दैनिक आध्यात्मिक आहारा—कुनै पनि मसीही परिवारको लागि अत्यावश्यक
१ “मानिस भोजनले मात्र होइन, तर परमेश्वरको मुखवाट निस्केको हरेक वचनले बाँच्तछ।” (मत्ती ४:४) यी शब्दहरुमा सत्यता छ! जसरी हामीलाई दिनहुँ नै शारीरिक आहाराको खाँचो पर्छ, सोहि प्रकारले हामीलाई दिनहुँ आध्यात्मिक आहारा पनि लिनु पर्छ। हामीलाई नियमित तवरमा परमेश्वरको वचन खानुमा मद्दत दिनका लागि, सोसाइटीले एग्ज्यामिनिङ् द स्क्रिपʹट्युर्स् डेʹली नामक पुस्तीका प्रकाशन गरेका छन्। एउटा मसीही परिवार भएको हुनाले, के तपाईंले प्रत्येक दिनबाट केही समयलाई दैनिक पदमाथि विचारविमर्श गर्नका निमित्त अलग्ग छुट्टयाउँनु भएको छ?
२ बा-आमाले उदाहरण राख्नु पर्छ: अत्यन्तै व्यस्त नित्यक्रम भएको हुनाले, अरु कुनै समयमा सो गरौंला नी भनेर विचार गर्दै, पदमाथि विचारविमर्श गर्ने कार्यलाई पन्छ्याउँन सजिलो छ। तर यदि बा-आमाहरु आफ्नो परिवारको आध्यात्मिक खाँचोहरु बारे संवेदनशील छन् भने, परिवार भेला हुँदा प्रत्येक दिन सो गर्नको निमित्त तिनीहरुले समय निकाल्ने छन्, हो, समय बनाउँने छन्। (मत्ती ५:३) यसको नेतृत्व तिनीहरुले आफ्नो छोरा-छोरीसँग दैनिक पद पढेर मात्र गर्ने छैनन् तर प्रहरीधरहरा-मा दिएका टिप्पणीहरुबाट विशेष बुँदाहरुलाई प्रकाश गर्दै र उक्त जानकारी अनि सल्लाहलाई कुन प्रकारले व्यवहारिक प्रयोगमा लगाउँन सकिन्छ होला भनेर छलफल गरेर पनि गर्ने छन्। यो कुरो साँच्चो हो, कि बानी बसाल्नको लागि प्रयत्न र अभ्यास गर्नु पर्छ, तर यसवापत आएका लाभहरुलाई प्राप्त गर्न जे गरे तापनि कमै हुन्छ। (तुलना गर्नुहोस् प्रे० १७:११, १२ सँग।) अतः, बा-आमा हो, असल उदाहरण राख्नका लागि मिहनेत गर्नुहोस्!
३ उपयुक्त समय खोज्नुहोस्: यो कार्यलाई आए आँप गए झटारो भने जस्तो नहुन दिनुको लागि, पदबारे छलफल गर्दा सम्पूर्ण परिवारलाई एकत्रित हुने सबैभन्दा उपयुक्त समय कुन चाहिं होला? बाइबल पदमाथि विचारविमर्श गरेर दिन प्रारम्भ गर्नुमा निकै लाभ छ। संसार वरिपरिका बेथेल तथा मिसनरी घरहरुमा, प्रत्येक दिनको थालनी बिहानीको उपासना द्वारा हुने गर्दछ, जसमा त्यस दिनको लागि दिएका पदबारे एउटा संक्षिप्त छलफल पनि समावेश हुन्छ। यसले भाइहरुलाई दिन राम्ररी प्रारम्भ गर्ने मद्दत दिंदछ, यहोवाले दिनुभएका सम्झौटोमाथि दिनहुँ मनन गर्दै।—भजन १:१, २; फि ४:८.
४ ठीक यसै प्रकार मसीही परिवारहरुले पनि बिहानीको बाइबल छलफलबाट लाभ उठाउँन सक्छन्। विद्यालयमा हुँदा आफ्नो आध्यात्मिकता माथि आइपरेका धम्कीहरुको सामना गर्ने मद्दत छोरा-छोरीलाई मिल्ने छ। यदि कुनै समयसम्म दिनको पदमाथि छलफल गर्नका लागि सम्पूर्ण परिवारलाई एकत्रित भएर बस्नु संम्भव छैन भने, बा-आमाहरुले वैकल्पिक प्रबन्धहरुबारे विचार गर्न सक्छन जसवापत यो महत्त्वपूर्ण आध्यात्मिक पोषण कदापि छुट्ने छैन। उदाहरणका लागि, जब छोरा-छोरी नउठ्दै बाबुलाई सखारै काममा जानु पर्छ भने, आमा चाहिंले नै छोरा-छोरीसँग दिनको पदमाथि छलफल गर्न केही समय लगाउँन सक्छिन्। अर्कातिर, केही परिवारहरुले पदलाई बेलुकिपख छलफल गर्ने प्रबन्ध मिलाउँछन् किनकि त्यस वेला प्रायः त्यहाँ सबै नै एकत्रित हुन्छन्। प्रत्येक परिवारले तिनको आफ्नो परिस्थिति अनुकूलको राम्रो तालिका बनाउँन सक्छन्।
५ मसीही परिवारका लागि दैनिक आध्यात्मिक पौष्टिकता अत्यावश्यक छ। दैनिक पदमाथि विचारविमर्श गर्ने कार्यलाई प्राथमिकता दिनु होला। (फि १:१०) प्रत्येक दिन एउटा बाइबल पदमाथि छलफल गर्नाले हामीलाई यहोवाका धार्मिक सिधान्तहरु तथा नियमहरुलाई बलियो गरि समात्ने मद्दत मिल्ने छ। परिवारका प्रत्येक सदश्यबाट सहयोग पाएको खण्डमा यो प्रबन्ध सबैको लागि अत्यन्तै हितकारी हुने छ।