यहोवाका साक्षीहरूको १९९३ “ईश्वरीय शिक्षा” जिल्ला सम्मेलन
१ सन् १९९२ सालको विश्वव्यापी “ज्योति वाहकहरू” जिल्ला सम्मेलनहरूमा उपस्थित हुने सबैले यस अन्धकारमय संसारमा ज्योति वाहकको रूपमा सेवा गर्न पाएका सौभाग्यका लागि आफ्नो मूल्याङ्कन बढाए। (२ पत्रु. १:१९) विश्वभरि हजारौं प्रिय जनहरूले पानीमा बप्तिस्मा लिएर आफ्नो समर्पणलाई जनाएर ज्योति वाहकहरूको ठूलो झुण्डमा सामेल हुनु कस्तो हर्षवर्धक कुरा थियो! प्रभावशाली हुनका लागि ज्योति वाहकहरूले महान प्रशिक्षक र महान शिक्षक दुवैको देखासिकी गर्नुपर्दछ। साँच्चै नै हामीसँग एउटा “अर्थपूर्ण” समाचार छ र यो अत्यावश्यक जानकारीका साथ मानिसहरूको हृदयसम्म पुग्ने काममा अझ प्रभावशाली हुन, यस वर्षको “ईश्वरीय शिक्षा” जिल्ला सम्मेलनहरूले हामीहरूलाई मदत गर्नेछ। (भजन. ११९:१६० न्यू व.; मत्ती २८:२०) आ-आफ्ना मुलुकहरूमा यी सम्मेलनहरू धाउन विश्वभरिका मिसनरीहरूले योजना बनाउन सुरु गरिसकेका छन्। के तपाईं र तपाईंका परिवारले पनि यस्तै योजना बनाउँदै छ? यस भरपूर आध्यात्मिक भोजमा भेला हुन तपाईंका बाइबल विद्यार्थीहरूलाई किन प्रोत्साहित गर्नु हुन्न?
२ सुरुआतको गीत देखि लिएर समापनको प्रार्थनासम्म, चारै दिनको रमाइलो कार्यक्रमहरूको आनन्द उठाउन सकियोस् भनेर सम्मेलन सम्बन्धित तयारीहरू होसियारी र प्रार्थनापूर्वक गर्न नबिर्सनुहोस्। मदतको आवश्यकता पर्ने व्यक्तिहरू, विशेषगरी चासो देखाउने नयाँ व्यक्तिहरूलाई तपाईंको आफ्नो योजनामा प्रेमपूर्वक सामेल गर्नुहोस् ताकि तिनीहरू पनि सबै सभाहरूमा भेला हुन सकुन्। (गलाती ६:१०) कार्यक्रम बिहीवार दिउँसो १:३० बजे सुरु हुन्छ र साँझ लगभग ५:०० बजे अन्त हुन्छ। शुक्रवार र शनिवार दुवै दिन बिहान ९:२० बजे कार्यक्रम सुरु हुन्छ र साँझ लगभग ५:०० बजे गीत र प्रार्थनाका साथ अन्त हुन्छ। आइतवार बिहान ९:२० बजे सभा सुरु हुन्छ र दिउँसोको कार्यक्रम लगभग ४:१० बजे समाप्त हुन्छ। तल दिएका यी जानकारीहरूले तपाईंलाई प्रारम्भिक तयारीहरू गर्न मदत मिल्नेछ।
३ यो जानेर तपाईंलाई खुशी लाग्नेछ कि यस वर्ष भारतमा १८ वटा सम्मेलनहरू आयोजित गरिएको छ, जसमध्ये पहिलो चाहिं सितम्बरको अन्ततिर सुरु गरिने योजना छ। सम्मेलनहरू अक्तुबर र नवम्बरभरि चल्नेछ र दिसम्बरमा दुईवटा सम्मेलनहरू केरलामा सञ्चालन गरिनेछ। बितेका केही वर्षहरूमा ३० वटा सम्मेलनहरू हुने गरेको तपाईंलाई थाहा नै होला। प्रत्येक सम्मेलनमा अझ धेरै भाइहरू भेला होउन् भन्ने हेतुले यस वर्ष कम सम्मेलनहरूको आयोजना गरिएको हो र हामी यी मध्येका धेरैजसो सम्मेलनहरू निकै नै ठूलो हुने आशा गर्दछौं। धेरैजना भेला हुँदा भाइहरूमा अझ बढी उत्साह जाग्नेछ र साथै दर्शकहरूका लागि पनि यसले राम्रो गवाही दिनेछ। यस बाहेक सम्मेलनका वक्ताहरूमा पनि अझ राम्ररी छनौट गर्न यसले हामीलाई मौका दिनेछ र यसले धेरैजसो सम्मेलनहरूको स्तरलाई बढाउने छ।
