Tɛnya ɔnɛ Tekɔ lo Ndjakiyanya lo Dikambo dia Akina lo Salaka Waendelo w’Eyoyo
1 Sho mɛnyaka saki kaso lo mbisha anyaso diaaso dia vɔ mboka losango la Diolelo lam’ayangaso anto wayasha lo losango lakɔ lo luudu la luudu. Lâsɔ todje yimba dia kalolaka le anto wakatatshikɛ ekanda lo Ngɔndɔ ka Samalo, nɛ dia ɔsɔ ekɔ yoho yoleki dimɛna ya mɛnya ɔnɛ tekɔ lo ndjakiyanya lo dikambo di’akina.
2 Naka dibuku “Que ton royaume vienne!” mbakatatshike, kete sho kokaka nyomosawola la wɔ lo yoho yayela nyɛ:
◼ “Mbala ka komelo kakatɛnana, takasawola lo dikambo dia Diolelo dia Nzambi ndo dia kɛnɛ kayodotosalɛ. Kem’edja Diolelo sɔ diayokadimola nkɛtɛ paradiso. Lam’ele tatɛnaka paradiso ndoko lushi, ondo ayonga wolo sho fɔnya kɛmɔtshi lo yimba. Hɛnyi woho wokokiso ndjâla. [Towɛnya sango diele lo lɛkɛ 4 la 5.] Dia paradiso kɛnɛ mbatɛkɛtaso lo Bible.” Tale Osambu 72:7. Naka onto akɔ ekɔ lo mɛnya saki, tofole dibuku lo lɛkɛ 175, l’odingɔ 3 la 4, ndo tɔtɛtɛ dia kɛnɛ kahombaso sala naka sho nangaka ndjâla la lɔsɛnɔ lo paradiso ka lo nshi yayaye.
3 Hɛnyi woho wa sala naka takatshike dibuku “Bonheur”:
◼ “Sho tshɛ kombolaka ndjala l’ɔngɛnɔngɛnɔ. anto efula wekɔ la lokanyi l’ɔnɛ hatokokaki ndjala l’ɔngɛnɔngɛnɔ w’oshika l’andja wa nshi nyɛ pondjo. Ko wɛ akanyiyɛ lo dikambo sɔ na? [Totshike onto akɔ etena akadimole.] Vɔ mbutaka ɔnɛ ɔngɛnɔngɛnɔ ekɔ dionga dia lo yimba. Naka yimba yaso yekɔ tɔ la ngandji ka anyaso, la dilɛmiɛlɔ otsha le Nzambi ndo l’elongamelo k’oshika ka lo nshi yayaye, kete sho kokaka mɛtɛ ndjâla l’ɔngɛnɔngɛnɔ kânga mbeso l’ekakatanu.” Tale Osambu 119:1, 2. Tôlembetshiya ɔnɛ wekelo wa Bible tolakanyaka woho wa nanga onyaso, wa nɛmbiya Nzambi ndo wa tana elongamelo kasha ekeketshelo lo dikambo dia nshi yayaye.
4 Naka dibuku “La paix et la sécurité véritables: comment est-ce possible?” mbakatatshike, kete sho mbuta lo tshena pe ɔnɛ:
◼ Ewandji wa l’andja ɔnɛ hawoyokoka dia mbidja ki la lotui tshitshi. Jehowa Nzambi ndamɛ oto mbele la wolo wa sala dikambo sɔ. Bible tolembetshiyaka kɛnɛ kahombaso sala. [Tɔkɛtshanya la nde lo tokanyi tele l’odingɔ 1 la 2 wa lo lɛkɛ 175, l’ɔkɔngɔ ko sho mbala Isaya 26:4.] Nte kɛnya woho wokoki dibuku nɛ kokimanyiya.
5 Sho kokaka mbutɛ onto lakatatshikɛ biukubuku “Onde na Nzambi tokaneka mete ondo?” ɔnɛ:
◼ “Mbala ketshi lakakotshikɛ biukubuku mɔtshi ya nganɛ yôka dimbola di’ohomba efula ɔnɛ: ‘Onde na Nzambi tokaneka mete ondo?’ L’ɔkɔngɔ a wɛ ndjiala, lokanyi lakɔna lakonge la yɛ? [Totshike onto akɔ etena akadimole.] Mɛtɛ wɛ akakeketshama oma lo walelo w’avɛsa watɛkɛta dia andja w’oyoyo wa paradiso, lɛnɛ ayototodjasɛ lo wɔladi. [Towɛnya sango diele lo lɛkɛ 2 la 3, ndo tɔsɔtɔlɛ akambo amɔtshi w’amɛna wa l’andja ɔsɔ w’oyoyo.] Lamboyashikikɛ dia wɛ la wanɛ walangayɛ, nyu kombolaka ndjâla la lɔsɛnɔ l’andja wa nganɛ. Lembetɛ kɛnɛ kata odingɔ 16, lo lɛkɛ 31, lo dikambo sɔ.” Tale odingɔ akɔ, ndo toke epole ɔsɛkɛ ɔnɛ nyanga Jehowa kɛdikɛdi mbaka akambo efula wendana la nde ndo l’asangwelo ande oma lo wekelo wa Bible, Dui diande.
6 Jehowa ekɔ ɛnyɛlɔ ka kokele k’Olami wahokɛ lutui ɔlɔlɔ ndo wakokɛ ɛkɔkɔ ande. (Ezek. 34:11-14) Weolo wadjaso l’otema ɔtɔi dia mbôkoya lo dikambo sɔ mɛnyaka ngandji kaso ndo kondjiyɛka anyaso ɛlɔlɔ efula.