AMOSE
1 Dilemo tse pedi pele ho tshisinyeho ya lefatshe,+ mehleng ya puso ya Uzia+ morena wa Juda le Jeroboame+ mora wa Joashe,+ eo e neng e le morena wa Iseraele, nna Amose* ke ne ke le e mong wa badisa ba dinku ba tswang Tekowa.+ Yaba ke bolellwa mantswe a buang ka Iseraele ponong. 2 A ne a re:
“Jehova o tla bua ka lentswe le matla a le Sione,
A hweletse a le Jerusalema.
Makgulo a tla tjha,
Dimela tse tlhorong ya Karmele di omelle.+
3 Jehova o re:
‘“Baahi ba Damaseka ba ntshitetswe ka makgetlokgetlo.* Ka hoo, nke ke ka fetola qeto eo ke seng ke e entse.
Ba ile ba pola Gileade jwalo ka ha motho a pola koro* ka selei sa tshepe se polang.*+
5 Ke tla roba mekwallo ya dikeiti tsa Damaseka,+
Ke timetse baahi ba Bikathe-avene
Ha mmoho le motho ya busang* Bethe-edene,
Batho ba Siria ba tla iswa botlamuweng Kire,”+ ke Jehova ya tjhong.’
6 Jehova o re:
‘“Baahi ba Gaza+ ba ntshitetswe ka makgetlokgetlo.* Ka hoo, nke ke ka fetola qeto eo ke seng ke e entse
Hobane ba ile ba isa sehlopha sa batho ba hapuweng+ Edomo.
8 Ke tla fedisa baahi ba Ashdode+
Ha mmoho le ya busang* Ashkelone.+
Ke tla otla Ekrone,+
Bafilista ba setseng ba tla timela,”+ ke Jehova Mmusi wa Dintho Tsohle ya tjhong.’
9 Jehova o re:
‘Baahi ba Tire+ ba ntshitetswe ka makgetlokgetlo.* Ka hoo, nke ke ka fetola qeto eo ke seng ke e entse
Hobane ba ile ba isa sehlopha sa batho ba hapuweng Edomo
Hape ba lebetse selekane sa bana ba motho.+
10 Ke tla romela mollo lerakong la Tire.
O tla tjhesa ditora tsa yona tse sireleditsweng.’+
11 Jehova o re:
‘Baahi ba Edomo+ ba ntshitetswe ka makgetlokgetlo.* Ka hoo, nke ke ka fetola qeto eo ke seng ke e entse
Hobane ba ile ba lelekisa bana ba bo bona ka sabole+
Yaba ha ba ba hauhele.
Ba ba ranthanya ba halefile
Ebile ba dula ba ba halefetse.+
12 Ke tla romela mollo Temane.+
O tla tjhesa ditora tse sireleditsweng tsa Bozra.’+
13 Jehova o re:
‘“Baahi ba Amone+ ba ntshitetswe ka makgetlokgetlo.* Ka hoo, nke ke ka fetola qeto eo ke seng ke e entse
Hobane ba tabotse dimpa tsa basadi ba baimana ba Gileade e le hore ba ikekeletse meedi.+
14 Ke tla hotetsa mollo lerakong la Raba.+
O tla tjhesa ditora tsa yona tse sireleditsweng,
Ho tla ba le sefefo letsatsing la ntwa,
Ho be le setsokotsane letsatsing la sefefo.
15 Morena wa bona o tla haptjwa ha mmoho le dikgosana tsa hae,” ke Jehova ya tjhong.’+
2 Jehova o itse:
‘“Baahi ba Moabe+ ba ntshitetswe ka makgetlokgetlo.* Ka hoo, nke ke ka fetola qeto eo ke seng ke e entse
Hobane ba tjhesitse masapo a morena wa Edomo ho fihlela e eba molora.*
Moabe e tla shwa ho le lerata,
Ho etswa mokgosi wa ntwa ho bile ho letswa lenaka.+
4 Jehova o re:
‘Baahi ba Juda+ ba ntshitetswe ka makgetlokgetlo.* Ka hoo, nke ke ka fetola qeto eo ke seng ke e entse
Hobane ha ba a ka ba mamela molao oo nna Jehova ke ba fileng wona.
