यहोवालाई हृदयदेखि सेवा गर्न छोराछोरीहरूलाई मद्दत दिनुहोस्
१ “छोराहरू ता परमप्रभुले दिनुभएको हक मात्र हुन्”, सुलेमानले घोषणा गरे। (भजन० १२७:३-५) निश्चय नै तिनीहरूको मूल्य तोक्नु सकिन्दैन। आफ्ना छोराछोरीहरूलाई सिकाउनु, तालिम दिनु र अनुशासनमा राख्नु आमा-बाबुहरूको ईश्वरप्रदत्त जिम्मेवारी हो। क्षेत्र सेवकाईका लागि तालिम दिने, बच्चालाई हृदयदेखि नै यहोवा र उहाँको राज्यको विषयमा बोल्ने प्रोत्साहन दिने कुराहरू यस जिम्मेवारीमा सम्मिलित छन्।—एफि० ६:४.
२ बच्चा कति वर्षको भएपछि आमा-बाबुले यो प्रशिक्षण सुरु गर्नुपर्दछ? बाइबलमा उत्तर स्पष्ट छ: बाल्यकालदेखि नै। (२ तिमो० ३:१४, १५) जति चाँडो प्रशिक्षण सुरु गरिन्छ, छोराछोरीहरू सत्यमा बलियो हुँदै जाने र सेवकाईलाई आफ्नो पेशा बनाउने त्यत्ति नै बढी सम्भावना हुन्छ। यस बाहेक चाँडै सुरु गरिएको प्रशिक्षणले बालबच्चालाई सांसारिक सोच-विचार र मनोवृत्तिहरू बाट बचाउँदछ।
३ विद्यालय जाने उमेरको हुनुभन्दा अघि नै धेरै बच्चाहरूले जटिल सीपहरू सिक्ने क्षमता देखाएका छन्। सानै उमेरमा सिक्ने क्षमतालाई परमेश्वरको अनुमोदन पाउने सीपहरू सिक्नमा प्रयोग गर्नुपर्दछ। (w88 8⁄1 p. 15; w89 12⁄1 p. 31) कलिलो उमेरका धेरैले प्रगति गरेर बप्तिस्मा अप्राप्त प्रकाशक समेत भएका छन्। केही बालबच्चाहरूले त कैशोर्यवस्थामा प्रवेश गर्नु अगावै समर्पण गरेर बप्तिस्मा लिएका छन्। यसले गर्दा तिनीहरू स्कूलको शिक्षा समाप्त गर्न अगावै सहायक अग्रगामी र नियमित अग्रगामी समेत हुन सकेका छन्। तर यी लक्ष्यहरू प्राप्त गर्न तिनीहरूलाई मानिसहरूसँग बाइबलका विभिन्न विषयहरूमा कुरा गर्न सिकाउनु आवश्यक छ।
४ कोही कोही व्यस्कहरू आजका युवाहरूलाई उत्ताउलो र अभद्र ठान्छन्। ढोका खटखटाउने जवान व्यक्तिसँग कुरा गर्न सायद यस्ता वयस्कहरू नरुचाउलान्। यस्ता अवरोधलाई पार गरेर त्यो वयस्क-घरधनीको ध्यान खिच्न एउटा युवा प्रकाशकले के भन्न सक्छ? यसका लागि एउटा युवा प्रकाशकले यस्तै केही भनेछ: “नमस्कार, मेरो नाउँ ................... हो। आज धेरै मानिसहरू भविष्यबारे चिन्तित छन्। त्यसैकारण, यस विषयमा कुराकानी गर्न म आफ्ना छर-छिमेकीहरू कहाँ गइ रहेछु। उमेरमा म भन्दा पाको हुनु भएको कारण, जीवन बारे निश्चय नै मलाई भन्दा तपाईंलाई बढी अनुभव छ। तथापि हामी सबैलाई नै सान्त्वना दिने एउटा शास्त्र पद्य तपाईंलाई म देखाउन चाहन्छु।” प्रकाशितवाक्य २१:३, ४ पढिसकेपछि शान्तिमय नयाँ संसारमा जीवन भन्ने पर्चा तर्फ कुरा लान सक्नु हुन्छ।
५ अर्को सुझाव यस प्रकार छ: “नमस्ते, मेरा नाउँ ................... हो। र छर-छिमेकीसँग छोटो भेटघाट गरौं भनेर आएको हुँ किनभने आज धेरैजसो प्रौढ व्यक्तिहरू जवान मानिसहरूको क्रियाकलाप देखेर चिन्तित छन्। कहिले काहीं जवान मानिसहरू अभद्र र विद्रोही मनोवृत्ति समेत देखाउछन्। तर चाँडै सबै मानिसहरू एकअर्का सित शान्तिसँग मिलेर बस्न सिक्नेछन्। यस विषयमा तपाईंलाई म एउटा पद्य देखाउन चाहन्छु।” त्यसपछि भजनसंग्रह ३७:११ पढ्नुहोस् र उपयुक्त टिप्पणी गर्नुहोस्। यसरी युवा प्रकाशकहरूले इमानदारीपूर्वक गरेको अभिव्यक्ति सुनेपछि अवश्य पनि धेरै प्रौढ घरधनीहरू प्रभावित हुनेछन्।
६ आज हजारौं युवा प्रकाशकहरूले राज्य-प्रचार र चेला बनाउने काममा विशेष योगदान दिइ रहेका छन्। तिनीहरू हार्दिक प्रंशसाका योग्य छन्। सेवकाईको हर क्षेत्रमा पूरा भाग लिने प्रोत्साहन पाउन साथै, परमेश्वरको भय मान्ने आमाबाबुबाट बाल्यकालदेखि नै प्रशिक्षण पाएका युवाहरू तुरुन्त अघि बढ्छन्। जो जो अहिलेसम्म पनि स्कूलमा छन् तिनीहरूसँग आफ्ना मित्रहरू र शिक्षकहरूलाई साक्षी दिने अनुपम मौका छ। यो विशेष क्षेत्रमा साक्षी दिंदा धेरैले अति नै सन्तोषजनक अनुभवहरूबाट आनन्द उठाएका छन्।
७ तसर्थ तपाईंको मण्डलीमा भएको सबै नै युवा प्रकाशकहरूलाई युवावस्थाको उमंग सहित यहोवालाई सेवा गर्ने र हृदयदेखि उहाँको प्रंशसा गर्ने मौकाको फाइदा उठाउन मद्दत गर्नुहोस्।—उप० १२:१.