Zvokutaura Maererano Nemagazini

Nharireyomurindi May 1

“Kana mumwe munhu watinoda akafa, zviri muropa kuti tinzwe tichida kuzomuonazve. Handizvo here? [Rega apindure.] Vakawanda vakanyaradzwa nechipikirwa cheBhaibheri chorumuko. [Verenga Johani 5:28, 29.] Magazini ino inotaura kuti rumuko ruchaitika rini uye kuti ndivanaani chaizvoizvo vachabatsirwa narwo.”

Awake! May 8

“Vabereki vakawanda vanosarudza zvavanoda kuti vana vavo vaone. Zvave zvakaoma here kutsvaka mafirimu akakodzera mhuri yenyu? [Rega apindure. Zvadaro verenga VaEfeso 4:17.] Magazini ino inotaura kuti vabereki vangabatsira sei vana vavo kusarudza zvinhu zvakanaka zvinovaraidza.”

Nharireyomurindi May 15

“Munofunga kuti tichazombofa takaona nyika isina urombo here? [Rega apindure.] Onai zvinopikirwa naMwari. [Verenga Isaya 65:21.] Magazini ino yeNharireyomurindi inokurukura kuti chipikirwa ichi chichazadzika sei.” Ronga kudzoka kuti uzopindura mubvunzo uyu: Kuchinja uku kwakapikirwa kuchaitika rini?

Awake! May 22

“Vanhu vakawanda vakanzwa kuti kurovedza muviri kunokosha kuti munhu ave noutano hwakanaka, asi vakawanda vanobvuma kuti havarovedzi muviri zvakakwana. Handizvo here? [Rega apindure.] Magazini ino inoongorora zvakanakira kurovedza muviri nguva dzose uye inotipa mazano atingashandisa kuti tirovedze muviri muupenyu hwedu hune zvizhinji zvokuita.”