ? നമ്മുടെ സാഹി​ത്യ​ത്തിൽ കുറെ സ്വീക​രി​ക്കാൻ തക്ക താത്‌പ​ര്യം കാട്ടിയ വ്യക്തി​ക​ളിൽ എത്ര പേരെ നിങ്ങൾ കൃത്യ​മാ​യി വീണ്ടും സന്ദർശി​ച്ചു? നിങ്ങൾ നട്ടിരുന്ന വിത്ത്‌ മുള​ച്ചോ​യെ​ന്ന​റി​യാൻ നിങ്ങൾ മടങ്ങി​ച്ചെ​ന്നോ? നിങ്ങൾ ആവശ്യ​മായ നനക്ക​ലോ​ടെ പിൻചെ​ല്ലു​ക​യും അനന്തരം വളർത്താൻ യഹോ​വ​യോ​ടു പ്രാർത്ഥി​ക്കു​ക​യും​ചെ​യ്‌തോ?—പ്രവൃ​ത്തി​കൾ 16:14ഉം 2 തെസ്സ​ലോ​നീ​ക്യർ 3:1ഉം താരത​മ്യ​പ്പെ​ടു​ത്തുക.

¹¹ ഒരുപക്ഷേ നിങ്ങൾക്കു പ്രാപ്‌തി​യി​ല്ലെന്നു തോന്നു​ന്ന​തി​നാൽ നിങ്ങൾ മടക്കസ​ന്ദർശ​ന​ങ്ങ​ളോ ബൈബി​ള​ദ്ധ്യ​യ​ന​മോ നടത്തു​ന്നി​ല്ലാ​യി​രി​ക്കാം. ഇത്‌ പ്രാപ്‌തി​ക്കു​റ​വി​നേ​ക്കാ​ളു​പരി നിങ്ങളു​ടെ മനോ​ഭാ​വം നിമി​ത്ത​മാ​യി​രി​ക്കാം. യഹോവ തന്റെ ജനത്തെ വേണ്ടത്ര സജ്ജരാ​ക്കാ​തെ​യും യോഗ്യ​രാ​ക്കാ​തെ​യും വേല ചെയ്യാൻ അയച്ചി​ട്ടില്ല. തന്റെ വിശുദ്ധ വചനവും സ്ഥാപന​വും മുഖേന അവൻ നമ്മെ “സകല സൽപ്ര​വൃ​ത്തി​ക്കും” നമ്മെ ഒരുക്കു​ന്നു. (2 തിമൊ. 3:16, 17; 2 കൊരി. 3:5, 6) പരിശു​ദ്ധാ​ത്മാ​വി​നാ​ലും അച്ചടിച്ച താളു​ക​ളാ​ലും പ്രസം​ഗ​പീ​ഠ​ത്തിൽനി​ന്നു​ളള വാചാ പ്രബോ​ധ​ന​ത്താ​ലും പ്രകട​ന​ങ്ങ​ളാ​ലും അവൻ നമുക്കാ​വ​ശ്യ​മു​ള​ളത്‌ നൽകുന്നു, നമ്മെ സഹായി​ക്കാൻ സന്നദ്ധരായ വിദഗ്‌ദ്ധ​രും അർപ്പി​ത​രു​മായ ദൈവ​ദാ​സൻമാ​രു​ടെ ജീവി​ക്കുന്ന ദൃഷ്ടാ​ന്ത​ങ്ങ​ളെ​ക്കു​റി​ച്ചു പറയു​ക​യും​വേണ്ട. ഒരു ബൈബി​ള​ദ്ധ്യ​യനം നടത്തു​ന്ന​തിന്‌ ഈ ലോക​ത്തി​ലെ ഉപരി​വി​ദ്യാ​ഭ്യാ​സം നമുക്കാ​വ​ശ്യ​മില്ല. നാം യഹോ​വ​യു​ടെ സ്ഥാപന​ത്താൽ നൽക​പ്പെ​ടുന്ന മേത്തര​മായ ആത്മീയ​വി​ദ്യാ​ഭ്യാ​സ​ത്തോട്‌ പ്രതി​വർത്തി​ക്കേ​ണ്ട​തുണ്ട്‌.—പ്രവൃ​ത്തി​കൾ 4:13 താരത​മ്യ​പ്പെ​ടു​ത്തുക.