Ba iphapanyetsa ditaelo tsa ka.+
Ba kgelositswe ke mashano ao baholoholo ba bona ba neng ba a dumela.+
5 Ka hoo, ke tla romela mollo Juda.
O tla tjhesa ditora tse sireleditsweng tsa Jerusalema.’+
6 Jehova o re:
‘Baahi ba Iseraele+ ba ntshitetswe ka makgetlokgetlo.* Ka hoo, nke ke ka fetola qeto eo ke e entseng
Hobane ba rekisa motho ya lokileng hore ba fumane silevera.
Mofutsana yena ba mo rekisa hore ba fumane dieta.*+
Ntate le mora ba robala le mosadi a le mong,
Ba tella lebitso la ka le halalelang.
8 Ba tjapalla pela aletare e nngwe le e nngwe,+ hodima diaparo tseo batho ba di behileng paneng* bakeng sa dikoloto tsa bona.+
Veine eo ba e nwellang matlong* a medimo ya bona ke eo ba patadisitseng batho ka yona.
9 Ke ile ka ba bolaela Baamore+
Ba balelele jwalo ka difate tsa dikedare, ba matla jwalo ka difate tsa ouku,*
Ka fedisa ditholwana tsa bona, ka fothola metso ya bona.+
11 Ke kgethile ba bang ba bara ba bona hore e be baprofeta,+
Ka kgetha bahlankana ba bang hore e be Banazari.+
Baiseraele, na ha ho jwalo?’ ke Jehova ya tjhong.
13 Ke tla ba hatakela
Jwalo ka ha sekosekara* se tshetseng dijo* tse qetang ho kotulwa se hatakela ntho e ka tlasa sona.
14 Ha ho moo ya lebelo a tla balehela teng,+
Senatla se tla fellwa ke matla
Le mohlabani a ke ke a kgona ho ipholosa.
15 Ya sebedisang seqha a ke ke a kgona ho itwanela,
Ya lebelo a ke ke a kgona ho baleha
Le ya palamang pere a ke ke a kgona ho pholoha.
3 Lona Baiseraele, utlwang mantswe ao Jehova a a buileng ka setjhaba seo a se ntshitseng Egepeta, o itse:
2 ‘Hara ditjhaba tsohle tse teng lefatsheng, ke kgethile* lona feela.+
Ka hoo, le tla ikarabella bakeng sa diphoso tsohle tsa lona.+
3 Na ba teng batho ba yeng ba nke leeto ba sa dumellana?*
4 Na e teng tau e purumang ho se na phofu?
Kapa yona tawana* e rorang e le ka selaong sa yona empa e sa tshwasa letho?
5 Na motho a ka tshwasa nonyana empa a sa e tjheha?*
Kapa na sefi se ka pitla empa ho se na ntho eo se e tshwasitseng?
6 Na batho ha ba thothomele ke letswalo ha lenaka le letswa motseng?
Na tlokotsi e ke ke ya hlaha motseng ha Jehova a nka kgato?
7 Nna Jehova Mmusi wa Dintho Tsohle nke ke ka etsa letho
Ke sa bolella baprofeta ba ka lekunutu la ka.+
8 Ke mang ya ke keng a tshoha ha tau e se e rorile?+
Na ho na le moprofeta ya tla thola ha Jehova Mmusi wa Dintho Tsohle a se a buile?+
9 Le phatlalatse taba ena le le ditoreng tse sireleditsweng tsa Ashdode
Le ditoreng tse sireleditsweng tsa Egepeta.
Le re: “Bokanang dithabeng tsa Samaria,+
Le bone moferefere o hara motse
Le ka moo baahi ba hatellwang ka teng.+
10 Ha ba tsebe ho etsa letho le nepahetseng,
Ba tlatsitse ditora tsa bona tse sireleditsweng ka thepa eo ba e nketseng batho ka mahahapa,” ke Jehova ya tjhong.’
11 Jehova Mmusi wa Dintho Tsohle o re:
‘Sera sa hao se tla futuhela naha ya hao,+
Se o amohe matla,
Se hape dintho tse ka ditoreng tsa hao tse sireleditsweng.’+
12 Jehova o boetse o itse:
‘Jwalo ka ha modisa a hlotha ditlhakwana tse pedi feela kapa ntlha ya tsebe lehanong la tau,
Baiseraele le bona ba tla phonyoha jwalo matsohong a dira tsa bona.
