प्रचारकार्यमा अझै उन्नति गर्ने—चासो दिने व्यक्तिको रेकर्ड राख्नुहोस्
“आफ्नो विषयमा र आफ्नो शिक्षाको विषयमा तिमी सधैं होसियार होऊ।” (१ तिमो. ४:१६) प्रेषित पावलले परमेश्वरको प्रेरणा पाएर यो सल्लाह तिमोथीलाई दिएका थिए। हामी यहोवाको साक्षी भएको धेरै समय भइसकेको होस् या नहोस्, सबैले नै उन्नति गर्दै जानुपर्छ भन्ने छनक यसबाट पाउँछौं। यस्तो उन्नति गर्नको लागि अबदेखि यस राज्य सेवा-मा आउने शृङ्खलाबद्ध लेखले मदत गर्नेछ। त्यो शृङ्खलाबद्ध लेखको शीर्षक “प्रचारकार्यमा अझै उन्नति गर्ने” भन्ने हुनेछ। यो लेखमार्फत कुनै एक महिना, कुनै एउटा बुँदामा उन्नति गर्न प्रोत्साहन दिइनेछ। लेखबाट सिकेको कुरा लागू गर्दा के-कस्तो फाइदा भयो, त्यस विषयमा सोही महिनाको अन्तिम हप्ता हुने सेवा सभाको भागमा टिप्पणी गर्न लगाइनेछ। यो महिनाचाहिं हामी चासो दिने व्यक्तिको रेकर्ड राख्ने विषयमा ध्यान दिनेछौं।
यसो गर्नु किन महत्त्वपूर्ण छ? हामीलाई दिइएको आज्ञा पूर्ण रूपमा पालन गर्ने हो भने पहिलो भेट गरेर मात्र पुग्दैन। चासो दिने व्यक्तिहरूलाई पुनःभेट गर्नुपर्छ; सिकाउनुपर्छ। त्यसो गऱ्यौं भने मात्र हामीले सत्यको बीउमा पानी हालिरहेका हुनेछौं। (मत्ती २८:१९, २०; १ कोरि. ३:६-९) सत्यको बीउमा पानी हाल्नुमा पहिलो भेट गरेका मानिसलाई फेरि भेट्नु, तिनीहरूलाई चासो लागेको विषयमा कुरा गर्नु र पहिलो भेटमा कुराकानी गरेको विषयलाई अघि बढाउनु समावेश छ। त्यसैले चासो दिने व्यक्ति भेट्ने बित्तिकै हामीले उसको बारेमा आवश्यक जानकारी टिप्नु महत्त्वपूर्ण छ।
यो महिना यसो गरे कसो होला?
रेकर्ड राख्दा के-के लेख्दै हुनुहुन्छ, आफूसँगै प्रचारमा गएको साथीलाई पनि बताउनुहोस्।