¹² നമ്മുടെ രാജ്യ​ശു​ശ്രൂ​ഷ​യി​ലും ദിവ്യാ​ധി​പ​ത്യ​ശു​ശ്രൂ​ഷാ​സ്‌കൂ​ളി​ലും സേവന​യോ​ഗ​ങ്ങ​ളി​ലും മററ്‌ ഉദ്‌ബോ​ധ​ന​സ​ര​ണി​ക​ളി​ലും പ്രദാ​നം​ചെ​യ്യ​പ്പെ​ടു​ന്ന​വ​യു​ടെ വ്യക്തി​പ​ര​മായ ബാധക​മാ​ക്കൽ ആവശ്യ​മാണ്‌. അപ്പോ​സ്‌ത​ല​നായ പൗലോസ്‌ എബ്രാ​യ​ക്രി​സ്‌ത്യാ​നി​ക​ളോട്‌ വളച്ചു​കെ​ട്ടി​ല്ലാ​തെ ഇങ്ങനെ പറഞ്ഞു: “എന്തെന്നാൽ തീർച്ച​യാ​യും കാലത്തി​ന്റെ വീക്ഷണ​ത്തിൽ നിങ്ങൾ ഉപദേ​ഷ്ടാ​ക്ക​ളാ​യി​രി​ക്കേ​ണ്ട​താ​ണെങ്കി​ലും ദൈവ​ത്തി​ന്റെ വിശുദ്ധ അരുള​പ്പാ​ടു​ക​ളു​ടെ പ്രാഥ​മി​ക​കാ​ര്യ​ങ്ങൾ തുടക്കം​മു​തൽ നിങ്ങളെ പഠിപ്പി​ക്കാൻ നിങ്ങൾക്ക്‌ വീണ്ടും ആരെങ്കി​ലും ആവശ്യ​മാണ്‌.” (എബ്രാ. 5:12) പല വർഷങ്ങ​ളാ​യി ഒരു തൊഴിൽ ചെയ്യുന്ന ആൾ തന്റെ പണിയാ​യു​ധ​ങ്ങ​ളു​ടെ ഉപയോ​ഗ​ത്തിൽ ഒരളവി​ലു​ളള വൈദ​ഗ്‌ദ്ധ്യം നേടാൻ പ്രതീ​ക്ഷി​ക്ക​പ്പെ​ടു​ന്നു. നാം ആത്മാർത്ഥ​മായ താത്‌പ​ര്യം പ്രകട​മാ​ക്കു​ക​യും ഉത്സുക​മായ ശ്രമം ചെലു​ത്തു​ക​യും ചെയ്യു​മ്പോൾ ബൈബിൾചർച്ചകൾ നടത്തുന്ന വിധത്തി​ലു​ളള പുരോ​ഗതി പ്രകട​മാ​കും.—സദൃ. 12:24; 22:29.

¹³ രാജ്യ​സ​ന്ദേ​ശ​ത്തിൽ താത്‌പ​ര്യം കാണി​ക്കു​ന്ന​വ​രു​ടെ അടുക്കൽ മടങ്ങി​ച്ചെന്ന്‌ കൂടു​ത​ലാ​യി ബൈബിൾ വിഷയങ്ങൾ ചർച്ച​ചെ​യ്യു​ന്ന​തിന്‌ സമയത്തി​ലും ശ്രമത്തി​ലും കുറെ ചെലവു​വ​രു​ന്നു. എന്നാൽ നാം സത്യത്തി​ലാ​യി​രി​ക്കു​ന്നത്‌ യഹോ​വ​യു​ടെ സ്‌നേ​ഹ​ത്തി​ന്റെ​യും അനർഹ​ദ​യ​യു​ടെ​യും ഒരു പ്രകട​ന​മാ​ണെന്ന്‌ നാം വിലമ​തി​ക്കണം. നമ്മെ സത്യം പഠിപ്പി​ച്ചു​കൊണ്ട്‌ അനേകം മണിക്കൂ​റു​കൾ ക്ഷമയോ​ടെ ചെലവ​ഴിച്ച ഒരാളി​ലൂ​ടെ ഇതു പ്രകട​മാ​ക്ക​പ്പെട്ടു. അതു​പോ​ലെ​തന്നെ, ആവശ്യ​മായ സമയം വിലക്കു​വാ​ങ്ങു​ന്ന​തി​നും അത്‌ ശിഷ്യ​രാ​ക്ക​ലാ​കുന്ന ഈ പ്രാധാ​ന്യ​മേ​റിയ വേലക്ക്‌ വിനി​യോ​ഗി​ക്കു​ന്ന​തി​നും സ്‌നേഹം നമ്മെ നിർബ​ന്ധി​ക്കേ​ണ്ട​താണ്‌.—2 കൊരി. 5:14, 15; എഫേ. 5:15, 16.

