“तपाईंले मेरो लिनुभयो भने म पनि तपाईंको लिनेछु”
केही घरधनीहरूले हामीलाई यस्तो प्रस्ताव राख्छन्। तर हामी झूटो कुरा फैलाउने धार्मिक पत्र-पत्रिकासित हाम्रा बाइबलआधारित साहित्यहरू साटासाट गर्दैनौं। त्यसोभए हामी यस्तो बेला कसरी कौशलतापूर्वक जवाफ दिन सक्छौं? (रोमी १:२५) हामी यसो भन्न सक्छौं: “धन्यवाद! तर त्योभन्दा पहिला यो प्रकाशनले मानिसजातिको समस्याको हलबारे के भन्छ, मलाई एकचोटि बताइदिनुहुन्छ कि? [जवाफ दिने मौका दिनुहोस्। ‘आफै पढेर हेर्नुहोस् न’ भनेमा हामीले चाहिं साहित्यहरू दिनुअघि यसको विषयवस्तुबारे जानकारी दिन्छौं भन्ने कुरा बताउनुहोस्। त्यसपछि मत्ती ६:९, १० पढ्नुहोस् वा उद्धृत गर्नुहोस्] परमेश्वरको राज्यले उहाँको इच्छा यस पृथ्वीमा पूरा गर्नेछ भनेर येशूले बताउनुभयो। त्यसैले परमेश्वरको राज्यलाई जोड दिने धार्मिक प्रकाशनहरू मात्र म पढ्छु। परमेश्वरको राज्यले के-कस्ता कुराहरू पूरा गर्नेछ भनेर तपाईंलाई बाइबलबाटै देखाउन सक्छु कि?”