Bona ba dutseng dibetheng tsa bona tse mabothobotho le disofeng tsa bona tse ntle* ba le Samaria.’+
13 Jehova Mmusi wa Dintho Tsohle, Modimo wa mabotho o re: ‘Mamelang ebe le eletsa ditloholo tsa Jakobo.
14 Letsatsing leo ke ahlolelang Baiseraele diphoso tsa bona,+
Ke tla boela ke sebetsane le dialetare tsa Bethele.+
Manaka a aletare a tla pongwa ebe a wela fatshe.+
15 Ke tla diha ntlo ya mariha le ya lehlabula.
Matlo a kgabisitsweng ka manaka a tlou a tla senyeha,+
4 Mamelang lona ba kang dikgomo tsa Bashane,
Lona ba dulang thabeng ya Samaria,+
Lona basadi ba hlorisang le ho hatella bafutsana,+
Lona ba reng ho banna* ba lona: ‘Re tlisetseng jwala re nwe.’
2 Ka ha Jehova Mmusi wa Dintho Tsohle o a halalela, o hlapantse a re:
‘“Matsatsi a a tla ao ka ona le tla phahamiswa ka dihakisi tse sebediswang selakgeng,
Ba setseng bona ba phahamiswe ka dihuku tse tshwasang ditlhapi.*
3 Le tla tswa ka makgalo, le tsamaye le kolokile
Ebe le lahlelwa Harmone,” ke Jehova ya tjhong.
Tlisang mahlabelo+ a lona hoseng
Ebe ka letsatsi la boraro le tlisa karolo ya leshome*+ ya dintho tsa lona.
5 Tjhesang mahlabelo a bohobe bo nang le tomoso e le ho leboha Modimo,+
Le bolelle motho e mong le e mong hore le ithaopetse ho etsa mahlabelo
Hobane ke yona ntho eo le e batlang lona Baiseraele,’ ke Jehova Mmusi wa Dintho Tsohle ya tjhong.
6 ‘Le nna ha ke a ka ka le fa dijo metseng yohle ya lona.
Ke ile ka le tima bohobe ka matlung ohle a lona.+
Empa ha le a ka la baka,’+ ke Jehova ya tjhong.
7 ‘Ke ile ka le tima pula dikgwedi tse tharo pele ho nako ya ho kotula,+
Ka etsa hore e ne ka ho kgetha dibaka.
Tshimong e nngwe pula e ne e na
Empa e nngwe e ne e omeletse hobane ho yona pula e ne e sa na.
8 Batho ba tswang metseng e mmedi kapa e meraro ba bolawang ke lenyora ba ne ba ya ho o mong hore ba yo nwa metsi+
Empa lenyora le ne le sa fele.
Le ha ho le jwalo ha le a ka la baka,’+ ke Jehova ya tjhong.
9 ‘Ke sentse masimo a lona ka motjheso le phori.*+
Lona la ikekeletsa dirapa le masimo a morara
Empa ditsie tsa kokona difate tsa lona tsa feie* le tsa mohlwaare,+
Ho ntse ho le jwalo ha le a ka la baka,’+ ke Jehova ya tjhong.
10 ‘Ke le otlile ka lefu la sewa le kang la Egepeta,+
Ka bolaya bara ba lona ka sabole+ yaba ke hapa dipere tsa lona.+
Seputa sa ditopo tse ditenteng tsa lona sa utlwahala hohle+
Yaba le ntse le sa bake,’ ke Jehova ya tjhong.
Le ne le tshwana le sekoqo sa patsi se ntshitsweng mollong,
Empa ha le a ka la baka,’+ ke Jehova ya tjhong.
12 Wena Iseraele,
Ke tlo o otla hape.
O tle o itokiseditse ho kopana le nna Modimo wa hao hobane ka nnete ke tlo o otla.
13 Ke nna ya entseng dithaba+ ka ba ka etsa hore moya o be teng,+
Ke bolella batho merero ya ka,
Hoseng ha letsatsi le tjhaba ke etsa hore le be lefifi,+
Ke nna ya tsamayang hodima dithaba le maralla,+
Lebitso la ka ke Jehova Modimo wa mabotho.
