Zvokutaura Maererano Nemagazini

Nharireyomurindi June 15

“Makambozvicherechedza here kuti vakawanda nhasi vari kuzvisarudzira tsika dzavanoti ndidzo dzakanaka uye dzakaipa? [Rega apindure.] Onai muenzaniso wetsika dzisingachinji dziri muBhaibheri. [Verenga rugwaro ruri mubhokisi riri pamapeji 6-7.] Magazini ino inotsanangura kubatsirwa kwatinoitwa nokushandisa tsika dziri muBhaibheri.”

Awake! June

“Tose tinoda mari kuti tirarame. Munofunga kuti zvinoita here kuti munhu azvidye mwoyo nokuti anoda kuita mari? [Rega apindure.] Onai zvinotaurwa apa nezvemigumisiro yokunyanyotsvaka pfuma. [Verenga 1 Timoti 6:10.] Magazini ino ine mazano anobatsira okuti tingararama sei upenyu huri nyore nemari shoma.”

Nharireyomurindi July 1

“Makambofunga here kuti nei vanhu vasingabatwi zvakanaka nokuti ndevorudzi rwakasiyana kana kuti vanotaura mumwe mutauro? [Rega apindure.] Onai chikonzero chinopiwa pano. [Verenga 1 Johani 4:20.] Magazini ino inopindura mubvunzo wokuti, Marudzi achazombobatana here?”

Awake! July

“Kusiyana nemhuka dzinoita zvinhu nemasikirwo adzakaitwa, vanhu vane mano okusarudza tsika dzavachararama nadzo. Munofunga kuti tingawana kupi nzira yakavimbika yokutitungamirira? [Rega apindure. Zvadaro verenga Pisarema 119:105.] Magazini ino inotsanangura kutungamirira kunokosha kunowanikwa muBhaibheri.”