Дес ли тут годи?
Шукар ли четингян о урокя тари „Стражево кула“ презал о бреш? Дикх дали ка ащи те отговоринес калке въпросиенге:
Соске мангас те анас слава е Йеховаске?
Соскето иси амен баро уважение кариг лесте, бут дехас лес тай мангас окола те пенжарен лес. (w25.01, p. 3)
Сар те овас готова те простинас, ако декхой дукхавел амен?
Нанай те икерас амен все едно нищо на ачшило, а ка дас всичко амендар те накхел амари холи. Давкха ка помагинел аменге те на икерас гарези. (w25.02 15-16)
Соске о терне пхрала ащи те сикльон бут таро Маркос?
О Маркос сине готово те служинел кате-да те овел. Въпреки кай йекх дром сигурно бут дукхавде лес, ов на спирингяс те овел амал е Павлеса тай околе пхраленца тай пхениенца. (w25.04 27)
Соске о Исусес пхенгяс „Пхенгьом ленге то алав“? (Йоан 17:26)
Лескере ученикя вече жаненас е Девлескоро алав. Ама о Исусес помагингяс ленге те пенжарен лес по-лачшес тай те жанен со мангел о Йехова е манушенге, со кергяс ов тай со ка керел. (w25.05 20-21)
Со ахальовас ако синям смирена?
Ахальовас кай иси бут букя колато на жанас. Например на жанас кана ка авел о крайос тай со ка керел о Йехова. На жанас също со ка ачшол тася тай кибор лачшес пенжарел амен о Йехова. (w25.06 15-18)
Со ка помагинел аменге те овел амен файда кана четинас десави статия или кана шунас десави проповед?
Пуч тут: „Саве букиенца сине сикавдо кай давкха со пхенел и Библия далкхеске си верно? Иси ли йекх шукар примери колеса те помагинав декхаске те ахальовел со сикавел и Библия далкхеске? Каске ащи те овел интересно давкха?“ (w25.07 19)
Со сикльовас далкхестар сар о Йехова простингяс е Давидеске?
О Давид кергяс баре безеха, ама о Йехова простингяс леске, соскето ов вогиестар сине пишмани. (3 Царе 9:4, 5) Кана простинел аменге, о Йехова бистерел давкха со кергям тай на родел аменге сметка. (w25.08 17)
Со те керас ако е манушеске колеса изучинас си трудно те ахальовел десаве букя?
Ащи те измукен десаве букя колато си леске трудна те ахальовел тай те изучинен лен по-наотхе. (w25.09 24)
И Библия пхенел кай о безех ащи те хохавел амен. (Евр. 3:13) Со означинел давкха?
О безех традел амен те керас кханиле букя тай те на верувинас-да кай о Йехова дехел амен. (w25.10 16)
Саве трин букя ка помагинен амаре молитвес те керен амен по-лачше амала е Йеховаса?
1) Мислине саво Дел си о Йехова. 2) Мислинес саве проблемя иси тут акана, например дали требе те простинес декхаске. 3) Ма сигяр кана молинес тут. Кана отделинес по-бут време те молинес тут, ка ащи те пхенес то воги е Йеховаске. (w25.10 19-20)
Сар те помагинас е пхуренге?
Ащи те жас те дикхас лен или те звънинас ленге. Ащи те жас ленца жи ки болница или те помагинас ленге те проповединен. (w25.11 6-7)
Сар йекх бияв ащи те анел слава е Йеховаске?
Керен со пхенен о законя. Дикхен тумаро бияв те овел шукар е Девлеске андо якха тай те сикавел кай синьен лескере мануша. Овен скромна тай отчшиен о букя колато нанай тари Библия. Дикхен те ахальовен шукар кой со мангел те овел ко бияв. (w25.12 21-24)