Sanganya ya Yitshu
Lomingu la Yitshu 1
Taahe 10: Mbɔtwɛlɔ, waewoyelo ndo Waewoyelo w’endana l’Olimu Aso wa Diolelo. Tɛkɛta kanyi tshɔi kana tokanyi tohende t’eshika takoka kambema olimu lo wɛnyanyelo wa periodikɛ yeke ka tomba.
Taahe 18: “Wolo wa Dui dia Nzambi.” Ayosalema la wembola ndo ekadimwelo. Nyoyakimanyiya la biukubuku Scrutons les Écritures chaque jour — 1995 dia tɛkɛta lo dikambo di’ohomba a walelo wa Bible wa tena la tena.
Taahe 17: “Bible: Kiɔkɔ y’Ekeketshelo ndo y’Elongamelo l’Atei w’Andja w’Osukusuku.” Ɔkɛtshanyelo kâmɛ l’ampokami. Diɛnyɛlɔ dihende lo ndjela wɛnyanyelo wolakanyemi. Ɛtɛkɛta wa ndjihelo.
Osambu 32 ndo dɔmbɛlɔ dia ndjihelo.
Lomingu la Yitshu 8
Taahe 5: Mbɔtwɛlɔ ndo waewoyelo.
Taahe 23: “Nyoshimbe An’Anyu Oma lo Okambelo wa la Dikila wa Kɔlɔ.” Dako oma le ekumanyi kɛmɔtshi, diotombi oma l’odingɔ 1 polo 11. Lembetshiya hwe kanyi yɛnya ɔnɛ ambutshi watshika onganga ɔmɔtshi dia nde sakɛ ɔn’awɔ lo woho wotshiwɔ l’odingɔ 5 polo 7 hawetawe dia pindola mbetawɔ kawɔ.
Taahe 17: “Yimba Yakɔna Yɛnyaso?” Dako. Kamba olimu la tokanyi totombi oma lo Tshoto y’Etangelo ya Lovula 15, 1977 (lo Falase), lɛkɛ 561, odingɔ 4-5. Ɛtɛkɛta wa ndjihelo.
Osambu 24 ndo dɔmbɛlɔ dia ndjihelo.
Lomingu la Yitshu 15
Taahe 10: Mbɔtwɛlɔ ndo waewoyelo. Alapɔlɔ wa wɛdikelo a falanga ndo eokelo ka losaka lo eshasha. Ewoya tɛdikɔ tambɔsama dia sambisha efula lo wikɛndɛ.
Taahe 17: “Nyoshimbe An’Anyu Oma lo Okambelo wa la Dikila wa Kɔlɔ,” odingɔ 12 polo 28. Ayosalema la wembola ndo ekadimwelo. Kemale l’ekadimwelo wa wembola wokami lo odingɔ 12 la 20. Kɔtɛtɛ dia tena efula ambutshi kokaka mbewɔ dia kaloya dikila naka vɔ mbidja yimba l’esakelo wahombama le an’awɔ. Nyosha alako w’eshika, wakoka salema lo dihole dienyu.
Taahe 18: “Tosambisha Dimɛna Efula.” Ayosalema la wembola ndo ekadimwelo. Sɛngɔla ampokami dia vɔ kɔndɔla akambo wɛnya ɔnɛ etombelo w’ɔlɔlɔ tombaka naka sho ndjela alako wele l’Olimu Aso wa Diolelo. Ɛtɛkɛta wa ndjihelo.
Osambu 60 ndo dɔmbɛlɔ dia ndjihelo.
Lomingu la Yitshu 22
Taahe 12: Mbɔtwɛlɔ ndo waewoyelo. Ekadimwelo lo wembola anyu. Dako. Ɔtɔnganyiya akambo la kɛnɛ kasalema l’etshumanelo kanyu.
Taahe 15: Ehomba wa l’etshumanelo, kana dako oma le ekumanyi kɛmɔtshi di’oma l’ɔtɛ a dui “Appréciez votre service sacré,” lo ndjela Tshoto y’Etangelo ya Lovula 1, 1994 (lo Falase), lɛkɛ 29.
Taahe 18: “Towasha Diaaso dia Vɔ Mboka ‘Osangɔ Okina’.” Ɔkɛtshanyelo kâmɛ l’ampokami. Diɛnyɛlɔ dihende diakalɔngɔsɔma dimɛna diɛnya woho wa kamba olimu la Bible lam’atatɛso mbeka l’onto. Ɛtɛkɛta wa ndjihelo.
Osambu 67 ndo dɔmbɛlɔ dia ndjihelo.
Lomingu la Yitshu 29
Taahe 10: Mbɔtwɛlɔ ndo waewoyelo. Sha alako lo toho ta mɛnyanya periodikɛ yeke ka tomba.
Taahe 17: “Ɛlɔlɔ Watomba Oma lo Kamba Kâmɛ.” Ayosalema la wembola ndo ekadimwelo. Keketsha apandjudi tshɛ dia vɔ sukɛ sanganya ya ntshɔ la tosambisha yalɔngɔsɔma l’etshumanelo lo dihole dia mbɔsaka tɛdikɔ shoamɛmɛ dia sambisha. Kamba kâmɛ l’olui tondjaka ɛlɔlɔ wa lâdiko oko: sambisha dimɛna efula ndo ekeketshelo l’asanyu.
Taahe 18: Losha la dibuku Le plus grand homme lo Mam’ɛkɔngɔ la Tange. Dibuku nɛ diekɔ ohomba efula. Kama ya miliyɔ y’anto shikikɛka ɔnɛ ambeki wa Yeso mbewɔ ndo ɔnɛ vɔ mbetawɔka wetshelo ande. Anto wekɔ l’ohomba wa mbeya kɛnɛ katshikitanya Yeso l’anto akina tshɛ; panda kawɔ nɛmanɛka la dikambo sɔ. Lo dibuku Le plus grand homme, tshapita 133, sho mbalaka ɔnkɔnɛ: “Asolo aso kɛtaka efula lam’ɛnaso woho wa dihonga dioleki, dionga dia pami, lomba loleki tshɛ, yewo ya ndakanya, otema wolo, kɛtshi ndo woho wakandayadjaka lo dihole di’anto akina.” Bible mbowɛnyaka hwe oko: (1) Ɔmɛnyi (Joani 18:37), (2) Oshimbedi (Etsha 4:12) ndo (3) Nkumekanga (Eny. 11:15). Ɛnyɛlɔ: opandjudi ɔmɔtshi wakoka ayakimanyiya la tokanyi tɔmɔtshi tele la diko lo mɛnya dibuku. Keketsha apandjudi tshɛ dia vɔ mɛnyanya dibuku sɔ lo Mam’ɛkɔngɔ la Tange. Ɛtɛkɛta wa ndjihelo.
Osambu 76 ndo dɔmbɛlɔ dia ndjihelo.