Sauniga o le Auaunaga mo Aperila
Vaiaso e Amata ia Aperila 1
Pese 70 (132)
10 minu: Faasilasilaga masani a le faapotopotoga. Faasilasilaga e fili mai i La Tatou Faiva o le Malo. Pe afai e fetaui i so o se tasi o le faapotopotoga, ona talanoaina lea o le mataupu, “Pe o le a E Galueaiina Oganuu e Lē o Tofiaina i se Faapotopotoga?” Ia taʻua ni lipoti mataina e uiga i la outou sauniga o le Faamanatuga.
20 minu: “Ia ‘Maelega i Galuega Lelei’ ia Aperila!” Ia faaaofia i fesili ma tali ia palakalafa 1-10 e le ovasia o le auaunaga. Ia faamalamalama (1) fuafuaga a le faapotopotoga mo le faalauteleina atu o le auaunaga i le fanua ia Aperila, (2) le auala e mafai ona fesoasoani ai i tagata uma ia faia ai se sao, ma (3) le auala e mafai ona faaaofia ai ē fou ma ē laiti.
15 minu: “Saili mo Ē Loto Naunau.” Ia autalu taulimaga ua fautuaina mai, ona faia lea o ni faataʻitaʻiga se lua e faaalia ai le auala e mafai ona faaaogā ai na taulimaga. Pe a lava le taimi, ia faamatala mai nisi o fautuaga mo le ofoina o mekasini, na o loo maua i La Tatou Faiva o le Malo, o Setema 1995, itulau e 4. Ia faaaofia ai ma le toe faamanatu atu ina ia taʻua lo tatou taliaina o foai tauofo mo le faaauilumaina o le galuega i le lalolagi aoao.
Pese 1 (21) ma le tatalo faaiu.
Vaiaso e Amata ia Aperila 8
Pese 81 (165)
15 minu: Faasilasilaga masani a le faapotopotoga. Tala o le tupe; ia taʻua ni faafetai na maua mai i le Sosaiete ona o foai tauofo. Ia talanoaina auala aogā e mafai ona tatou fesoasoani atu ai i ē fou na auai i le Faamanatuga ina ia latou agaigai atili i luma i le faaleagaga. Toe autalu Le Olomatamata o Aokuso 1, 1991, itulau 9-12.
15 minu: “Ia Faia le Auaunaga Paia i le Ao ma le Po.” Fesili ma tali. Faitau palakalafa e 5 ma le 6.
15 minu: “Ia ‘Maelega i Galuega Lelei’ ia Aperila!” Ia faaaofia i fesili ma tali, palakalafa e 11-15. Ia faalaeiau tagata uma ina ia iloiloina o latou tulaga totino ma saili ni auala e faateleina ai la latou lagolagosua mo le faiva i le fanua.
Pese 62 (113) ma le tatalo faaiu.
Vaiaso e Amata ia Aperila 15
Pese 68 (133)
10 minu: Faasilasilaga masani a le faapotopotoga. Faamanatu i le aofia le lauga faapitoa lea e faia ia Aperila 21, o lona matua, “Tumau Ona Lē Mataʻuleagaina i Totonu o se Tupulaga Faapiopio.” Ia faalaeiauina le faia o ni taumafaiga faaopoopo e fesoasoani atu ai i tagata uma ina ia auai.
15 minu: “Ua Suia Tulaga o Taimi.” Fesili ma tali. Ia faamamafa le faaooina atu o le feau o le Malo i se auala e faamalieina ai manaoga e sili ona tāua o tagata. Ia faailoa atu mataupu tau i aiga ma tulaga lautele o loo iai i mafaufau o le toatele o tagata, e pei ona mātauina i Le Olomatamata o Ianuari 1, 1994, itulau 22-23.
20 minu: “E Tupu le Faatuatua i le Taulogologo.” Ia talanoaina se auala e mafai ona faaaogā ai mekasini ia na tufaina atu e faatupu ai se naunau e mafai ona iu ai i le faia o ni suesuega faale-Tusi Paia i le tusi o Le Poto. Ia faataʻitaʻi ni taulimaga se lua pe tolu.
Pese 109 (204) ma le tatalo faaiu.
Vaiaso e Amata ia Aperila 22
Pese 4 (6)
15 minu: Faasilasilaga masani a le faapotopotoga. Ia toe autalu mea tāua o le lauga faapitoa lea na faia i le faaiuga o le vaiaso na seʻi mavae atu nei. Ia talanoa pe ua faapefea i lenei timaʻiga ona uunaia ai tagata fiafia ina ia tutū mausalī mo le tapuaiga moni. Ia faamanatu atu foi ina “Ia Faateleina Pea le Poto Saʻo,” ma faamamafa le tāua o le auai e lē aunoa i Suesuega Tautusi a le Faapotopotoga.
