പ്രാരംഭ അഭി​പ്രാ​യ​ങ്ങൾക്ക്‌ ഒരു വ്യത്യാ​സം ഉളവാ​ക്കാൻ കഴിയും

¹ ന്യായ​വാ​ദം പുസ്‌ത​ക​ത്തിൽ ഉപയോ​ഗി​ച്ചി​രി​ക്കുന്ന ചില മുഖവു​ര​ക​ളോ നമ്മുടെ രാജ്യ​ശു​ശ്രൂ​ഷ​യു​ടെ ഈയി​ടെ​യു​ളള ലക്കങ്ങളിൽ പ്രത്യ​ക്ഷ​പ്പെ​ട്ട​വ​യോ നിങ്ങൾ ഉപയോ​ഗി​ച്ചി​രു​ന്നോ? ഈ പ്രാരംഭ അഭി​പ്രാ​യങ്ങൾ അച്ചടി​ച്ചു​വ​രുന്ന അതേ രൂപത്തിൽതന്നെ ഉപയോ​ഗി​ച്ച​തി​നാൽ പല പ്രസാ​ധ​ക​രും തങ്ങളുടെ വീടു​തോ​റു​മു​ളള ശുശ്രൂ​ഷ​യിൽ വർദ്ധിച്ച വിജയം റിപ്പോർട്ടു ചെയ്യുന്നു. വയൽശു​ശ്രൂ​ഷക്ക്‌ തയ്യാറാ​കു​ന്ന​തിന്‌ അൽപസ​മയം കൂടെ എടുക്കു​ന്ന​തി​നാൽ അച്ചടിച്ച നിർദ്ദേ​ശ​ങ്ങളെ അടിസ്ഥാ​ന​മാ​ക്കി പ്രാരംഭ അഭി​പ്രാ​യങ്ങൾ തങ്ങളുടെ സ്വന്ത വാക്കു​ക​ളിൽ രൂപ​പ്പെ​ടു​ത്തി​യെ​ടു​ക്കാൻ കഴിയു​മെന്ന്‌ മററു​ള​ളവർ കണ്ടെത്തി​യി​രി​ക്കു​ന്നു.

² ഒരു കാര്യം തീർച്ച​യാണ്‌, അതായത്‌ രാജ്യ​ദൂ​തു​മാ​യി ആരെ​യെ​ങ്കി​ലും സമീപി​ക്കു​ന്ന​തി​നു മുമ്പ്‌ പ്രാരംഭ അഭി​പ്രാ​യങ്ങൾ നിങ്ങളു​ടെ മനസ്സി​ലു​ണ്ടെ​ങ്കിൽ നിങ്ങൾക്ക്‌ കൂടുതൽ ആശ്വാ​സ​വും ആത്മവി​ശ്വാ​സ​വും അനുഭ​വ​പ്പെ​ടും. നിങ്ങളു​ടെ വാക്കുകൾ സുവാർത്ത പങ്കു​വെ​ക്കാ​നു​ളള നിങ്ങളു​ടെ ആത്മാർത്ഥ​മായ ആഗ്രഹത്തെ പ്രതി​ഫ​ലി​പ്പി​ക്കും. നിങ്ങളു​ടെ നല്ല ഒരുക്കം നിങ്ങളു​ടെ ശുശ്രൂഷ കൂടുതൽ ആസ്വാ​ദ്യ​ക​ര​മാ​ക്കും, എന്തു​കൊ​ണ്ടെ​ന്നാൽ നിങ്ങൾക്ക്‌ മെച്ചപ്പെട്ട ഫലങ്ങൾ ലഭിക്കും. സേവന​മാ​കുന്ന നമ്മുടെ യാഗം നമുക്ക്‌ അർപ്പി​ക്കാൻ കഴിയു​ന്ന​തിൽ ഏററവും മികച്ച​താ​ക്കി​ത്തീർക്കുക എന്നതാണ്‌ ഏററവും അധികം പ്രധാനം.—എബ്രാ. 13:15; 1 പത്രോ. 2:5.