5 Utlwang lona Baiseraele, ena ke kodiyamalla* eo ke le binelang yona:
2 ‘Morwetsana Iseraele o wele naheng ya habo,
Ha a kgone ho phahama.
Motho e mong le e mong o mo lahlile kgerehlwa,
Ha ho na ya batlang ho mo phahamisa.’
3 Jehova Mmusi wa Dintho Tsohle o re:
‘Motse o neng o futuha ka bahlabani ba sekete o tla sallwa ke ba lekgolo feela,
O neng o futuha ka ba lekgolo wona o sallwe ke ba leshome feela. Ena ke yona ntho e tla hlahela bana ba Iseraele.’+
4 Jehova o itse ho bana ba Iseraele:
‘Ha le ka kgutlela ho nna le tla phela.+
5 Le se ke la ya Bethele+ le re le yo ntshebeletsa,
Le se ke la leka ho ya Gilgale+ kapa ho fetela Beersheba+
Ka ha Gilgale e tla haptjwa,+
Bethele yona ha e sa tla ba teng.*
6 Kgutlelang ho Jehova le tle le phele+
E le hore a se ke a ikakgela ka hara ntlo ya Josefa,
A tjhesa Bethele yaba ha ho motho ya ka e timang.
7 Le etsa hore toka e babe jwalo ka lengana hore bophelo ba batho bo be bosula,
Le e lahlela fatshe hore batho ba e hatakele.+
8 Sebeletsang Modimo ya bopileng sehlopha sa dinaledi sa Kima* le sa Kesile,*+
Ya etsang hore lefifi e be meso,
Ya etsang hore motshehare o be lefifi jwalo ka bosiu,+
Ya bokellang metsi a lewatle
E le hore a nosetse lefatshe ka ona.+
Lebitso la hae ke Jehova.
9 O dihela koduwa hodima dinatla,
Metse e sireleditsweng o e etsa lesupi.
Le ke ke la dula ka hara matlo ano a lona ao le a hahileng ka majwe.+
Le masimo a morara o motle le a lemme empa le ke ke la nwa veine ya wona.+
Ha le etsa jwalo, Jehova Modimo wa mabotho o tla ba le lona
Jwalo ka ha le bolela.+
15 Hloyang dintho tse fosahetseng le rate tse nepahetseng,+
Baahlodi ba metse ya lona ba ke ba ahlole ka toka.+
Mohlomong Jehova Modimo wa mabotho
O tla hauhela ditloholo tse setseng tsa Josefa.’+
16 Jehova Modimo wa mabotho, yena Jehova o re:
‘Ho tla utlwahala seboko diterateng tse kgolo,
Batho ba tsamaye diterateng ba ntse ba re: “Jowe! Jowe!”
Ba tla bitsa dihwai hore di tlo lla,
Ba hire le batho ba llang.
18 ‘Ho madimabe ba emetseng letsatsi la Jehova.+
Le ka lebella hore ho etsahaleng letsatsing la Jehova?+
Letsatsi leo e tla ba la lefifi eseng lesedi.+
19 Ho tla ba jwalo ka ha motho a baleha tau ebe o kopana le bere,
E re ha a kena ka tlung a itshwareletsa ka lebota, noha e mo lome.
20 Letsatsi la Jehova e tla ba la lefifi eseng lesedi,
E be la botsho eseng kganya.
21 Ke hloile mekete ya lona ebile ke a e nyonya+
Le monko wa mahlabelo ao le a etsang diphuthehong tsa lona ha ke o thabele.
22 Le ha le ka nketsetsa mahlabelo a setjheso kapa la ntlisetsa dimpho,
Nke ke ka di amohela+
Le mahlabelo a lona a kopanetsweng a entsweng ka diphoofolo tse nontshitsweng, nke ke ka a amohela.+
23 Tlohelang ho nketsetsa lerata ka dipina tsena tsa lona,
24 Toka e ke e phalle jwalo ka metsi naheng ya lona+
Le ho loka ho be jwalo ka molapo o dulang o phalla.
25 Lona Baiseraele, na le ile la nketsetsa mahlabelo kapa la ntlisetsa dimpho
Ka dilemo tse 40 tseo le di qetileng lefeelleng?+
26 Le tla lokela ho nka Sakuthe le Kaiwane,*
E leng ditshwantsho tseo le iketseditseng tsona tseo le di sebedisang ho rapela modimo wa lona wa naledi.
