ʻAlofia Nei Masaniga pe a Faia se Suʻesuʻega

Tele Faamatalaga: Aua e te manatu e tatau ona e faamatala atu mea uma. Na faaaogā e Iesu fesili ina ia fesoasoani i tagata e mafaufau ma iloa ai le manatu autū. (Mat 17:24-27) O le fai atu o fesili, e ola ai le talanoaga ma fesoasoani e iloa ai mea o loo malamalama ma talitonu i ai lau tagata suʻesuʻe. (be 253 ¶3-4) Pe a fai atu se fesili, ia onosaʻi ma faatali mo le tali. Afai e sesē le tali a le tagata, ia fai atu nisi fesili e fesoasoani ai iā te ia e maua le manatu saʻo, nai lo o le taʻu saʻo i ai o le tali. (be 238 ¶1-2) Ia tautala i se auala e mafai ai e le tagata ona mātauina manatu fou.—be 230 ¶4.

Lavelave: ʻAlofia le taumafai e faamatala atu mea uma o loo e iloa e faatatau i se mataupu. (Ioa 16:12) Ia taulaʻi i le manatu autū o le palakalafa. (be 226 ¶4-5) E oo lava i le faamatala auʻiliʻili o isi manatu faaopoopo mananaia, e lē manino ai manatu autū. (be 235 ¶3) Pe afai ua malamalama le tagata i le manatu autū, ia see loa i le isi palakalafa.

Tau Ina Fai le Suʻesuʻega: O lo tatou sini ia pāʻia loto o tagata, ae e lē na o le tau ina fai o le suʻesuʻega. (Lu 24:32) Faaaogā le mana o le Afioga a le Atua e ala i le taulaʻi i mau autū i le lesona. (2Ko 10:4; Epe 4:12; be 144 ¶1-3) Faaaogā talafaatusa faigofie. (be 245 ¶2-4) Mātau talitonuga o le tagata faapea ni luʻi o ia fesagaʻia, ma ia fua i ai la oulua suʻesuʻega. Fai atu i ai fesili e pei o nei: “O le ā sou manatu e faatatau i mea ua e aʻoaʻoina mai i inei?” “O le ā e te aʻoaʻoina mai ai e faatatau iā Ieova?” “O ā aogā e te maua pe a faatatauina nei fautuaga?”—be 238 ¶3-5; 259 ¶2.