¹⁴ സായാ​ഹ്ന​സാ​ക്ഷീ​ക​ര​ണ​ത്തിന്‌ ക്രമീ​ക​ര​ണം​ചെ​യ്യാ​നു​ളള സൊ​സൈ​റ​റി​യു​ടെ നിർദ്ദേശം അനേകം സഭകൾ അനുസ​രി​ച്ചി​രി​ക്കു​ന്നു. സാധാ​ര​ണ​യാ​യി പ്രാരംഭ സായാഹ്ന മണിക്കൂ​റു​കൾ താത്‌പ​ര്യ​ക്കാർക്ക്‌ മടക്കസ​ന്ദർശനം നടത്തു​ന്ന​തിന്‌ യോജിച്ച സമയമാണ്‌. ഫലപ്ര​ദ​മായ മടക്കസ​ന്ദർശ​ന​ങ്ങൾക്കും ബൈബിൾചർച്ച​കൾക്കു തുടക്ക​മി​ടു​ന്ന​തി​നും സാക്ഷ്യം​കൊ​ടു​ക്ക​പ്പെട്ട വ്യക്തിയെ സംബന്ധിച്ച പ്രസക്ത​വി​വ​രങ്ങൾ നൽകുന്ന ഒരു വീടു​തോ​റു​മു​ളള രേഖ അത്യന്താ​പേ​ക്ഷി​ത​മാണ്‌. അങ്ങനെ​യു​ളള രേഖകൾ ഒരു പുസ്‌ത​ക​ത്തി​ലോ ബൈബി​ളി​ലോ വെക്കു​ക​യും മറന്നു​പോ​കു​ക​യും ചെയ്യരുത്‌. നിങ്ങൾ ആ പരിസ​രത്ത്‌ ചെന്നെ​ത്താൻ ഇടയാ​കുന്ന വാരങ്ങൾക്കു ശേഷമു​ളള സമയം​വരെ ഒരു മടക്കസ​ന്ദർശനം നടത്താൻ ഓർക്കാ​തി​രി​ക്കു​ന്നത്‌ വ്യക്തിയെ സാത്താന്റെ ഏജൻറൻമാർ സന്ദർശി​ക്കു​ന്ന​തിന്‌ വിധേ​യ​നാ​ക്കു​ന്നു, അവർക്കു താത്‌പ​ര്യ​മു​ള​ളത്‌ വ്യക്തി​യു​ടെ ഹൃദയ​ത്തിൽ വിതക്ക​പ്പെ​ട്ടി​രി​ക്കാ​വുന്ന വിത്ത്‌ തട്ടി​ക്കൊ​ണ്ടു​പോ​കു​ന്ന​തി​ലാണ്‌. (ലൂക്കോ. 8:12) കൃത്യ​മാ​യി മടങ്ങി​ച്ചെ​ന്നു​കൊണ്ട്‌ നിങ്ങൾ സാത്താന്റെ തന്ത്രങ്ങളെ നിഷ്‌ഫ​ല​മാ​ക്കു​മോ? നിങ്ങൾ നിങ്ങളു​ടെ ഉത്തരവാ​ദി​ത്വ​ത്തെ​ക്കു​റിച്ച്‌ ബോധ​വാ​നാ​യി​രി​ക്കു​ക​യും നിങ്ങളു​ടെ പദവിയെ വിലമ​തി​ക്കു​ക​യും​ചെ​യ്യു​ന്നു​വെ​ങ്കിൽ സാദ്ധ്യ​മാ​കു​മ്പോ​ഴൊ​ക്കെ നിങ്ങൾ കൃത്യ​മാ​യി മടങ്ങി​ച്ചെ​ല്ലും.—1 കൊരി. 9:16, 23.

