Sauniga e Fesoasoani ia i Tatou e Faia Soʻo

VAIASO E AMATA IA IULAI 2

Pese 78 (144)

10 minu: Faasilasilaga masani ma Faasilasilaga talafeagai mai La Tatou Faiva o le Malo. Faamatilatila mataupu e ono faaaogā i le gaoioiga mekasini i le Aso Toonai nei. Lua faataʻitaʻiga, e tofu ma faamatilatila ai se mataupu mai mekasini taitasi.

25 minu: “O E Talaʻi ma se Fuafuaga?” Iloiloga o le mataupu i fesili ma tali. Faamamafa le tāua o le faia o toe asiga ma le fuafuaga o le amataina o suesuega faale-Tusi Paia. Faaaofia se faataʻitaʻiga e 10-minute o le Mataupu fou, e ofoina ai le polosiua “Faauta!,” ma faataʻitaʻi pe faapefea ona faaaogā e pei ona faaauivi mai i le palakalafa 4. Aofia ai foi se faatatauga aʻiaʻi mo le toe asiga.

10 minu: Manatu e Talanoa i ai mai Polosiua. Faaaafia le aofia i le faasinoina atu o nisi o manatu iloga mai polosiua eseese o loo maua i le faapotopotoga mo le faaaogāina i le auaunaga. Atonu e tofia i ai ni tagata talaʻi agavaa a o lumanai le taimi.

Pese 57 (107) ma le tatalo faaiʻu.

VAIASO E AMATA IA IULAI 9

Pese 82 (152)

10 minu: Faasilasilaga masani ma le tala o le tupe. Aofia ai so o se talialoaia o foai. Faamalo i le faapotopotoga mo le lagolagoina tau tupe o le galuega o le Malo i le lalolagi aoao atoa foi ma le tausia o manaoga o le faapotopotoga

20 minu: “Faalaeiau Tagata Aʻoga o le Tusi Paia e Agai i Luma.” Talanoaga i fesili ma tali. I le iloiloina o le palakalafa 4, faia se faataʻitaʻiga lava saunia e faaalia ai pe faapefea i se tagata talaʻi agavaa ona faalaeiau se tagata aʻoga e agai i luma a o la talanoaina le palakalafa 3 i le itulau e 14 o le polosiua Faia o le Finagalo o le Atua.

15 minu: O Afea Atonu e Auai se Tagata Aʻoga o le Tusi Paia i le Faiva i le Lautele? Lauga a se toeaina e faavae i le Olomatamata o Aperila 1, 1990, “Fesili Mai le Au Faitau,” itulau 20. Faamamafa faapea o ē fou, e ese mai ai a tatou lava fanau, e lē tatau ona valaaulia e o faatasi ma i tatou i le faiva i le fanua seia oo ina latou talanoa ma toeaiina e toalua ma ua faamautinoa latou te agavaa.

Pese 41 (77) ma le tatalo faaiʻu.

VAIASO E AMATA IA IULAI 16

Pese 19 (220)

10 minu: Faasilasilaga masani. Autalu mea iloga o le lipoti o Aperila. Faamalo i le faapotopotoga mo mea na faataulauina i lou vaipanoa. Faalaeiau e saosaolaumea i le auaunaga i le fanua i lenei faaiʻuga o le vaiaso o loo fotuai mai. Faalaeiau tagata uma e aumai le polosiua Aʻoga mo le Sauniga o le Auaunaga e sosoo ai.

20 minu: “Lau Vaega i le Faia o Sauniga ia Aogā.” Aaoina e se toeaina le talanoaga i fesili ma tali. Faamamafa mea e manaomia ona uai atu i ai i le faapotopotoga. Faamalo i itu e talafeagai.

15 minu: Fuaina Lau Faatatau mo le Avea ma Paeonia. O se lauga faalaeiau ma faatalanoaga. I le Iunaite Setete, ua iai nei le sili atu i le 60,000 paeonia sauatoa mai itu uma o le olaga ma aiaiga eseese. O le ā ua uunaia i latou e paeonia? O le alofa mo Ieova ma tuaoi (Mata. 22:37-39); le manatu mamafa mo tagata ma se faanaunauga e fesoasoani i le toatele ia faasaoina (1 Timo. 2:4); se agaga faataulaga mo faanaunauga o le Malo. (1 Kori. 9:23) E tatau ona atiina aʻe le naunau. Pe o e faia lenei? Laasaga e uia pe afai e te faanaunau e paeonia: (1) Tuu atu le mataupu ia Ieova i le tatalo (Mata. 7:7, 8; Fili. 4:6); (2) talanoaina ma paeonia ma toeaiina (Faata. 15:22); (3) tusi se faasologa faaaʻoaʻo, ma fuaina pe faapefea ona aafia ai isi avega tauave faa-Kerisiano (Luka 14:28); (4) faataatia le aso e amata ai, ae aua le faatali seia tino uma mai aiaiga. (Fai. 11:4) O Setema o se taimi lelei e amata ai; atonu i le tausaga o sosoo mai o le a agavaa mo le Aʻoga o le Auaunaga Paeonia. Faatalanoa se toatasi pe toalua ni paeonia i le faapefea ona la foia toatugā i paeonia. Ia maumauai.

Pese 63 (123) ma le tatalo faaiʻu.

VAIASO E AMATA IA IULAI 23

Pese 16 (39)

8 minu: Faasilasilaga masani. Tala Faatiokarate.

27 minu: O le ā Lou Sini i le Olaga? E ufitia i lenei vaega uluai mataupu e lua i le polosiua Aʻoga, “La Matou Fuafuaga i le Olaga” ma “La Matou Vaaiga i le Lumanai,” itulau e 4-7. Taulimaina i fesili ma tali, faatasi o fesili e faaautū ona taulai i fanau o loo iai i tausaga aʻoga. Faaaogā nisi o fesili faaoso manatu e faamautinoa ai taofi moni o le fanau. Sue i mau ua siʻi mai. Faaaogā se uso talavou agavaa e faitauina palakalafa ua filifilia pe a lava le taimi.

10 minu: Manaoga o le faapotopotoga. Po o se lauga e faavae i le mataupu “Seʻi Vaganā ua Fausia e Ieova le Fale . . .” i itulau e 21-23 o Le Olomatamata o Aperila 15, 1990.

Pese 119 (222) ma le tatalo faaiʻu.

VAIASO E AMATA IA IULAI 30

Pese 26 (120)

12 minu: Faasilasilaga masani. Faamatilatila manatu autū i le “Mataala Pea ma Ia E Faautauta.” Lua faataʻitaʻiga ua fautuaina ai taulimaga, e tofu ma faamatilatila ai se mataupu mai mekasini taitasi, mo le galuega mekasini i le Aso Toonai.

15 minu: “Faaalia le Faalagolago ia Ieova i le Paeonia.” Talanoa e se toeaina ma se auauna o le faiva le mataupu i La Tatou Faiva o le Malo o Fepuari 1990. Faaaofia ni faufautuaga faatino o le a faapea ona fesoasoani i lau faapotopotoga.

18 minu: “Taulimaina o le Tala Lelei—I le Faaaogāina o Sāvali i So o se Avanoa.” Talanoaga i fesili ma tali. Faaaofia ni faataʻitaʻiga pupuu i le faaaogāina o sāvali i le molimau lē fuafuaina i le aʻoga ma i le galuega.

Pese 10 (32) ma le tatalo faaiʻu.