Айёми Шоми ёдбуд — имконияти хубест барои бештар хизмат кардан!
1. Аз рӯи кадом сабабҳо мо метавонем дар моҳҳои март, апрел ва май бештар хизмат кунем?
1 Оё шумо метавонед дар айёми Шоми ёдбуди омадаистода бештар хизмат кунед? Дар ин айём дар бисёр ҷойҳо ҳаво хуб мешавад ва рӯзҳо дарозтар мегарданд. Масалан, баъзе воизон метавонанд рӯзҳои рухсатӣ ё таътилашонро барои хизмат истифода баранд. Мо кӯшиши махсус ба харҷ хоҳем дод, то рағбатдоронро барои ташриф овардан ба Шоми ёдбуд, ки рӯзи 17-уми апрел баргузор мегардад, даъват кунем. Баъд аз ин мо кӯшиш мекунем, ки шавқи ташрифоварандагонро инкишоф диҳем ва онҳоро ба нутқи махсус, ки дар ҳафтаи аз 25-уми апрел саршаванда садо медиҳад, даъват намоем. Дар ҳақиқат, барои дар моҳҳои март, апрел ва май бештар хизмат кардан сабабҳои зиёд вуҷуд доранд.
2. Яке аз роҳҳои олиҷаноби бештар хизмат кардан кадом аст?
2 Чун пешрави ёвар хизмат кунед. Яке аз роҳҳои олиҷаноби бештар хизмат кардан ин пешрави ёвар шудан аст. Азбаски ҳамаамон серкорем, ба мо ба нақшагирии пешакӣ ва тағйирдиҳии реҷаи рӯз зарур аст (Мас. 21:5). Шояд шумо корҳои ҳаррӯзаи на он қадар муҳимро ба дигар рӯз хоҳед гузаронд (Фил. 1:9–11). Хеле хуб мебуд, ки хоҳиши чун пешрав хизмат карданатонро ба аъзоёни ҷамъомади худ гӯед, шояд онҳо низ ба шумо дар ин намуди хизмат ҳамроҳ шаванд.
3. Барои бештар хизмат намудан, оилаҳо чӣ кор карда метавонанд?
3 Дар давоми шоми ибодати оилавии навбатиатон хуб мебуд, ки мақсадҳои худро бо аҳли оилаатон муҳокима кунед (Мас. 15:22). Бо якдигар ҳамкорӣ карда, шояд баъзе аъзоёни оила тӯли як ё якчанд моҳ чун пешрави ёвар хизмат карда тавонанд. Чӣ бояд кард, агар ин гуна имконият набошад? Аъзоёни оила метавонанд корҳояшонро тавре ҷо ба ҷо кунанд, ки баъзан бегоҳиҳо мавъиза намоянд, ё ин ки дар рӯзҳои истироҳат бештар хизмат кунанд.
4. Дар айёми Шоми ёдбуд бештар хизмат карда, мо кадом баракатҳоро ба даст оварда метавонем?
4 Яҳува ҳар он кореро, ки мо дар хизмат мекунем, мебинад ва қурбониҳоямонро хеле қадр мекунад (Ибр. 6:10). Вақте ки мо ба Ӯ ва ба дигарон вақту қувватамонро сарф мекунем, аз ин хурсандӣ хоҳем гирифт (1 Вақ. 29:9; Аъм. 20:35). Оё шумо метавонед дар айёми Шоми ёдбуд бештар хизмат карда, дар натиҷа хурсандиву баракатҳои зиёдро ба даст оред?