प्रचारकार्यमा अझै उन्‍नति गर्ने​—घरधनी रिसाउँदा पनि राम्रो व्यवहार देखाउनुहोस्‌

यसो गर्नु किन महत्त्वपूर्ण छ? हामीले प्रचारकार्यमा भेट्‌ने प्रायः मानिसहरूले भद्र व्यवहार नै गर्छन्‌। तर केही मानिसहरूले भने हामीलाई घृणा गर्नेछन्‌ भनेर येशूले भविष्यवाणी गर्नुभएको थियो। (यूह. १७:१४) त्यसैले कुनै-कुनै घरधनी रिसाउँदा हामी छक्क मान्‍नु पर्दैन। यस्तो परिस्थितिको सामना गर्नुपर्दा हामी यहोवा परमेश्‍वरलाई खुसी बनाउने तरिकामा व्यवहार गर्न चाहन्छौं किनकि यस सन्देशको स्रोत उहाँ नै हुनुहुन्छ। (रोमी १२:१७-२१; १ पत्रु. ३:१५) हामीले राम्रो व्यवहार देखायौं भने परिस्थिति अझ बिग्रन पाउँदैन। त्यति मात्र नभई हाम्रो व्यवहारले गर्दा घरधनी तथा वरपरका मानिसहरूलाई पनि हामीले राम्रो साक्षी दिइरहेका हुन्छौं। यसले गर्दा अर्को पटक कुनै यहोवाको साक्षी त्यहाँ प्रचार गर्न जाँदा तिनीहरूले सुन्‍न सक्छन्‌।—२ कोरि. ६:३.