“तिनको जमिनले यहोवाबाट आशिष्‌ पाओस्‌,+

आकाशका उत्तम कुराहरू

अनि शीत र जमिनका मूलहरूबाट पानी पाओस्‌।+

१४ घामको ताप पाएर उम्रने असल-असल थोकहरू

अनि हरेक महिना हुने असल-असल उब्जनी,+

१५ उहिलेदेखिका पहाडहरूमा* पाइने असल-असल थोकहरू+

अनि सदा रहने डाँडाहरूका राम्रा चिजहरू तिनले पाऊन्‌,

१६ तिनले धर्ती र यसमा भएका असल-असल थोकहरू+

अनि झाडीको बीचमा प्रकट हुनुभएको परमेश्‍वरको निगाह पाऊन्‌।+

युसुफको शिरमा यी सबै आशिष्‌ बर्सोस्‌,

जो आफ्ना दाजुभाइमध्येबाट छानिए।+

१७ तिनको सान पहिला जन्मेको बहरको जस्तो छ

अनि तिनका सिङहरू जङ्‌गली साँढेका जस्तै छन्‌।

तिनले आफ्ना सिङहरूले मानिसहरूलाई धकेलेर*

पृथ्वीको पल्लो छेउसम्म पुऱ्‍याउनेछन्‌।

यी सिङहरू एप्रैमका लाखौँलाख मानिस

अनि मनस्सेका हजारौँ-हजार मानिस हुन्‌।”+