सबैभन्दा महत्त्वपूर्ण काम
१. सेवाको कामप्रतिको गहिरो कृतज्ञताले हामीलाई कस्ता त्यागहरू गर्न उत्प्रेरित गर्छ?
१ सेवाको काममा आफ्नो समय, शक्ति र स्रोत-साधन लगाउन हामीलाई किन नियमित रूपमा प्रोत्साहन दिइन्छ? किनभने योभन्दा महत्त्वपूर्ण काम अरू छँदैछैन! यसको दूरगामी असरलाई सोच्दा फेरि कहिल्यै नदोहोरिने यस काममा भाग लिने हाम्रो इच्छा बढ्नेछ।—प्रेरि. २०:२४.
२. हाम्रो प्रचारकार्यले यहोवाको महान् नाउँ पवित्र पार्न कसरी मदत गर्छ?
२ यहोवाको नाउँ पवित्र पार्छ: येशू ख्रीष्टद्वारा परमेश्वरको राज्यले सम्पूर्ण मानव सरकारलाई हटाउनेछ र मानिसजातिलाई दुःख दिने सबै कुराहरूको समाधान गर्नेछ भनेर प्रचारकार्यले जोड दिन्छ। (मत्ती ६:९, १०) हामीलाई रोगबिमार र मृत्युबाट मुक्ति दिन सक्ने एकमात्र व्यक्तिको रूपमा यहोवालाई महिमित पार्छ। (यशै. २५:८; ३३:२४) हामीले उहाँको नाउँ धारण गरेकोले हाम्रो असल आचरण र जोस याद गर्नेहरूले उहाँको महिमा गर्न सक्छन्। (१ पत्रु. २:१२) सार्वभौम प्रभु यहोवाको नाउँ सारा पृथ्वीभरि परिचित गराउन पाउनु हाम्रो लागि कत्ति सन्तोषजनक कुरा!—भज. ८३:१८, NW.
३. राज्य सन्देश स्वीकार्नेहरूले कस्ता आशिष् पाउनेछन्?
३ जीवन बचाउँछ: यहोवा “कोही पनि नष्ट नहोस्, तर सबै जनाले पश्चाताप गरून् भन्ने इच्छा” गर्नुहुन्छ। (२ पत्रु. ३:९) तर सिकाउने व्यक्ति नै भएन भने यहोवालाई उचित र अनुचित लाग्ने आचरणबारे मानिसहरूले कसरी सिक्न सक्लान्? (योना ४:११; रोमी १०:१३-१५) जब मानिसहरूले सुसमाचार स्वीकार्छन्, तिनीहरूले हानिकारक आनीबानी त्याग्छन् जसले गर्दा तिनीहरूको जीवनस्तर सुध्रिन्छ। (मीका ४:१-४) यसबाहेक, तिनीहरूले अनन्त जीवनको उज्ज्वल आशा पाउँछन्। हाम्रो सक्रिय प्रचार र सिकाउने कार्यले हामी आफैलाई र हामीलाई सुन्नेहरूलाई बचाउँछ। (१ तिमो. ४:१६) यो सबैभन्दा महत्त्वपूर्ण काममा हाम्रो भूमिका कत्ति ठूलो छ!
४. राज्य प्रचार र चेला बनाउने काममा हामीले किन सक्रिय भई भाग लिनुपर्छ?
४ चाँडै महासंकष्टले यस अधार्मिक संसारको अचानक अन्त्य गर्नेछ। यहोवाको पक्ष लिनेहरू बच्नेछन्। त्यसकारण प्रचार गर्ने र चेला बनाउने काम अहिले भइरहेको सबैभन्दा जरुरी, महत्त्वपूर्ण र लाभदायी काम हो। यस कामलाई आफ्नो जीवनमा सबैभन्दा पहिलो स्थानमा राखौं!—मत्ती ६:३३.