ഒരു ബൈബി​ള​ദ്ധ്യ​യനം തുടങ്ങുന്ന വിധം

¹⁵ ഒരു ബൈബി​ള​ദ്ധ്യ​യനം തുടങ്ങു​ന്ന​തിൽ പ്രയാ​സ​മേ​റിയ, സങ്കീർണ്ണ​മായ, ഏതെങ്കി​ലും നടപടി ഉൾപ്പെ​ട്ടി​രി​ക്കു​ന്നില്ല. ചിലയാ​ളു​കൾ അവരു​മാ​യി ഒരു ബൈബി​ള​ദ്ധ്യ​യനം നടത്തു​ന്ന​തി​നു​ളള നിങ്ങളു​ടെ നേരി​ട്ടു​ളള വാഗ്‌ദാ​നം മനസ്സോ​ടെ സീകരി​ച്ചേ​ക്കാം. എന്നിരു​ന്നാ​ലും, അനേകം പ്രസാ​ധകർ അദ്ധ്യയ​ന​ത്തെ​ക്കു​റി​ച്ചു പറയാതെ ബൈബിൾചർച്ച അതി​ലേക്കു നയിക്കു​ന്ന​തി​നു​മാ​ത്രം കൂടു​ത​ലി​ഷ്ട​പ്പെ​ടു​ന്നു.

¹⁶ ആളുക​ളോ​ടു​ളള സ്‌നേ​ഹ​വും അവരെ സഹായി​ക്കാ​നു​ളള ആത്മാർത്ഥ​മായ ആഗ്രഹ​വും ആവശ്യ​മാണ്‌. നല്ല തയ്യാറാ​ക​ലും ആവശ്യ​മാണ്‌. ഇതിൽ നിങ്ങൾ നേരത്തെ വ്യക്തി​യു​മാ​യി ചർച്ച​ചെ​യ്‌തു​ക​ഴിഞ്ഞ കാര്യങ്ങൾ സംബന്ധിച്ച്‌ ഉണ്ടാക്കിയ കുറി​പ്പു​കൾ പുനര​വ​ലോ​കനം ചെയ്യു​ന്ന​തും കൂടു​ത​ലായ ചർച്ചക്ക്‌ സ്വീക​രി​ക്കേണ്ട സമീപ​നം​സം​ബ​ന്ധിച്ച്‌ തീരു​മാ​നി​ക്കു​ന്ന​തും ഉൾപ്പെ​ടു​ന്നു. നിങ്ങളു​ടെ സംസാ​ര​ത്തി​ന്റെ പൊതു​ദിശ മനസ്സിൽ പിടി​ക്കുക. നിങ്ങൾ നേരത്തെ സംസാ​രിച്ച വിഷയം​സം​ബ​ന്ധിച്ച്‌ കൂടു​ത​ലാ​യി കുറെ വാക്യങ്ങൾ തെര​ഞ്ഞെ​ടു​ക്കു​മോ? അല്ലെങ്കിൽ ആ വ്യക്തി​ക്കു​ളള ലഘു​ലേ​ഖ​യോ പുസ്‌ത​ക​മോ തുറന്ന്‌ ചുരു​ക്കം​ചില പ്രാരം​ഭ​ഖ​ണ്ഡി​കകൾ പരിചി​ന്തി​ക്കാൻ കഴിയു​മോ? അയാൾ താത്‌പ​ര്യം പ്രകട​മാ​ക്കിയ ഒരു വിഷയം നിങ്ങൾക്ക്‌ തെര​ഞ്ഞെ​ടു​ക്കാ​വു​ന്ന​താണ്‌. ആദ്യം 10ഓ 15ഓ മിനി​ററ്‌ എടുത്താൽ മതി. പ്രകട​മാ​ക്ക​പ്പെ​ടുന്ന താത്‌പ​ര്യ​ത്തി​ന്റെ ആഴത്തെ ആശ്രയിച്ച്‌ ക്രമേണ സമയം വർദ്ധി​പ്പി​ക്കാ​വു​ന്ന​താണ്‌. എങ്ങനെ നീങ്ങണ​മെ​ന്നും എത്ര സമയം അവിടെ ചെലവ​ഴി​ക്ക​ണ​മെ​ന്നും മനസ്സി​ലാ​ക്കു​ന്ന​തിന്‌ നിങ്ങളു​ടെ നല്ല വിവേചന നിങ്ങളെ സഹായി​ക്കേ​ണ്ട​താണ്‌.

