Xikamanalti kej ipa tijchiua

Biblia techtlajtolmaka: ‘Nelia yejyektsi kema se akajya kimati kiijtos tlen kinamiki kema moneki’ (Prov. 15:23).

Tlen Felipe kichijki

Felipe kikamanaljuia se tekichijketl katli kipojtok se amatlajkuiloli.

VIDEO: Felipe kikamanaljuia se tekichijketl

1. Xikita nopa VIDEO o xijpoua Hechos 8:30, 31. Teipa xijnankili ni tlajtlanili:

a. ¿Kenijkatsa Felipe pejki kikamanaljuia nopa tlakatl?
e. ¿Kenke tikijtoskia Felipe kamanaltik kej ipa kichiuayaya uan kiampa uelki kiixtomilik nopa tlakatl se yankuik tlamachtili?

¿Tlake techmachtia tlen Felipe kichijki?

2. Tlaj tikamanaltij kej ipa tijchiuaj, maseualmej kuali kiyolmatisej uan kinekisej techtlakakilisej.

Xijchiua kej Felipe

3. Kuali xitlajtlachia. ¿Tlake kinextia iixayak o kej mojmolinia nopa maseuali? ¿Kinextia kineki kamanaltis touaya? Amo ouij tijmatis tikamanaltis tlen Biblia tlaj tijtlatsintokis: “¿Tijmajtoya. . . ?”. Tlaj se akajya amo kineki kamanaltis, amo xijchiualti.

4. Xijpia moyolo. Amo ximoiljui moneki nima tijkamanaljuis tlen Biblia. Xijchia kema uelis tikamanaltis uan xijchiua kej ipa timomajtok. Kemantika monekis tijkamanaljuis tlen Biblia kema sampa tijpaxaloti.

5. Xijpatla tlen tikijtoskia. Uelis nopa maseuali mitsiljuis se tlamantli tlen amo timoiljuijtoya. Kema kiampa panos, amo xikiljui tlen ika timokualchijchijtoya, xijpatla uan xijkamanaljui tlen nopa maseuali kitekipachoua.

NOJKIA XIKITA

Ecl. 3:1, 7; 1 Cor. 9:22; 2 Cor. 2:17; Col. 4:6