Kugadziridzwa Kwemisangano Yemukati Mevhiki
Kubva muvhiki yaSeptember 3, Chidzidzo cheBhaibheri Cheungano chichange chava chemaminitsi 30 kwete 25. Muitisi paachapa sumo yake anofanira kutaura kweminiti imwe chete zvinhu zvishoma zvaiva muchidzidzo chevhiki yapfuura. Nguva yeMusangano Webasa ichaderedzwawo kubva pamaminitsi 35 kusvika ku30. Panenge pasisina chikamu chezviziviso chinenge chakazvimirira choga. Asi, zviziviso zvinenge zvichida kupiwa zvichataurwa pachikamu chehurukuro yokutanga. Kazhinji kacho pachange paine zviziviso zvishoma uye hapana chikonzero chokutaura zvichange zvakaita hurukuro dzose dziri pamusangano. Zviziviso zvine chokuita nekuparidzira uye kuchenesa pamwe chete nekwaziso hazvifaniri kuverengwa. (km 10/08 p. 1, ndima 4) Kana pachizopiwa chiziviso chakareba, zvingava zvakanaka kuti vachange vaine hurukuro pamusangano webasa vagare vazviziva kuitira kuti vagopfupisa hurukuro dzavo.