³ അതു​കൊണ്ട്‌ തയ്യാറാ​കാൻ സമയ​മെ​ടു​ക്കുക. നിങ്ങളു​ടെ പ്രദേ​ശത്ത്‌ നിങ്ങൾ കണ്ടുമു​ട്ടാൻ ഇടയുളള ആളുക​ളു​ടെ സ്വഭാവം പരിഗ​ണി​ക്കുക. അവരുടെ ഉൽക്കണ്‌ഠ​ക​ളും താൽപ​ര്യ​ങ്ങ​ളും ഏവയാണ്‌? ഏത്‌ വർത്തമാ​ന​കാ​ല​സം​ഭ​വങ്ങൾ അവരുടെ ജീവി​തത്തെ ബാധി​ക്കു​ന്നു? ഈ ചോദ്യ​ങ്ങൾക്കു​ളള ഉത്തരങ്ങൾ പരിചി​ന്തി​ച്ച​ശേഷം ന്യായ​വാ​ദം പുസ്‌ത​ക​ത്തി​ന്റെ 9-15 പേജു​ക​ളിൽ നിർദ്ദേ​ശി​ച്ചി​രി​ക്കുന്ന പ്രാരംഭ അഭി​പ്രാ​യങ്ങൾ നോക്കുക, അല്ലെങ്കിൽ നമ്മുടെ രാജ്യ​ശു​ശ്രൂ​ഷ​യിൽ നിന്ന്‌ ഒന്നോ അധിക​മോ പ്രാരംഭ അഭി​പ്രാ​യങ്ങൾ തിര​ഞ്ഞെ​ടു​ക്കുക. നിങ്ങൾക്ക്‌ സുഗമ​മാ​യി അവതരി​പ്പി​ക്കാ​വു​ന്ന​വണ്ണം വാക്കുകൾ പുനഃ​ക്ര​മീ​ക​രി​ക്കാ​നോ വ്യത്യാ​സ​പ്പെ​ടു​ത്താ​നോ സ്വാത​ന്ത്ര്യ​മുണ്ട്‌. അടുത്ത പടി ഒരു അഭ്യസന പരിപാ​ടി​യിൽ നിങ്ങളു​ടെ പ്രാരംഭ അഭി​പ്രാ​യങ്ങൾ മററു പ്രസാ​ധ​ക​രു​മൊത്ത്‌ അഭ്യസി​ക്കുക എന്നതാ​യി​രി​ക്കും. ഒരുപക്ഷേ ഇത്‌ മററു​ള​ള​വരെ അവരുടെ പ്രാരംഭ അഭി​പ്രാ​യ​ങ്ങ​ളും മെച്ച​പ്പെ​ടു​ത്താൻ പ്രോൽസാ​ഹി​പ്പി​ക്കും. ഏതായാ​ലും നിങ്ങൾ തീർച്ച​യാ​യും അന്യോ​ന്യം സൽപ്ര​വൃ​ത്തി​കൾക്ക്‌ പ്രോൽസാ​ഹി​പ്പി​ക്കു​ക​യും കെട്ടു​പ​ണി​ചെ​യ്യു​ക​യും ആയിരി​ക്കും.

⁴ നിങ്ങളു​ടെ വയൽ അവതര​ണങ്ങൾ തയ്യാറാ​കു​ന്ന​തിന്‌ നിങ്ങൾ ചെലവ​ഴി​ക്കുന്ന സമയത്തി​നും ശ്രമത്തി​നും പ്രതി​ഫലം ലഭിക്കും. ഇപ്പോൾ നടന്നു​കൊ​ണ്ടി​രി​ക്കുന്ന പുളക​പ്ര​ദ​മായ കൂട്ടി​ച്ചേർക്കൽ വേലയിൽ കൂടുതൽ ഫലകര​മായ ഒരു പങ്കുണ്ടാ​യി​രി​ക്കു​ന്ന​തി​നാൽ നിങ്ങൾ അനു​ഗ്ര​ഹി​ക്ക​പ്പെ​ട്ടേ​ക്കാം.