Ba Tongana Kungba ti Mo ti Kiri ti Ba Zo So!
1 “So pendere lisoro! Biani, a lingbi mbi kiri ti ba zo so.” A si na mo awe ti bi bê tongaso na ti glisa na pekoni ndo so zo ni so alango dä? Tongana a yeke tongaso, mo hinga so biani oko lege ti kiri ti sala fini vizite ti mo ni ayeke ti sû ni na mbeti.
2 Sû ye kue na mbeti: Na ngoi so mbeni lisoro na zo so asala nzala ti tene ni angbâ nzoni na li ti mo, mu ngoi ti sû na mbeti aye kue so alingbi ti sala na kusala. Sû na mbeti iri ti zo ni nga na ye so ayeke mu lege na mo ti hinga lo. Mu adresse ti lo, me gi pepe ti wara ni gi na li ti mo, kiri mo ba ni nzoni ti hinga biani so ye so mo yeke sû na mbeti ayeke tâ na lege ni. Mu na note tene so mo sala lisoro na ndo ni, aversê so mo diko nga mbeti so mo zia.
3 Tongana mo zia mbeni hundango tene ti kiri ande tene na ni, sû ni na mbeti. Mo manda mbeni ye na ndo zo ni, na ndo sewa ti lo, wala na ndo lege ti vorongo ti lo? Tongaso, sû ni na mbeti. Na lege so, tongana mo kiri ande ti peko, mo yeke fa so mo bi bê na ndo lo na salango tene ni. Na nda ni, sû lango ni na ngbonga ti kozo warango tele ni, nga na lango ti salango fini vizite ni. Na mungo ambilimbili note, a yeke duti ande ngangu na mo ti glisa zendo ti mo ti kiri ti ba lo.—1 Tim. 1:12.
4 Tongana mo hunzi ti sû ye kue na mbeti, zia ni na ndo so mo yeke zia atanga ti agbakuru ti mo ti fango tene dä (bozo, bible, Comment raisonner na ambeti) tongaso si ala duti lakue ndulu na mo na ngoi so mo ye ti sala kusala na ala. A yeke nzoni ti mu note ti ala so ayeke na yanga-da pepe na ndo ti mbeni mbeti nde na ti ala so mo yeke sala na kusala ti mu note ti afini vizite ti mo. Biani, ahon gi ti bata akete note na ndo ti azo so e wara, kota ye ni ayeke ti kiri ti ba ala.
5 Gbu li na ndo zo ni: Tongana mo yeke leke afini vizite ti mo, kiri mo ba anote ti mo. A lingbi na zo ni, gbu li na ndo nzoni lege ti to nda ti lisoro mbeni, na ti zingo nzala ti lo teti mandango Bible. Salango tongaso ayeke mu lege na mo ti maï kode ti mo tongana wakua ti nzo tene na, legeoko na ni, ngia ti mo.—aProv. 21:5a.
6 Tongaso, ti peko so mo yeke tingbi na mbeni mê ti mango ndo, mo tene pepe so a yeke ngangu ande na mo pepe ti dabe mo na ni. Sû aye na mbeti, kiri mo ba ni, ngbâ ti gbu li na ndo zo ni, na sala tongana kungba ti mo ti kiri ti ba lo!