Kapa ti Bungbi ti Kusala

Yenga ti 13 septembre

Bia 43

pn 12: Akete tënë na atokua ti Kusala ti Royaume so alingbi. Tongana awango so ayeke na lembeti 4 alingbi na territoire ti i, sala kusala na ni ti fa kode ti fango afini Tour ti Ba Ndo na Réveillez-vous! A lingbi ti sala kusala na ambeni kode nde. Na peko ti démonstration oko oko, fa mbeni ye ti nzoni so ayeke na yâ ni.

pn 15: “Bata lê ti mo nzoni.”a Sala kusala na ahundango tënë so ayeke dä. Tongana ngoi ayeke dä, sala tënë na ndo aversê so a fa tënë ti yâ ni pëpe.

pn 18: “Mo yeke duti ande dä?” Diskur na lisoro na kongregation so mbeni ancien asala ni. Yôro na yâ ni atënë ti buku Ekole ti Kusala, lembeti 67, paragraphe 2. Dabe ti awafango tënë na lango nga na ndo ti kota bungbi ti district ti ala.

Bia 162 na sambela ti nda ni.

Yenga ti 20 septembre

Bia 88

pn 10: Akete tënë. I kiri i bâ akota tënë ti lettre ti filiale so ayeke na lembeti ota ti Kusala ti Royaume so. Wa azo kue ti diko Nombre 16:1-35 na ti bâ kasete vidéo Respectons l’autorité de Jéhovah (wala tongana a yeke dä pëpe i sala kusala na vidéo Toute la communauté des frères) na lekengo Bungbi ti Kusala ti yenga ti 4 octobre.

pn 15: Ye nyen e sala na ngu so ahon? Diskur so mbeni ancien asala ni, a luti na ndo rapport ti ngu ti kusala 2004. Sala tënë na ndo anzoni mbage ti rapport ni, na gonda kongregation ndali ti anzoni ye so lo sala. Gboto lê na ndo kota kua so apionnier asala. Fa ye oko wala use so a lingbi kongregation abâ ndo na ndo ni teti fini ngu ti kusala so.

pn 20: Gbungo ngangu na yâ salango ye ti nzoni (aGal. 6:10). Hunda tënë na azo use wala ota so ayeke apionnier permanent, wala so ayeke mû kusala ti pionnier auxiliaire ngoi na ngoi. Akpale wa ala tingbi na ni na yâ kusala ti ala teti Jéhovah, na tongana nyen ala hon ndo ni? Ye wa amû maboko na ala ti gbu ngangu na salango ye ti nzoni na ambeni zo? Tongana nyen ngangu so ala sala na yâ fango tënë aga na aye ti nzoni na ala mveni nga na ambeni zo? Tongana a lingbi, yôro na yâ ni tënë ti ye so a sala awe na yâ territoire ti i ti ndu azo so atene mbeni yanga ti kodoro nde na nzo tënë. Gonda azo kue teti ‘kusala ti ala ti mabe, na kusala ti ala ti ndoye, na gbungo ngangu ti ala’.​—1 aThess. 1:2, 3.

Bia 103 na sambela ti nda ni.

Yenga ti 27 septembre

Bia 221

pn 15: Akete tënë. Tënë ti acompte. Dabe ti awafango tënë ti bi rapport ti ala ti septembre. Sala adémonstration ti fa kode ti fango afini Tour ti Ba Ndo na Réveillez-vous!

pn 10: Tënë ti Jéhovah ayeke na fini. Diskur. Ti mû maboko na e ti wara ye ti nzoni mingi na yâ kapa ti dikongo Bible yenga na yenga so a mû ndali ti Ekole ti Kusala ti aChrétien, mbeni molongo ti a-article so li ti tënë ni ayeke “Tënë ti Jéhovah ayeke na fini” ato nda ti sigigi na yâ ambeni numéro ti Tour ti Ba Ndo. Na salango kusala na Tour ti Ba Ndo ti 15 septembre 2004, lembeti 24-27 (tongana a yeke dä pëpe, sala kusala na Tour ti Ba Ndo ti 1 août 2004, lembeti 24-27), fa aye so ayeke na yâ a-article so. Na peko ti bango angbongboro tënë ti yâ ni, mbage so atene “Kiringo tënë na atënë na ndo Bible” amû mbeni fango nda ti ambeni versê so ayeke ngangu ti gbu nda ni. Atënë so ayeke na gbe ti tënë “Aye ti manda teti e” agboto lê ti e na ndo ye ti nzoni so e lingbi ti sala na aye so e diko. Bâ ambeni mbilimbili tapande ti fa tongana nyen a-article so ayeke mû ande maboko na e ti wara mbeni nzoni gbungo nda ti Tënë ti Nzapa. Wa azo kue ti sala kua nzoni na fini ye so a leke tongana e yeke to nda ti diko mbeti ti Deutéronome na yenga ti peko.

pn 20: “Sala kusala nzoni na Bible.”b Sala kusala na ahundango tënë so ayeke dä. Akozo tënë ni aluti na ndo atënë ti buku Ekole ti Kusala, lembeti 145, paragraphe 2-3. Yôro na yâ ni ndulu démonstration use: oko ayeke kozo tingbingo tele na zo na mbeni ayeke fini vizite, so afa tongana nyen ti sala kusala na awango so a mû.

Bia 38 na sambela ti nda ni.

Yenga ti 4 octobre

Bia 5

pn 5: Akete tënë.

pn 15: Bezoin ti kongregation.

pn 25: “A lingbi e yekia ngangu ti komande ti Jéhovah.” Diko Jude 11, na sala akozo tënë na ndo ni ahon penze-ngbonga use pëpe. Na pekoni to nda ti lisoro ni fade fade na kongregation na lege ti ahundango tënë kue so ayeke na yâ article ni. Fa so ti tene Jéhovah ayeda na e, a lingbi e kpe salango ye ti kpengba-li ti Koré me e mû tapande ti amolenge ti lo, so azia pëpe lege na mbeni ye ti mû place ti dutingo be-ta-zo ti ala na Jéhovah. Tongana vidéo so ayeke dä pëpe, sala lisoro na kongregation na ndo vidéo Toute la communauté des frères na lege ti article “Ye so apusu e ti ndoye sewa ti aita ti e kue”, so a sala ni na yâ Kusala ti Royaume ti juin 2002, lembeti 7. Tongana avidéo so ayeke dä pëpe, i sala lisoro na ndo kete li ti tënë so: ‘Sewa ti aita Chrétien’ na yâ article “Tambela mbilimbili na popo ti amara” na yâ Tour ti Ba Ndo ti 1 novembre 2002, lembeti 11.​—Bâ nga Tour ti Ba Ndo ti 15 mai 2003, lembeti 22-23.

Bia 99 na sambela ti nda ni.

[Kete tënë na gbe ni]