27 Le tla ba batshwaruwa ka nqane ho Damaseka,’+ ke Modimo wa mabotho eo lebitso la hae e leng Jehova ya tjhong.+
6 Ho madimabe ba dutseng ba iketlile Sione,
Ba utlwang ba sireletsehile thabeng ya Samaria,+
Ke banna ba hlaheletseng setjhabeng,
Bao Baiseraele ba yang ho bona.
2 Tshelelang Kalene le bone,
Ha le tloha le ye Hamathe motseng o moholo+
Ebe le fetela Gathe motseng wa Bafilista.
Na mebuso eo e meholo ho feta ya lona*
Kapa naha ya bona e kgolo ho feta ya lona?
3 Ha le nahane le ho nahana ka tlokotsi e le tlelang+
Ebile le theha mmuso wa batho ba tletseng mabifi.+
Tlokotsi ya Josefa ha e le tshwenye.*+
8 Jehova Modimo wa mabotho o re: ‘Nna Jehova Mmusi wa Dintho Tsohle ke hlapantse ka nna*+ ka re:
“Ke nyonya boikakaso ba Jakobo,+
Ke hloile ditora tsa hae tse sireleditsweng+
Ebile ke tla fana ka motse ona le tsohle tse ho wona ho dira tsa hae.+
9 Le ha ho ka ba ha sala banna ba leshome ka tlung e le nngwe, le bona ba tla shwa. 10 Mong ka bona* o tla tla a ba tjhese ka bonngwe. O tla ntsha masapo a bona ka tlung ebe o re ho ya setseng ka kamoreng: ‘Na ho na le ba bang ntle le wena?’ Ha a araba o tla re: ‘Ha ba yo.’ Eo a re: ‘Thola! Ha se nako ya hore o kope thuso ho Jehova ena.’
12 Na dipere di ka matha lefikeng?
Kapa na motho a ka lema moo ka dikgomo?
Ho ena le hore le phethe toka le utlwisa batho bohloko,
Le etsa hore bophelo ba bona bo babe jwalo ka lengana.+
14 Jehova Modimo wa mabotho o re: “Baiseraele, ke tla le tlisetsa setjhaba se tla le hlasela,+
Se tla le hatella ho tloha Lebo-Hamathe*+ ho ya fihla Kgohlong* ya Araba.”’”
7 Jehova Mmusi wa Dintho Tsohle o mpontshitse pono ena: O ne a tlisa sehlopha sa ditsie ha dijalo tsa mariha* di qala ho mela. Ke dijalo tse jetsweng ka mora hore ho helwe jwang ba morena. 2 Ha ditsie di kokonne naha yohle, ke ile ka hweletsa ka re: “Jehova Mmusi wa Dintho Tsohle, hauhela+ bana ba Jakobo hle! Ba tla pholoha* jwang ba se na matla?”+
3 Jehova a hauha.*+ Jehova a re: “Ntho eo o e boneng e ke ke ya etsahala.”
4 Yaba Jehova Mmusi wa Dintho Tsohle o mpontsha pono ena: Jehova Mmusi wa Dintho Tsohle o ne a phatlalatsa hore o tla otla naha ka mollo. Mollo wa pshesa lewatle wa ba wa tjhesa naha. 5 Ka re: “Ema hanyenyane hle Jehova Mmusi wa Dintho Tsohle.+ Bana ba Jakobo ba tla pholoha* jwang ba se na matla?”+