४ आवास प्राप्त गर्नका निम्ति निर्देशनहरू: सधैं जस्तो यस वर्ष पनि हामी तपाईंहरूलाई आवास निवेदन फारम (Room request form) पठाउने छौं। कोठाहरूका लागि सम्मेलनले गरेको प्रबन्धद्वारा आवास प्राप्त गर्न चाहने सबैले आवास निवेदन फारममा सफा र स्पष्टसँग चाहिने जति जानकारीहरू भर्नुपर्ने छ र आफ्नो मण्डलीको सेक्रेटरी वा सम्मेलन समन्वयकर्त्तालाई तुरुन्तै दिनु पर्दछ। यसपछि सो जानकारीलाई जाँचेर, हस्ताक्षर गरेर तपाईंले उपस्थित हुने योजना बनाउनुभएको सम्मेलन शहरको आवास विभाग (Rooming Department)-मा कुनै ढिलाइ बिना तिनले पठाइ दिने छ। तपाईंको सम्मेलन सुरु हुनुभन्दा पर्याप्त समय अगावै कृपया यो काम गर्नुहोस्। प्रत्येक कोठाका लागि एउटा निवेदन फारम भर्नु पर्नेछ। कोठामा बस्नेहरूको नाम मात्र फारममा उल्लिखित हुनुपर्दछ। यदि ग्रुप कोठामा नअटाउने भएमा आवास विभागले केही व्यक्तिहरूलाई अर्को कोठामा खटाउने छ।
५ होटेलका कोठाहरू चाहिएमा सो बताउनुहोस् र तपाईंले कति मूल्य तिर्न चाहनुहुन्छ, फारमको दाहिनेपट्टि स्तम्भमा उल्लेख गर्नुहोस्। तपाईंले छानेको दरमा तपाईं बसुञ्जेलसम्मको भाडा पनि आवास निवेदन फारम सँग-सँगै मनी अर्डरद्वारा पठाउन नभुल्नु होस्। हुलाकद्वारा पठाउँदा ढिला वा हराउन सक्ने भएकोले तपाईंको निवेदन फारमलाई चाँडै समयमै पठाउन पक्का गर्नुहोस्। डाकद्वारा तपाईंले यसको रसिद पाउने गरी यसलाई रजिस्टर गरेर पठाउनु अझ सुरक्षित हुनसक्छ।
६ तपाईंका लागि आवास प्राप्त हुने बित्तिकै त्यसको सूचना तपाईंलाई दिइनेछ। एकपल्ट प्रबन्ध मिलाइसकेपछि तपाईंलाई दिएको कोठालाई स्वीकार्नुहोस् किनभने तपाईंले दिएको मितिमा तपाईं आउनु हुँदैछ भनेर मेजबान वा होटेललाई खबर दिइसकेको हुन्छ।
७ सम्मेलन शहरमा जुन दिन पुग्ने योजना बनाउनुभएको छ त्यसै दिन पुग्ने प्रबन्ध मिलाउन नभुल्नुहोस्। किनभने तपाईंले दिनुभएको मिति अनुसार कोठाहरू रिजर्भ गरिएको हुन्छ। आइपुग्नु भैसके पछि आवासका निम्ति तपाईंलाई खटाइएको स्थानमा जतिसक्दो चाँडो जानुहोस्। यदि तपाइँका लागि आवास प्रबन्ध होटेल वा शयनशालामा गरिएको छ भने र पन्छाउनै न सकिने कुनै कारणवश तपाईं समयमा पुग्न सक्नु हुन्न भने कृपया होटेल मेनेजरलाई खबर दिनुहोस्।
८ विशेष आवश्यकताहरू: विशेष खाँचो परेका व्यक्तिहरूको देखभाल गर्ने प्रबन्धहरू तिनीहरूको आफ्नो मण्डलीले मिलाउनु पर्नेछ। त्यस्ता व्यक्तिको परिस्थितिहरूसँग अवगत भएका प्राचीनहरू वा अरूहरूले प्रेमपूर्वक मदत पुऱ्याउन सक्छन्। यस कुरामा पूर्ण-सेवा सेवकाईमा लागेकाहरू, वृद्ध व्यक्तिहरू, दुर्बल र शायद अरूहरूको पनि आवश्यकताहरूलाई प्रकाशकहरूले विचार गर्न जरुरी छ। यस्ता व्यक्तिहरूलाई आफू सँग-सँगै लगेर वा अन्य तरिकाहरूद्वारा तिनीहरूको आवश्यकताहरूलाई पूरा गरेर प्रकाशकहरूले मदत पुऱ्याउन सक्छन्।—या. २:१५-१७; १ यू. ३:१७, १८.