¹⁷ ശിഷ്യരെ ഉളവാ​ക്കു​ന്ന​തിന്‌ പുരോ​ഗ​മ​നാ​ത്മ​ക​മായ നടപടി​കൾ സ്വീക​രി​ക്കാൻ നിങ്ങളെ പ്രാപ്‌ത​രാ​ക്കു​ന്ന​തിന്‌ സഹായ​ക​മായ ധാരാളം നിർദ്ദേ​ശങ്ങൾ പല വർഷങ്ങ​ളിൽ നൽക​പ്പെ​ട്ടി​ട്ടുണ്ട്‌. ഒരു പരമ്പര​യു​ടെ ഭാഗമാ​യി നമ്മുടെ രാജ്യ​ശു​ശ്രൂ​ഷ​യു​ടെ 1990 നവംബ​റി​ലെ​യും ഡിസം​ബ​റി​ലെ​യും ലക്കങ്ങളിൽ “ഫലപ്ര​ദ​മായ ബൈബി​ള​ദ്ധ്യ​യ​ന​ങ്ങ​ളി​ലൂ​ടെ ഹൃദയ​ങ്ങ​ളി​ലേക്ക്‌ ഇറങ്ങി​ച്ചെ​ല്ലുക” എന്നും “ബൈബി​ള​ദ്ധ്യേ​താ​ക്കളെ യഹോ​വ​യു​ടെ സ്ഥാപന​ത്തി​ലേക്ക്‌ തിരി​ച്ചു​വി​ടുക” എന്നുമു​ളള ലേഖനങ്ങൾ ഉണ്ടായി​രു​ന്നു. 1987ലെ നമ്മുടെ രാജ്യ​ശു​ശ്രൂ​ഷ​യിൽ “ഭവന​ബൈ​ബി​ള​ദ്ധ്യ​യ​ന​ങ്ങൾക്കു തയ്യാറാ​ക​ലും അവ നടത്തലും” എന്ന ലേഖനം ഉണ്ടായി​രു​ന്നു. ഇൻഡക്‌സിൽ “ബൈബി​ള​ദ്ധ്യ​യ​നങ്ങൾ” എന്നതിൻകീ​ഴി​ലെ പെട്ടെ​ന്നു​ളള ഒരു പരി​ശോ​ധന സഹായ​ക​മായ കൂടുതൽ വിവര​ങ്ങ​ളി​ലേക്കു നിങ്ങളെ നയിക്കും.

¹⁸ അദ്ധ്യയനം നടത്തു​ന്ന​തെ​ങ്ങ​നെ​യെ​ന്നു​ള​ള​തി​ന്റെ ഒരു മാതൃ​ക​യാ​യി സഭാപു​സ്‌ത​കാ​ദ്ധ്യ​യ​ന​ത്തിൽ ചെയ്യ​പ്പെ​ടു​ന്ന​തി​നു ശ്രദ്ധ​കൊ​ടു​ക്കുക. തീർച്ച​യാ​യും ഒരു ഭവന​ബൈ​ബി​ള​ദ്ധ്യ​യ​ന​ത്തിൽ നിങ്ങൾക്ക്‌ പഠിച്ചു​തീർക്കേണ്ട മുൻനി​ശ്ച​യി​ക്ക​പ്പെട്ട വിവര​ങ്ങ​ളു​ടെ അളവില്ല. തന്നിമി​ത്തം നിങ്ങൾ വിവര​ങ്ങ​ളു​ടെ പഠന ഗതി​വേഗം അദ്ധ്യേ​താ​വി​ന്റെ പ്രാപ്‌തി​ക്കും ആവശ്യ​ങ്ങൾക്കും അനുസൃ​ത​മാ​യി നിശ്ചയി​ക്കണം. മാത്ര​വു​മല്ല, സേവന​മേൽവി​ചാ​ര​ക​നും പരിച​യ​സ​മ്പ​ന്ന​രായ മററു പ്രസാ​ധ​ക​രും പയനി​യർമാ​രും നിങ്ങ​ളോ​ടു​കൂ​ടെ പോരു​ന്ന​തി​നും ഫലപ്ര​ദ​മായ ബൈബി​ള​ദ്ധ്യ​യ​നങ്ങൾ നടത്തു​ന്നതു സംബന്ധിച്ച്‌ പ്രാ​യോ​ഗിക നിർദ്ദേശം നൽകു​ന്ന​തി​നും വളരെ സന്തോ​ഷ​മു​ള​ള​വ​രാണ്‌.