6 Jehova a hauha.*+ Jehova Mmusi wa Dintho Tsohle a re: “Le yona eo eo o e boneng e ke ke ya etsahala.”
7 A mpontsha pono ena: Jehova o ne a eme hodima lerako le hahilweng ho sebediswa kgwele e methang* a bile a e tshwere. 8 Jehova a re ho nna: “O bonang Amose?” Yaba nna ke re: “Kgwele e methang.” Jehova a re: “Ha e le mona ke metha Baiseraele ka kgwele e methang, nke ke ka hlola ke ba tshwarela.+ 9 Dibaka tse phahameng tsa Isaka+ le dihalalelo tsa Iseraele di tla senngwa,+ ke tla hlasela ntlo ya Jeroboame ka sabole.”+
10 Amazia moprista wa Bethele+ o rometse molaetsa o yang ho Jeroboame+ morena wa Iseraele a re: “Amose o ntse a o rerela bora hona mona Iseraele.+ Batho ha ba kgone ho mamella dintho tsena tseo a ntseng a di bua.+ 11 Amose o ntse a re: ‘Jeroboame o tla bolawa ka sabole, Baiseraele ba tla haptjwa ba tloswe naheng ya habo bona.’”+
12 Amazia a re ho Amose: “Wena raditoro, tsamaya o balehele Juda. Ha o fihla moo o fumane mokgwa wa ho iphedisa* o be o profete.+ 13 O se ke wa hlola o profetela Bethele+ hobane ke tempele e halalelang+ ebile ke sebaka sa mmuso.”
14 Amose a arabela Amazia a re: “Ke ne ke se moprofeta ebile ke se mora wa moprofeta empa ke ne ke le modisa+ ke bile ke hlokomela difate tsa feie.* 15 Ha ke sa ntse ke disitse, Jehova a mpitsa. Jehova a re ho nna: ‘Tsamaya, o yo profetela setjhaba sa ka sa Iseraele.’+ 16 Ka hoo, Jehova o re: ‘O ntse o re: “O se ke wa profeta ka kahlolo e tlelang Iseraele+ hape o se ke wa bua+ ka kahlolo e tlelang ditloholo tsa Isaka.” 17 Jwale Jehova o re: “Mosadi wa hao e tla ba letekatse la motse, bara le baradi ba hao ba bolawe ka sabole. Naha ya hao e tla arolelanwa ho sebediswa kgwele e methang, wena o tla shwela naheng e ditshila mme Baiseraele ba tla haptjwa ba tloswe naheng ya habo bona.”’”+
8 Jehova Mmusi wa Dintho Tsohle o ile a mpontsha pono ena: Ka bona baskete e tshetseng ditholwana tsa lehlabula. 2 Yaba o re ho nna: “O bonang Amose?” Ka re: “Baskete e tshetseng ditholwana tsa lehlabula.” Jehova a re: “Letsatsi la hore ke otle setjhaba sa ka le fihlile. Nke ke ka hlola ke se hauhela.+ 3 Nna Jehova Mmusi wa Dintho Tsohle ke re: ‘Letsatsing leo, ho ena le hore ho binwe dipina ka tempeleng, e tla ba diboko.+ Hohle ho tla tlala ditopo,+ ho thole ho re tu!’
4 Mamelang lona ba hatellang bafutsana,
Lona ba thatafaletsang baikokobetsi bophelo,+
5 Le re: ‘Mokete wa kgwedi* e ntjha o fela neng+ re tsebe ho rekisa dijo* tsa rona?
Letsatsi la Sabatha+ le tla feta neng e le hore re rekise dijo,
Re theole tekanyo ya tsona
Ebe re nyolla tjhelete,*
Re qhekelle bareki ka dikala tse sa tshepahaleng?+
7 Jehova o ikanne ka yena, ke yena eo Jakobo a ikotlang sefuba ka yena.+
O itse: ‘Nke ke ka lebala diketso tsa bona le ka mohla.+
Naha* yohle e tla lwebehlana jwalo ka Noka ya Nile,
Ba tla lwebehlana jwalo ka Nile ya Egepeta ha e tletse.’+
9 Jehova Mmusi wa Dintho Tsohle o re: ‘Letsatsing leo,
Ke tla etsa hore letsatsi le dikele hara mpa ya motshehare,
Ke etse hore naheng ho be lefifi letsatsi le ntse le tjhabile.+
Kaofela ke tla le apesa lesela le hwashang,* ke le kute makorwana.
E tla ka le shwetswe ke mora wa lona ya mong,
Letsatsi leo le tla fella ha bohloko.’
11 Jehova Mmusi wa Dintho Tsohle o re: ‘Matsatsi a tla ao ka ona
Ke tla otla naha ka tlala,
Ha le na ho lapela bohobe kapa hona ho nyorelwa metsi
Empa e tla be e le hobane le batla ho utlwa lentswe la Jehova.+
Ba tla solla ba ntse ba batlana le lentswe la Jehova empa ba ke ke ba le fumana.
