प्रचारकार्यमा अझै उन्‍नति गर्ने—कुराकानी गर्न नचाहने मानिसहरू भेट्‌दा विचार पुऱ्‍याउनुहोस्‌

यसो गर्नु किन महत्त्वपूर्ण छ? कल्पना गर्नुहोस्‌, तपाईंले बाढी आउनै लागेको थाह पाउनुभयो। मानिसहरू सुरक्षित ठाउँमा गएन भने तिनीहरूको ज्यान जान सक्छ। त्यसैले तपाईं छिमेकीलाई खबर गर्नुहुन्छ तर तिनले व्यस्त छु भन्छ; तपाईंको कुरै सुन्दैन। तैपनि तपाईं हरेस खानुहुन्‍न नि, हैन र? त्यसैगरि हाम्रो इलाकाका थुप्रै मानिसहरूलाई जीवन बचाउने सन्देशको महत्त्व थाहै छैन। त्यसैले तिनीहरू हाम्रो कुरै सुन्दैनन्‌। हामी तिनीहरूकहाँ जाँदा सायद तिनीहरू अरू नै कामकुरामा व्यस्त हुन्छन्‌। (मत्ती २४:३७-३९) अथवा अरूले गरेको हल्लाले गर्दा हाम्रो सन्देशप्रति तिनीहरूले गलत सोचाइ राखेका हुन सक्छन्‌। (मत्ती ११:१८, १९) धर्म माने तापनि अहिले थुप्रै मानिसहरूले नराम्रो व्यवहार देखाइरहेका छन्‌। अनि धेरै जनालाई अरू धर्मका मानिसहरू र हामीमा केही फरक छैन भन्‍ने लाग्न सक्छ। (२ पत्रु. २:१, २) जेहोस्‌, घरधनीले सुरुमा चासो देखाएनन्‌ भन्दैमा तुरुन्तै हार नमान्‍नुहोस्‌।