Purogiramu Itsva Yezuva Regungano Chairo
1 Purogiramu yedu yezuva regungano chairo inovamba muna October ichasimbisa musoro unoti “Ramba Uchipupurira Zvokwadi.” Purogiramu yose ichanangidzira ngwariro pamuenzaniso uyo Jesu akatisiyira nenzira iyo akashandisa nayo mukana uri wose kugoverana zvokwadi navamwe. Ichasimbisa mutoro wedu savadzidzi vaKristu wokumutevedzera mukupupurira zvokwadi.—1 VaK. 11:1.
2 Basa rinoita ungano mukusimudzira zvokwadi richarangarirwa. Kushandiswa zvakanaka kwamagazini edu nezvimwe zvinyorwa kuchasimbiswawo.
3 Hurukuro huru inokurukurwa nomukurukuri anoshanya ichava nomusoro unoti “Kupupurira Zvokwadi—Chakunoita.” (Joh. 8:32) Purogiramu iyoyi yezuva regungano chairo ichakurisa zvirokwazvo kunzwisisa kwedu zvokwadi ndokubetsera tose zvedu kuramba takatsiga uye “takasimba muzvokwadi.”—2 Pet. 1:12; 1 VaK. 15:58, NW.