¹⁹ ആളുകളെ സഹായി​ക്കു​ന്ന​തി​നു​ളള നമ്മുടെ ശ്രമങ്ങ​ളിൽ മുഖ്യ​പങ്കു വഹിക്കു​ന്നത്‌ യഹോ​വ​യാ​ണെന്ന്‌ തിരി​ച്ച​റി​ഞ്ഞു​കൊണ്ട്‌ അദ്ധ്യയനം നടത്താൻ ആരെ​യെ​ങ്കി​ലും കണ്ടെത്തു​ന്ന​തു​സം​ബ​ന്ധി​ച്ചു മാത്രമല്ല, പിന്നെ​യോ നമ്മൾ കണ്ടെത്തിയ താത്‌പ​ര്യ​ക്കാ​രു​ടെ പുരോ​ഗതി സംബന്ധി​ച്ചും നാം പ്രാർത്ഥി​ക്കണം. നമ്മുടെ മനോ​ഭാ​വ​വും വിചാ​ര​ങ്ങ​ളും അഗ്രി​പ്പാ​രാ​ജാ​വി​നോ​ടു സാക്ഷീ​ക​രി​ച്ച​പ്പോ​ഴത്തെ അപ്പോ​സ്‌ത​ല​നായ പൗലോ​സി​ന്റേ​തു​ത​ന്നെ​യാ​യി​രി​ക്കണം. “അല്‌പ​സ​മ​യം​കൊ​ണ്ടോ ദീർഘ​സ​മ​യം​കൊ​ണ്ടോ നിങ്ങൾ മാത്രമല്ല, ഇന്ന്‌ എന്നെ കേൾക്കുന്ന എല്ലാവ​രും എന്നെ​പ്പോ​ലെ​യു​ളള ആളുക​ളാ​യി​ത്തീ​ര​ണ​മെന്ന്‌ എനിക്ക്‌ ദൈവ​ത്തി​ങ്കൽ ആശിക്കാൻക​ഴി​യും.” (പ്രവൃ​ത്തി​കൾ 26:29) വ്യക്തി​പ​ര​മായ സഹായ​ത്തി​ന്റെ ചുരു​ങ്ങിയ സമയമോ കൂടുതൽ ദീർഘിച്ച സമയമോ വേണ്ടി​വ​ന്നാ​ലും തന്റെ ശ്രോ​താ​ക്കൾ ക്രിസ്‌തു​വി​ന്റെ യഥാർത്ഥ ശിഷ്യ​രാ​യി​ത്തീ​ര​ണ​മെന്ന്‌ പൗലോസ്‌ ആഗ്രഹി​ച്ചു.

²⁰ ബൈബി​ള​ദ്ധ്യ​യ​ന​ങ്ങ​ളു​ടെ നടത്തൽ “ദൈവ​ത്തി​ന്റെ അനർഹ​ദ​യ​യു​ടെ സുവാർത്തക്ക്‌ പൂർണ്ണ​സാ​ക്ഷ്യം വഹിക്കാൻ” നമ്മെ പ്രാപ്‌ത​രാ​ക്കു​ന്നു. (പ്രവൃ​ത്തി​കൾ 20:24) ഇനിയും അസംഖ്യ​മാ​ളു​കൾ ഇരുട്ടിൽനിന്ന്‌ വെളി​ച്ച​ത്തി​ലേ​ക്കും സാത്താന്റെ അധികാ​ര​ത്തിൽനിന്ന്‌ ദൈവ​ത്തി​ലേ​ക്കും തിരി​ഞ്ഞേ​ക്കാം. (പ്രവൃ​ത്തി​കൾ 26:18) സമർപ്പി​ത​രും സ്‌നാ​പ​ന​മേ​റ​റ​വ​രു​മായ വ്യക്തി​ക​ളായ യഹോ​വ​യു​ടെ ദാസരായ നിങ്ങൾ സത്യത്തി​ന്റെ വിത്ത്‌ നട്ടു​കൊ​ണ്ടും അനന്തരം ബൈബിൾചർച്ച​ക​ളാ​ലും നിരന്ത​ര​മായ ഭവന​ബൈ​ബി​ള​ദ്ധ്യ​യ​ന​ങ്ങ​ളാ​ലും ആവശ്യ​മായ നനക്കൽ നടത്തി പിൻതു​ട​രു​ന്ന​തി​നാ​ലും നിങ്ങളു​ടെ പങ്കു നിർവ​ഹി​ക്കേ​ണ്ട​താണ്‌. അങ്ങനെ ആളുകൾ യേശു​ക്രി​സ്‌തു​വി​ന്റെ ശിഷ്യ​രാ​യി​ത്തീ​രു​ന്ന​തും അങ്ങനെ​യാ​യി​ത്തീ​രാൻ മററു​ള​ള​വരെ സഹായി​ക്കു​ന്ന​തിൽ നിങ്ങ​ളോ​ടു ചേരു​ന്ന​തും കാണു​ന്ന​തിൽ നിങ്ങൾക്ക്‌ വലിയ സന്തോ​ഷ​മ​നു​ഭ​വി​ക്കാൻ കഴിയും.