Misangano Yebasa yaMarch
Vhiki Inotanga naMarch 6
13 min: Zviziviso zvomunzvimbomo neZviziviso zvakasarudzwa zvomuUshumiri Hwedu hwoUmambo. Kurukurai Bhokisi Remibvunzo.
15 min: “Zvakawanda Zvinopiwa—Zvakawanda Zvinorayirwa.” Mibvunzo nemhinduro. Kurudzirai avo vanokwanirisa kufunga pamusoro pokunyoresa samapiyona ebetsero mukati maApril.
17 min: “Kuzivisa ‘Mashoko Ouporofita.’” Hwirudzurai mapfundo makuru. Kumbirai vateereri kurondedzera zvakaitika zvakafarikanywa mukushandisa kana kuti kugovera bhuku raMugumo waZvakazarurwa. Kurudzirai vose kuva nechivimbo mukugovera bhuku racho, sezvo richibata nezviitiko zvazvino uno zvine chokuita nomunhu ari wose. Itai kuti mharidzo imwe kana mbiri dzienzanisirwe.
Rwiyo 31 nomunyengetero wokugumisa.
Vhiki Inotanga naMarch 13
10 min: Zviziviso zvomunzvimbomo. Itai tsinhiro pfupi muchidanira ngwariro kubhokisi re“Chiyeuchidzo choMunyori noMutariri Webasa.” Mushumo weakaunzi.
15 min: “Mashoko oUmambo Akakodzera Nguva Anofanira Kuparadzirwa Munyika Yose.” Hurukuro ichapiwa nomukuru. Simbisai ukoshi hwouyu mubato chaiwo uri kuuya mukati maApril naMay. Kurudzirai vose, kubatanidza vatsva, kuronga nokuda kwegoverano yakazara.
20 min: “Unogona Kuwedzera Kurumbidza Kwako Jehovha Mukati maApril.” Hurukuro ine upenyu ichapiwa nomukuru kubva muchinyorwa chaMarch 1994 choUshumiri Hwedu hwoUmambo, peji 3.
Rwiyo 36 nomunyengetero wokugumisa.
Vhiki Inotanga naMarch 20
15 min: Zviziviso zvomunzvimbomo. Enzanisirai kushandisa kwemhuri 1995 Yearbook. Boka remhuri rinoratidza kuonga bhuku racho; baba vanohwirudzura nokupfupikisa mapfundo makuru emashoko esumo ari papeji 3-11. Vanokurukura maedzere avachaita kurava mapeji mashoma eYearbook vhiki imwe neimwe ndokuva nechokwadi chokuti zuva rimwe nerimwe vanorangarira rugwaro rweBhaibheri rwakasarudzwa muna Kunzvera Magwaro Zuva Nezuva.
15 min: Zvinodikanwa zvomunzvimbomo. Kana kuti hurukuro panyaya inoti “Kana Mune Mungava, Terai Mitero,” muNharireyomurindi yaNovember 15, 1994, mapeji 26-8.
15 min: “Betsera Vamwe Ku‘chengeta Zvinhu Zvakanyorwa.’” Hwirudzurai mapfundo makuru, ndokuita kuti shanyo yedzokerero imwe kana kuti mbiri dzienzanisirwe.
Rwiyo 52 nomunyengetero wokugumisa.
Vhiki Inotanga naMarch 27
5 min: Zviziviso zvomunzvimbomo.
12 min: “Chiitiko Chinokosha Zvikurusa Munhau Yavanhu.” Kurukurai navateereri. Hwirudzurai gadziriro dzomunzvimbomo dzeChirangaridzo. Tsanangurai Chikonzero nei tichida kukoka vanhu vanofarira uye kuvabetsera kuti vapinde.
18 min: “Govera Nokushingaira Bhuku raKurarama Nokusingaperi.” Hurukuro ine upenyu, ine chivimbo inokurukurwa nomutariri webasa, achikurudzira vose kuti vashandise bhuku raKurarama Nokusingaperi, zvikurukuru chinyorwa chiduku. Ivai nemienzaniso miviri inoratidza kuti bhuku ringagona sei kugoverwa. Kurudzirai vaparidzi namapiyona kugadza nharidzano yokuti mabhuku mangani avanoda kugovera.
10 min: Kugovera Nharireyomurindi neMukai! mukati maApril. Mundima inogaroshandwa, tingagonawo kugovera bhurocha ripi neripi (kunze kwebhurocha raSchool). Uko fariro inowanwa pashanyo dzedzokerero, kuzvinyoresa kungagoverwa. Hwirudzurai zvikarakadzo zvinotevera zvokugovera magazini paimba neimba: Iva nenyemwerero youshamwari. Iva nembavarira. Taura zvishoma nezvishoma. Kurukura nyaya imwe bedzi iri mumagazini imwe. Tambidza magazini kuna saimba. Zivisa kuti uchadzoka nezvinyorwa zvinotevera. Iva nemhedziso yakanaka kana magazini akarambiwa. Chengeta chinyorwa chefariro yose neakagoverwa. Mumhedziso, enzanisirai mharidzo pfupi imwe kana kuti mbiri muchigovera zvinyorwa zvazvino uno zvemagazini.
Rwiyo 176 nomunyengetero wokugumisa.