13 Letsatsing leo, barwetsana ba batle
Le bahlankana ba tla akgeha ke lenyora.
14 Ba ikana ka medimo ya bohata ya Samaria*+ ba re:
“Ke ikana ka modimo wa hao ya phelang, wena Dane.”+
Hape ba re: “Ke ikana ka tsela e yang Beersheba.”*+
Ba tla wa ebile ba ke ke ba phahama.’”+
9 Ka bona Jehova+ a eme ka hodima aletare yaba o re: “Otla karolo e ka hodimo* ya dipilara metheo ya ntlo e sisinyehe. O thuhe dihlooho tsa tsona* ebe ba salang ke ba bolaya ka sabole. Ya balehang a ke ke a phonyoha, ya lekang ho phonyoha a ke ke a atleha.+
2 Le ha ba ka tjheka ba ipata ka Lebitleng,*
Ke tla ba ntsha hona moo.
Le ha ba ka nyolohela lehodimong,
Ke tla ba theola moo.
Ha ba ka ipatela nna bodibeng ba lewatle,
Ke tla romela noha moo hore e ba lome.
Ke tla ba disa e le hore ke ba etsetse bomadimabe eseng ditlhohonolofatso.+
Naha e tla lwebehlana jwalo ka Noka ya Nile,
Ba tla lwebehlana jwalo ka Nile ya Egepeta ha e tletse.+
6 Ke yena ya hahang ditepisi tsa hae lehodimong,
O entse metheo ya mohaho wa hae lefatsheng.
Ke yena ya bokellang metsi a lewatle
Ebe o a tshela lefatsheng.+
Lebitso la hae ke Jehova.+
7 Jehova o re: ‘Lona Baiseraele, le jwalo ka Bakushe ho nna.
8 Jehova o re: ‘Nna Jehova Mmusi wa Dintho Tsohle ke shebile mmuso o tletseng sebe,
Ke tla o tlosa hodima lefatshe+
Empa nke ke ka timetsa bana ba Jakobo kaofela.’+
9 Ke laela hore
Ntlo ya Iseraele e tsukutlehe hara ditjhaba tsohle,+
E tsukutlehe jwalo ka ha motho a tsukutla sefe
Empa ho se na letho le welang fatshe.
10 Baetsadibe bohle ba setjhaba sa ka ba tla bolawa ka sabole,
Bohle ba reng: ‘Re ke ke ra hlahelwa ke tlokotsi kapa ya re atamela.’
11 Ke tla phahamisa ntlo* ya Davida+ e weleng,
Ke kwale dikgeo tse maboteng a yona,*
Ke e lokise
Ke etse hore e tshwane le mehleng ya kgale+
12 E le hore batho ba ka ba ka hapa Baedomo ba setseng+
Le ho busa ditjhaba tsohle tse bitswang ka lebitso la ka,’ Jehova e leng yena ya etsang dintho tsena ke yena ya tjhong.
13 Jehova o re: ‘Matsatsing ao,
Nako ya ho lema e tla fihla pele dijalo di kotulwa,
Nako ya ho jala e tla fihla pele morara o tlhotlwa+
Ebe dithaba di rotha veine e monate,+
Maralla ohle a qhibidihe.+
14 Ke tla lata setjhaba sa ka sa Iseraele se neng se hapuwe,+
Ba tla ntjhafatsa metse ya bona mme ba dule ho yona,+
Ba tla lema masimo a morara ebe ba nwa veine ya wona,+
Ba be ba je dintho tseo ba di lemmeng masimong a bona.’+
15 Hape Jehova Modimo wa lona o re:
‘Ke tla tsitsisa Baiseraele naheng ya bona,
Ba ke ke ba hlola ba tloswa naheng eo ke ba fileng yona.’”+
E bolelang “Ho ba Morwalo” kapa “Ho Jara Morwalo.”
Ka Seheberu: “ka makgetlo a mararo le ka makgetlo a mane.”
Ka Seheberu: “dijothollo.” Sheba Tlhaloso.
Sheba Tlhaloso ya Ho pola; Seotlo.
Ka Seheberu: “ya tshwereng lere la borena.”
Ka Seheberu: “ka makgetlo a mararo le ka makgetlo a mane.”
