Diboka Tša Tirelo
BEKE E THOMAGO KA SEPTEMBER 3
10 mets: Ditsebišo tša phuthego le Ditsebišo tše di kgethilwego go tšwa go Tirelo ya Rena ya Mmušo. Na o yo a Hlametšwego Tšhemo? Akaretša dilo tšeo di nyakegago bakeng sa mokotlana wa tirelo ya tšhemo, go akaretša Beibele, Go Boledišana ka Mangwalo, pukwana ya Good News for All Nations, dipampišana, phentshele, mpho ya gona bjale le dimakasine, pego ya ntlo le ntlo, le tše dingwe. Go ba yo a itokišeditšego monaganong go nyaka gore o boeletše dintlha tšeo o tlago go di gatelela ka dipukung. Le gona, rapelela moya o mokgethwa le thušo ya go hwetša batho ba go swana le dinku. (Ba-Fil. 4:6, 7) Nea pego e kopana ka mafelelo ao a hweditšwego tšhemong e sa abjago go fihla ga bjale. Kgothaletša thekgo e tšwelago pele bakeng sa karolo e šetšego ya lesolo.
20 mets: “Tsebatša Ditaba tše di Lokilego Letšatši le Letšatši.” Dipotšišo le dikarabo. Pontšho e kopana ya karolo ya lenaneo la tlwaetšo la lapa moo setho se sengwe sa lapa se neago thero e bonolo e tšwago go Tirelo ya Rena ya Mmušo go setho se sengwe sa lapa.
15 mets: Polelo ya mogolo le bafsa ba mmalwa bao ba beago mohlala. Ahla-ahla dintlha tše kgolo go tšwa pukung ya Dipotšišo tša Bafsa, kgaolo 17, “Na ke Swanetše go Lesa Sekolo?” Gatelela go nyakega ga gore batswadi ba hlahle bafsa ge ba kgetha lenaneo-thuto leo le ba thušago gore ba be le bokgoni bja kgonthe le bjo bo ka dirišwago bjoo bo tlago go ba thuša go aga bokamoso bja bona le phuthego ya Modimo le go phegelela dikgahlego tša Mmušo.
Kopelo 225 le thapelo ya go phetha.
BEKE E THOMAGO KA SEPTEMBER 10
5 mets: Ditsebišo tša phuthego. Ditaba tša Pušo ya Legodimo. Dira kgopotšo ka dithulaganyo tša tirelo ya tšhemo, o kgothaletša go thekga modiro wa go nea bohlatse mantšiboa.
15 mets: “Go Neela Ditaba tše Lokilego—Ka Dimakasine.” Poledišano ya dipotšišo le dikarabo. Ge le hlahloba serapa 8, bontšha kamoo tsejana ya dimakasine e ka thongwago ka gona le motho yo a bontšhago go thabela ga kgonthe, o gatelela sehlogo seo e lego se kgahlišago lefelong leo ka makasineng.
15 mets: “Latela ka Kgodišego Bao ba Etelelago Pele.” Kakaretšo ya taba ka dipotšišo le dikarabo le go bontšha go dirišwa ga yona lefelong leo. E swanetše go swarwa ke mogolo yo a nago le phihlelo.
10 mets: “Re Leboga Bao ba Tšofetšego!” Polelo ka mogolo, yeo e theilwego tsebišong yeo e lego ka go Morokami wa February 1, 1986, matlakala 28-9. Bontšha kamoo e šomago ka gona lefelong leo. O ka nea ditlhaloso ka mo go kgethegilego mabapi le go šoma le ba bjalo tšhemong, re fokotša lebelo e le gore re kgone go sepedišana le bona. Re ka ba thuša ka go ba yela mabenkeleng, go ba direla dithulaganyo tša go bonana le ngaka, le tše dingwe, gomme ra holwa ke bohlale bja bona le phihlelo.—Jobo 15:10; Die. 16:31; 1 Tim. 5:1, 2.
Kopelo 116 le thapelo ya go phetha.
BEKE E THOMAGO KA SEPTEMBER 17
8 mets: Ditsebišo tša phuthego. Pego ya tša ditšhelete le ditebogo tša meneelo. Reta phuthego ka go thekga Sekhwama sa Mokgatlo sa Diholo tša Mmušo le meneelo ya modiro wa Mmušo.—Die. 3:9.
20 mets: “Phafogela go Thoma Dithuto tša Beibele.” Poledišano ya dipotšišo le dikarabo. Nea tsebišo ka palo ya dithuto tšeo phuthego e di swarago. Go serapa 5, bontšha kamoo thuto e ka thongwago ka gona ketelong ya mathomo. Thoma pontšho ka mong wa ntlo a bontšha go thabela go se nene eupja ka lethabo a amogela pampišana ya Bophelo Lefaseng le Lefsa la Khutšo. Mogoeledi o hlahloba serapa se tee goba tše pedi go tšwa pampišaneng gomme o dira peakanyo e lebanego ya nako ya go tlo boela. Se se latelago, bontšha matseno a lebanyago, go dirišwa a mangwe a matseno ao a lego pukung ya Go Boledišana, letlakala 14, ka tlase ga “Thuto ya Legae ya Beibele.” Bolela kamoo go nea bohlatse mantšiboa go neago sebaka se se oketšegilego sa go thoma dithuto le malapa a feletše, ka ge banna gantši ba le gae ka nako yeo.
17 mets: “Fihlelela Pelo ge o Ruta.” Polelo yeo e ahla-ahlago dintlha tše dikgolo tše nne ka go Morokami wa March 15, 1985, matlakala 27-31. Thuša batheetši go lemoga go nyakega ga go swara dithuto tša Beibele tše di tšwelago pele. Le gona, bolela nako yeo ka yona dithuto tšeo di sa tšwelego pele di swanetšego go kgaotšwa.
Kopelo 121 le thapelo ya go phetha.
BEKE E THOMAGO KA SEPTEMBER 24
10 mets: Ditsebišo tša phuthego. Kgothaletša modiro wa dimakasine wa ka Mokibelo. Dipontšho tše pedi tše kopana, e nngwe e le moo kgahlego e bontšhitšwego gona, e nngwe e le moo mong wa ntlo a sa bontšhego go thabela dimakasine eupja a dumela go bala pampišana. Poledišano mo gongwe e ka bula tsela ya go nea thuto ya Beibele ya legae e sa lefelelwego.
20 mets: “Go Leboga Babulamadibogo ba Rena.” Molebeledi wa tirelo o boledišana ka taba le babulamadibogo ba babedi goba ba bararo. Botšiša babulamadibogo go kwa kamoo ba kgothatšago ba bangwe ka gona, gomme o dire gore ba bolele ka seo se ba kgothaditšego ka mo go kgethegilego lefelong leo. Reta phuthego ka go thekga babulamadibogo.
15 mets: Tše di nyakegago tša phuthego. Goba molebeledi yo a okamelago o swara poledišano ya “Dipotšišo tše Tšwago go Babadi” ka go Morokami wa February 15, 1984, matlakala 30-1, “Re ka thuša bjang bao ka phuthegong ya rena ba nago le wa leloko yo a kgaotšwego?”
Kopelo 62 le thapelo ya go phetha.