९ हुनः त विशेष आवश्यकताहरू हुने प्रकाशकहरूलाई मण्डलीमा हुनेहरूले सहायता दिन सक्तैनन् भने, आवास विभागले त्यस्ता प्रकाशकहरूका निम्ति उपयुक्त कोठाहरूको प्रबन्ध मिलाउने कोसिस गर्नेछन्। ती प्रकाशकहरूले मण्डलीका सेक्रेटरीसँग आफ्नो अवस्था बारे छलफल गर्नसक्छन्। तिनीहरूका निम्ति कोठाको प्रबन्ध गर्न मण्डलीले सहयोग गर्न सम्भव छ कि भनेर थाहा लगाउन सेक्रेटरीले मण्डली सेवा निकायसँग कुरा गर्नुपर्दछ। आवश्यक सहयोग दिन मण्डली सक्षम छैन भने सम्मेलनको आवास विभागलाई सेक्रेटरीले छुट्टै पत्र लेख्न सक्छ। सेक्रेटरीले परिस्थितिहरूलाई विस्तृत रूपमा वर्णन गर्नुपर्दछ। यी सबै कुराहरू सम्मेलन हुनुभन्दा अघि, समयमै गरिनुपर्दछ। तिनीहरूको आवास बारे निवेदन गर्ने व्यक्तिलाई सोझै सूचित गरिनेछ।
१० कहिले काहीं निजी घरहरू पनि आवासका लागि उपलब्ध हुन्छन् र त्यसका लागि पनि अनुरोध गर्न सकिन्छ। त्यस्ता अनुरोध गर्ने व्यक्तिहरूले सम्मेलन अघि वा पछिका अतिरिक्त दिनहरूमा पनि आवास पाउने आशा गर्दै भाइहरूले देखाएको आतिथ्यको अनुचित फाइदा उठाउनु सुहाउँदैन। ती कोठाहरू सम्मेलन होउञ्जेलसम्मका लागि मात्र प्रबन्ध गरिएको हो। त्यस्ता आवास पाउनेहरूले अर्थात तिनीहरूका बाल-बच्चाहरूले मेजबानको घरमा आदरपूर्ण व्यवहार गर्नु पर्दछ र मेजबानको सर-सामानहरूलाई छानबिन गर्ने वा बिगार्ने वा घरको व्यक्तिगत क्षेत्रहरूमा प्रवेश गर्ने जस्तो काम गर्नु हुँदैन। यस सम्बन्धमा घरधनीले कुनै अप्ठ्यारोपनको अनुभव गरेमा त्यसको खबर आवास निरीक्षक (Rooming Overseer)-लाई तुरुन्त सम्मेलनमै दिनुपर्दछ र यस बारे मदत गर्न तिनी खुशी हुनेछन्।
११ खटाइएको क्षेत्रभन्दा बाहिरबाट आएका प्रतिनिधिहरू: प्रायः जसो सधैं नै तपाईंको मण्डलीलाई सबैभन्दा नजिक पर्ने ठाउँमा तपाईंलाई भेला हुन खटाइएको हुन्छ। आफूलाई खटाइएको ठाउँमा नै मण्डलीका धेरैजसो प्रकाशकहरू भेला हुनेछन् भन्ने आधारमा पर्याप्त मात्रामा मेच, साहित्य, भोजन, आवास इत्यादिको व्यवस्था गरिएको हुन्छ। तथापि, कुनै विशेष कारणहरूले गर्दा तपाईं आफूलाई नखटाइएको सम्मेलन धाउनु हुँदैछ र आवासको आवश्यकता छ भने, सो सम्मेलनको मूख्य कार्यालयमा आवास निवेदन फारम पठाउनुहोस्। यी मूख्य कार्यालयहरूका ठेगानाको सूची हामी केही समय पछि उपलब्ध गर्ने छौं।
१२ तपाईंको सहयोग जरुरी छ: आवास प्रबन्धको सफलता यसमा सम्मिलित सबै व्यक्तिहरूको सहयोगमा भर पर्दछ। (हिब्रू १३:१७) तसर्थ सोसाइटीको आवास प्रबन्धलाई पूर्ण सहयोग गर्न सबैलाई हामी विनम्र निवेदन गर्दैछौं। यसो गर्दा केही होटेलहरूसँग कुराकानी गर्न अहिलेसम्म पनि भोगी रहेका कठिनाइहरूलाई कम गर्न सकिन्छ। बितेका समयमा हाम्रो राज्य सेवकाई-को बीचको अतिरिक्त पृष्ठ (Insert)-मा दिएको सम्मेलन सम्बन्धी स्पष्ट जानकारीहरूलाई धेरैजसो प्रकाशकहरूले हृदयङ्गम गरेका छन् र यसले गर्दा थुप्रै असल परिणामहरू अनुभव गरिन्दैछ। यद्यपि, सबैलाई फेरि पनि यो निवेदन गर्न आवश्यक भएको छ अर्थात होटेल आवास प्राप्त गर्नका लागि कृपया यी निर्देशनहरूलाई ध्यान दिनुहोस्:
(क) आफू नबस्ने विचार गर्नुभएका होटेल वा एकभन्दा बढी होटेलहरूमा कोठाहरू जाँचेर, राम्रोलाई छान्ने र बाँकीलाई रद्द गर्ने हेतुले कृपया गोप्य रूपले कोठाहरू रिजर्भ न गर्नुहोस्। (मत्ती ५:३७) यो अनुचित काम हो। यसले गर्दा होटेलहरूले गर्न सक्ने व्यापार गर्न पाउँदैनन् र अन्य प्रकाशकहरू पनि ती कोठाहरूको प्रयोग गर्न देखि वञ्चित हुन्छन् जबकि कोठाहरू धेरैजसो अत्यावश्यक परिरहेको हुन्छ।
(ख) आफ्नो नाम नदिइकन र धरौटी तुरुन्त नपठाइकन आफू र अरूहरूका लागि कोठाहरू रिजर्भ नगर्नुहोस्।
(ग) कानून र व्यवस्थापनले अनुमति दिए भन्दा बढी व्यक्तिहरूलाई कोठामा नराख्नुहोस्। सामान्यतया एउटा कोठामा बालबच्चा समेत गरी चार वा पाँच जनासम्म राख्न सकिन्छ। नबिसर्नुहोस्, त्यस कोठामा कति जना बस्ने छन् भनी तपाईंले मञ्जुर गर्नु भएको छ त्यसै संख्यामा आधारित भाडा तपाईं तिर्दै हुनुहुन्छ।
१३ यी कुराहरूको उल्लङ्घन गर्दा कोठाका लागि राम्रो दर मिलाउन गाह्रो हुन्छ र यहोवाको नाम र सङ्गठनमा त्यसले कलङ्क ल्याउदछ। (भजन ११९:१६८) यसकारण, यस्तो कुनै समस्याहरू भोगिरहेका छन् कि र त्यसमा को-को सम्मिलित छन् भनेर थाहा लगाउन सोसाइटीले आवास विभागलाई होटेलवालाहरूसँग सोध्न लगाउने छ। भाइहरूको सकेसम्म कम खर्च होस् भन्ने हेतुले सम्मेलन सङ्गठनले मेहनत पूर्वक काम गर्दैछ। अतः यो प्रबन्ध पछिसम्मै चलिरहोस् भनेर सोसाइटीको आवास विभागलाई सहयोग गर्नु सबैको हितको कुरा हो। आवास विभागले सहयोग गर्न तत्पर भएका होटेलहरूमा राम्रो दर्जाको आवासको प्रबन्ध गर्ने कोसिस गर्दछ। हाम्रो लक्ष्य प्रतिनिधिहरूले सम्मेलनका राम्रा आध्यात्मिक कार्यक्रमहरूको आनन्द उठाउन सकुन् भनेर तिनीहरूका लागि सकेसम्म कम खर्चमा आरामदायी आवास प्रबन्ध गरिदिनु हो।
[पृष्ठ ४-मा भएको पेटी]
सन् १९९३ सालको जिल्ला सम्मेलनका लागि खटाइएका स्थान, मिति, भाषा र क्षेत्रहरूको सूची।
Location Dates Language Circuits Covered
Bombay September 23-26 E/HI MA-1
Hyderabad October 7-10 E/TU AP-1, 2A
Mangalore October 14-17 KN KA-2
Madras October 14-17 E/TL TN-1
Bangalore October 21-24 E/TL TN-2
Mysore October 21-24 KA KA-2
Calcutta October 21-24 E/BE WB-1 A, B
Madurai October 28-31 TL TN-3, 4
Jamshedpur October 28-31 E/HI WB-1 A
Gauhati October 28-31 E/AE AS-1
Ahmedabad November 11-14 GU MA-2 B
Port Blair November 18-21 HI AP-2 B
Kathmandu November 18-21 NP AS-1B
Margao November 18-21 E/KT KA-1
New Delhi November 25-28 E/HI UP-1 A, B
Pune November 25-28 MR MA-2 A
Kottayam December 16-19 MY KE-4 - 7
Calicut December 23-26 MY KE-1, 2, 3