AU MEA UMERE I ROTO I TE PIPIRIA | IOBU 16-20

Kia Akamaroiroi e Kia Akaketaketa Atu Taau au Tuatua i Tetai Ke

Kia akamaroiroi atu taau au tuatua i tetai ke

16:4, 5

• No to Iobu turanga taitaia e te mamae ngakau, kua inangaro aia i tetai tauturu e te akamaroiroianga

• Kare te au taeake o Iobu i akapumaana ana iaia. Mari ra kua akaapa e kua akamaata atu ratou i tona turanga taitaia

Kua taitaia tikai a Iobu no te au tuatua akakino a Biladada

19:2, 25

• Kua pati a Iobu ki te Atua no te tauturu​—pera katoa te mate

• Kua akamou a Iobu i tona manako ki runga i te tuakaouanga e kua akakoromaki ua atu ma te tiratiratu

[Tutu i te kapi 3]

TE ARONGA I AKAAPA IA IOBU

Eliphaza:

• Penei no Temana mai aia i te enua o Edoma. Kua tuatua a Ieremia 49:7 no runga i te au tuatua pakari o Edoma i Temana

• Penei ko Eliphaza tei pakari roa atu e tei rongonui i teia “aronga akapumaana,” koia tei tuatua na mua. E toru ona manako e kua tuatua atu ma te roa katoa

Akaapaanga Tarevake:

• Kua aviri aia i to Iobu tu tiratiratu e kua karanga atu e kare te Atua e irinaki ana i tona au tavini (Iobu 4, 5)

• Karanga aia e e tu ngakau parau e te kino to Iobu e kare aia e mataku ana i te Atua (Iobu 15)

• Kua karanga katoa aia e e tangata noinoi e te papaki tai a Iobu pera katoa kare aia i te tangata puapinga i mua i te Atua (Iobu 22)

Biladada:

• E uanga na Sua. Penei i noo ana aia i te pae kauvai Eupharati

• Koia te rua tei tuatua atu. Noatu e poto ua tona au manako e toru, e kino atu ra tana au tuatua i ta Eliphaza

Akaapaanga Tarevake:

• Kua karanga aia e kua tamateia te au tamariki a Iobu no ta ratou ara, pera katoa e tangata pikikaa a Iobu (Iobu 8)

• Karanga katoa aia e e tangata kino a Iobu (Iobu 18)

• Kua akakite aia e kua puapinga kore to Iobu tu tiratiratu (Iobu 25)

Zophara:

• E ngati Naama, penei no te tua tokerau opunga o Arabia mai aia

• Koia te toru tei tuatua atu. E rua ona manako, inara nana te au tuatua kino rava atu

Akaapaanga Tarevake:

• Kua karanga aia e e tangata tuatua tika kore a Iobu e kua akakite atu kiaia kia akamutu i tana au angaanga kino (Iobu 11)

• Kua karanga katoa aia e e tangata kino a Iobu e te reka ra aia i te rave i te kino (Iobu 20)