मानिसहरूको मन अनि हृदय तान्न पुस्तिकाहरू चलाउनुहोस्
१ अरूलाई बाइबलको सत्य वचनहरू सुनाउँदा तिनीहरूको मन अनि हृदय दुवै तान्नसक्ने गरी सुनाउनुपर्छ। येशूले आफ्ना श्रोताहरूलाई सत्य वचनहरू बुझाउनुहुँदा तिनीहरूलाई चाखलाग्ने अनि जुरुक्क जुरुक्क उचाल्ने विषयहरू चलाउनुभयो। (लूका २४:१७, २७, ३२, ४५) हाम्रा श्रोताहरूको आध्यात्मिक आवश्यकताहरू के छन्, त्यो पत्ता लगाउन हामीले गर्ने कोसिसमै हाम्रो सेवकाईको सफलता निर्भर गर्छ।
२ पुस्तिकाहरू, हामीले सेवकाईको दौडान भेट्ने मानिसहरूको मन अनि हृदय तान्ने प्रभावकारी औजार हुनसक्छन्। त्यसकारण, अगस्त महिनाभरि प्रस्तुत गरिने पुस्तिकाहरूमध्ये कुन चाहिं कुन किसिमका मानिसहरूलाई मनपर्ला, पहिल्यै विचार गर्नुहोस्:
—के परमेश्वर साँच्चै नै हाम्रो चिन्ता गर्नुहुन्छ? आर्थिक अवस्था कमजोर भएकोले निराश भइरहेकाहरू वा दुःखदायी घटनाको सिकार भएकाहरूलाई यो पुस्तिकाबाट दुःखकष्ट नभएको भविष्यबारे सान्त्वनादायी सन्देश सुनाउँदा तिनीहरूले मूल्यांकन गर्नेछन्।
—जीवनको उद्देश्य के हो—तपाईं त्यसलाई कसरी प्राप्त गर्न सक्नुहुन्छ? भविष्यलाई निकै गम्भीरतापूर्वक सोच्ने ठिटाठिटीहरूलाई यो पुस्तिकामा दिइएका बाइबलआधारित जवाफहरू लाभदायी साबित हुनेछन्।
—पृथ्वीमा सधैं जीवनको आनन्द उठाउनुहोस्! साना केटाकेटीहरू तथा त्यति धेरै लेखपढ गर्न नजान्नेहरूलाई चित्रैचित्र अनि पदहरू भएको यो पुस्तिकाले परमेश्वरका उद्देश्यहरू बुझ्न मदत गर्नेछ।
—त्यो राज्य जसले प्रमोदवन ल्याउनेछ। परमेश्वरको राज्यले मानिसजातिका गम्भीर समस्याहरूको समाधान कसरी गर्नेछन् त्यो बताइएको यस सन्देशप्रति राजनीतिसित सम्बद्ध व्यक्तिहरूले प्रतिक्रिया व्यक्त गर्नसक्छन्।
—तपाईंको प्रिय जनको मृत्यु हुँदा। अन्त्येष्टी गर्ने व्यक्तिहरूले शोकाकुल परिवारलाई ढाडस दिन मिल्ने यो पुस्तिका पाउँदा निकै मूल्यांकन गर्छन्। मसानघाटमा साक्षी दिने प्रकाशकहरूले शोकितहरूलाई सान्त्वना दिन यो पुस्तिका प्रयोग गर्छन्। दुई साक्षी बहिनीहरूले सात सदस्यीय एक परिवारलाई चिहानमा श्रद्धाञ्जली अर्पण गरिरहेको भेटे। उक्त पुस्तिकाबाट सान्त्वनादायी सन्देश बाँडेको हुँदा भोलिपल्टै आमाचाहिंसित बाइबल अध्ययन सुरु भयो।
—के तपाईंले त्रिएकमा विश्वास गर्नुपर्ने हो? मसीहीजगत्को आधारभूत शिक्षाको पर्दाफास गर्दै तथ्य कुरा पेश गरिएको यो पुस्तिकामा कट्टर मानिसहरूले चासो देखाउनसक्छन्।
३ प्रत्येक पुस्तिकासित अभ्यस्त हुनुहोस् र आफ्नो इलाकामा यसको पूरापूर सदुपयोग कसरी गर्न सकिन्छ, निधो गर्नुहोस्। सुझावित प्रस्तुतिहरूका लागि जुलाई १९९८ हाम्रो राज्य सेवकाई-को अन्तिम पातो हेर्नुहोस्। मानिसहरूको मन अनि हृदयसम्म पुग्ने तपाईंको प्रयासमाथि यहोवाले आशिष् दिऊन्।—मर्कू. ६:३४.