Ka Seheberu: “ya tshwereng lere la borena.”
Ka Seheberu: “ka makgetlo a mararo le ka makgetlo a mane.”
Ka Seheberu: “ka makgetlo a mararo le ka makgetlo a mane.”
Ka Seheberu: “ka makgetlo a mararo le ka makgetlo a mane.”
Ka Seheberu: “ka makgetlo a mararo le ka makgetlo a mane.”
Ka Seheberu: “hore e be kalaka.”
Ka Seheberu: “moahlodi.”
Ka Seheberu: “ka makgetlo a mararo le ka makgetlo a mane.”
Ka Seheberu: “ka makgetlo a mararo le ka makgetlo a mane.”
Ka Seheberu: “meqathatso.”
Kapa: “beheleditseng.” Ntho eo motho a e siyang ha a etsa sekoloto.
Kapa: “ditempeleng.”
Kapa: “eike.”
Kapa: “kariki ya masimong.”
Ka Seheberu: “dijothollo.” Sheba Tlhaloso.
Kapa: “ya pelo e thata.”
Ka Seheberu: “tsebile.”
Kapa: “ba sa dumellana ka nako?”
Kapa: “tawana e moetse.”
Kapa mohlomong: “Na nonyana e ka pitlwa ho se na selope?”
Kapa: “tse tswang Damaseka.”
Kapa mohlomong: “a mangata.”
Kapa: “beng.”
Kapa: “dilope.”
Kapa: “boshome.”
Sheba Tlhaloso.
Kapa: “feiga.”
Kapa: “pina e binwang ka lebaka la ho utlwa bohloko.”
Kapa mohlomong: “e tla ba sebaka se tletseng boloi.”
Ho ka etsahala hore ebe ke sehlopha sa dinaledi sa Selemela.
Ho ka etsahala hore ebe ke sehlopha sa dinaledi sa Makolobe.
Kapa: “Le patadisa bafutsana lekgetho la mobu.”
Ka Seheberu: “dijothollo.” Sheba Tlhaloso.
Kapa: “Diphoso.”
Kapa: “diletsa tse dikgwele.”
Ho ka etsahala hore ebe Sakuthe le Kaiwane ke mabitso a polanete e bitswang Saturn eo batho ba neng ba e rapela.
Ho bonahala e le mmuso wa Juda le Iseraele.
Kapa: “manamane a matona.”
Kapa: “seletsa se dikgwele.”
Kapa: “dikoping tse kgolo.”
Ka Seheberu: “ha e le kudise.”
Kapa: “bophelo ba ka.”
Ka Seheberu: “Motho ya amanang le ntate wa bona.”
Ka Seheberu: “Re inketse manaka.”
Kapa: “ho tloha moeding wa Hamathe.”
Sheba Tlhaloso.
E leng ka January le February.
Ka Seheberu: “phahama.”
Kapa: “a fetola maikutlo.”
Ka Seheberu: “phahama.”
Kapa: “a fetola maikutlo.”
Kapa: “sekitiloto.”
Ka Seheberu: “o je bohobe.”
Kapa: “difeiga tsa sikamore; ya kutang difate tsa sikamore.”
Kapa: “Letsatsi la kgwedi.”
Ka Seheberu: “dijothollo.” Sheba Tlhaloso.
E leng Shekele. Sheba Ntlha ya B14.
Ka Seheberu: “meqathatso.”
Ka Seheberu: “dijothollo.” Sheba Tlhaloso.
Kapa: “Lefatshe.”
Kapa: “mekete.”
Kapa: “pina e binwang ka lebaka la ho utlwa bohloko.”
Sheba Tlhaloso.
Kapa: “botjhabatsatsi.”
Ka Seheberu: “molato wa Samaria.” E leng hore ba molato ka lebaka la medimo ya ditshwantsho ya Samaria.
Mohlomong ho buuwa ka tsela eo batho ba neng ba tsamaya ka yona ha ba yo rapela medimo ya bohata moo.
Ka Seheberu: “hlooho.”
Kapa mohlomong: “karolo e hodimo ya dipilara.”
Kapa: “Sheole.” Sheba Tlhaloso.
Kapa: “lefatshe.”
Kapa: “tente; lephephe.”
Kapa: “bona.”