12 minu: Pusa Fesili. O le lauga e faia e se toeaina. Ia faamatala le mafuaaga e tatau ai i uso o loo faia vaega i sauniga ona faaaogā le upu “uso” ma le “tuafafine” nai lo le na ona taʻua na o o latou igoa totino.
18 minu: O se talanoaga a se toeaina ma se auauna o le faiva i le mataupu, o lona matua e faapea, “Aiga Amio Atua i Aso ua Mavae—Se Faaaʻoaʻoga mo O Tatou Aso,” e maua i le itulau e 20-23 o le lomiga o Le Olomatamata o Setema 15, 1995. Ia faia se faatatauga patino e aogā mo aiga o le faapotopotoga.
Pese 76 (143) ma le tatalo faaiu.
Vaiaso e Amata ia Aperila 29
Pese 78 (144)
12 minu: Faasilasilaga masani a le faapotopotoga. O nisi ua latou taʻua Molimau a Ieova e faapea o se “lotu mavae” (sect) po o se “lotu taufaasese” (cult), ua faaseseina ai isi e uiga i la tatou galuega ma o tatou sini. I le faaaogaina o le tusi Reasoning, i le itulau e 202, ia faamatala puupuu le auala e mafai ona faamaonia atu ai le sese o lea tuuaʻiga.
15 minu: Ia Galueaiina Maeʻaeʻa la Tatou Oganuu. Se lauga e faia e le ovasia o le auaunaga. Atonu e seāseā galueaiina vaipanoa tūtū solo pe mamao foi. O nisi, atonu ua latou alofia ma le loto i ai le galulue i oganuu o loo iai tagata māumea po o tagata e malolosi i a latou lotu. Atonu foi latou te alofia oganuu o pisinisi. O nisi tagata talaʻi atonu latou te talosagaina pea na o oganuu latou te mananao patino i ai nai lo oganuu na o loo manaomia ona galueaiina i le taimi nei. Ia faalaeiau tagata uma e lagolagosua i taumafaiga ina ia galulue i oganuu e lei galueaiina lava. O masina o aso mālōlō e masani ona maua ai avanoa lelei e galulue ai i oganuu mamao i nuu i tua; atonu e mafai ona faamaopoopoina ni vaega e ō i ni taavale. Ia faamautinoa ua galueaiina maeʻaeʻa le oganuu, e aofia ai aiga e lē maua atu i ai ni tagata, a o lei toe faafoi atua. Ia ofo atu nisi fautuaga aogā e faaalia ai le auala e mafai ai e tagata uma ona fesoasoani i le galueaiina maeʻaeʻa o la outou oganuu.
18 minu: Ia Ofo Le Olomatamata ma le Ala Mai! ia Me. Ia faamatilatila lomiga taitasi. I oganuu o loo galueaiina soo, ofo atu so o se polosiua (seʻi vaganā ai polosiua o Aʻoaʻoga ma Aʻoga). Ia teu se faamaumauga o lomiga uma na ofo, ma le sini e faavaeina ai se alā mekasini. Pe afai e faaalia pea le fiafia, e mafai la ona ofoina tusiga. Ia faamamafa le tele o aogā ua mafai ona maua i le tufaina atu o mekasini e avea o se tasi o auala e aupito sili ona aogā e faaooina atu ai le feau o le Malo i tagata lautele. Ia faamautinoa ua lava a tatou lomiga pe a tatou ō atu i le auaunaga; ia ofo atu mekasini i so o se avanoa e maua. O le faia o ni fuafuaga a le tagata lava ia mo sona Aso Mekasini i vaiaso taitasi, o se auala lelei lea e faateleina ai lomiga e ofoina. O le ofoina atu o mekasini i faleoloa ma le molimau atu i ala tetele, e maua ai foi ni iuga lelei. Ia toe asia ē naunau ma le fuafuaga e amata ai ni suesuega, e faaaogā ai le tusi o Le Poto. Ia faataʻitaʻi ni taulimaga pupuu se tasi pe lua o le ofoina o mekasini fou o loo iai, pe atonu e faaaogā taulimaga na o loo i La Tatou Faiva o le Malo o Setema 1995, itulau 3, palakalafa 3-5; faitau le palakalafa 6.
Pese 105 (195) ma le tatalo faaiu.